75
şəkillər isə ürəyində az da olsa, insaf olan insan övladını
ağlatmaya bilməzdi.
– Axı onlar bizdən nə istəyirlər, ata? – bu dəfə atasının
məyus olduğunu görən qız əlini onun çiyninə qoydu. Nəyə
görə bizimkiləri bu hala salıblar? Hə, ata?! Mən Azərbaycan
əsgəri olsaydım, onlardan heç vaxt qorxmazdım!
Avtomatımla onların hamısını öldürərdim...
*** *** ***
– Ana, bəs mənim şokoladım hanı? – çay süfrəsi arxasında
oturmuş Aytəkin soruşdu.
– Bəs bu nədir bala?! – qızına yaxın qoyulan şokolad ilə
dolu vazanı işarə edən Nərminə dilləndi.
– Axı, bunlar hamısı qara şokoladdır. Mən bunları
sevmirəm! – Aytəkin hazırcavablıq göstərdi. Həmişə atası işə
gedəndə onun üçün ağ şokolad alıb gətirməsini xahiş edən qız
nə istədiyinə işarə etdi.
– Hə, ağ şokolad istəyirsən. Biz səninlə razılaşmışdıq ki,
yadından çıxıb?
– Yadımdan çıxıb, nəyi deyirsən ana?
– Həkimin deyib ki, qara şokolad yemək dərslərə yaxşı
çalışmaq üçün beynimizə daha faydalıdır. Sənə keçən dəfə
bunu danışanda söz vermişdin ki, bundan sonra ağ şokoladın
inadını etməyəcəksən. Bəs nə oldu?
– Ay ana, vallah yadımdan çıxıb, atacanı!
– Ramil müəllim, görürsən də qızın necə huşsuz olub?! –
Nərminə Aytəkin ilə tək bacarmayacağını görüb üstüörtülü
şəkildə ondan kömək istədi. Əslində qadının ərinə ünvanlanan
bu sualının cavabı hər ikisinə məlum idi. Aytəkin isə uşaq
məsumluğu ilə atasının onu müdafiə etməsini gözləyirdi. Hiss
etdi ki, qızının iki gözü onun bir ağzına dikilib nə deyəcəyini
gözləyir. Bir az əvvəl çay süfrəsinə gələrkən özü ilə iş
76
otağından gətirdiyi kitabı büküb kənara qoyaraq sevimli
qızına gözucu nəzər saldı. Qızı bunu hiss edib fürsəti əldən
vermədi:
– Ata, Gülər müəllimə də mənə həmişə deyir ki, çox
oxumaq lazımdır. İndi anam da deyir ki, huşsuzam. Səncə,
niyə?
– Əlbəttə ki, ağ şokoladı çox yediyinə görə, - həyat
yoldaşını daha intizarda qoymaq istəməyən Ramil qızına
Nərminənin istədiyi cavabı verdi. Hətta fürsət tapıb hər ikisi
gülümsədi də. Amma Aytəkin, deyəsən, bu anı qaçırmışdı.
Çünki bir anlıq özü də bunun doğru olub-olmamasını
aydınlaşdırmaq üçün beynini işə salmağa çalışmışdı.
– Bəs, mənə daha öz şokoladımdan almayacaqsan?
– Əlbəttə, alacağam, amma həftədə bir dəfə. Danışdıq? –
Ramil həkimin sözlərini xatırlayıb fikrini bildirdi.
Poliklinikanın sahə həkimi demişdi ki, uşaq yaşlarında həddən
artıq ağ şokolad yemək xeyir gətirməz. Əvəzində isə digər
şirniyyatlardan istifadə etməyi məsləhət görmüşdü.
– Yaxşı, ata, – Aytəkin nəhayət ki, yola gəlmişdi. İndi onun
çöhrəsində bir az əvvəl öz otağında ağlayarkən yaranan
qəmgin cizgilərdən əsər-əlamət qalmamışdı.
