_____________Milli Kitabxana_____________
57
siniflərdə həmin proqramın yeni variantından istifadə edilir. Burada dövlət,
cəmiyyət və xüsusi məktəblərin tədris planları və proqramları eynidir.
Məktəb riyaziyyat kursu proqramlarında aparılan islahatların əsasında
aşağıdakı prinsiplər rəhbər tutulmuşdur.
1) məktəb riyaziyyat kursu bütün şagirdlərə, onların peşə seçimindən asılı
olmayaraq, biliklərin əsasını verməlidir; 2) təlimin həcmi, məzmunu və metodları
şagirdlərin yaşına optimal uyğun olmalıdır; 3) şagirdlərdə riyazi təfəkkür inkişaf
etdirmək və təcrübi məsələləri riyazi düşünmək bacarığı aşılanmalıdır; 4) bütün üç
mərhələdə riyazi təlimdə varislik təmin olunmalıdır. İslahatlar əvvəlki proqramın
ideya strukturunu dəyişməmişdir. Yeni kurs çoxluqlar nəzəriyyəsi əsasında qurul-
muşdur. Lakin çoxluq müvafiq hallarda xatırladılır və onun haqqında intuitiv
danışılır. Məsələn, ibtidai siniflərdə tək və cüt ədədlərə natural ədədlər sinfinin alt
çoxluğu kimi baxılır. Orta məktəbin aşağı pilləsində parçanın orta perpendikul-
yarının və bucağın tənböləninin müəyyən xassələri nöqtələr çoxluğu kimi təqdim
edilməsinə baxmayaraq həndəsi fiqurun ümumi tərifi nöqtələr çoxluğu kimi
verilmir. Hər bir sinfin proqramı “məqsəd” bəndi ilə başlayır və burada təlimin
həmin mərhələsinin əsas məsələləri sadalanır. Sonra proqramın məzmunu və
burada yalnız əsas anlayışlar və şagirdlərin alacaqları vərdişlər göstərilir. Tədrisdə
mövzuların müfəssəl şərhi və ardıcıllığın ciddi gözlənilməsi nəzərdən keçirilmir.
Şərhin ardıcıllığını müəllim özü müəyyən etməlidir. Hər bir mövzunun “ideyanı,
metodları və s. tədricən başa düşməkdə şagirdlərə kömək etmək” sözləri ilə
başlaması səciyyəvidir. Mövzulardan sonra “istilah və işarə” qeydləri gəlir. Hər bir
sinfin proqramı “məzmun üzrə qeydlər” ilə qurtarır, burada hər bir bölmə üzrə
şagirdlərin bilik və bacarığına verilən tələblər dəqiqləşdirilir. Yenə ibtidai
məktəbin proqramı 4 bölmədən ibarətdir və məzmununda əsaslı dəyişikliklər
edilməmişdir. Orta məktəbin aşağı pilləsinin proqramında riyaziyyat kursunun
məzmunu yuxarıda göstərdiyimiz 1)-4) bölmələri üzrə inkişaf edir. Göründüyü
kimi əsas anlayışlar və ideyalar qalmaqla “çoxluq və məntiq” bölməsi
çıxarılmışdır. Lakin orta məktəbin yuxarı pilləsində bu bölmə daha dərindən
öyrənilir. Yaponiyanın orta məktəblərinin riyaziyyat proqramında mövzular əsasən
_____________Milli Kitabxana_____________
58
şagirdlərin ümumiləşdirmə qabiliyyətinin inkişaf etdirilməsi üzrə düzülür, ali
riyaziyyat elementlərindən geniş istifadə olunur.
Yuxarı orta məktəbdə şagirdlər peşə yönümü üzrə kompleksləşdirilir –
akademik, ticarət, evdarlıq, texnika, kənd təsərrüfatı və s. Şagirdləri əsasən
universitetlərə daxil olmaq üçün hazırlayan akademik birləşmənin iki istiqaməti
vardır: təbiətşünaslıq və humanitar.
Yaponiyanın orta məktəblərində məktəb riyaziyyat kursunun vahid formada
verilməsi, onun hər bir bölmələri arasındakı əlaqənin dərk olunması şagirdlərin
ümumiləşdirmə qabiliyyətinin inkişaf etdirilməsi baxımından olduqca maraqlıdır.
Məlumdur ki, bu ölkənin bütün sahələr üzrə istehsalı keyfiyyətlidir. Onların
məktəb üçün riyaziyyat proqramları və bunların əsasında yazılmış dərslik, dərs
vəsaiti, habelə metodik ədəbiyyatı riyazi təhsilin metodik sistemini inkişaf
etdirmək və ümumiləşdirməni həyata keçirmək üçün faydalıdır.
Çin ümumtəhsil məktəblərinin məqsədi gənclərə, əmək fəaliyyətinə
başlamaları, müasir cəmiyyətə lazım olan peşə qazanmaları üçün, əsas bilikləri
verməkdir. Buna uyğun olaraq məktəb riyaziyyat təliminin məqsədi proqram və
dərsliklərdə göstərilir.
