_____________Milli Kitabxana_____________
87
metodunun əsasını təşkil edən prinsiplər, isbat metodu kimi onun mahiyyəti,
məktəbdə az işlənən başqa variantları şagirdlərin anlaq səviyyəsində izah edilir.
Bütün bunlar məktəblilərin ümumiləşdirmə qabiliyyətinin inkişafı üçün zəruridir.
Hazırki proqram və dərsliklərdə bu cəhətə fikir vermək yaxşı olardı. A.V.Poqore-
lovun dərsliyinin [43
1;2
] riyazi və pedaqoji xüsusiyyətləri məktəbdə həndəsə tədri-
sinin ciddiliyinin yüksəldilməsinə yönəlmişdir. “Məktəbdə həndəsə tədrisinin
başlıca vəzifəsi – şagirdlərə məntiqi düşünməyi, hökmləri əsaslandırmağı, isbat
etməyi öyrətməkdir. Məktəbi bitirənlərin az bir hissəsi riyaziyyatçı, çox azı isə
həndəsəçi olacaqdır. Öz həyat fəaliyyətində heç vaxt Pifaqor teoremindən istifadə
etməyənlər də olacaqdır. Lakin mühakimə aparmaq, təhlil və isbat etməyin lazım
gəlmədiyi bir nəfər də tapmaq olmaz” [43
3
]
.
Bu tələblər üzərində qurulan dərs
vəsaiti üzrə həndəsənin ənənəvi həm də məktəb üçün yeni olan bölmələrini
müvafiq aksiomlar sistemi əsasında ümumiləşdirilmiş mücərrəd təfəkkürü inkişaf
etdirməklə şərhini vermək mümkündür. Lakin ciddilik və ümumiləşdirmə
baxımından kitabın nöqsanları da vardır. Bir çox ənənəvi teoremlərin məsələ kimi
verilməsi, aksiomatikanın tam olmaması, bəzi isbatlarda əyaniliyə və özlüyündə
aşkar görünən faktlara, təriflərdə şəkillərə, məntiqi olmayan təkliflərə əsaslanma və
s. “ciddilik” tələbi və ümumiləşdirmə baxımından doğru deyil. Bu dərsliyə aid
metodik vəsaitlərdə şagirdlərin bilik və bacarıqlarına verilən tələblər, nəzəri
materialın öyrənilməsi üçün metodiki tövsiyələr, məsələlərin həllinə göstərişlər,
“bir və ancaq bir”, “istənilən iki” və s. kimi spesifik tələffüz formalarının mənasını
aydınlaşdırmağa diqqət yetirmək, kursların deduktiv quruluşunun proqramının
tutulması, əksini fərz etməklə isbat üsulundan istifadə, dördbucaqlı anlayışını
ümumi şəkildə daxil edib, sonra paraleloqram, onun xüsusi halları və trapesiyanın
öyrənilməsi və s. şagirdlərin ümumiləşdirmə qabiliyyətinin inkişaf etdirilməsi üçün
münasibdir. A.N.Zemlyakovun “IX və X siniflərdə həndəsə” kitablarında [109
1;2
]
kursun dərslikdəki materialının şərhi metodikasının bir variantı verilir. X-XI
siniflərin həndəsə kurslarının öyrənilməsi metodikasının buradakı variantlarının
özləri də kifayət qədər variantlara ayrıla bilər. Məntiqi ciddilik səviyyəsi, şərhin
tamlığı, müfəssəlliyi bu baxımdan kifayət qədər yüksəkdir. Burada stereometriya
_____________Milli Kitabxana_____________
88
kursunun öyrənilməsinin üç əsas məqsədinin [ 1) məntiqi təfəkkür vərdişlərinin
sonrakı formalaşdırılması; 2) fəza təsəvvürünün inkişafı; 3) klassik və müasir
həndəsənin tətbiq aparatı və tətbiqləri ilə tanışlıq] müvəffəqiyyətlə yerinə
yetirilməsinə, XI sinifdə fiqurların həcmlərinin və səthi sahəsinin öyrənilməsi
metodikasını verərkən müəyyən ümumiləşdirmələr aparmağa müəllimin diqqəti
cəlb edilir. Bu haqda ətraflı məlumatı [26
14
] –dən almaq olar. Bir çox məsələ
kitablarında [44 və s.] məsələnin verilənləri mücərrəd şəkildə (a, b, c,
ϕ
α
,
və s.)
olur. Mötərizədə isə konkret qiymətlər göstərilir. Alınmış ümumi düsturlar
əsasında konkret qiymətləri tapmaq tələb olunur. Bunu həmin vəsaitlərin
ümumiləşdirmə və xüsusiləşdirmə baxımından müvəffəqiyyətli cəhəti hesab edirik.
Hazırki dərslik və məsələ kitablarında belə yanaşmaya o qədər də əhəmiyyət
verilmir. Yuxarıda 2003-cü ilə qədər, son vaxtlarda istifadə etdiyimiz, tədris
sənədlərinin riyaziyyatın tədrisində ümumiləşdirmə baxımından təhlilini verdik.