Ramil bundan məmnun halda qızına bir qədər tamaşa edib
yarımçıq qalan çayını içərək ayağa qalxdı. Bu dəqiqələrdə
onun fikirlərini nəyinsə məşğul etdiyi hiss olunurdu. Həyat
yoldaşı Nərminə xanım da, onu yaxşı tanıyan digər dostları
da Ramilin bu halını yaxşı bilirdilər. Başa düşürdülər ki,
müharibədə aldığı zədə onu ayda bir neçə dəfə narahat edir,
səhhətində çətinliklər yaradırdı. Belə olanda Qarabağ
döyüşlərində gördükləri amansız düşmən vəhşilikləri, əsirlər,
həmin günlər bir-bir yadına düşür, hamıdan təcrid olunaraq
özünə qapılırdı. İndi də, deyəsən, bir az əvvəl Xocalı faciəsi ilə
bağlı evlərində baş verən kiçik situasiyadan sonra həmin
77
günlərə aid nə barəsindəsə düşünürdü. Nərminə onun bu
halına bələd olduğuna görə ərini narahat etməyib qarşısındakı
çayı təzələmək üçün mətbəxə keçdi. Ramil isə kitabı növbəti
dəfə açaraq qaldığı hissəyə gətirdi. Süfrə arxasında rahatlaşa
bilməyəcəyini düşünüb yenidən iş otağına qayıtdı.
İçəri keçən kimi otağın əsas işığını söndürüb iş masasının
üstündəki lampanı yandıraraq kitabı vərəqləməyə başladı.
Deyəsən həmin illəri yada salmaq, müharibəni, Xocalını,
Qarabağı, şəhid olanları, Aytəkini, qəhrəman Azərbaycan
oğullarını xatırlamaq istəyirdi. Və hər dəfə də onları yad
edəndən sonra vətəndaşlıq borcunu veribmiş kimi
rahatlanardı. Necə olsa, özü də bir qəhrəman idi. Bunu heç
vaxt dilə gətirməsə də, döyüşlərdə çox şücaətlər göstərmişdi.
Qızının bayaqkı sualını xatırladı... İndilərdə simasındakı acı
təbəssüm izləri getdikcə daha çox hiss olunurdu... Kitabı
növbəti səhifəyə gətirəndə erməni terrorçusu Melkonyanın
adını görüb dayandı. Bu qaniçən canini öldürmək Ramilə
nəsib olmamışdı. Yaxşı ki, o yaralanıb hospitala gətiriləndən
sonra dostu İbad ona verdiyi sözü tutmuş, həmin məşhur
erməni terrorçusun ələ keçirmişdi. Nədənsə, oxuduğu kitabı
yenə yarımçıq halda iş masasının üstünə ataraq ayağa qalxdı.
Siqaret yandırıb iş otağından həyətin arxa tərəfindəki bağçaya
açılan qapıya tərəf getdi. İndi həmin erməni terrorçunun İbad
tərəfindən necə zərərsizləşdirildiyini xatırladı... Ramil girov
düşən nakam sevgilisinin axtarışı zamanı özü də bir dəfə bu
terrorçunun izinə düşmüşdü...
78
10. Qədim kişi
Mən otuza qədər adamla birlikdə qapını döyməkdən,
çığırmaqdan əldən düşüb bir küncdə oturdum. Çarəsizliyimi
indi başa düşdüm. Heç nəyə gücümün çatmadığını indi
anladım. Halbuki Gülcahanın yanında özümü güclü hiss etmiş,
ona havadar olacağıma özümü inandırmışdım. Bu gücü bir az
da Gülcahandan alırdım, deyəsən. Gülcahandan ayrılandan
sonra sanki ermənilərin əlində girov olduğumu indi hiss
etdim. Onu bir daha görməmək qorxusu, o məsum gözlərini
görə bilməmək dəhşəti, məni qucaqlayaraq başını sinəmə
qoyan zaman saçlarını qoxulaya bilməmək həsrəti sanki ikinci
dəfə atamı itirmək qorxusuna bərabər idi. Anamın ölümü o
qədər ani olmuşdu ki, narkoz verilmiş insan kimi heç nədən
xəbərim olmamışdı. Amma atam öləndə universitetə bir ay idi
ki, qəbul olmuşdum. Atamın da ən böyük arzularından idi,
mənim ali təhsilli olmağım. O, bunun üçün əlindən gələni
etmişdi. Universitetə də ilk dəfə atamla getmişdim. Onun
yanında universitet koridorlarını qürurla addımlayır,
gələcəyimin qurulması üçün heç bir əngəl görmürdüm. O da
mənimlə fəxr edirdi. Mənə “Siyasi tarix” fənnindən “2” yazan
müəllimlə axıra qədər mübarizə apardı. Rektorun qəbuluna
qədər getdi. İmtahanın yenidən keçirilməsini tələb etdi və
buna da nail oldu. Mən də onun başını uca etdim. İkinci dəfə
“2” aldığım imtahandan “5” aldım. Atam bunu hər gələnə
danışır, bir özündən deyəndə, beş də məndən deyirdi. Birinci
Dostları ilə paylaş: |