Ölkəmizdə kifayət
qədər görməli, gəzməli yerlər var ki, xaricilərlə yanaşı yerli
əhalinin də marağına səbəb olub. Adını, səfalı təbiətini eşidənlər Qəbələni də gəzmək
sevdasına düşürlər. Yurdumuzun hər parçası tarixi insan məskəni olduğu üçün hamımıza
əzizdir və maraq dünyasının min bir sual doğuracaq məqamları sirli aləmin açılmasında
bugünün sakininə özü şahidlik edirsə niyə vətən torpağını qarış-qarış gəzməyəsən.?
Qəbələ də tarixin canlı şahidi, təbiətin nadir incisi, dağların əhatəsində öz gözəl görünüşü
ilə diqqəti çəkən rayonlardan biridir. İstər təbii şəraitinə, coğrafi vəziyyətinə,
istərsə də
mövcud tarixinə görə dünyanın sayılıb-seçilən turizm bölgəsinə çevrilmək imkanı artıq
bəhrəsini verməkdədir.
Yay aylarında bura insan axını başlayır. Bu məqsədlə yaradılan turizm-istirahət
məkanları müştərilərinə özünəməxsus xidmətləriylə seçilirlər. Hər birinin özəl
üstünlükləri turistlərin diqqətini çəkir.
“Xanlar” istirahət mərkəzi kulinariya xidməti sahəsində xüsusi istedad və qabiliyyətə
malik olan
Xanlar Kərimovun adı ilə deyilir. Qəbələ-Xanlar restoranları Bakıda,
Nabranda, Moskvada və sairə yerlərdə müştərilərə xidmət göstərir. Qəbələli iş adamı
respublikanın əksər guşələrində özünün filiallarını qurub və xidmət üslubuna görə
fərqlənir. Hətta deyilənlərə görə buranın müştəriləri Qəbələnin Dovşan dağından gətirilən
bulaq
suyunu kuzələrdə içir, Həmzəlli kəndindən alınan qoz halvasından dada bilir, ov
ətindən hazırlanan yeməklərdən həzz alır, qızıl gül suyundan, qoz və bənövşə
mürəbbəsindən içilən çay da ürəklərə yatır, bir sözlə o bölgənin ətrini, iyini uzaqda da olsa
bu balaca məkanda hiss edirlər.
O ki, qaldı Qəbələ şəhərinin şimalında, dağ yamacında, meşəlikdə yerləşən,
ilin bütün
fəsillərində istirahət üçün hər cür şəraiti olan “Xanlar” istirahət mərkəzinə-buranı
görənlərin yaddaşında silinməz xatirələr qalır. Əgər rayondan kənarda “Xanlar”
restoranlarında hər şey Qəbələdən soraq verirsə, Qəbələnin özündə, bu istirahət
mərkəzində elə Qəbələ olduğu kimi, nəyi varsa, bütün yeməkləriylə, dadı, tamı və
xidməti, bir sözlə qonaqpərvərliyi ilə göz qarşısındadır. Təsadüfi deyil ki,
mərkəz
Azərbaycan Turizm Nazirliyinin kulinariyanın təşkili üzrə keçirdiyi müsabiqələrdə də
qalib olub və birinci dərəcəli diploma layiq görülüb...
Turistlərin əksəriyyəti isə
“Sahil”də Nohur gölün ətrafında dincəlir, təbiətin aynası
sayılan bu ərazidə hər cür şəraiti olan qonaq evlərində özlərinə rahatlıq tapır, bir neçə gün
canlı təbiətlə təmasda olurlar. Ətrafa xüsusi gözəllik verən bu su hövzəsində qayıqla
gəzinti, yayın qaynar günlərində təbii çimərlik və beş hektardan artıq meşə yaşıllığına
bürünən ərazi dincəlmək üçün əsl sakit guşə hesab edilir. Ailəsiylə buranı seçənlər də
məmnun qalırlar. Xarici turistlərdən bəziləri burada məskən salır və elə yay ayları olur ki,
onların əlindən boş yer tapmaq mümkün deyil.
“Sahil” İstirahət Mərkəzi 1990-cı ildən fəaliyyətə başlayıb. Eyni vaxtda 80 nəfərə
xidmət göstərmək mümkündür. Otaqlarda yaşayış üçün tam şərait var və təbiətin
qoynunda tikilən 25 ev sadə görünüşü ilə diqqəti çəkdiyindən, ətrafdakı gölün də ecazkar
görünüşü buranı seçənləri məftun edir. Müştəri ilə ünsiyyət saxlamaq bacarığı, ən əsas da
Nohurun gözəlliyi ailə məkanının şöhrətini artırıb. Xoşa
gələn cəhətlərdən biri də
mərkəzdə əhalinin asudə vaxtının səmərəli təşkili üçün burada futbol, voleybol
meydançası, tennis və bilyard zalının istifadəyə verilməsidir.