Buradakı ümumiləşdirmə imkanlarından gələcəkdə istifadə etməyi zəruri hesab
edirik. Hazırda ölkəmizdə onun özünə məxsus riyaziyyat proqramları, dərslikləri,
şagirdlərin iş dəftərləri, məsələ və tapşırıqların həlli və onlara aid göstərişlərdən
ibarət tədris sənədlərindən istifadə olunur. Odur ki, bunlarda da, riyaziyyatın
tədrisində ümumiləşdirmə baxımından, vəziyyətin necə olmasına diqqət yetirmək
lazımdır.
Respublikamızda hazırlanmış tədris materialları, xüsusən dərsliklər [30-33],
bəzi nöqsanlarına baxmayaraq, əvvəlkilərdən demək olar ki, zəngindir. Burada
ümumiləşdirməni reallaşdırmaq üçün də müəyyən məqamlar vardır.
Hər bir sinifdə əvvəl keçilənlərin, tədris ilinin sonunda, il boyu
öyrənilənlərin təkrarı, V sinifdən başlayaraq çoxluq və onunla əlaqədar əsas anla-
yışların izahı, uyğun mövzularda bunların tətbiqərinin göstərilməsi, ədədi sistemlər
və s. anlayışlar arasında daxil olma münasibətlərinin müvafiq mərhələlərdə əsas-
landırılması, məchul komponentin hərfi düsturlardan tapılması, ümumiyyətlə
izahatların hərfi işarələr üzərində aparılması, tarixi məlumatlardan istifadə,
funksiya, tənlik, ədəd, kəmiyyət, fiqur, bərabərsizlik, diferensial və inteqral hesabı,
stoxastika, koordinatlar və vektorlar metodu xətlərinin nəzəri və praktik material
_____________Milli Kitabxana_____________
89
əsasında qarşılıqlı əlaqəli inkişaf etdirilməsi, isbatlarda və həllərdə müxtəlif ümumi
metodlardan istifadə, məktəb riyaziyyatının ali riyaziyyata yaxınlaşdırılması
məqsədilə bir sıra yeni mövzuların və bölmələrin proqrama daxil olması şagirdlə-
rin ümumiləşdirmə qabiliyyətinin inkişafı üçün çox əhəmiyyətlidir. Hər bir sinfə
aid şagirdlər üçün iş dəftərinin olması da məktəb üçün yenilikdir. Bunlar
dərsliklərə uyğun tərtib edilmişdir. Dərsliklərin hər bir paraqrafına aid məsələlərin
həlli ilə yanaşı əsasən onlara analoji tapşırıqları şagirdlərin yerinə yetirmələri
nəzərdə tutulur. Iş dəftərində hər bir paraqrafa aid olan məsələlər çətinlik
dərəcəsinin artması sırası ilə düzülmüşdür: 1) yeni anlayışların ən sadə xassələrinə;
2) bu xassələrin tətbiqinə aid məsələlər; 3) nisbətən çətin, üzərində * (ulduz) işarəsi
qoyulmuş məsələlər.
Dərslikdə və iş dəftərində məsələlərin belə asandan çətinə ardıcıllığın da
verilməsi şagirdlərin təbii ümumiləşdirmə aparmalarına səbəb ola bilir. Lakin
ümumidən xüsusiyə keçməyə də fikir vermək lazımdır.
Məktəb riyaziyyat kursunun tədrisi məqsədlərinin dəqiqləşdirilməsinə,
məzmunun və onun öyrənilməsi metodlarının seçilməsinə, ümumiyyətlə metodik
sisteminin təkmilləşdirilməsinə aid ədəbiyyatın, inkişaf etmiş ölkələrdə riyaziy-
yatın tədrisi ilə əlaqədar fikirlərin təhlili şagirdlərin ümumiləşdirmə qabiliyyətinin
inkişafı üçün mühüm olan aşağıdakı nəticələri çıxarmağa imkan verdi.
1. Məktəb riyaziyyat kursunun tədrisi prosesində şagirdlərin ümumiləşdirici
mücərrəd təfəkkürünün inkişaf etdirilməsi problemi müxtəlif faktorlarla
(riyaziyyatın təliminin ümumi və konkret məsələləri, şagirdlərin fizioloji və
psixoloji xüsusiyyətləri, riyaziyyat və onun metodlarının xalq təsərrüfatında,
habelə şagirdlərin ümumtəhsil və əməyə hazırlanması sistemində tətbiqləri, ayrılan
vaxt çərçivəsində tədris materialının mənimsənilməsinin real imkanları və s.)
əlaqədardır.
2. Şagirdlərin ümumiləşdirmə - xüsusiləşdirmə bacarıqlarının inkişaf
etdirilməsi ilə əlaqədar məktəb riyaziyyat kursunun tədrisinin metodik sisteminin
təkmilləşdirilməsində məlum didaktik prinsiplərə və meyarlara əsaslanmaq
lazımdır.
Dostları ilə paylaş: |