nazirliklər baş idarələr, dövlət, kooperativ, ictimai müəssisələr,
təşkilatlar, idarələr və vətəndaşlar tərəfindən yerinə yetirilməsini
təmin etməkdir.
Maddə 14. Tarix və mədəniyyət abidələrinin
mühafizəsi və onlardan istifadə üzərində dövlət nəzarətini
həyata keçirən orqanlar
Tarix və mədəniyyət abidələrinin mühafizəsi və onlardan
istifadə üzərində dövlət nəzarətini xalq deputatları Sovetləri,
onların icra və sərəncam orqanları, SSR İttifaqı və Azərbaycan
SSR-in qanunvericiliyinə uyğun olaraq buna xüsusi vəkil edilmiş
dövlət orqanları həyata keçirirlər.
Maddə 15. Abidələrinin mühafizəsi və onlardan istifadə
tədbirlərinin həyata keçirilməsinə ictimai təşkilatların və
vətəndaşların iştirakı
Həmkarlar ittifaqları, gənclər təşkilatları, elmi cəmiyyətlər,
yaradıcılıq ittifaqları və digər ictimai təşkilatlar, habelə
vətəndaşlar tarix və mədəniyyət abidələrinin mühafizəsi, onlardan
istifadə edilməsi, onların aşkara çıxarılması, uçota alınması,
bərpası və həmin abidələr haqqında biliklərin yayılması
tədbirlərinin həyata keçirilməsində dövlət orqanlarına yardım
göstərirlər.
İctimai təşkilatlar tarix və mədəniyyət abidələrinin
qorunmasının təmin edilməsi işində həmin təşkilatların
nizamnamələrinə (əsasnamələrinə), SSR İttifaqı və Azərbaycan
SSR qanunvericiliyinə uyğun olaraq iştirak edirlər.
Tarix və mədəniyyət abidələrinin qorunmasına qalmaq
vətəndaşların borcu və vəzifəsidir.
Maddə 16. Abidələrinin mühafizəsində və onlardan
istifadə olunmasında Azərbaycan Tarix və Mədəniyyət
Abidələrini Könüllü Mühafizə Cəmiyyətinin iştirakı
Azərbaycan Tarix və Mədəniyyət Abidələrini Könüllü
Mühafizə Cəmiyyəti əhalinin geniş təbəqələrinin abidələrin
mühafizəsində fəal surətdə və bilavasitə iştirak etməyə cəlb
olunmasına kömək edir, abidələri, abidələrin mühafizəsi və
onlardan istifadə haqqındakı qanunları təbliğ edir, dövlət abidələri
mühafizə orqanlarının işinə fəal kömək edir, abidələrin
qorunmasına və onlardan düzgün istifadə olunmasına ictimai
nəzarət edir, tarix və mədəniyyət abidələri üzərində müəssisə,
təşkilat və idarələrin hamiliyini təşkil edir.
Tarix və mədəniyyət abidələrini könüllü mühafizə
cəmiyyəti tarix və mədəniyyət abidələrinin qorunmasının təmin
edilməsinə yönəldilən işdə öz nizamnaməsinə, SSR İttifaqı və
Azərbaycan SSR qanunvericiliyinə uyğun surətdə iştirak edir.
Maddə 17. Tarix və mədəniyyət abidələrinin
mühafizəsi və onlardan istifadə olunmasında Azərbaycan SSR
Elmlər Akademiyasının iştirakı
- Azərbaycan SSR Elmlər Akademiyası ona tapşırılmış
vəzifələrə uyğun olaraq tabeliyindəki muzeylərdə və başqa
idarələrdə olan tarix və mədəniyyət abidələrinin mühafizəsini və
onlardan istifadə olunmasını təmin edir, Akademiyanın
Nizamnaməsi, SSR İttifaqı və Azərbaycan SSR qanunvericiliyi ilə
ona tapşırılan digər sanksiyaları yerinə yetirir.
Maddə 18. Tarix və mədəniyyət abidələrinin
mühafizəsi və onlardan istifadə olunması sahəsindəki
tədbirlərin həyata keçirilməsində müəssisə, təşkilat və
idarələrin iştirakı
Dövlət müəssisələri, təşkilatları və idarələri, kolxozlar və
digər kooperativ təşkilatları tarix və mədəniyyət abidələrinin
aşkara çıxarılması, mühafizəsi, onlardan istifadə olunması, onların
uçota alınması, bərpa edilməsi, onlar haqqındakı biliklərin
yayılması sahəsindəki tədbirlərin həyata keçirilməsində abidələri
mühafizə və onlardan istifadə orqanlarına yardım göstərirlər.
Müəssisə, təşkilat və idarələr tarix və mədəniyyət
abidələrinə hamilik edə bilərlər.
Maddə 19. Tarix və mədəniyyət abidələrinin təbliğində
və tanıdılmasında mədəniyyət, xalq maarifi, elm orqanlarının
və idarələrinin iştirakı
Mədəniyyət, xalq maarifi, elm orqanları və idarələri tarix
və mədəniyyət abidələri haqqında biliklərin əhali arasında təbliğ
olunmasında və yayılmasında fəal iştirak edir, bu abidələrin
öyrənilməsinə uşaqların və gənclərin geniş cəlb olunmasına,
onların mühafizəsində əhalinin iştirakına kömək edirlər.
II TARİX VƏ MƏDƏNİYYƏT ABİDƏLƏRİNİN DÖVLƏT
UÇOTU
Maddə 20. Tarix və mədəniyyət abidələrinin dövlət
uçotunun təşkili
Tarix və mədəniyyət abidələri, kimin mülkiyyətində
olmasına baxmayaraq, dövlət uçotuna alınmalıdır.
Tarix və mədəniyyət abidələrinin və onlardan istifadə
haqqında SSRİ qanununa uyğun olaraq tarix və mədəniyyət
abidələri SSRİ Nazirlər Sovetinin müəyyən etdiyi qaydada dövlət
uçotuna alınır.
Maddə 21. Tarix və mədəniyyət abidələrinin
ümumittifaq, respublika və yerli əhəmiyyətli abidələrə aid
edilməsi
Tarix və mədəniyyət abidələrinin uçotunu və mühafizəsini
təşkil etmək məqsədi daşınmaz abidələr ümumittifaq, respublika
və yerli əhəmiyyətli abidələrə bölünür.
Tarix və mədəniyyət abidələri ümumittifaq, respublika və
yerli əhəmiyyətli abidələr kateqoriyasına SSR İttifaqı və
Azərbaycan SSR qanunvericiliyinə uyğun olaraq aid edilir.
Respublika əhəmiyyətli tarix və mədəniyyət abidələrinin
siyahıları Azərbaycan SSR Mədəniyyət Nazirliyinin təqdimi üzrə
Azərbaycan SSR Nazirlər Soveti tərəfindən təsdiq edilir.
Yerli əhəmiyyətli tarix və mədəniyyət abidələrinin
siyahıları rayon, şəhər (respublika tabeliyində olan şəhər) xalq
deputatları Sovetləri icraiyyə komitələrinin Azərbaycan SSR
Mədəniyyət Nazirliyi ilə razılaşdırılmış təqdimi üzrə Azərbaycan
SSR Nazirlər Soveti tərəfindən Naxçıvan MSSR və Dağlıq
Qarabağ Muxtar Vilayəti ərazisində isə müvafiq surətdə Naxçıvan
MSSR Nazirlər Soveti tərəfindən, Dağlıq Qarabağ Muxtar
Vilayəti Xalq Deputatları Sovetinin İcraiyyə Komitəsi tərəfindən
təsdiq edilir.
Dostları ilə paylaş: |