66
Əsgərləri yanına çağırıb göstəriş verdi ki, uşağı bunu
əlindən alın, sonra da onun döşlərini kəsin. İki erməni əsgəri
qadını tutdu. Amma Safaryan səbr etməyib, öz cibindən
bıçağı çıxarıb qadının sinəsindən aşağıya doğru çəkdi. Bunu
onun paltarını soyundurmaq məqsədi güddüyünü sonradan
gördüm. Qadının qışqırığına, iniltisinə həzz ala-ala o, qadının
döşlərini kəsdi. Qadın çığırırdı. Mən bunu sadəcə eşidirdim.
Baxa bilmirdim. Əlimdən yapışmış Gülcahan əsirdi.
Qadınlarımız isə qarğış yağdırırdılar. Kişilərin əksəriyyətini,
xüsusən də cavanları apardıqları üçün yerdə qalanların hər
birini ermənilər tutub saxlamışdı. Qadın yerdə ilan kimi
qıvrılırdı. Bundan ürəyi soyumayan Safaryan qadının
qucağından alarkən kənara tulladığı iki aylıq körpəni qadının
sinəsi üstünə qoyub: “Ye, indi nə qədər istəyirsən ye. Anan
sənə süd vermək istəmirdi?”-deyir, uşağın başını ananın
döşünə basaraq “ye” deyə bağırırdı.
Etdiyi işlə öyünən Safaryan körpənin qana bulaşmış üzünü
bizə tərəf tutdu. Onun kürəyindən yapışmışdı. Körpə isə sanki
gördüklərindən hər şeyi başa düşürdü. Məsum gözlərindən
axan yaşlar belə yanaqlarında donurdu. Günahsız bir varlıq
olmasına baxmayaraq, səsindəki yanğını duymaq olurdu.
“Görürsünüz bunu, sizin hamınızı bu günə qoyacağam.
Təkcə ananızı yox, balalarınızı da ağlar qoyacam. Heç ana
tapmayacaqsınız balalarınıza ağlasın”- dedi.
67
Mən onda qorxunun nə olduğunu hiss etdim. Bu, sonralar
da belə olacaqdı. Çünki hər dəfə gördüyümüz bir-birindən
fərqli idi. Nəyəsə alışmaq mümkün deyildi girovluq həyatında.
Hər dəfə az qalırdım özümə sual verim ki, qorxmaq belə olur?
Hər dəfə yeni işgəncə, hər dəfə yeni əzab görmək məni
sarsıtmışdı. Halbuki mən dəyişikliyə meyilli adam idim. İndi
isə bu xasiyyətimə nifrət edirdim.
Yüzdən çox adamın olmasına baxmayaraq, heç kimin səsi
çıxmırdı. Hamı sadəcə nifrəti ilə baş-başa idi. Nə edəcəyimizi
planlaşdıra bilmirdik. Girovlar baş-başa verib ağlaşırdı.
Bayaq aparılan Azərbaycan əsgərlərinin qohumları belə
sakitləşmişdi. Süst olmuşduq. Üzümüzü tutacaq, səsimizi
eşidəcək yalnız Tanrı qalmışdı. O anlarda düşünürdüm ki,
deyəsən, Tanrı məsələsi də insanların özlərinə təsəlli verməsi
üçün yaradılmışdı. Buna baxmayaraq, mən də qəlbimdə ona
dua edirdim. Bizi bu işgəncədən qurtarması üçün yalvarırdım.
Hətta əlacsız qalan qocalar Xocalıdakı Seyidcəlal ocağına
nəzir-niyaz da tapşırırdılar. Camaatda belə bir inanc var idi ki,
Seyidcəlal ocağı müqəddəs bir pirdi, insanların arzusunu heç
vaxt gözündə qoymur. Ona pənah gətirənləri naümid etməzdi
Seyidcəlal piri.
Bizi sonralar da öz vəhşi məharətləri ilə dəhşətə gətirəcək
Safaryanın isə ürəyi soyumurdu. O, körpəni ayaqlarından
sallayaraq bir ayağını da Vaskanyanın tutmasını tələb etdi.
Yırtıcı canavar kimi onu iki yerə şaqqaladılar. Qan itkisindən
son anlarını yaşayan ana isə bunu görürdü. Son dəfə “balam”
dedi... O qəşş etdi.
Gülcahan özünü itirmişdi. Başını köksümə sıxıb ağlayan
bacım hıçqırırdı. Məni, bəlkə də, Gülcahana təsəlli vermək,
ona dayaq olmaq istəyi saxlamışdı. Bunları yazdığım anda
belə ürəyimin niyə o zaman dayanmadığına təəccüblənirəm.
Bunu görmək və bununla yaşamaq insana məxsus ola
68
bilməzdi. Bu vəhşiliyi edənlər nə qədər qəlbsiz idilərsə,
bunları görənlər də bir o qədər ürək sahibi deyildilər...
Sonra Safaryan qışqıraraq dedi:
– Kimlər Dəhraz yolunda girov düşüb, qabağa çıxsın.
