103
daha çox faktoqrafik informasiyaya tələbat yaranır. Lakin
bu kateqoriyaya daxil olan şəxslərin informasiya marağı
diapazonuna görə əhəmiyyətli dərəcədə fərqlənə bilər.
3.3. İnformasiya tələbatının öyrənilməsi və təqdim
edilməsi üsulları
İnformasiya tələbatının öyrənilməsi üsullarını ümumi
halda iki qrupa bölmək olar:
- birbaşa üsullar;
- əlavə (köməkçi) üsullar
Birbaşa üsullar – subyektin qarşısında duran vəzifələ-
rin, onun həll etdiyi məsələlərin sistemli təhlilinə əsasla-
nır və obyektiv zəruri olan informasiyanı aşkar etmək
üçün onun fəaliyyət göstərdiyi konkret vəziyyətin öyrənil-
məsinə yönəlmiş olur.
Əlavə (köməkçi) üsullar – anketləşdirmə, istifadəçi is-
tinadlarının təhlili, müsahibə götürmək və s. yolu ilə möv-
zu sahəsində istifadəçilərin fikirlərinin öyrənilməsinə
əsaslanır. Bu üsulların çatışmazlığı ondan ibarətdir ki, in-
formasiya tələbatları haqqında mülahizə insanların sub-
yektiv fikirləri və ya onların məhdud praktiki təcrübəsi
əsasında qurula bilər.
İnformasiya tələbatının öyrənilməsinin funksional və-
zifələrin təhlilinə əsaslanan üsulları subyektin xidməti və-
ziyyətinə uyğun və peşəkar fəaliyyət sahəsində qərarların
qəbul edilməsi üçün zəruri olan informasiya ilə təmin
olunmasından ibarətdir.
Subyektin funksional vəzifələrinin sistemli təhlili əsa-
sında onun fəaliyyəti üçün zəruri olan biliklərin həcmi
müəyyən edilir. Burada sistemli təhlilin aparılması çox
104
vacibdir. Bir çox hallarda fərdin müəyyən sahədə fəaliy-
yəti digər sahələrlə bağlı olur. Bilavasitə vəzifələrini yeri-
nə yetirmək üçün ona yalnız dar mövzuda (bir mövzu sa-
həsində) deyil, eyni zamanda qeyri-profil sahələrinə aid
böyük həcmdə məlumatlar lazım olur.
Subyektin sahələrarası bu əlaqələri heç də həmişə düzgün
təsəvvür etmirlər. Bir qayda olaraq, funksional vəzifələrin
sistemli təhlili nəticəsində belə əlaqələr aşkar olunur. Bunla-
rın da əsasında subyektin qarşısında duran, həlli zəruri olan
məsələlər müəyən edilir və subyektə lazım ola biləcək infor-
masiya ehtiyatlarının (məlumatların, sənədlərin və s.)
siyahısı formalaşdırılır. Nəticədə, subyektin fəaliyyətinin in-
formasiya modeli (“informasiya pasportu”) qurulmuş olur.
Fəaliyyətin informasiya modeli özündə real informasiya
tələbatını əks etdirir. Qeyd olunduğu kimi, subyekt lazım
olan informasiyanı əldə etmək üçün zəruri sorğunu özünün
dərk etdiyi informasiya tələbatı əsasında formalaşdırır və İS-ə
təqdim edir. Əksər hallarda dərk edilmiş informasiya tələbatı
real informasiya tələbatına uyğun olmur, ona görə də isti-
fadəçinin sorğusu reallığı tam dolğun və düzgün əks etdirmir.
3.4. İnformasiya tələbatının modeli
Ümumiyyətlə, istənilən fəaliyyəti aşağıdakı dördlük
vasitəsilə ifadə etmək olar:
=
, , ,
,
(3.1)
burada S – fəaliyyəti yerinə yetirən subyekt, P – fəaliyyətin
yönəldiyi obyekt, yerinə yetirildiyi mövzu sahəsi, A – fəa-
liyyətin məqsədi, V – fəaliyyətin həyata keçirilməsi vasi-
tələri, mexanizmləridir.
105
Burada subyekt dedikdə formasından, növündən, möv-
zu sahəsindən, əhatəliliyindən və təyinatından asılı olma-
yaraq hər hansı informasiyaya tələbatı yaradan fəaliyyəti
həyata keçirən insanlar, fərdlər, kollektivlər (müəyyən
fəaliyyət və ya maraq sahəsi üzrə insan qrupları), təşki-
latlar və s. başa düşülür.
