_____________Milli Kitabxana_____________
78
arasında deduktiv əlaqələrin müəyyənləşdirilməsidir; bu əlaqənin əsas
ümumiləşmiş forması əqlinəticədir. Təlim mətnlərindəki müddəalarda deduktiv
əlaqələr təriflərdə, hökmlərdə, isbatlarda və s. dir” [78]. O, təlim mətnlərinə daxil
olan əqlinəticələri müəyyənləşdirmək üçün aparılan təhlili ümumiləşdirilmiş
deduktiv bacarıq adlandırır. Müəllif nəticədə VI – VIII sinif şagirdlərinin
mənimsəmələri üçün münasib olan riyazi təlim mətnlərinin üç əsas növünün [ 1)
təriflərin, qaydaların, hökmlərin ifadələri; 2) isbatların, əsaslandırmaların,
məsələlər həllinin mətnləri, 3) məsələlərin ifadəsi] ümumiləşdirilmiş sxematik
quruluşunu müəyyənləşdirmişdir. Lakin deyilənlər ümumi xarakterlidir, baxılan
siniflərdə həndəsənin tədrisi ilə əlaqədar konkret nümunələr azdır. Riyazi
mətnlərin təsnifatı əsasında anlayışlar, hökmlər, mühakimələr, əqlinəticələr,
təfəkkürün məntiqi qanunları, təkzib və hipotezlər qoyulsa yaxşı olardı. N.X.
Rəhmətov Planimetriyadan praktik məsələlər həllində ümumi riyazi metodlardan
(koordinatlar, vektorlar, həndəsi çevirmələr, analiz, sintez) istifadəni əhəmiyyətli
hesab edir [180]. A.V.Kuznesova VI-VIII siniflərdə riyaziyyatın inteqrasiya
olmaqla tədrisini qarşıya qoyur. Lakin bunun üçün çoxluqlar nəzəriyyəsindən
istifadə edilməlidir. Hazırda belə imkan vardır.
G.Əlixanov [64] və S.J.Demidova [105] 9 illik məktəbdə həndəsənin əsas
anlayışlarının öyrənilməsi prosesində (bu işlər məzmunlarına və ideyalarına görə
demək olar ki eynidir) şagirdlərdə ümumiləşdirmə bacarıqlarının formalaşdırılma-
sına xüsusi əhəmiyyət verilir, bu sahədə məktəbdə yol verilən nöqsanlar və
bunların aradan qaldırılması yolları göstərilir. Lakin konkret nümunələr azdır.
M.J.Sivkina analitik həndəsə materialını təhlil edərək, cəbr və həndəsə dillərinin
əsas xüsusiyyətlərini göstərməklə elmin bir dilindən digərinə keçməyin ümumi
priyomlarının formalaşdırılmasına diqqəti cəlb edir [185].
Azərbaycanda baxdığımız məsələ xüsusi problem kimi işlənməmişdir, lakin
tədrisdə və danışıqda tətbiq edilməsinin zəruriliyini göstərənlər vardır. Bu cəhətdən
B.A.Ağayevin [1 (1; 2)], Ə.I.Ibrahimovun [18], A.S.Adıgözəlovun [5
1
(1; 2)],
A.A.Nuruşovun [42
1
], S.S.Həmidovun [91], R.Z.Abbasovun [4] göstərilən işləri
diqqəti cəlb edir. Fəzada düz xətt və müstəvilərin qarşılıqlı vəziyyətinin
_____________Milli Kitabxana_____________
79
(K.S.Əsgərov), riyazi analiz (N.Sadıqov, D.M.Solovyev, M.Q.Zeynalov), ehtimal
nəzəriyyəsi (B.V.Vəliyev), nəzəri hesab (S.S.Həmidov) və çoxluqlar nəzəriyyəsi
(Ə.Əliyev) elementlərinin tədrisinə, planimetriya məsələlərinin həllinə
(S.N.Sadıqov), məktəb riyaziyyat kursunun praktik istiqamətlərinin göstərilməsinə
(Ə.A.Quliyev, I.F.Əliyev, A.S.Adıgözəlov, V.V.Popov), 8 illik məktəb kursuna
riyaziyyat tarixi elemetlərinin daxil edilməsinə (S.M.Nəsibov), riyaziyyatın tədrisi
prosesində kompüterdən (T.Əliyeva, S.A.Zamanova), alqoritmik mədəniyyətin
formalaşdırılmasında blok-sxem dilindən (M.R.Yuldaşev) istifadəyə, varisliyin
təmin edilməsinə (S.X.Abbasov), şagirdlərin estetik tərbiyəsinə (N.B.Nəsirov) və
s. həsr edilmiş, ADPU – da müdafiə olunmuş, namizədlik dissertasiyalarında
riyaziyyatın tədrisi metodikası sahəsində irəliyə atılmış addımlar kimi, şagirdlərdə
ümumiləşdirici mücərrədləşmə qabiliyyətinin inkişaf etdirilməsinə müəyyən
köməyi danılmazdır. Müəllifin isə 1967-ci ildən sonrakı işlərinin əksəriyyəti bu
məsələyə həsr edilmişdir [26]. Tədris metodikasına aid digər fənlərdən baxdığımız
mövzu ilə əlaqədar iki işə [151, 193] təsadüf etmişik. Bunların hər ikisində
ümumiləşdirmənin şagirdlərin zehni inkişafında mühüm yer tutması, bütün bilik
sahələrində informasiya axınının gücləndiyinə görə həmin təfəkkür əməliyyatının
mahiyyətinin və tətbiqlərinin məktəbdə öyrənilməsinin zəruriliyi problemin
aktuallığı kimi verilir; Fizika və rus dili fənlərinin metodik sisteminin
təkmilləşdirilməsində ümumiləşdirmənin rolu göstərilir.
