_____________Milli Kitabxana_____________
75
olmaqla iki səviyyədə öyrənilməsi fikri riyaziyyatın səciyyəvi xüsusiyyəti olmayan
empirik təfəkkürə yenə də üstünlük vermək deməkdir.
Təlim-tərbiyə prosesində şagirdlərdə elmi dünyagörüşünün inkişaf etdiril-
məsi məsələsinə aid bütün qabaqcıl ölkələrdə araşdırmalar aparılmışdır, inkişaf
etdirici təlimə, onun təcrübəyə yönəldilməsinə xüsusi əhəmiyyət verilmişdir.
N.A.Tereşinin tədqiqatı [194] bu problemə həsr edilmişdir. O, əvvəlcə
V.S.Tyuxmin mənada [195] “sistem” anlayışının mahiyyətini açıqlayır (burada
daxil olma münasibətindən istifadə olunduğu görünür), məktəb riyaziyyatının
tətbiqi istiqamətinə elementləri xarici modelləşdirmə, fənlərarası əlaqə, şagirdlərin
iqtisadi tərbiyəsi və s. olan, onun məntiqi quruluşuna isə komponentləri modelləş-
dirmə, alqoritmləşdirmə, fəndaxili əlaqələr, müxtəlif səviyyəli mücərrədləşdirmə,
qurmağın mexanizmi və s. dən ibarət sistem kimi baxaraq, bunların şagirdlərdə
elmi dünyagörüşün inkişafı ilə əlaqəsini araşdırır. Riyaziyyatın əsas xüsusiyyətləri-
nin şagirdlərdə elmi dünyagörüşün formalaşdırılmasında roluna, məktəb riyaziyyat
kursunun əsas xətlər ətrafında inteqrasiyasına bu işin əsas vasitəsi kimi baxılır.
Habelə şagirdlərdə məntiqi təfəkkürün və intuisiyanın qarşılıqlı əlaqəli inkişafına,
funksiya və vektorun tətbiqləri ilə birlikdə mənimsənilməsinə, məktəblilərin
fəaliyyəti prosesində əlaqə və münasibətlərin spiralvari inkişafına, real varlığın
öyrənilməsi metodu ilə sahələrin, həcmlərin, uzunluğun, dəyişən qüvvənin, işin və
s. məsələlərdəki ümumiliyin dərk edilməsinə, induktiv və deduktiv əqlinəticələr
çıxarmağa, xüsusi misallarda ümumini görmək qabiliyyətinin formalaşdırılmasına,
əks misallardan istifadənin və alqoritmləşdirmənin əhəmiyyətinə diqqət cəlb edilir.
Q.U.Saransev çalışmalar probleminin bu və ya digər cəhətlərinə, təlim prosesi və
onun optimallaşdırılmasına, dərsin quruluşu, təlim metodlarının əsaslarına, şagird-
lərin fəallaşdırılmasına, fəaliyyətin strukturu, təfəkkürün inkişafının qanunauyğun-
luqlarına, riyazi biliklərin xüsusiyyətlərinə aid aparılmış tədqiqatlara əsaslanaraq
çalışmalardan istifadə və onun yerinə yetirilməsinin məqsədi, məzmunu, təşkili,
quruluşu, şagirdlərin zehni fəaliyyəti məsələlərini təhlil [186] etmişdir. O, çalışma-
lara təlimin təqdim olunan məzmununun ayrı-ayrı mərhələlərindən ibarət dərsdə
hər-hansı məşq kimi deyil, ilk plana fəaliyyət üsullarını mənimsəməyi çəkir,
_____________Milli Kitabxana_____________
76
əməliyyatların daşıyıcısı və maraqların təmini kimi təqdim edir, həndəsi
çevirmələrin konkret vəziyyətlərdə tətbiq etmək bacarığının şagirdlərdə yaranması
yollarını göstərir, məktəblilərin idrak marağının onların yaş imkanlarından daha
çox ümumiləşdirmə qabiliyyətlərindən asılılığını dəfələrlə xatırladır, təlim
prosesində çalışmalar sisteminin funksiyasını müəyyənləşdirərkən P.A.Şevaryevin
ümumiləşdirilmiş assosiasiyalar nəzəriyyəsinə əsaslanır, çalışmalara verilən
tələbləri də şagirdlərdə idrak fəaliyyətinin, habelə ümumiləşdirmə qabiliyyətinin
inkişaf etdirilməsinin zəruriliyi ilə əlaqələndirir. M.B.Voloviç “Orta məktəbdə
riyaziyyatın tədrisinin səmərəsini yüksəltmək üçün təlim vasitələrinin yaradılması
və istifadəsinin elmi-metodik əsasları” adlı işində [89] bir anlayışın digərinə daxil
olması əməliyyatının öyrənilməsinin elmi-metodik əsaslarını göstərmişdir.
