_____________Milli Kitabxana_____________
169
3.2.4. İnduksiya və deduksiya. İdrak prosesində həmişə ümumi biliklərdən
xüsusi biliklərə doğru deyil, bəzi hallarda xüsusi biliklərdən ümumi biliklərə doğru
nəticə çıxarırıq. Belə hallarda, ayrı-ayrı xüsüsi halları müşahidə edib, sonra onları
ümumiləşdirərək, ümumi müddəalar düzəldirik. Deməli, induktiv əqli nəticədə
təfəkkür prosesi xüsusidən ümumiyə doğru, ayrı-ayrı faktlardan ümumi nəticə
çıxarılmasına doğru gedir.
Çox vaxt induksiya müşahidə ilə başlayır. Bioloq quşların həyatını, kimyaçı
kristalların formasını müşahidə edə bilər. Riyaziyyatçı ədədlərin xassələrini izləyir.
Ədədlər üzərində müşahidə etmək istəyiriksə, onlarla maraqlanmalı, onları
öyrənməliyik. Tək və cüt ədədləri bir-birindən fərqləndirməli, kvadrat və sadə
ədədləri müəyyənləşdirməliyik. Bu sahədə kifayət qədər bilik əldə etdikdən sonra
ədədlərə aid daha maraqlı nəticələr müəyyən edə bilərik. Fərz edək ki, 3+7=10,
3+17=20, 13+17=30 münasibətləri ilə qarşılaşırıq və bunlar arasında bəzi
oxşarlıqları müəyyənləşdirə bilirik. Fikrimizə gəlir ki, 3, 7, 13 və 17 ədədləri sadə
və tək ədədlərdir. İki sadə tək ədədin cəmi mütləq cüt ədəddir. Doğrudan da 10, 20,
30 cüt ədədlərdir. Başqa cüt ədədlər haqqında da belə demək olarmı? İki sadə tək
ədədin cəmi olan birinci cüt ədəd vardır: 3+3=6. Sonra da müəyyən edirik ki:
3+5=8, 10=3+7=5+5, 12=5+7, 14=3+11=7+7, 16=3+13=5+11. Həmişəmi belə
davam edəcəkdir?
Müşahidə etdiyimiz xüsusi hallara əsasən belə bir ümumi təklif alırıq: 4-
dən böyük ixtiyari cüt ədədi iki sadə tək ədədin cəmi şəklində göstərmək olar.
2 və 4 ədədlərinin müstəsna olması ilə həmin təklifi belə ifadə edə bilərik:
sadə ədəd və onun kvadratı olmayan ixtiyari cüt ədədi iki sadə tək ədədin cəmi
kimi göstərmək mümkündür. Beləliklə, biz fərziyyə irəli sürdük və onu induk-
siyanın köməyi ilə tapdıq. Başqa sözlə həmin fərziyyə bizdə ayrı-ayrı xüsusi
misallarda göstərilmiş müşahidə nəticəsində yarandı. Lakin bu göstərişlər kifayət
qədər güclü deyil. Göstərilən təklifə inanmaq üçün çox cüzi əsasımız var. Ancaq
bir fakta əsasən təsəlli tapa bilirik. Bu da ondan ibarətdir ki, ilk dəfə böyük
riyaziyyatçı Qoldbax 250 il bundan əvvəl ciddi əsaslandırma vermədən həmin
təklifi söyləmişdir.
_____________Milli Kitabxana_____________
170
Qoldbaxın fərziyyəsi doğrudurmu? Hələ bu günə qədər həmin suala cavab
verən olmamışdır. Böyük riyaziyyatçıların uzun müddət tədqiqat aparmalarına
baxmayaraq Qoldbaxın fərziyyəsi
1
Eylerin vaxtında olduğu kimi qalır. Əvvəlki
misalda induksiya üçün xarakterik olan addımı anlamağa çalışaq. Əvvəlcə bəzi
oxşarlıqları göstərək. 3, 7, 13 və 17 sadə, 10, 20, 30 isə cüt ədədlərdir. Deməli üç
3+7=10, 3+17=20, 13+17=30 münasibətləri arasında analogiya vardır. Sonrakı
addım ümumiləşdirmədir. Dörd (3, 7, 13 və 17) ədəddən bütün cüt olmayan
ədədlərə; 10, 20 və 30 ədədlərindən isə bütün cüt ədədlərə və sonra mümkün olan
aşağıdakı ümumi münasibətə keçdik. Cüt ədəd= sadə ədəd+sadə ədəd.
