ДЦНЙА ЮЛКЯЛЯРИНИН МЦАСИР СИЙАСИ СИСТЕМЛЯРИ
721
İnzibati bölgüsü: KXDR 9 əyalətə (Çaqando, Xamqen-
Pukto, Xamqen-Namdo, Xvanxe-Pukto, Xvanxe-Namdo, Kan-
vondo, Pxenan-Pukto, Pxenan-Namdo, Yanqando), mərkəz
tabeçiliyində olan 2 iri şəhərə (Pxenyan və Rason) və 3 xüsusi
inzibati regiona (Keson sənaye regionu, Kımqansan turistik
regionu və Sinıycu xüsusi inzibati regionu) bölünür.
Dövlət başçısı: Koreya Xalq Demokratik Respublikasında
dövlət hakimiyyətinin ən yüksək rəhbərlik orqanı sayılan
Mərkəzi Xalq Komitəsinə KXDR Prezidenti başçılıq edir.
Ölkədə siyasi sabitliyin və dövlət təhlükəsizliyinin təmi-
natçısı, habelə daxili və xarici münasibətlərdə KXDR-in ali
təmsilçisi sayılan Prezident dövlət siyasətini formalaşdırır və
onun həyata keçirilməsi üçün Ali Xalq Məclisi qarşısında bila-
vasitə məsuliyyət daşıyır, digər ölkələrdə fəaliyyət göstərən
diplomatik nümayəndələri vəzifəyə təyin edir və geri çağırır və
qüvvədə olan Konstitusiya ilə müəyyən edilmiş digər mühüm
səlahiyyətləri icra edir.
Bununla yanaşı, Şimali Koreyada hərbi və müdafiə sferası
dövlət hakimiyyətinin ən yüksək hərbi rəhbərlik orqanı sayılan
Milli Müdafiə Komissiyasının müstəsna səlahiyyətinə aiddir.
Belə ki, bütün ölkə üzrə silahlı qüvvələrə və dövlət müdafiə
sisteminə rəhbərlik edilməsi, ali hərbi kadrların təyinatı, müha-
ribə və ümumxalq səfərbərliyi elan edilməsi və s. məsələlər
Milli Müdafiə Komissiyası tərəfindən həyata keçirilir.
Mövcud Konstitusiyaya görə, Şimali Koreyada de-fakto
bir partiyanın siyasi hakimiyyəti bərqərar olduğundan, bir
qayda olaraq dövlət başçısı Əmək Partiyasının üzvləri
arasından seçilir.
29 dekabr 2011-ci il tarixindən etibarən Koreya Əmək
Partiyası Mərkəzi Komitəsinin Birinci Katibi, Koreya Xalq
Demokratik Respublikası Dövlət Müdafiə Komitəsinin Birinci
Sədri, Koreya Xalq Ordusunun Ali Baş Komandanı marşal
Kim Çen Indır (dünya birliyi ölkələri arasında ən gənc dövlət
başçısıdır).
Яли Щясянов, Адил Вялийев
722
Qanunverici hakimiyyət: Şimali Koreyada qanunvericilik
hakimiyyəti, 687 üzvü gizli səsvermə yolu ilə ümumi, bərabər
və birbaşa seçki hüququ prinsipi üzrə 5 illik müddətə (seçki
keçirilməsi mümkün olmadığı hallarda ali qanunverici orqanın
səlahiyyət müddəti uzadıla bilər) seçilmiş Ali Xalq Məclisi və
onun qarşısında cavabdehlik daşıyan Daimi Komitə tərəfindən
həyata keçirilir.