D.İ.İkramov tərif, aksiom və teoremlərin quruluşunda ümumilik və fərqi göstərmə-
yə, əvvəl öyrənilmiş biliklərin ümumiləşdirilməsi və sistemləşdirilməsinə, bilik-
lərin dünyagörüş səviyyəsinə çatdırılmasına (L.S.Vıqodski buna ümumiləşmənin
ümumiləşməsi deyir), şagirdlərdə ümumiləşdirmə qabiliyyətinin müəyyənləşdiril-
məsinə, mühüm əlamətləri ayırmağa, nəticələr çıxarmağa, əməliyyatların mənim-
sənilməsinə, müstəqil idrak fəaliyyətinə, təfəkkürün məntiqi priyomlarına, elmi
idrak metodları ilə silahlanmağa, dil vahidləri səviyyəsində biliklərin ümumiləşdi-
rilməsi və sistemləşdirilməsinə, təfəkkürün inkişafında təkcə, ümumi və xüsusinin
qarşılıqlı əlaqəsinə, deduktiv təfəkkür vərdişlərinin formalaşdırılmasına, anlayış-
ların formalaşdırılması prosesində tarixi – genetik və məntiqi – deduktiv
yanaşmaların düzgün əlaqələndirilməsinə xüsusi fikir verir [113]. Stereometriya
kursunda analogiya və optimallaşdırmağa aid məsələlər həllinin öyrənilməsi
metodikasına aid bir sıra işlər vardır [83, 188 və s.]. Qarşıya qoyulmuş məqsəd
üçün bunlardan da istifadə etmək olar. J.N.Semyonova şagirdlərin süjetli məsələ-
lərin həlli ilə əlaqədar fəaliyyətini təfəkkürün strukturuna uyğun təşkil etməklə
sistemlər arası assosiasiyaların inkişafı mərhələsində nəzəriyyə və təcrübənin
münasibətinin formalaşdırılmasının əhəmiyyətini göstərərk şagirdləri riyazi model-
ləşdirmənin ümumi ideya və prinsipləri ilə tanış etməyin zəruriliyinə diqqəti cəlb
edir, belə məsələlərin həlli sxeminə real varlıq hadisələlərinin ənənəvi tədqiqinin
_____________Milli Kitabxana_____________
77
modifikasiyası kimi baxır. O, məktəb məsələlərini təhlil edərkən onların
“ümumiliyinə” iki cəhətdən (model və süjet) baxmağı lazım bilir [187].
Şagirdlərdə hər iki cəhətdən ümumiləşdirmə çərçivəsində modelləşdirmə bacarıq-
larının inkişafı üçün, uyğun biliklərin sistemli xüsusiyyətdə olmasını təmin edən
süjetli məsələlərin seçilməsinə xüsusi diqqət verilməlidir.
Pedaqoji institut və universitetlərdə riyaziyyat müəllimlərinin hazırlığı ilə
əlaqədar son illərdə aparılmış bir sıra tədqiqatlarda (A.Q.Mordkoviç [152],
V,N.Kelbakianı [127], Q.L.Lukankin [135], İ.A.Novik [166], Y.R.Baxşəliyev [5
1
])
tələbələrin ümumiləşdirmə, generallaşdırma bacarığının inkişaf etdirilməsinin
zəruriliyi göstərilir.
V.A.Qusyev şagirdlərin zehni inkişafında təfəkkür əməliyyatlarını tətbiq
etmək səviyyəsinə görə fərqlər olduğunu, təlimdə fərdiləşdirmə və diferensiallaş-
dırmada kompüterin rolu, onlarda ümumiləşdirmə və xüsusiləşdirmə qabiliyyətlə-
rinin inkişafına daha çox fikir vermək lazım gəldiyini, bu sahənin olduqca az
tədqiq edildiyini, insanın fikri fəaliyyətinin əsaslarının öyrənilməsinə həsr edilmiş
tədqiqatlarda (S.L.Rubinşteyn, D.J.Boqoyavlinski, A.V.Bruşlinski və b.) bu
fəaliyyətin əsasında iki başlıca priyom – “analiz” və “sintez” durduğunu qeyd edir.
Analitik-sintetik metodunun mahiyyətinin göstərilməsi, həndəsi məsələlərin həlli
ilə əlaqədar şagirdlərdə tədqiqatçılıq fəaliyyətinin inkişafının zəruriliyi, əqli
fəaliyyətin mərhələlər üzrə formalaşdırılması, aparılan tədqiqatın əsasında
“fəaliyyətli yanaşmanın” qoyulması məktəblilərdə baxdığımız əməliyyatın inkişaf
etdirilməsinin əhəmiyyəti baxımından maraqlıdır. Lakin burada şagirdlərin fərdi
xüsusiyyətlərini nəzərə almaqla ümumiləşdirmənin hansı səviyyədə aparılmasını
demək yaxşı olardı. V.M.Turkina şagirdlərin riyazi hökmlərin isbatının
axtarılmasının ümumi priyomlarının dörd səviyyəsini (reproduktiv – alqoritmik,
produktiv – alqoritmik, reproduktiv – evristik, produktiv - evristik) ayırır [192]. O,
həndəsənin sistematik kursunun başlanğıcında isbat metodlarının şagirdlər
tərəfindən öyrənilməsinin zəruriliyini və mümkünlüyünü əsaslandırır, lakin sonrakı
siniflərdə həmin işin davam etdirilməsinin əhəmiyyəti haqqında heç nə demir.
I.A.Burlayev qeyd edir ki: “Məntiqi təfəkkürdə mühüm cəhət öyrənilən müddəalar
Dostları ilə paylaş: |