Яли Щясянов, Адил Вялийев
724
xində qeyd edilir. Ölkə Konstitusiyası 15 aprel 1992-ci ildə
qəbul edilmişdir.
İnzibati bölgüsü: 58 əyalətə (Anzyanq, Bakkan, Bençe,
Daklak, Donqnay, Zyalay, Lonqan, Nqean, Namdin, Kontum,
Futxo, Fuyen, Xatin, Xoabin, Çavin, Xanam, Şonla və s.) və
mərkəz tabeçiliyində olan 5 iri şəhərə (Hanoy, Xoşimin,
Dananq, Kantxo və Xayfon) bölünür.
Dövlət başçısı: Ölkədə
milli birliyin rəmzi, müstəqilliyin
və ərazi bütövlüyünün, Hökumətin sabit fəaliyyətinin və döv-
lət təhlükəsizliyinin təminatçısı, daxili və xarici münasibət-
lərdə Vyetnam Sosialist Respublikasının ali təmsilçisi olan
Prezident, eyni zamanda Silahlı Qüvvələrin ali baş komandanı
və Müdafiə və Təhlükəsizlik Şurasının sədridir.
Mövcud Konstitusiyaya görə, Vyetnamda birpartiyalı
siyasi sistem bərqərar olduğundan, bir qayda olaraq dövlət
başçıları Kommunist partiyasının üzvləri arasından seçilirlər.
Dövlət başçısı Nazirlər Kabinetinin strukturunu formalaş-
dırır, Milli Assambleyanın razılığı əsasında Baş naziri,
nazirləri və digər ali vəzifəli şəxsləri təyin edir. Prezidentin
birbaşa rəhbərliyi altında fəaliyyət göstərən nazirlər onun
qarşısında fərdi məsuliyyət daşıyırlar.
25 iyul 2011-ci il tarixindən etibarən Vyetnam Sosialist
Respublikasının hazırkı, sayca 9-cu Prezidenti Vyetnam Kom-
munist Partiyasının təmsilçisi
Çıonq Tan Şanqdır.
Qanunverici hakimiyyət: Vyetnamın ali qanunverici orqa-
nı 500 yerlik, bir palatalı Milli Assambleyadır. Parlamentin
deputat yerləri bir qayda olaraq ölkədə yeganə leqal siyasi
partiya sayılan hakim Vyetnam Kommunist Partiyasının təm-
silçilərinə məxsusdur. Belə ki, 22 may 2011-ci il tarixində
keçirilmiş son Parlament seçkiləri zamanı Kommunist Par-
tiyası 458 yerə, müstəqil deputatlar isə qalan 48 mandata sahib
olmuşlar.
ДЦНЙА ЮЛКЯЛЯРИНИН МЦАСИР СИЙАСИ СИСТЕМЛЯРИ
725
Milli Assambleya qanunların hazırlanmasında və qəbu-
lunda, dövlət büdcəsinin müzakirəsində və təsdiqində, bey-
nəlxalq müqavilələrin və sazişlərin ratifikasiyasında, habelə
mövcud Konstitusiya ilə müəyyən edilmiş digər qanunvericilik
funksiyalarının həyata keçirilməsində müstəsna hüquqlara
malik olmaqla yanaşı, Prezidenti, Baş naziri, 21 nazirdən
ibarət Hökumət üzvlərini, Baş prokuroru və Ali Məhkəmənin
sədrini təyin etməkdə də səlahiyyətlidir.
İcraedici hakimiyyət: Nazirlər Kabineti və ona rəhbərlik
edən Baş nazir ölkədə icra hakimiyyətini həyata keçirməkdə
səlahiyyətlidir. Mövcud Konstitusiyaya görə, Hökumət üzvləri
arasından yalnız Baş nazir, qarşısında fərdi məsuliyyət daşıdığı
Milli Assambleyanın üzvü olur.
Ölkənin daxili və xarici siyasət kursunun həyata keçiril-
məsində səlahiyyətli olan Hökumətin fəaliyyətinə Parlamentin
Daimi Komitəsi nəzarət edir və
Kabinet üzvləri Parlamentdə
təsdiq olunur.
2006-cı ilin iyun ayından etibarən Vyetnam Sosialist Res-
publikasının hazırkı Baş naziri, Vyetnam Kommunist Parti-
yasının təmsilçisi olan
Nquen Tan Zunqdur.
Məhkəmə hakimiyyəti: Vyetnamın ən yüksək məhkəmə
instansiyası sayılan və sədri Milli Assambleya tərəfindən təyin
edilən Ali Məhkəmə, habelə yerli xalq məhkəmələri, hərbi və
qanunvericilikdə nəzərdə tutulmuş digər birinci instansiya
məhkəmələri ölkədə məhkəmə hakimiyyətini həyata keçirirlər.
Яли Щясянов, Адил Вялийев
726
§3. Teokratik və mütləq
monarxiya tipli dövlətlər
Zahirən teokratiya və monarxiya sisteminə daxil olan öl-
kələrin siyasi rejimləri çox oxşardır. Müddətsizlik, konkret
hüquqi məsuliyyətin olmaması, tam hakimiyyətlilik kimi əla-
mətlər onları bir-birinə son dərəcə yaxınlaşdırır. Lakin, ali
hakimiyyətin əvəzlənməsində monarxiyaya xas olan vərəsəlik
qaydası, teokratiya üçün nəinki məcburi sayılmır, əksinə ümu-
miyyətlə qəbul edilməyən bir institutdur.
İlahi hakimiyyət – bir çox teokratik dövlətlərin (İran,
Səudiyyə Ərəbistanı, Vatikan və s.) əsas qanunlarında möhkəm
yer qazanmış əsas elementdir. Məsələn, İran Konstitusiyasına
görə dövlətin və ümumiyyətlə bütün müsəlman cəmiyyətinin
işlərinin idarə olunması əbədi və daimi olaraq 12 imamın
əlindədir. Səudiyyə Ərəbistanında isə İlahi hakimiyyət – Əsas
qanunun müqəddəs “Qurani-Kərim” olması ilə izhar edilir.
Vatikanda da sözügedən hakimiyyət məhz analoji üsulla özünü
təsdiq edir.
Teokratik respublika idarəçiliyinin əsl nümunəsi İrandır.
Bu ölkədə əsas dövlət vəzifələrinə namizədləri Ayətullahlar
Şurası təsdiq edir. Ayətullah dövlətin ali rəhbəri sayılır və
Prezidentlə müqayisədə daha geniş hakimiyyətə sahibdir.
Teokratik dövlətdə qanunvericilik, məhkəmə və bəzi
hallarda ali rəhbərlik dini liderlər tərəfindən həyata keçirilir.
Bir qayda olaraq onlar dövlət başçısı yanında məşvərətçi
orqanın (Səudiyyə Ərəbistanında - monarxın yanında Məş-
vərətçi Şura; İranda – Rəhbərin yanında Ekspertlər Şurası və
s.) tərkibinə daxil olurlar, bəzi hallarda isə dövlət başçısı eyni
zamanda ruhanilərin lideri sayılır (İran, Vatikan və s.).
Bəzən teokratiya elementləri, habelə monarxın kilsə baş-
çısı olduğu protestant ölkələrində də (Böyük Britaniya,
Norveç, İsveç, Danimarka) görünür.