Ali Xalq Məclisi qüvvədə olan Konstitusiyaya düzəlişlərin
edilməsində, qanunların hazırlanmasında və qəbulunda, dövlət
büdcəsinin müzakirəsində və təsdiqində, beynəlxalq müqavi-
lələrin və sazişlərin ratifikasiyasında, dövlətin daxili və xarici
siyasətinin əsas prinsiplərinin müəyyən edilməsində, dövlət
başçısının və milli müdafiə komissiyasının sədrinin seçilmə-
sində və ya vəzifələrindən geri çağırılmasında, Daimi Komitə-
nin, Mərkəzi Xalq Komitəsinin və Ali Məhkəmənin üzvlərini,
Baş prokuroru və digər ali vəzifə sahiblərini təyin etməkdə,
habelə Konstitusiya ilə müəyyən edilmiş bir çox digər mühüm
məsələlərin həllində səlahiyyətlidir.
Ali Xalq Məclisinin deputat yerləri bir qayda olaraq öl-
kədə hegemon siyasi partiya sayılan hakim KXDR Əmək Par-
tiyasının təmsilçilərinə məxsusdur. Belə ki, 08 mart 2009-cu il
tarixində keçirilmiş son Parlament seçkiləri zamanı Əmək
Partiyası 601 yerə, ikinci olmuş Sosial Demokrat Partiyasının
nümayəndələri isə cəmi 51 mandata sahib olmuşlar. Digər
qalan yerlər isə ÇÇP (21 yer) və müstəqil deputatlar (13 yer)
arasında bölünmüşdür.
Məhkəmə hakimiyyəti: Mövcud Konstitusiyanın 133-cü
maddəsinə əsasən sədri və hakimləri Ali Xalq Məclisi tərə-
findən təyin edilən Mərkəzi Məhkəmədən, habelə əyalət və
rayon xalq məhkəmələrindən ibarət olan 3 pilləli məhkəmə
sistemi Şimali Koreyada məhkəmə hakimiyyətini həyata
keçirməkdə səlahiyyətlidir.
ДЦНЙА ЮЛКЯЛЯРИНИН МЦАСИР СИЙАСИ СИСТЕМЛЯРИ
723
VYETNAM
Ümumi məlumat: Vyetnam ərazisində ən qədim dövlətlər
eramızdan xeyli əvvəl təşəkkül tapmışdır. 1884-1945-ci illər
ərzində Fransanın protektoratı olmuş ölkə, 1945-ci ilin avqust
ayında baş vermiş xalq-demokratik inqilabı nəticəsində
Vyetnam Demokratik Respublikası elan edilmişdir.
Fransa müstəmləkəçiləri\\\\\\\\yetnam xalqının 8 illik
(1945-1954) müqavimət hərəkatı ölkənin parçalanması ilə
nəticələnmiş, cənubda tez bir zamanda ABŞ-ın təsir dairəsinə
daxil olan Cənubi Vyetnam dövləti yaradılmışdır. Lakin bu
torpaqlarda genişlənən xalq-azadlıq müharibəsi (1964-1973),
ABŞ silahlı qüvvələrinin və onun müttəfiqlərinin Vyetnam
ərazilərindən çıxarılması ilə nəticələnmişdir.
1976-cı ilin iyul ayında ölkə parlamenti ölkənin birləş-
dirilməsini və vahid Vyetnam Sosialist Respublikasının yara-
dılmasını elan etmişdir.
Asiyanın cənub-şərq hissəsində, Hind-Çin yarımadasında
yerləşən Vyetnamın (VSR) paytaxtı Hanoy şəhəridir.
Ölkənin ərazisi 331,210 km², əhalisi (2012) 90,388,000
nəfərdir (əhali sıxlığı 272 nəfər/km²).
VSR-in rəsmi dövlət dili vyetnam dilidir .
Dövlətin İnsan İnkişafı İndeksi - 0.593 - ortadır (128-ci
yer).
Dövlət quruluşu: Məhdudiyyəti olmayan prezident idarə-
etmə üsuluna malik, bir partiyalı sosialist respublikasıdır. Milli
bayram günü olan müstəqillik günü (1945) 02 sentyabr tari-
Dostları ilə paylaş: |