Microsoft Word Tebriz folkloru doc

 

  

١٨٨

Bulud gәldi qalandi,  

 

Könlüm evi talandi. 

Nә dәrdimә dәrman var,    

Nә dә yaram sağlandi.  

 

Bulut dağdan oğranıb, 

Para-para doğranıb. 

Qoca kötüh üstündә 

Çoxlu budağ doğranıb. 

 

Burdan uzax kücü var, 

Zülfün iki ucu var. 

İki könül bir olsa, 

Kimin ona gücü var. 

 

Burdan bir maya getdi,    

Sallandi, çaya getdi.  

Yolunda cәfa çәkdim,  

 

Әmәgim zaya getdi.  

 

Burdan bir atlı geçdi, 

Atın oynatdi geçdi.  

Gün kimi ışıq saldi,  

 

Ay kimi batdi geçdi.  

 

Burdan uzax Gәncәdi,  

 

Zülfün pәncә-pәncәdi.  

Ölüm Allah işidi,    

Ayrılıx işkәncәdi. 

 

Bülbülәm, bağ gәzәrәm,    

Maralam, dağ gәzәrәm.  

Yüz yerdәn yaralansam,    

Ölmәrәm, sağ gәzәrәm.  

 

Çatılıb qaşız, dağlar, 

Bilinmir yaşız, dağlar. 

Hicran sizә dә düşdü. 

Ağarar başız, dağlar. 

 

Çayda balıq yan gedәr, 

Açma, yaram qan gedәr. 

Yüz min tәbib neylәsin 

Әcәl gәlsә, can gedәr. 

 

Çirağ çirağa neylәr? 

Yanar çirağa neylәr? 

Çirağ ki hәxdәn yana 

Piltәni, yağı neylәr. 

 

Çıxdım dağlar başına, 

Yazı yazdım daşına, 

Gәlәn-gedәn oxusun 

Nәlәr gәldi başıma. 

 

Cәmalın nәzәr baği,  

 

Dost gәlәr, gәzәr baği.  

Dodaxlar gül ğunçәsi  

 

Açılar, bәzәr baği.  

 

Dağ başını qar alıb, 

Baxçaları bar alıb. 

Namәrd, alma canımı, 

Bir canım var, yar alıb. 

---

 

  

١٨٩

Dağ başında gül ollam,    

Qәfәsdә bülbül ollam. 

Bivәfa yar әlinnәn   

Oda yanıb kül ollam.  

 

Dağ başın çәm alırmi?  

 

Alsa kölgә salırmi? 

Bir mәzlumun qisasi  

 

Bir zalımdә qalırmi? 

 

Dağ başında iz olmaz, 

İz olsa da, düz olmaz. 

Dәvә adamsız otlar, 

Sürü çobansız olmaz. 

 

Dağ başın duman almaz, 

Yar yarın dәrdә salmaz. 

Axirdә bu gözәllih  

Gedәr, sәnә dә qalmaz. 

 

Dağ başında qoş durmaz, 

Bahar gәlsә, qış durmaz. 

Cәvan oğlan, cәvan qız 

Yüz and içsә, diş durmaz. 

 

Dağ başına düşdü qar, 

Әkdim ağac, verdi bar. 

Sırrını dosta vermә, 

Dostun da bir dostu var. 

 

Dağ başına qondu sar, 

Qondu tәrlan, uşdu sar. 

Ürәh ki var şüşәdi, 

Sındırsalar, kim yamar? 

 

Dağ başında yel әsәr, 

Düşәr üzә, tel әsәr. 

Doğru söz tez yer salar, 

Qılışdan da pis kәsәr. 

 

Dağda bitibdi lalә,   

Oxşar gül üzdә xalә.  

Sidqinәn sevәn ürәh  

 

Axir çatar visalә.  

 

Dağlar, nәdәn ağlarsan?    

Güldәn kәmәr bağlarsan.  

Gül sәndә, lalә sәndә,  

 

Daha nәdәn ağlarsan?  

 

Dağların harayınnan,  

 

El köçdü, harayınnan.  

Mәrdin daxmasi yaxşi  

 

Namәrdin sarayınnan. 

 

Dağların başına bax, 

Dibinin daşına bax. 

Mәn sövdüm, el apardi, 

Dünyanın işinә bax. 

 

Dağlarda gördüm lala, 

Әldә tutdum piyala. 

Kim gördu bu dünyada 

Zalım evi abad qala. 

---

 

  

١٩٠

Dam üstә qәrә toyux, 

Kişlәdim yara yovux. 