İbtidai məktəbdə – şagirdləri əsas ədədi münasibətlər və həndəsi fiqurlarla
tanış etmək, onlara natural ədədlər, adi və onluq kəsrlər üzərində əməlləri cəld və
səhvsiz aparmağı öyrətmək, məntiqi təfəkkür, fəza təsəvvürünə dair elementar
qabiliyyətlər, aldıqları bilikləri gündəlik həyatdakı məsələlərin həllində istifadə
etmək bacarığı formalaşdırmaq; orta məktəbdə – şagirdlərin təbiət və texniki
fənləri öyrənmələri üçün riyaziyyatdan əsas məlumatları alması, riyazi əməliyyat
və çevirmələri cəld və dəqiq yerinə yetirmələri, fəza təsəvvürü və məntiqi
təfəkkürün məqsədəuyğun inkişaf etdirilməsi nəzərdə tutulur. Çin orta məktəb-
lərində riyaziyyatın öyrənilməsinə ənənəvi olaraq çox vaxt verilir. İbtidai
məktəbdə (I-V siniflər) I sinifdə həftədə 5, II və III siniflərin hər birində 4, IV və V
–də 7, orta məktəbin aşağı pilləsinin I, II, III siniflərində
1
uyğun olaraq həftədə 5,
6, 6 yuxarı pillənin I, II, III siniflərinin hər birində həftədə 5 saat vaxt verilir.
1
Burada nömrələmə Yaponlardakı kimidir
_____________Milli Kitabxana_____________
59
Orta məktəbin aşağı siniflərinin proqramına rasional ədədlər, tam və kəsr
ifadələr, birdərəcəli tənliklər və onların sistemi, bərabərsizliklər, kök və qüvvət,
kvadrat tənliklər, loqarifmalar, üçbucaqların həlli, çevrə və dairə, düz və tərs
mütənasiblik, xətti, kvadratik funksiyalar, düz xəttin və çevrənin tənlikləri,
ortoqonal proyeksiyalama, statistika elementləri daxil edilmişdir. Orta məktəbin
yuxarı siniflərinin kursu, bir çoxluğun digərinə inikası kimi, funksiya anlayışı ilə
başlayır. Qüvvət, üstlü, loqarifmik, triqonometrik və tərs triqonometrik funksiyalar,
fəza fiqurları, ikitərtibli əyrilər, polyar koordinatlar, xətti tənliklər sistemi,
bərabərsizliklərin xassələri, kompleks ədədlər, kombinatorika elementləri,
binomial teorem, ehtimal nəzəriyyəsi və cəbri məntiqin elementləri (EHM üçün
proqramlaşdırma ilə əlaqədar), analizə giriş öyrənilir. Müəllimlər riyaziyyat
proqramında şagirdlərin əmək fəaliyyətləri ilə əlaqəyə az fikir verildiyini,
mənimsənilməsini çətin olan materialın olmasını qeyd edirlər. Odur ki, şagirdlərin
üç əsas qrupunun ( 1) istehsalata gedənlər; 2) peşə və ya politexnik məktəbdə
təhsilini davam etdirənlər; 3) ali məktəbə gedənlər) maraqlarını nəzərə almaqla
təbiət – riyazi və texniki məktəb proqramlarını nəzərdən keçirməyi istəyirlər. Bu
qrupların hər biri üçün məcburi və seçmə kursların proqramlarını hazırlamaq
nəzərdə tutulur. Birinci qrupun təlimində nəzəri biliklərin tətbiqinə üstünlük verilir,
ikinci qrupda kifayət qədər geniş və sadə kurs lazım sayılır. Sonuncu qrup üçün isə
təkcə geniş deyil, habelə dərin məlumatlar lazımdır, xüsusi dərslik tələb olunur. Bu
və ya digər jurnal səhifələrində məktəb proqramına aid materialın şərhi ilə əlaqədar
hansı çıxışın və neçə dəfə olmasına aid də tədqiqatlar aparılır. Proqramın ayrı-ayrı
məsələlərinin öyrənilməsinin əhəmiyyəti ilə əlaqədar aşağıdakı nəticələr
çıxarılmışdır: 1) rasional ədədlər və cəbri ifadələr, onlar üzərində əməllər, tənliklər
həlli, funksiya, müstəvi fiqurların təsviri bütün bilik sahələrində lazımdır. Bunların
məktəbdə öyrənilməsi gücləndirilməlidir; 2) az sayda bilik sahəsi üçün lazım olan
iki dərəcədən yuxarı köklər, iki dəyişənli kvadrat tənliklər sistemi, bir dəyişənli bir
dərəcəli bərabərsizliklər, homotetik fiqurlar, ortoqonal proyeksiyalama və s.
proqramın əsas materialına əlavə kimi baxmaq və kifayət qədər sadə izah etmək
lazımdır; 3) elmin, texnikanın, istehsalatın müasir inkişafını əks etdirən məsələlərin
Dostları ilə paylaş: |