N.M.Xudiyev isə keçmiş dövrlərdən hal hazıra qədər Azərbaycanın dövlət
başçılarının nitqində ümumiləşdirmə və xüsusiləşdirmənin düzgün aparılmasını,
onlarda yüksək natiqlik mədəniyyəti və dərin təfəkkürə malik olmaları kimi
qiymətləndirir. Burada oxuyuruq: “H.Əliyevin təfəkkürünə induksiya ilə
deduksiyanın eyni səviyyə və intensivliyi xasdır: o, ümumi qaydaya görə xüsusi
vəziyyəti, halı nə cür ustalıqla səciyyələndirirsə, xüsusilərin məcmusu kimi
ümumini də o qədər çevikliklə müəyyənləşdirib xarakterizə edir. O, konkret
məsələlər üzərində düşünə-düşünə danışmağı, danışa-danışa nəticə çıxarmağı və
mürəkkəb ümumiləşdirmələr verməyi xoşlayır”. [15, səh 225]. Mühakimələrdə
_____________Milli Kitabxana_____________
80
ümumiləşdirmə və xüsusiləşdirmənin əhəmiyyəti burada çox gözəl verilmişdir.
Riyaziyyatın tədrisi ilə əlaqədar şagirdlərdə bu keyfiyyəti aşılamağa çalışmalıyıq.
Z.İ.Qaralov fizikanın tədrisində ümumiləşdirmə, xüsusiləşdirmə, induksiya
və deduksiyanın tətbiqlərini, hadisələrin miqdarına, kəşf olunmasında tətbiq olunan
metodlara görə qanunların təsnifatı, ümuminin tərkibində xüsusini ayırmaq,
təbiətin sirlərini öyrənmək prosesinin ümumi
→ xüsusi → ümumi və ya
inteqrasiya
→ diferensiasiya → inteqrasiya modeli üzrə getməsini və s. ətraflı şərh
edir [27].
Riyaziyyat elminin özündə müxtəlif sahələr üzrə müntəzəm olaraq
ümumiləşdirməyə aid tədqiqatlar aparılır. Yalnız 1996-99-cu illərdə keçmiş
sovetlərə daxil olan müəssisələrdə 40-a yaxın belə tədqiqat aparılmışdır.
Orta məktəbdə riyaziyyatın tədrisinin ümumi metodikasına aid kitablarda [1,
140, 129, 178, 190, 5
1
, 26
10
və s.] digər elmi-məntiqi metodlarla yanaşı
ümumiləşdirmə-xüsusiləşdirmənin mahiyyəti və əhəmiyyəti göstərilir. Xüsusi
metodikaya aid vəsaitlərdə isə [138, 143, 144, 129
2
, 204
2
və s.] mövcud
dərsliklərdəki material, xüsusi olaraq ümumiləşdirmədən, əsasən adi qaydada
tədrisi metodikası verilir.
1.5. Riyaziyyatın təlimində ümumiləşdirmənin tədris sənədlərində
nəzərə alınması
Hələ keçmiş sovetlər zamanı ora ümumtəhsil məktəblərinin, 2000-ci ildən
başlayaraq tətbiq edilməli olan, tədris planının layihəsi 4 variantda hazırlanıb
müzakirəyə verilmişdir. Bu layihənin ümumiləşdirməyə kömək baxımından əsas
xüsusiyyətlərini göstərək. Layihədə orta məktəb çərçivəsində şagirdlərin qabiliyyət
və meyllərinə uyğun olaraq, məktəbdəki çoxcəhətli şəraiti nəzərə alaraq təlimin
diferensiyası üçün real imkanlar yaratmağın zəruriliyi məqsədəuyğun hesab
edilmişdir.
Ümumxalq müzakirəsinə verilmiş eksperimental tədris planının layihəsi
məktəb təcrübəsi, ictimai rəyin öyrənilməsi, müəllimlərin, müxtəlif elmi sahəsi
Dostları ilə paylaş: |