Məşhur xeyriyyəçi Mahmud Ağa və naməlum muğam universiteti
239
şəbbüsü və təşkilatçılığı ilə Azərbaycan müəllimlərinin birinci
qurultayı hazırlanır və keçirilir. Uzun müddət müəllim, məktəb
direktoru olub, şəhər dumasına deputat seçilir, Sosial təşkilat
komissiyasının (1920) üzvü kimi o, Ali Pedaqoji institutun
təşkilində fəal iştirak edir və əvvəl burada direktor müavi-
ni, sonra isə direktor vəzifəsində çalışır. Həbib bəy 42 il pe-
daqoji fəaliyyətilə məşğul olmuşdur. 1914-cü ildə Bakı şəhər
Dumasının qərarı ilə həmin məktəbə onun adı verilmişdir. O,
təkcə pedaqoji fəaliyyətlə məşğul olmaqdan başqa, həmçinin
Azərbaycan dram teatrının yaradılmasında da bilavasitə iştirak
etmişdir. Həbib bəy Azərbaycanda ilk teatr truppasını təşkil et-
mişdi, ona rəhbərlik edirdi və maliyyələşdirirdi. Həbib bəyin
necə ata, ailə başçısı olması barədə oğlu Xəlil xatirələrində belə
yazır: “1920-ci ildə - artıq 17 yaşımda atama payok gətirirdim.
Burada ərzaqdan savayı tütün də olardı. Atam bilirdi ki, mən
siqaret çəkirəm. Ona görə də öz tütün payından mənə də bir
qədər ayırardı. Lakin bir dəfə də olsun onun yanında tütün çək-
mədim. O zaman kimsə atasının yanında nə siqaret çəkərdi, nə
də ki, araq içərdi. Biz 3 qardaş atamın qoyduğu qaydaları və
elimizin müqəddəs adətlərini bir dəfə də olsun pozmadıq. Ataya
hörmət etmək, anaya rəğbət bəsləmək ailəmizin kökündən gə-
lən dəyişilməz bir qanun idi. Bu qanunları göz bəbəyi kimi qo-
ruyurduq”.
1923-cü ildə Bakı Şəhər Təhsil Şöbəsinin qərarı ilə 2
nömrəli Bakı şəhər məktəbinə Həbib bəyin adı verilir. 1928-ci
ildə Həbib bəy vəfat edir.
Təxminən, on il sonra, 1936-37-ci illərdə onun 3 oğlu so-
vet rejiminin düşməni kimi həbs edilir və bununla əlaqədar hə-
min məktəbdən Həbib bəyin adını tamamilə götürürlər. Həbib
bəyin vəfatından 30 ilə yaxın vaxt keçsə də, onun Azərbay-
canda maarifin, mədəniyyətin inkişafı üçün gördüyü böyük
işlər; ilk dünyəvi rus-tatar məktəbi, ilk rus-tatar kitabxanası ya-
ratması,ilk teatr truppasını təşkil etməsi, siyasi fəaliyyəti res-
publika hökuməti tərəfindən nəzərə alınıır və onun adı yenidən
Seyfəddin Qəniyev, Səadət Veysova
240
məktəbə qaytarılır. Ölümündən bir az qabaq Həbib bəy
Mahmudbəyov həyat amalı haqqında belə yazırdı:
«Mənim
məqsədim həmişə təhsil sahəsində xalqıma xidmət etmək istəyi
olmuş və çalışmışam
ki, yeni məktəblər, institutlar, texnikumlar
yaradılsın».
H.Mahmudbəyovun həyat yoldaşı Kəbutər xanım Rza
bəy qızı 1874-cü ildə Şamaxıda dünyaya gəlib, 1943-cü ildə
vəfat etmişdir. O, gözüaçıq, ağıllı və mehriban qadın idi. Onun
Şirvanda məşhur və tanınmış nəslinin kökləri əsilzadələrə
çıxırdı. Oğlu Xəlil bəyin xatirələrində
bir neçə cümlə ilə
Kəbutər xanımın müqəddəs ana surəti belə cızılır: “Anam
haqqında qısaca onu deyə bilərəm ki, Kəbubər xanım Rza bəy
qızı 3 bacı, 3 qardaş olublar. Kişilərin hamısı yaxşı oxuyub
yazmağı bacarır və həm də rus dilində kifayət qədər yaxşı
danışırdılar. Anam da atalarından babalarından gələn bilik və
təcrübəyə uyğun fərqli dünyagörüşü ilə hamıdan seçilərdi.
