_____________Milli Kitabxana_____________
99
proseslər baş verir. Qavrayışdan anlayışa hərəkət – bu konkretdən, hiss ediləndən
mücərrədə, düşüncəyə keçiddir. Bu keçiddə yaranan anlayış ümumiləşməsi hansı
funksiyanı yerinə yetirir? Belə ümumiləşdirmə şagirdlərin təlim fəaliyyətində
böyük əhəmiyyəti olan sistemləşdirmə (və ya təsnifat) əməliyyatının aparılmasına
imkan verir. Bu əməliyyat vasitəsilə əşya və hadisələrin, o cümlədən riyazi obyekt
və münasibətlərin, onların bir-birinə oxşarlığı və fərqindən asılı olaraq qrup və ya
yarım qruplar üzrə müəyyən növlərə bölünməsi baş verir. Tənliklər, bərabərsizlik-
lər, ədədlər fiqurlar və s. təsnifata ayrılmaqla öyrənilir. Təbii olaraq belə təsnifatın
düzgünlüyü, tamlığı anlayışın mühüm əlamətinin ayrılması, tabeliyinin dəqiqliyi
və tamlığından asılıdır. Bir anlayışın həcmini təşkil edən növləri göstərməyə
məntiq elmində bölgü (təsnifat) deyilir. Şagirdlərin riyazi qabiliyyətinin
inkişafında, müxtəlif ümumiləşdirmələr aparmalarında bölgü də tərif kimi mühüm
rol oynayır. Anlayışın bölgüsünü düzgün yerinə yetirmək və bundan ümumiləşdir-
mədə, səhvə yol vermədən, istifadə etmək üçün müəllim məntiqdən məlum olan
bölgü qaydalarını bilməlidir. Ümumiləşdirmə zamanı anlayışların tabelik qaydası
(bir anlayışın digərinə daxil olması) uyğun cins və növ əlamətlərinin tapılması
məsələsini qarşıya qoyur. Psixoloji-didaktik ədəbiyyatda bu adətən anlayışların
tətbiqi adlanır. Anlayışı mənimsəmək – deməli, təkcə əşya və hadisənin, o
cümlədən riyazi faktın, baxılan anlayışın əhatə etdiyi əlamətlərini bilmək deyil,
habelə anlayışı təcrübəyə tətbiq etməyi, ona əsaslanmağı bacarmaqdır. Bu isə o
deməkdir ki, anlayışın mənimsənilməsi təkcə aşağıdan yuxarıya - təkcədən və
xüsusi hallardan ümumiyə yolunu deyil, habelə tərsinə yuxarıdan aşağıya,
ümumidən xüsusiyə və təkcəyə yolunu özünə daxil edir. Ümumini bilərək, onu
baxılan halda, lazım olan vəziyyətdə, ayrı-ayrı konkretlikdə görməyi bacarmaq
lazımdır. “Verilmiş məsələnin növünü müəyyən edin” belə xarakterli çalışmadır.
Təsnifat sxeminin tətbiqində əsas ondan ibarətdir ki, “mühüm” verilmiş
ümumini başqa “ümumidən” fərqləndirənin hamsı ola bilər. Məntiqin – psixolo-
giyanın bu göstərişləri riyaziyyatın mənimsənilməsinin əsaslarıdır. Məsələn,
paraleloqramın əsas əlamətləri: 1) o dördbucaqlıdır; 2) qarşı tərəflər paraleldir; 3)
_____________Milli Kitabxana_____________
100
qarşı tərəflər bərabərdir; 4) diaqonallar kəsişmə nöqtəsində yarıya bölünür; 5) qarşı
bucaqlar bərabərdir və s.
“Paraleloqram” anlayışının tərifində bu əlamətlərin hamısını sadalamağa
ehtiyac yoxdur, onların mühümlərini [1) və 3) və ya 1) və 4)] göstərmək kifayətdir.
Deməli, anlayışa tərif verməkdə istifadə edilən əlamətlər qrupu bir neçə ola bilər.
Eyni anlayışa verilən müxtəlif təriflərin birgüclü olması əsaslandırmalıdır. Belə
əsaslandırmaların isbatların mahiyyəti də məntiqdə öyrənilir.
Psixoloji – məntiqi biliklərə əsaslanaraq anlayış ümumiləşdirilməsinin aşağı-
dakı funksiyalarını göstərmək olar. Təlim prosesində müxtəlif əməl qaydalarından
istifadə edilir. Qaydaların konkret vəziyyətə və ya təkcə bir obyektə tətbiqi şərti
onların müəyyən ümumi sinfə ilkin aid olmasıdır. Odur ki, bu ümumini hər bir
konkret və təkcə halda “görməyi” bacarmaq lazımdır. Bu bacarığı təmin edən daha
etibarlı vasitə bu və ya digər obyektlər sinfinin dəqiq və birqiymətli dərk olunma
əlamətini verən, anlayış ümumiləşdirmələri sistemidir. Bu funksiyanın tam yerinə
yetirilməsi üçün anlayışlar şagirdlərdə düzgün formalaşdırılmalıdır. Lakin təcrübə
göstərir ki, şagirdlərin “aşağıdan yuxarıya” sxemi üzrə aldıqları ilk ümumiləşdir-
mələr özlüyündə “yuxarıdan aşağıya”, ümumidən xüsusiyə hərəkətini çox vaxt
təmin etmir. Onlar üçün yeni olan konkret faktlarla qarşılaşarkən məlum olan
ümumi əlamətin xüsusi halını tapa bilmirlər, həmin ümumi əlamətlərin yeni
konkret şəraitdə “gizlənmiş” hissələrini ayırmaqla çətinlik çəkirlər. Anlayışın
təsnifat sxeminin xüsusi hallara tətbiqinin öyrənilməsi tədrisin əsas məqsədidir.
