556
İkiçayarası (Mesopotomiya), Orta Asiyanın cənub və Qərbi,
Hindistan və Çin Qədim Şərq dövlətləri hesab edilirlər.
1
Qədim
dövrlərdə dövlətlər daha çox şəhərlərdə meydana gəlirdi. Məsələn
Şummerdə (İkiçayarasının cənub hissəsi) ilk dövlətlər şəhər
dövləti kimi meydana gəlmişdi.
Şəhər dövlətləri arasında müharibələr, münaqişələr baş verirdi.
Münaqişələrin qabağını kəsmək və müharibənin nəticələrini əks
etdirmək üçün şəhər dövlətləri arasında sülh müqavilələri
bağlanırdı. B.e.ə. III minilliyin ortalarında erkən sülalələr
dövründə inkişaf etməkdə olan Şumer şəhər dövləti olan Laqaş
şəhər dövləti ilə digər bir Şumer şəhər dövləti olan Umma şəhər
dövləti arasında hərbi münaqişə barışıq müqaviləsinin bağlanması
ilə sona yetdi. Bu tarixdə ilk yazılı “sülh müqaviləsi” hesab
edilir. Bu müqavilə Laqaş və Umma şəhərləri arasında sərhəd
məsələlərini Laqaşın xeyrinə həll etmişdi.
2
Qeyd etmək lazımdır
ki, Qədim Şumerdə şəhərlər ictimai təşkilata çevrilmişdilər. Bu
şəhərlər sırasında Uruk, Kiş, Eredu, Larsa, Ur, Laqaş, Umma, İsin,
Sippar, Şuruppak, Nippur və başqaları daxil idilər. Qədimdə
dövlətlər öz münasibətlərini tənzimləmək üçün əvvəlcə şifahi
formada müqavilələr bağlayırdılar. Yazının meydana gəlməsi
dövlətlər arasında müqavilə münasibətlərinin, eyni zamanda
yazılı formada inkişafına kömək edirdi. Qədimdə beynəlxalq
məsələləri həll etmək üçün hökmdarların qurultayları çağrılırdı.
Məsələn, qurultaylardan birində (bizim eradan əvvəl VI əsrdə
mübahisələrin sülh yolu ilə həll edilməsi və münsiflər məhkəməsi
yaradılması haqqında müqavilə bağlanılmışdır.
3
Qədim Babilistan dövləti e.ə. II minilliyin əvvəlində Babil
yaşayış məntəqəsi idi, sonralar iqtisadi cəhətdən inkişaf edib,
böyük şəhərə çevrilmişdi. Qədim yunan müəllifləri bu şəhəri
Vavilon adlandırmışlar. Akkad dilində şəhərin adı Bab-il kimi
1
Yusifov Y.B. Y-88 Qədim Şərq tarixi: Dərslik.-Bakı: Bakı Universiteti
Nəşriyyatı, 1992, 496. s., s. 7.
2
Həmin kitab , səh.75-76.
3
“Beynəlxalq hüquq” Azərb.dilində. məsul redaktor və tərcüməçi,
h.e.n.dosent R.F.Məmmədov. Bakı, “Qanun” nəşriyyatı, 2002,752 s., s.21.
557
yazılırdı. Bab-ili sözü tərcümədə “allahın qapısı” mənasını verir.
Babil şəhəri Dəclə və Fərat çaylarının bir-birinə yaxınlaşdığı, su
və karvan yollarının çarpazlaşdığı ərazidə yerləşirdi.
Babilistanda b.e.ə. 1595-ci ildə hakimiyyəti ələ keçirmiş Kassi
sülaləsinin hökmdarları (bu sülalə b.e.ə 1155-ci ilə qədər
təxminən 500 il Babilistanı idarə etmişdir.) Misir fironları ilə
diplomatik əlaqələr saxlayırdılar, eyni zamanda məktublaşırdılar.
Bu məktublar Misirdəki Əl-Amarna (Bəzi tədqiqatlarda Tel-
Amarna adlanır.) arxivində aşkar edilmişdi. I Kadişman Enlil
(e.ə.1374-1360-cı ilər) Misir fironu III Amenxotep ilə yazışırdı.
Bir məsələni xüsusi olaraq qeyd etmək olar ki, o zamanlarda iki
dövlət arasında sülhün qorunub saxlanılmasında və əlaqələrin
inkişaf etməsində əsas vasitə olaraq ticarət əşyaları dururdu.
