Microsoft Word safruh. Inama dogru doc
Yüklə 2,84 Mb. Pdf görüntüsü
|
_________________Milli Kitabxana ________________
66 6 Xəzan ayı, 29-il. İnam Evi. OCAQLAR (İçsəs)
İndi mənəviyyat bütün dünyəvi toplumlarda - istehza hədəfi, İnanc və Dinlərdə, o sıradan Asif Atanın Mütləqə İnam Ocağında – ikiüzlülük səbəbidir (Ocaq üçün onu “hədəf” saya bilmədim).
***
Məncə, İnam Atanın Ocağı yoxdur; indiki Ocaq Asif Atanınkıdır. ***
Bir var (ola bilər) – Özündəocaq, bir var – Ulus üçün Ocaq, bir də var – Camaat üçün Ocaq. *** Asif Atanınkı – Ulus Ocağıdır – Ocaqçılar gerçəkliyində. *** Ulus Ocağı – Ulusun gərəyi və baş ucalığıdır. *** Özündəocaq – İnsanın gərəyi, Bəşərin baş ucalığı olardı. *** Asif Ata Özündəocaq yaratmışdı və bu baxımdan o, İnam Ata idi; Naxır onu Ulusa endirdi.
*** Atamız var olsun!
Sərt (X ay) 29-il. (Dekabr 2007). İnam Evi. ZAMANLAR _________________Milli Kitabxana ________________
67 (İçsəs)
Sənin də yaxşın yaxşıdır, mənimki də; ancaq mənim yaxşım səninkindən yaxşıdır, çünki mənimki sənin yaxşının yaxşılığını qəbul eləyir, səninkiyisə mənim yaxşıma “yaman” deyir. *** İnsafsız Həqiqət: Soyluya “sevgi” sizi Safruh dustağına saldı. *** Vicdanın yenidən doğulması – Qorxudan ayrılması. Mütləqə İnamın gəlişi ilə baş verməli olan budur. ***
Sonevdə canımı yeyəsi cücülərə acığım tutmur, onlara dəhşətlə də baxmıram. ***
Terror insanları öldürür – suçlu, suçsuz; Terrorun nədəni isə – insanlığı öldürür. Terrora qarşı mübarizə – onun nədəninə qarşı yönəlməlidir. *** Doğada heyvan yoxa çıxır, toplumda insan. *** Sivilizasiya qudurmuş itə dönüb, bəşərin bütüninsani dəyərlərini dalamaqdadır. *** “Gerçəklik Onun dediklərindən heç birini doğrultmasa da, Onun dediklərinin hamısı doğrudur” deyirəm qəti inamla. Gerçəklər soruşurlar: “Meyarınız?” ***
Gəlişməyə (gəlişən başkəndimə) baxıb üzücü kədərə boğuluram... Onun “Atalar – Oğullar”, “Əski – Yeni”, “İnkarı inkar” əsaslı bir hal olduğunu bilsəm (bu ondan olsa), oy necə sevinərəm!; yaxud eləcə “sevinərəm”; yaxud “rahatca ölərəm”!.. *** Ağzının süd iyi çəkilməmiş Amaldaşlarım, bitdinizmi, tükəndinizmi?! *** Inamı Budun`a gətirmişik, bundan sonra Budun`u İnama gətirməliyik. *** Atamız var olsun!