(3.1) modelinə daxil olan elementlər arasında əlaqələr
fəaliyyətin subyekti vasitəsilə həyata keçirilir. Belə ki,
subyekt fəaliyyətinin məqsədini müəyyən mexanizm-
lərdən istifadə etməklə yerinə yetirdiyi hərəkət və əməllər
sistemi vasitəsilə obyektdə (mövzu sahəsində) reallaşdırır.
Subyekt fəaliyyətini həyata keçirməzdən əvvəl, bir
qayda olaraq, onu öz şüurunda planlaşdırır və onun infor-
masiya modelini qurur. Bu model informasiya xarakterli
olub, subyektin malik olduğu biliklər sistemi əsasında
onun şüurunda formalaşır. İnformasiya modelində fəaliy-
yətin obyektiv şərtlərinin qabaqcadan əks olunması və
subyektiv obrazının qurulması onun məqsədyönlü idarə
olunmasını təmin edir. Ona görə də fəaliyyətin uğurla nə-
ticələnməsi və qarşıya qoyulan məqsədin əldə olunması
subyektin zəruri informasiyaya malik olub-olmaması də-
rəcəsindən, yəni onun potensialından bilavasitə asılı olur.
Nəticə etibarı ilə insanın şüuru fəaliyyətin idarə edilməsi-
nin başlıca mexanizminə çevrilir, vadaredici, nizamlayıcı
və nəzarətedici kimi funksiyaları yerinə yetirir.
Əksər hallarda şüurda fəaliyyətin tam informasiya mo-
delinin qurulması müəyyən çətinliklərlə qarşılaşır, müva-
fiq informasiya təminatı və əlavə istiqamətlənmə olmadan
onun həyata keçirilməsi mümkün olmur. Ona görə də
subyekt öz fəaliyyəti üçün çatışmayan informasiyanın
əldə olunması istiqamətində tədbirlər görmək zərurətində
qalır.
106
3.5. İnformasiya tələbatının formalaşması
mərhələləri
Qeyd edildiyi kimi, informasiya tələbatı hər hansı fəa-
liyyət prosesində meydana çıxır və onun məzmununa bu
fəaliyyəti həyata keçirən subyektlərin sosial-demoqrafik,
şəxsi və işgüzar keyfiyyətləri (təhsil səviyyəsi, dünyagö-
rüşü, iş və həyat təcrübəsi, şəxsi maraqları və s.) təsir edir.
Qeyd etmək lazımdır ki, insanın istənilən fəaliyyəti onda
informasiya tələbatının formalaşmasına gətirib çıxarmır. Bu,
hər şeydən əvvəl fəaliyyətin xarakterindən, obyektindən,
məqsədindən və subyektin informasiya potensialından asılı
olur. Əgər subyekt qarşısında duran məqsədi reallaşdırmaq
üçün əvvəllər həyata keçirdiyi fəaliyyəti təkrar edirsə və ya
obyekt ona tam (və ya qismən) məlumdursa, onda əlavə in-
formasiyanın alınmasına zərurət az olacaq və ya müəyyən
müddət ərzində belə zərurət ümumiyyətlə aradan qalxacaq-
dır. Başqa sözlə, hər hansı peşəkar və ya qeyri-peşəkar fəa-
liyyət təkrarlanan xarakter daşıyırsa, əvvəllər əldə olunmuş
informasiyaya və həyat təcrübəsinə əsaslanırsa, subyekt ki-
fayət qədər biliyə və ya təcrübəyə malikdirsə, onda yeni in-
formasiyanın alınmasına tələbat minimal olur.
Ümumiyyətlə, informasiya tələbatının formalaşmasın-
da əsas üç amil mühüm rol oynayır:
- tələbatın mövcudluğu – fəaliyyətlə bağlı biliklərə
ehtiyacın yaranması, tələb olunan biliklərin formalaş-
ması üçün informasiya çatışmazlığının hiss olunması
və onun aradan qaldırılmasına səy göstərilməsi;
- tələbatın məzmunu – tələb olunan informasiyanın
tematikası, məzmunu, forması tutumu, eləcə də
mövcudluğu barədə məlumatın olması;
Dostları ilə paylaş: |