Onun davranışlarında əsrlərin dərinliyindən soykökünə xas
nəciblik və alicənablıq özünü büruzə verər, bu qadını
dinləyənləri valeh edərdi. O, ürəyi riqqətə gətirəcək dərəcədə
sadə, həlim və mehriban bir qadın idi. Biz - onun uşaqları
aradan uzun illər ötdükdən sonra belə keçmişi xatırlayanda bir
dəfə də olsun anamızın üstümüzə səsini qaldırmasını, bizə
əsəbiləşməsini yadımıza sala bilmədik. Əksinə, onun həssaslığı,
mehribanlığı və can yanalağı xatirələrimizin çələnginə çiçəklər
kimi hörüldü.
Atama qarşı da qəlbində böyük rəğbət və sevgi yaşadardı.
Atam dünyasını dəyişəndən sonra anamın necə qəfildən solub
şam kimi sönməsini görəndə onun atama necə dərindən
bağlı olduğunu dərk etdik. Həyat yoldaşının ölümü onu
sarsıtmışdı. Bundan başqa əlil qızı və repressiyalara məruz
qalan 3 oğula dəyən zərbələr də anamın nikbinliyini qırmış,
ədalətin, haqqın gücünə olan inamını sarsıtmışdı. Anam
Kəbutər xanım ömrünü və qalan sağlamlığını şam kimi bizim
qismətimizə çökən qaranlıqları dağıtmaq üçün yandırdı və artıq
Məşhur xeyriyyəçi Mahmud Ağa və naməlum muğam universiteti
241
heç nəyə gücü çatmayanda dünyasını dəyişdi.”
Həbib bəyin Şamil, Kamil və Xəlil adlı üç oğlu və Sona
adlı bir qızı olub. Mahmud Ağanın nəsil şəcərəsində bu dörd
övlad nəticə yerini tutur. Onların haqqında da ayrıca
danışmaq və xatirələri vərəqləmək gərəkdir.
Seyfəddin Qəniyev, Səadət Veysova
242
Həbib bəyin oğlu Şamil bəy Mahmudbəyov
(1898-1937)
Şamil bəy 1898-ci ildə
Bakıda doğulmuşdur. 1915-ci ildə
Bakı realnı məktəbi bitirmiş, 1916-
cı ildə Kiyev şəhərində Politexnik
İnstitutuna daxil olmuşdur. O,
musiqini çox sevirdi. Skripkada və
gitarada gözəl çala bilirdi. Lakin
Birinci Dünya müharibəsi illərində,
gizli partiya fəaliyyəti və səh-
hətindəki problemlər ona institutu
qurtarmağa imkan vermədi. 1919-cu
ildə xəstə Şamil Bakıya qayıdanda
Petrov limanında onu şübhəli adam
kimi tuturlar. Güllələnməyə aparıl-
dıqda təsadüf nəticəsində uzaq qo-
humu çar ordusunun zabiti Şepelev-
lə rastlaşır və onun sayəsində ölüm-
dən qurtarır.
Azərbaycanda sovet hakimiyyəti qurulduğu ilk gündən o,
bolşevik dəstəsinə qoşulur və Bakıda işləyir. Şamil Azərbaycan
İnqilab Komitəsinin sədri N.Nərimanovun katibi olur. Onun
İnqilab Komitəsinin sədrinin katibi vəzifəsinə təyin edilməsinin
maraqlı tarixçəsi var. Məsələ burasında idi ki, Nəriman Nəri-
manov şəxsən Şamilin atası Həbib bəylə tanış idi. Ümu-
miyyətlə bu nəsil və onların gördüyü nəcib işlər haqqında məlu-
matlı idi. Nərimanov bilirdi ki, XX əsrin əvvəlində Bakı mil-
yonçularının gördüyü nəcib işlərin təməli XIX əsrdə Mahmud-
bəyovlar tərəfindən qoyulub. Azərbaycanın gələcəyini, xalqının
inkişafını düşünən bir rəhbər üçün belə şəxsiyyətlərin seçilib
irəli çəkilməsi ümdə bir vəzifə daşıyırdı.
Şamil bəy Həbib bəy
oğlu
Dostları ilə paylaş: |