Ticarət əşyaları iki dövlət arasında sülhü möhkəmlədirdi. Kassi
hökmdarları Misir fironundan nadir heyvan “umamu”(yəqin ki,
timsah), məişət əşyaları, bəzək-düzək, pal-paltar və sairənin
göndərilməsini xahiş edirdilər. II Burna-Buriaş ilk məktublarının
birində yazırdı: “Sənin atanla mənim atam əvvəllər bir-biri ilə dost
olduqları kimi, gəl indi biz də bir-birimizlə dost olaq və qoy bizim
aramızda bədxah sözlər deyilməsin. Mənim ölkəmdən nə
istəyirsən yaz, onları sənə göndərim. Və mən də sənin ölkəndən
nə istəsəm yazaram və onları mənə göndərərsən”. Bu yazışmalar
iki ölkə arasında ticarətin yaranmasına səbəb oldu. Ticarət malları
müxtəlif imiş. Bunlar barədə Exnatonun göndərdiyi hədiyyələr
təsəvvür yaradır. Onun hədiyyələri içərisində qızıl, gümüş, tunc və
s. düzəldilmiş nəfis əşyalar, qızıldan qab-qacaq, üzük, qolbağ,
boyunbağı, mücrü, Lamassu allahının (Babilistanda hami-allah)
qızıl heykəlləri, qızıla çəkilmiş cəng arabaları, gümüş qablar, tunc
güzgülər, müxtəlif pal-paltar, içi yağla dolu xeyli daş qablar, fil
sümüyündən əşyalar və s. vardı. Bunların içərisində təkcə qızılın
çəkisi 1200 minadan (təxm.600 kq) artıq imiş. Təsadüfi deyil ki,
Burna-Buriaş Exnatona bidirirdi ki, “şahlar arasında qardaşlıq,
dostluq, ittifaq və başqa əlaqələr o zaman ola bilər ki, (qiymətli)
daşlar ağır gəlsin”, yəni iki ölkə arasında dostluq münasibətləri
hökmdar ləyaqətinə uyğun qurulsun, tərəflər biri digərini ucuz
558
tutmasınlar. Babilistan da öz növbəsində Misirə müxtəlif mallar
göndərirdi. Lacivərd (lazurit) qiymətli daşına Misirin ehtiyacı
vardı. Buna görə də İkiçayarasından Misirə lacivərd və
lacivərddən hazırlanmış bir sıra qiymətli əşyalar aparırdılar. II
Burna-Buriaş Exnatona 8 mina lacivərd və bu daşdan hazırlanmış
bir
sıra
qiymətli
əşyalar göndərmişdi. Eyni zamanda
İkiçayarasından Misirə at və cəng arabaları, kişi və qadın qullar
göndərilirdi. Kassi hökmdarları Misirlə müntəzəm dostluq və
ticarət münasibətlərini saxlamaq məqsədini güdürdülər. Dostluq
münasibətlərində ticarət əşyaları xüsusi yer tuturdu, eyni zamanda
ticarət əşyalarının olmaması da dostluq münasibətlərinə xələl
gətirmirdi. Dostluq münasibətləri hökmdarlar arasında ənənəvi
xarakter daşıyırdı. Məsələn, Kassı hökmadrı II Burna-Buriaş
Misir fironları ilə yazışmalaraının birində qeyd edirdi: “..Mənim
qardaşımın (fironun) ölkəsində hər şeyi vardır və onun heç bir
şeyə ehtiyacı yoxdur. Mənim də ölkəmdə hər şey vardır və mən də
heç bir şeyə ehtiyac hiss etmirəm. Yaxşı münasibətlər bizə
şahlardan qalmışdır və biz də bir-birimizə firavanlıq arzulamışıq.
Qoy bizim aramızdakı əlaqələr daha da möhkəm olsun.”.
Yazışmalarda bu cürə mövqe adətən münasibətlərin soyuqlaş-
masına imkan verməmək üçün bildirilirdi.
1
Misirdə XIX sülalə (bu sülalə e.ə. 1345-1200-cü illərdə Misiri
idarə etmişdir) fironlarının nümayəndəsi olan firon II Ramzesin
(e.ə.1301-1235-ci ilər) hakimiyyəti illərində Misir daha geniş
miqyaslı işğalçılıq müharibələri aparırdı. Hetlər Misirin ən böyük
rəqibləri idilər və Ön Asiyada (Suriya və Fələstində) Misirin
mövqeyinin möhkəmlənməsinə imkan vermirdilər. Misir Suriya
və Fələstinə işğal yürüşləri edirdi. Hetlər ilə birinci uğursuz döyüş
II Ramzesi ikinci döyüşə ehtiyatla hazırlaşmağa vadar etdi. Misir
Fələstini tam zəbt etdikdən sonra II Ramzes Oront çayı sahilində
het ordusu ilə üz-üzə gəldi. Lakin hər iki tərəf hərbi müqaviməti
sülh yolu ilə həll etdi. E.ə. 1286-cı ildə Misir ilə Het arasında sülh
1
Yusifov Y.B. Y-88 Qədim Şərq tarixi: Dərslik.-Bakı: Bakı Universiteti
Nəşriyyatı, 1992, 496. s., s. 104-107.