Ümumidən xüsusiyə, konkretə keçmək tamamilə müstəqil prosesdir. Çox vaxt bu
keçidin daxilində “ikinci” növ mücərrədləşmə olur. Şagirdlər ümumidən xüsusiyə
keçməyi öyrənməklə ilk dəfə şüurda konkretlə mücərrəd arasında olan kəsilməni
aradan qaldırırlar. Həmin aralığı doldurmağın əsas vasitəsi şagirdlərin hissi
təcrübəsinin zənginliyi məsələsidir. İlk ümumiləşmənin mücərrədləşmə səviyyəsi
yüksək olduqca onun tam mənimsənilməsi daha çox konkretləşmə tələb edir.
Konkretləşdirmənin özü anlayışın tətbiqi prosesində, ümuminin konkret
vəziyyətlərdə göstərməyə aid məsələlər həlli zamanı həyata keçirilir. Mücərrəd
biliklərin əsl mənada mənimsənilməsi onu konkret – hissi məzmunla
_____________Milli Kitabxana_____________
101
zənginləşdirmədə baş verir. Beləliklə, mücərrəd biliklərin inkişafı təsəvvürlər və
qavrayışların yaranmasından asılıdır. Başqa sözlə anlayış ümumiləşməsinin forma-
laşdırılmasında yalnız konkret və təkcədən mücərrədə və ümumiyə keçməyi deyil,
habelə tərsinə keçmək nəzərdə tutulur. Ümuminin hissi – konkretdə, xüsusidə
geniş və çoxcəhətli təzahürü anlayışın mənimsənilmə səviyyəsinin göstəricisidir.
Psixologiyanın, didaktikanın və məntiqin yuxarıda göstərilən müddəalarına
əsaslanmadan riyazi obyekt və münasibətlərin xassələrini şagirdlərə lazımi
səviyyədə mənimsətmək olmaz.
2.4.2 Şagirdlərdə riyazi anlayışlar yaratmağın xüsusiyyətləri və
varisliyi. Psixologiyada və didaktikada “qavrayış-təsəvvür-anlayış” sxemi müxtəlif
yaş mərhələlərində şagirdlərin ümumiləşdirmə qabiliyyətinin yaranması və inkişafı
xüsusiyyətlərini təsvir etmək üçün də qəbul edilmişdir. Öz növbəsində bağçada və
məktəbdə təlimin məzmununun müəyyən edilməsi (proqramlar) şagirdlərdə
ümumiləşdirmə qabiliyyətinin inkişafının həmin mənzərəsinə əsaslanır. Bağça
uşaqlarında ümumiləşdirmə bilavasitə qavrayışlar, həm də əvvəlcədən gördüklə-
rinin sadəcə “xatırlanması” kimi təsəvvürlər planında yerinə yetirilir. Kiçik məktəb
yaşında ümumiləşmə əsasən təsəvvürlərə əsaslanır, burada anlayışların məzmunu
xarici və əşyaların hiss edilən xassələrindən ibarət olmasına baxmayaraq dərketmə,
təsnifat və sistemləşdirmə tələb edən müxtəlif məsələlərin həllində ümumiləş-
dirmədən istifadənin kifayət qədər tamlığı və dəqiqliyini təmin edir. Bunu
“elementar anlayışlar” səviyyəsində ümumiləşdirmə adlandırmaq olar. Orta və
yuxarı siniflərdə ümumiləşdirmələr obyekt və münasibətlərin daxili xassələrinin
fikrən və sistemli təhlili əsasında aparılır. Burada da qavrayışlara və təsəvvürə
əsaslanmaq lazım gəlir. Lakin əyanilik minimum olur və ya heç olmur. Bu elmi
təfəkkür səviyyəsində uyğun nəzəri (mücərrəd) ümumiləşdirmədir. Ümumiləşdir-
mənin ontonegenetik (aşağı mərhələdən yuxarı mərhələyə qədər) inkişafının
başlıca mərhələlərindən biri “qavrayış-təsəvvür-anlayış” sxemi üzrə keçiddir.
Bunun hər bir mərhələsi müəyyən yaşa uyğundur və keyfiyyət xüsusiyyətləri
vardır. Bununla yanaşı bütün mərhələlərdə aparılan ümumiləşdirmələrin oxşar
cəhətləri də olur. Obyekt və münasibətlərin daxili, yəni bilavasitə qavranılmayan,
Dostları ilə paylaş: |