83
elə bir kordinasiyası prosesidir ki, bu fəaliyyətin effektivliyi təmin edilsin” (31, 256).
Daha doğrusu, investisiyaların effektivliyini – yüksək mənfəəti prinsipial olaraq,
təkmil, daha doğrusu, innovasiya menecment reallaşdırır.
nnovasiya menecmenti innovasiya proseslərinin, innovasiya fəaliyyətinin, bu
fəaliyyətlə məşğul olan təşkilati strukturun və heyətin idarə edilməsinin prinsip,
metod və formalarının məcmusudur.
nnovasiya meneceri innovasiya prosesinin müxtəlif fazalarında fəaliyyət
göstərir və bu sahədə özünün idarəetmə fəaliyyətini qurur. Müəssisə və təşkilatlar
innovasiya fəaliyyəti ilə məşğul olmaq məqsədi ilə aşağıdakı təşkilati strukturları
yarada bilərlər:
1.
Elmi tədqiqat institutları və ya elmi mərkəzlər.
2.
Layihə - konstruktor şöbələri.
3.
Strateji araşdırma mərkəzləri.
4.
Marketinq şöbəsi nəzdində marketinq tədqiqatları bölməsi.
5.
Laboratoriyalar.
6.
Məsləhət (konsaltinq) şöbələri və s.
Vençur biznesi ilə məşğul olan firmalar yeni məhsulların layihələşdirilməsini,
tədqiqini və istehsalını, ixtiraçılıq və elmi axtarışla bağlı fəaliyyəti həyata keçirirlər.
Mahiyyətinə və məzmununa görə vençur biznesi riskli biznesdir. (Vençur sözü ingilis
dilindən “venture” sözündəndir. Mənası “risk”, “cəsarətli addım” deməkdir. Yəni
vençur müəssisələrinin həyata keçirdikləri kapital qoyuluşları olduqca riskli bir işdir.
Çünki istehlakçılar yeni layihələri, məhsulları necə qəbul edəcək, yeniliklərin nəticəsi
necə olacaq bunu qabaqcadan proqnozlaşdırmaq çox çətindir. Ona görə də, vençur
kapitalı riskli kapital hesab olunur.
Vençur firmaları böyük firmaların struktur vahidi kimi törəmə müəssisələri
formasında da fəaliyyət göstərirlər. Vençur firmasının təşkil edilməsi və yaradılması
üçün lazım olan şərtlər aşağıdakılar hesab olunur:
1) Maliyyələşmə mənbəyi − risk kapitalı.
2) Vençur firmasının gəlir gətirə bilmək potensialı.
84
3) nnovasiya ideyalarının mövcudluğu.
4) Firmanın məhsuluna bazar tələbatının yaranması.
nnovasiya firmalarına və qurumlarına rəhbərlik mühəndislər və menecerlər
tərəfindən həyata keçirilir.
Funksional yanaşma üsulundan istifadə edərək ayrı-ayrı ölkələrin M S-lərinin
tədqiq olunması və onların Azərbaycanın sosial-mədəni və iqtisadi mühitinə
uyğunlaşdırılması xüsusiyyətlərinin öyrənilməsi yolu ilə Respublikamızın milli
innovasiya sisteminin aşağıdakı səkkiz funksiyasının formalaşdırılmasının vacib
olduğunu müəyyənləşdə bilərik:
- innovasiya siyasətinin formalaşdırılması;
- innovasiyalar üçün tənzimləyici mühitin yaradılması;
- perspektivli elmi istiqamətlərin müəyyənləşdirilməsi və prioritetli innovasiya
proseslərinin seçilməsi;
- resursların formalaşdırılması və bölüşdürülməsi;
- innovasiya istiqamətli ETTK -lərin yaradılması və həyata keçirilməsi;
- innovasiya fəaliyyətinin inkişaf etdirilməsi tələblərinə cavab verən insan
kapitalının formalaşdırılması və zəruri olan material aktivlərinin yaradılması;
- innovasiyaların yaradılması və istifadəsi üçün stimulların yaradılması;
- yüksək texnologiyalara əsaslanan yeni istehsal və xidmət sahələrinin
inkişafının maliyyə cəhətdən dəstəklənməsi.
nnovasiya menecmentinin təhlili bir sıra mühüm məqamları - vençur
maliyyələşdirmə sxeminin effektivliyini, innovasiya risklərinin idarəedilməsini və.s.-i
aydınlaşdırmağa, o cümlədən elmi-tədqiqatın proqram-məqsədli təşkilinin mikro
səviyyədə təkmılləşdirilməsi məsələsinin aydınlaşmasına imkan yaratdı və qeyd
olunmalıdır ki, bütövlükdə innovasiya proseslərinin effektivliyi həm də korporativ
idarəetmə standartlarının keyfiyyətindən asılıdır.
Ümumiyyətlə, müasir idarəetmə praktikası və nəzəriyyəsi bu sualı cavablandırıb
və artıq məlumdur ki, “korporativ idarəetmə hər bir kompaniya – böyük və kiçik,
85
özəl və ictimai kompaniyalar üçün ən mühüm məsələdir” ( журнал обзор
економичсского Европы 2003).
Bu baxımdan müasir idarəetmədə yüksək korparativ standartların tətbiqi
vacibdir və məhz bu idarəetmənin mövcudluğu xarici investisiya mənbələrinə - səhm,
istiqraz buraxılışı hesabına vəsaitlər cəlbinə imkan yaradır. Nəzərə almaq gərəkdir ki,
ötən əsrin 50-ci illərində tətqiqatlarla sübut olunub ki, xarici maliyyələşmə
mənbələrindən üstün istifadə bütövlükdə səmərəlidir.
Keyfiyyətli korporativ idarəetmə sisteminin formalaşması əlbəttə ki, təkcə
sahibkarlığın idarəetmədən ayrılması ilə şərtlənmir. Bir çox hallarda sahibkarlığın
inzibati-təşkilati forması da bu cəhətə ciddi təsir göstərir. Azərbaycan mühitində bu
baxımdan əsas məsələ korporativ formanın zəif inkişafında deyil. Əsas məsələnin
mahiyyəti bir qədər fərqlidir. Öncə qeyd etdiymiz kimi ölkədə yaradılan əlverişli
investisiya və sahibkarlıq mühiti son illərdə sahibkarlıq subyektlərinin sayının sürətli
artımını şərtləndirib. Belə ki, 2001-ci ildə dövlət registirində qeydə alınmış
müəssisələrin sayı 55799 idi. 2006-cı ildə bu göstərici 70287–yə, 2011-ci ilin
əvvəlinə isə 93416-ya bərabərləşdirilmişdi (2,.698-699 cəd.25.1) . Bu dövrdə kiçik
müəssisələrin sayı 44738-dən 77225-ə qədər artmışdı. Deməli, bu dövrdə böyük
müəssisələr cəmi 5min, kiçik müəssisələrsə 32487 say artıb. Əlbəttə ki, kiçik
müəssisələrdə keyfiyyətli korporativ idarəetmə tətbiqi bir sıra amillərə görə mümkün
olmur.
Ancaq keyfiyyətli korporativ idarəetmə sistemlərinin formalaşması baxımından
kiçik müəssisələrin sürətli artımı ciddi bir maneə deyil.
Başqa bir cəhət – hüquqi şəxs yaratmadan sahibkarlıqla məşğul olan
formalaşmasına şərait yaratmır. Belə bir sürətli artım aşağıdakı cədvəldən aşkar
görünür.
Dostları ilə paylaş: |