(Aprel 2006). İnam Evi. _________________Milli Kitabxana ________________
68 GERİ GÖTÜRÜLMƏYƏSİ SÖZ (İçsəs)
Heç zaman geri götürülməyəsi Söz yiyəsi olmaq – istərdim. Bu isə – mütləq mümkünsüzlükdür. * * *
Geri götürülüməyəsi?! Söz?! Bəlkə bu – susmaqdır? * * *
Yox, bu da ola bilmir elə söz. Çünki Mütləq Həqiqət baxımından da yanaşıldıqda – nə zamansa danışmaq (söz demək) gərəkir. Onda isə bu “söz” də geri gştürülmüş olur... * * * Həqiqətin bir zamanı, əsası, nədəni var, səbəbi var. Onun bir də məzmunu var. Zaman, əsas, nədən, səbəb – dəyişilir, məzmun dəyişilmir... * * * Din nisbiliyi. Bir dinin varlığı o birinin varlığından asılıdır; bu olmasa, o da olmaz, yaxud o olmasa, yalnız bu olar. * * * Belədə də “din və toplum” sorunu gəlir ortaya. * * *
“Toplum” – dünyəvilik deməkdir, “din” – ruhanilik olmalıdır. * * * Törə – din deyil. Onun əli ruha çatmır; O, toplumun gündəlik işlərini yoluna qoyan kurallar toplusudur, üzərdəki işdir. * * * Bəs “milyonlarca nəfər müsəlman, və ya indus, və ya xristian...” nə deməkdir? Bu elə dünya deməkdir, “Toplum” deməkdir. Başqa sözlə, bu, hər bir dinin Dinlikdən çıxıb, törə səviyyəsinə enməsi deməkdir. * * * Şünki belədə dinçi ilə dünyaçı bir-birindən seçilmir, necə deyərlər, “ara qarışır, məzhəb itir”, sonucda eyniləşmə yaranır. * * *
Eyniləşmə: Musaçı da göz qırpmadan baş kəsir, İsaçı da, Məhəmmədçi də, Nitsşeçi də, Makiavelliçi də – eynilə “qanqster” kimi, “killer” kimi, faşist kimi... * * *
Din – üstünlük deməkdir. Ruhani və üstün, ruhani olduğu üçün üstün.
* * * “Dinçi” – “dünyəvilikdən yuyan, yuyub təmizləyən, arıdan, duruldan...2 deməkdir, o şəxsdir, elə şəxs olmalıdır. _________________Milli Kitabxana ________________
69 * * *
“Dindar”, “Mömin” – “ruhani yaşayan”, “dünyəvi, yəni heyvani yaşamayan” anlamlı sözlərdir... * * * Dinçinin bunlardan fərqi: o, ruhaniliyin təəssübçüsü, yiyzsidir həm də. * * * Bir də var yerdə qalan kütlə, milyonlar... (Asif Atanın bunlara yönəlik sözü: “Xalq bizim körpəmizdir – sən körpəni qucağına alırsan, o sənə şillə vurur”). * * *
Birincilər (dinçi, dindar, mömin) – Allahın dostu, ikincilər (kütlə, dünyəvilər, milyonlar) – Allahın bəlasıdır. Birincilər – Allahı (yəni Həqiqəti) bu bəladan qoruyanlardır – elə bunların özləri üçün. * * *
Buna görə də Yer üzünün ən böyük qələti – dinlərarası savaşdır, dinlərarası qırğındır. * * * Buna tutalqa verən isə - dinlərin nisbiləşməsi – törələşməsidir, yəni dinçinin (özcə içində) dünyəviliyə yenilməsidir, yəni yalançılaşması, ikiüzlüləşməsidir. * * *
Biz öz İnamımızda “Ocaqçı – İnamçı” ayrıcını buna görə eləmişik. * * *
Milyonlar – Allahın bəlası (həm də uşaq kimi öz əlini dişləyənlər), Təklər (Ocaqçılar) – bəlaya qarşı ruhani döyüşənlər, döyüşçülər; milyonların əlindən tutub, onlara insanilik əlifbasını öyrədənlər. Öyrətmənlər. İnamçılar – Həqiqətin məzmununu yaşayanlar, daşıyanlar... * * * Hər üçünün (Həqiqtçi, Daşıyıcı, Milyonlar) sübutu: yaşam tərzidir; elan – ələ alınmır; istedad və hünər məhsulu isə həm Ocaqçı üçün, həm də İnamçı üçün sübut kimi yetərsizdir. * * * Heç zaman geri götürülməyəsi “Söz” – ruhani yaşam tərzi imiş... * * * Atamız var olsun!
(“Firəng səltənəti” silsiləsindən içsəs)
Yüklə 2,84 Mb. Dostları ilə paylaş:
|