Hamının dostu gәldi 

Gәlmәdi qanı soyux. 

 

Dağlar başi qar oldu,  

 

Bulud gәldi, tar oldu.  

Bilmәm dünya başıma  

 

Nәdәn belә dar oldu? 

 

Dağistanda dağam mәn,    

Zindanda dostağam mәn.  

Dostuma xәbәr olsun,  

 

Ölmәmişәm, sağam mәn.  

 

Dan ulduzu dihlәndi,  

 

Karvan yola yühlәndi. 

Sinәmә qızaran köz  

 

Yel vurdu, kürühlәndi. 

 

Dәrbәndin başı pıtrax, 

Coqa vurun, oturax. 

Birin sәn de, birin mәn, 

Bәlkә qәmnәn qurtulax. 

 

Dәrya kimi bulannam,  

 

Daği-daşi dolannam. 

Sağ gözüm sәnә qurban,   

Sol gözümlә dolannam. 

 

Dәrya, sәnnәn kim geçdi?  

Kim ğәrq oldu, kim geçdi?  

Fәlәk, gәl, söylә görәk  

 

Sinәm üsdәn kim geçdi?  

 

Dәryada gәmim qaldi,  

 

Sürmәdim, zәmim qaldi.  

Arzun könlündә qalsın  

 

Necә ki mәnim qaldi.  

 

Dәrdini de bilәnә,   

İş başına gәlәnә. 

Açma ürәk dәftәrin  

 

Hәr üzünә gülәnә.  

 

Dәrya dolu lәlilәn,   

Bülbül oynar gülilәn.  

Hamıya can bağışlar,  

 

Mәni saxlar dililәn.  

 

Dәrd aşar, başdan keçәr, 

Kirpikdәn, qaşdan keçәr. 

Doğru söz, doğru kәlam, 

Dәmirdәn, daşdan keçәr. 

 

Dәrvişәm, kәşkülüm var, 

Hәr bağda beş gülüm var. 

Çağırram, ya Әbülfәzl, 

Aşılmaz müşkülüm var. 

 

Dәstmalın ağdi mәndә,    

Güllüdü, ağdi mәndә.  

Yar, sәnin bir çox sözün    

Sağalmaz dağdi mәndә.  

---

 

  

١٩١

Diriyәm, nәfәsim var, 

Ölmәmişәm, sәsim var. 

Çırpınıb uçanmıram, 

Dәmirdәn qәfәsim var. 

 

Dolan gәl belәsinә,  

 

Әzizim belәsinә.  

Mәn bağçaya gәlmәzdim,  

Gәldim nobar görmәsinә. 

 

Dost gәrәk yanan olsun,    

Hәr dәrdi qanan olsun.  

Dost tapsan elәsin tap  

 

Sayılan, sanan olsun. 

 

Dumanli dağlar könlüm,    

Nisgilli bağlar könlüm.  

Nә açılar, nә gülәr,  

 

Hәmişә ağlar gönlüm.  

 

Durnam göydә düz durdu,  

Qatarlandi düz durdu. 

Mәn yara xoş söz dedim,  

O pis yerә yozdurdu. 

 

Dolaydan düzә gәldim,    

Ginә dә sizә gәldim. 

Yüz minlә gәlmәzidim,    

Bir kәlmә sözә gәldim.  

 

Dos dostilәn yaxcıdır, 

Olmasa gen, yaxcıdır. 

O dost ki sarsaxlaya, 

Ondan düşmәn yaxcıdır. 

 

Endim bulax başına, 

Yazqı yazdım daşına. 

Gәlәn-gedәn oxusun, 

Nәlәr gәlib başıma. 

 

Elçiyәm, elә bәndәm,  

 

Bülbülәm, gülә bәndәm.  

Könlümü alan olsa,  

 

Bir şirin dilә bәndәm.  

 

Әl-qolum bağlı qaldı, 

Qapım bir tağlı qaldı. 

İgid oğlum gәlmәdi, 

Ürәgim dağlı qaldı. 

 

Әldә qәlәm nә yazar? 

Siz yadlara nә yazar? 

Ata-baba sözüdü: 

Düz getmәyәn tez azar. 

 

Әldә әsa yaxcıdır, 

Yaxcı otur, yaxcı dur, 

Yaxcı yurdda pis övlad 

Heç qalmasa yaxcıdır. 

 

Әldәn gәlәn nә qaldi?  

 

Nә ğoğadi, nә qaldi? 

İşvә yadın, naz yadın  

 

Dahi mәnә nә qaldi?  

---