١٢
Dağda meşәlih
Gül bәnövşәlih.
Mәn hәmişәlih
Bu balama qurban.
Dağdakı atdar
Quyruğun qatdar.
Gözәl arvatdar
Bu balama qurban.
Dağların lalasına,
Gözlәrin qarasına,
Analar qurban olsun
Öz körpә balasına.
Dağlar gül-çiçәk olsun,
Yarpağı ipәk (lәçәh)olsun.
Bir bala görsәdin ki,
Balamnan göyçәk olsun.
Dağlarda lalam sәnsәn,
Alınmaz qalam sәnsәn.
Kimim yox, kimsәnәm yox,
Bir şirin balam sәnsәn.
Dar-darılar xәrmәni,
Sünbülü saray xәrmәni.
Balamı qaçırtdılar,
Dayısı verәr cәrmәni.
Dar-darılar yarpağı,
(Cür-cürülәr yarpağı)
Astanalar torpağı.
Hәr kim bunı istәmәz
Gözünә bibar yarpağı.
Dәrya ollam bulannam,
Sucax ollam, sulannam,
Sağ gözüm sәnә qurban,
Sol gözümlә dolannam.
Dәrya dolı lәl ilәn,
Balam oynar gül ilәn.
Alәmә can bağışlar,
Mәni saxlar dil ilәn.
Dili var bülbül kimi,
Tutub qәfәsә salmağım gәli.
Burnu var Şirvan püstәsi,
Sındırıb yemağım gәli.
Dodağı qeymax kimin,
Bala qatmağım gәli.
Zәnәxdan portağal kimin,
Kәsib yemağım gәli.
Әlindә var hәnası,
Qulağında tanası.
Bir toyunu göreydim,
Oleydim bәy anası.
Әzizim, asma mәni,
Hay-küyә basma mәni.
Qoyma tifil ağlaya,
Ağzına bas mәmәni.
١٣
Gәlin çıxax damlara,
Yalvarax adamlara,
Çadır qurax, suluyax,
(Su tökax, çadır qurax)
Dәdәn gәlәn yollara.
Gördüm nalasın,
Çәkdim bәlasın,
Balam da istәr
Körpә balasın.
Göydә ulduzdar,
Şaxdalı buzdar,
Cahazsız qızdar
Bu balama qurban.
Göydәki guşdar
Bu balama qurban.
Yağan yağışdar
Bu balama qurban.
Gözlәri piyala kimin,
Su töküp içmağım gәli.
Dişlәri var mәrcan kimin,
Boynuma düzmağım gәli.
Hәyәtdә itdәr
Bu balama qurban.
Meşәdәki quşdar
Bu balama qurban.
Xırdacasan, mәzәsәn,
Sәn hәr güldәn tәzәsәn.
O günә qurban olum
Dıpır-dıpır gәzәsәn.
Xırdacasan, mәzәsәn,
Sәn hәr güldәn tәzәsәn.
Qurban olum o günә
Ayax tutub gәzәsәn.
İyit qalasın istәr,
Dağın lalasın istәr,
Mәn balamı istәrәm,
Balam balasın istәr.
Kişniyәn atdar
Bu balama qurban.
Sonsuz arvatdar
Bu balama qurban.
Qaradı başım,
Yoxdı sirdaşım.
Qohum-qardaşım
Bu balama qurban.
Qalalar, ay qalalar,
Laçın orda balalar.
Laçın balasın vermәz,
Bәlkә, zorla alalar.
١٤
Qapımızda var çınar,
Yarpağı dinar-dinar.
Mәnim balam körpәdi,
Saxlasın pәrvәrdigar.
Qaşlara qurban, gözlәrә yox,
Çiçilәr gәlir, mıncığı çox,
Hәr rәhdә var, qәrәsi yox.
Qәrәnfilәm, qalxaram,
Açılmaya qorxaram,
Gecә cınqırın çıxsa,
Yerimdәn dik qalxaram.
Qızdır qızıl yәrpağı,
Astanalar torpağı,
Hәr kәs bunu istәmir,
Gözünә bibar yәrpağı.
Qızım, qızım, naz qızım,
Min tümәn azdı qızım,
Min tümәni gәtirәlәr,
Qızımı yerdәn götürәlәr.
Qızım qızlar içindә,
Әyrisi yox qıçında,
Qızımçün elçi gәlir
Bu gәlәn ayın içindә.
Mәn demirәm ay olmaz,
Yaz olmaz, yay olmaz,
Çox analar qız doğub,
Bizim qıza tay olmaz.
Mәni oyax qoyan sәn,
Qızılgülә boyan sәn.
Öpüm qara gözünnәn
Bәsdir yatdın, oyan sәn.
Mәnim gül buta oğlum,
Әtrinә batam oğlum,
Bir arzum var ürәkdә
Sәnә toy tutam, oğlum.
Mәnim balam bir qәtrә,
Gedә bulaxdan su gәtirә,
Nәnәsi içә әt gәtirә,
Düşmәn içә dәrt gәtirә.
Mәnim balam bir qәtrә,
Gedib mәnә su gәtirә,
Gәtirә verә babasına,
Rәhmәt onun atasına.
Obalar köçәn yurdumuzdan,
Balam düşsün ardınızdan.
Quzunuza hoş desin,
Toyuğunuza kiş desin.
Obalar obanız olsun,
Bir belә balanız olsun,
Hamıdan beş-beş olsun,
Qoy bizdәn on beş olsun.
١٥
Oğul, sәn yarağımsan,
Güzgümsәn, darağımsan.
Hәr gün lazım olma(z)san,
Dar gün(üm)dә dayağımsan.
Ohe, behe mamani,
Eşşәhlәr yedi samani,
Hanı bu qızın tumani,
Odu ba ağac başında.
Vay qara pişih apardi,
Tumani düşüh apardi.
Oxşasın dilim sәni,
Böyütsün elim sәni,
Meydanda at oynadan(da)
Bir iyit bilim sәni.
Öldüm ahın dәrdinnәn,
İncir qaxın dәrdinnәn.
Arvadlar oğlan doğur
Mәnim qızım dәrdinnәn.
Öldüm ahunun dәrdinnәn,
Әncir qaxının dәrdinnәn.
Arvatdar oğlan doğar
Mәnim qızımın dәrdinnәn.
Qaynana nәvәsıni qucağına alıb gәlinә acıq vermәk üçün
belә deyәr:
Sarımsağım,soğanım,
Yad qızınnan olanım.
Babana canım qurban,
Nәnәn olsun qurbanım.
Yarısi balam balasi,
Yarısi ilan balasi,
Sәnә nolubdı, balam,
Rәngin solubdı, balam.
Oyan şirin yuxudan,
Mәmәm dolubdı, balam.
Sәni verәnә qurban olum,
Göyul verәnә qurban.
Demişdim belә fәrih versin
Xoruz verәnә qurban.
Uşağın yaxınları belә oxuyarlar:
Süd dibi qaymax dibi,
Qurbanın olsun bibi.
Süd yala, qaymax yala,
Qurbanın olsun xala.
Bir dәnәsәn, bir dәnә,
Qurbanın olsun nәnәn.
Dostları ilə paylaş: |