Beləliklə, ümumi bir təklif dedik. Lakin bu yalnız fərziyədir və müəyyən
sınaqlar nəticəsində alınmışdır. Yəni həmin təklif isbat edilməyib, onun həqiqət
olduğunu demək olmaz. Ancaq bu həqiqətə yaxınlaşmaq yoludur. Belə fərziyyə,
fakt “həqiqətlə” çox əlaqədardır. Bu fərziyyə bir sıra konkret 10, 20, 30 eləcə də 6,
8, 12, 14, 16 ədədləri üçün doğrudur. Bu misalla induksiyanın birinci pilləsindəki
ümumiləşdirməni göstərdik. Həmin pillədəki ümumiləşdirmə köməkçi və ya
yönəldici əlaqədir. Şagirdlərə isbat edilməmiş hökmə inanmamağı tərbiyə
etməliyik. Hətta görkəmli alim tərəfindən söylənilmiş hökmün doğru və ya
yalanlığı isbat edilməlidir, yoxlanılmalıdır. Məsələn, 60 ədədini araşdıraq. Eylerin
dediyi kimi “yalançı eksperiment” aparaq. Bu ədəd cütdür. O, iki sadə ədədin
cəmidirmi? 60=3+sadə ədəd; 60=5+ sadə ədəd münasibətləri doğru deyil, çünki 57
və 55 sadə ədədlər deyil. Eksperiment belə getsə fərziyyəmiz düz olmaz. Lakin
sonrakı 60=53+7 sınağı nəticəsində 53 ədədinin sadə olduğunu alırıq. Deməli
fərziyyəmiz daha bir halda da doğru çıxdı. Əks nəticə Qoldbax fərziyyəsinin
taleyini birdəfəlik həll etmiş olardı. Verilmiş cüt ədədə qədər bütün sadə ədədləri,
məsələn 60-a qədər olan sadə ədədləri yoxlasaq, heç vaxt fərziyyənin əks
istiqamətində hərəkət etmədən onu iki sadə ədədin cəmi şəklində göstərə bilərik.
Fərziyyənin 60 ədədi üçün doğru olduğunu sübut etməklə yenə də müəyyən
nəticəyə gəlmək olmaz. Bir misalla teorem isbat edilmir. Yenə 60 ədədinə baxaq.
1
Lakin bu haqda böyük rus riyaziyyatçısı J.M.Vinoqradovun xidmətlərini unutmaq olmaz. O, 1937- ci ildə isbat
etmişdir ki, “kifayət qədər böyük hər bir cüt ədəd üç sadə ədədin cəminə bərabərdir”. Bu Qoldbax-Eyler
probleminin tək hal üçün həlli adlanır.
_____________Milli Kitabxana_____________
171
3, 5 və 7 sadə ədədlərini yoxladıqdan sonra 30-a qədər olan qalan sadə ədədləri
yoxlaya bilərik (aşkardır ki, daha yoxlama lazım deyil, çünki cəmi 60-a bərabər
olan iki sadə ədəddən biri 30-dan kiçikdir). Beləliklə 60-ın sadə ədədlərin cəmi
şəklində göstərilməsinin bütün hallarını alırıq: 60=7+53=13+47=17+43=19+41=
=23+37=29+31. Başqa cüt ədədləri də bu qayda ilə araşdıra bilərik. Nəticədə
aşağıdakı cədvəli alarıq:
6=3+3; 8=3+5; 10=3+7=5+5; 12=5+7; 14=3+11=7+7; 16=3+13=5+11;
18=5+13=7+11; 20=3+17=7+13; 22=3+19=5+17=11+11; 24=5+19=7+17=11+13;
26=3+23=7+19=13+13; 28=5+23=11+17; 30=7+23=11+19=13+17.
Fərziyyə burada nəzərdən keçirdiyimiz bütün hallarda sübut edildi. Cədvəli
uzadan hər bir dəlil fərziyyəni qüvvətləndirir, onu daha inamlı edir və həqiqətə
uyğunluğunu dərinləşdirir. Əlbəttə, belə dəlillər nə qədər çox olsa da, yenə də
fərziyyəni isbat etmir. Topladığımız müşahidələri müqayisə edib tutuşdurmalıyıq.
Ola bilsin ki, fərziyyənin isbatı üçün həmin faktlar içərisində gizlənmiş bir açar
tapılsın. Baxdığımız haldakı cədvəldə bizə lazım olan və kömək edə biləcək açarı
tapmaq çətindir. Baxmayaraq ki, cədvələ əsasən fərziyyənin mənasını aydın başa
düşmək olur. Cədvəl göstərir ki, verilmiş cüt ədədi neçə üsulla sadə tək ədədlərin
cəmi kimi göstərmək olar. Məsələn, 6-nı bir, 30-u üç üsulla sadə ədədlərin cəmi
şəklində göstərmək mümkündür. 2n cüt ədədinin bu qayda ilə tək ədədlərin cəmi
şəklində göstərilməsinin sayı göründüyü kimi “düzgün olmayaraq artır”.
Qoldbaxın fərziyyəsi göstərir ki, belə ayırmanın sayı heç vaxt sıfır olmur.
Tədqiq etdiyimiz xüsusi halları iki qrupa ayıra bilərik: 1) fərziyyəni ifadə
edənə qədər və 2) onu ifadə etdikdən sonra nəzərdən keçirdiyimiz hallar.
Bunlardan birincisi bizi fərziyyəni deməyə yönəltdi, ikincisi isə onu möhkəm-
ləndirdi. Hər iki hal fərziyyə və “fakt” arasında müəyyən əlaqə yaradır. Yuxarıdakı
cədvələ əsasən “yönəldici” və “möhkəmləndirici” arasındakı toxunma nöqtələrini
fərqləndirmək çətindir. Yenə əvvəlki mühakiməmiz üzrə induksiya prosesi üçün
xarakterik olan cəhətləri qeyd etməyə çalışaq. Fərziyyəni deyərkən onun doğru və
ya yalan olmasını aşkar etməyə cəhd göstərək. Bir neçə xüsusi misallardan
yaranmış, çox güman ki, doğru olan fərziyyəmiz ümumi xarakterli müddəa olmuş-
Dostları ilə paylaş: |