Atla dağlara səyahət isə daha maraqlı və arzulanandır. Heç ömründə atın təkinə
qalxmayanlar, birdən-birə bu heyvanla gəzintiyə çıxmaq istədikdə təbii ki, çətinliklə
üzləşə bilərlər. Mərkəzin üstünlüyü də odur ki, şəhərdən gələnlər üçün xüsusi təlim
saatları keçirilir və qısa vaxt ərzində atla ünsiyyət qurmaq vərdişi “Sahil”çilər
tərəfindən
müştərilərə öyrədilir. Nəhayət uca dağlar qoynunda gəzintilər röyadan gerçəyə dönür.
Yaxşı xidmət görən ailələr qaldıqları evləri tez təhvil verməyi düşünmür, nəticədə
“Sahil”də dincəlmək üçün bir il öncə növbə tutmaq lazım gəlir.
İstirahət mərkəzinin beş hektara yaxın ərazisi Qəbələnin heyvanat aləmi ilə zəngindir.
Yarısı yaşıl meşə örtüyü, yarısı da uca dağların mənzərəsi ilə əhatə olunan çimərlik üçün
yararlı şəffaf göl və təbiətin ağuşunda tikilən evlər insanın çölü-biyabanda yaşamaq
arzusunu həqiqətən də bir neçə gün reallığa çevirir. Hələ üstəlik bu mərkəzin yol üstündə
olması və burada yüksək qulluq müştəriləri razı saldığından “Sahil”
sevilən məkanlardan
biridir.
Təbiəti qış aylarında da füsunkar olduğundan hər tərəf qar örtüyünə bürünəndə buranın
görünüşü daha cazibədardır. Məhz buna görə də soyuq vaxtlarda, yəni qarlı günlərdə
qonaqlı-qaralı olan istirahət mərkəzi bu fəsildə də hamının üzünə açıqdır. Rayona gələn
rəsmi şəxslər, hörmətli qonaqlar da “Sahil”də ayaq saxlayırlar. Respublikamızda səfərdə
olan Səudiyyə Ərəbistanının nümayəndə heyəti Qəbələdə olarkən qar üstündə
gəzintilərdən və ucqar məkanda qarşılaşdıqları zövqlü xidmətdən razı qayıtmışdılar. Belə
ki, mətbəxində eyni zamanda Avropa yeməkləri də üstünlük təşkil etdiyindən əcnəbilərin
tələbatını ödəyir...
“Ay işığı” pansionatı meşə ərazisində Dəmiraparan çayının sahilində yerləşir.
Qonaqların arzusundan asılı olaraq səyahət və ekskursiyalar,
piyada və atla dağ gəzintisi,
həmçinin digər macəralar təşkil edilir. On hektar ərazini əhatə edən istirahət zonasında 60
yerlik yataq dəsti var.
“Çənlibel” istirahət mərkəzinin ərazisi isə tamamilə dağlıqdır və beş hektardan artıq
ərazi turistlərin ixtiyarındadır. Qəbələnin şimal hissəsində yerləşən bu məkanda bir dəfəyə
40 nəfərdən artıq qonağa xidmət etmək mümkündür.
“Selbasar” isə Vəndam çayının sağ sahilində, Bakı- Qəbələ yolunun sol sahilində
yerləşir. 30 yerlikdir, 100 nəfərlik konfrans zalı və digər üstün şəraitləri var.
“Ay işığı” ilə “Xanlar” pansionatının aralığında, meşə zolağında daha bir istirahət
mərkəzi
“Tərkeş” istirahət evi də yaradılıb.
“Semerana” istirahət mərkəzi də yüksək zövqlə tikilən turizm müəssisələrindən
biridir. Burada hər cür zövqə uyğun şərait var.
Həm yerli sakinlərin, həm də xaricilərin
maraqla seyr etdiyi məkandır. Təbiətin qoynunda yaradılan bu möhtəşəm aləmdə elə bil
nağıllar dünyasındasan. Qışda da, yayda da möcüzədir başdan-başa.
“Duyma” idman və sağlamlıq kompleksi isə Vəndam kəndinin yuxarısında, dağların
qoynunda yerləşir. Burada bütün tələbatlara cavab verən hotel də turistlərin və bölgəyə
gələn qonaqların ixtiyarındadır. Gözəl zövqlə tikilən bu sağlamlıq mərkəzi düz dağın
dibindədir. Bir neçə metr hündürlükdən tökülən şəlalə hotelin pəncərəsindən baxanların