Heç kimdən səs çıxmırdı. Hamı susmuşdu. Yenə bağırdı:
– Orda girov düşənlərin hamısı qabağa çıxsın, yoxsa hamınızı
qıracağam. İyirmiyə qədər qocalı-cavanlı girov qabağa çıxdı.
Amma ayaqları gəlmirdi. Onları nə gözlədiyini bilmirdilər.
Buna baxmayaraq, yeridilər. Cəhənnəmə gedirlərmiş kimi
qabağa çıxdılar. Vaskanyan adlı zabit onlardan gözəgəlimli
kişiləri güllələdi. Ona görə ki, Safaryanın Dəhraz yolu dediyi
həmin yerdə iki erməni meyidi tapmışdılar. Onların qisasını
aldı. İki erməni əsgərinə qarşı ona yaxın dinc əhalini öldürdü.
Bu girovlardan kimsə onları vurmuşdu. Sonradan mənimlə
qismət dostu olan Samirənin dediyinə görə onlar meşədə
gedərkən qabaqdan iki erməni gəldiyini görürlər. Onun
qardaşının Mehdi adlı oğlu dayısına deyir ki, dayı, bu
erməniləri vuracağam. Dayısı deyir ki, yox, bala, vurma cəmi
iki gülləmiz qalıb, girov düşüb eləsək, onunla qadınlardan
cavan olanları öldürərik ki, ermənilərin əlinə düşməsinlər.
Amma Mehdi hirsindən dözə bilmir. “Girov-zad
düşməyəcəyik!”, deyib ermənilərin ikisini də sərrast atəşlə
öldürür. Arxadakı postda bunu görən ermənilər atəş açıb xeyli
adam qırmışdılar.
İndi isə erməniləri ən yüksək səviyyədə təmsil edən
Vaskanyan əsir düşməmək üçün azərbaycanlılar tərəfindən
məcbur qalıb öldürülmüş iki erməni üçün dinc əhalinin
nümayəndələrini bir göz qırpımında güllələdi. Türklərin bir
adəti var, əliyalın düşmənə silah verib mərdi-mərdanə
öldürmək. Bu hiss həmişə qorxaq olan ermənilərə yad idi.
Sadəcə fürsət düşəndə çaqqal kimi öldürmək və yenə fürsət
gözləmək...
69
Safaryan erməni dilində nəsə dedi. Əsgərləri bunu həyata
keçirəndə başa düşdük ki, bir neçə azərbaycanlını Azərbaycan
tərəfə əsir düşən ermənilərlə dəyişdirmək və qohum olanları
bir-birindən ayıraraq başqa yerdə saxlamağı tapşırmışdı.
Onlar qocaları, yaralıları seçdilər. Bu hadisə isə tamamən
insan faciəsi idi. Hər kəs bu zülmə uzaq olmaq üçün əsirlikdən
qurtulmaq istəyirdi. Heç vaxt yadımdan çıxmaz. Təqribən əlli
yaşında olan bir kişi girovlarla dəyişdirilməsi üçün yerdə olan
ağacı tələsik götürüb özünü yaralı kimi göstərdi. Ağacı
götürəndə biz göz-gözə gəldik. Kişinin utandığını, xəcalətdən
qızardığını gördüm.
– Qızım, bağışla, mən dözə bilmirəm. Ola bilsin ki, bu bir
kişiyə yaraşan iş deyil, amma bacarmıram, qala bilmərəm.
İndi ananın balanı atdığı gündür. Ermənilərə bunu demə.
Mənə nifrət də etmə. Axı oğlanlarım ölüb, kürəkənlərim şəhid
düşüb, nəvələrimə kim baxar?! “Bunu eləmək
məcburiyyətindəyəm” - ifadəsini onun gözlərindən oxudum.
Sanki kişi yalvarır və ona nifrət etməməyimi istəyirdi. Hətta
imkan olsa idi, təsəlli üçün deyərdi ki, sizi də qurtaracaqlar,
qorxmayın.
Mən Gülcahanın da dəyişdirilməsi üçün onu erməninin
qabağına verdim. Gülcahan getmək istəmirdi. Bunu görən
zabit Gülcahanı mənə tərəf itələdi. Hırıldayaraq: hələ siz
lazımsınız bizə, hara gedirsiniz? Bu cür maralları qaytarmaq
olar?! Rədd ol, get kənarda dur!,-dedi və işini davam etdirdi.
Ayırdıqları xəstələri, qocaları bir maşına doldurandan
sonra, əmrin ikinci hissəsini – qohum olanları bir-birindən
ayırmağa başladılar. Dəyişdirilənlər içində ayaqlarını don
vurmuş hamilə əmim arvadı da var idi. Onun getməsi bir az
məni ümidləndirdi. Ramilə mənim haqqımda nəsə deyəcəyini
düşündüm. Kimsə bizim yaşamağımız haqqında eşidəcək, bizi
xilas etmək üçün nə isə edəcəkdi. Amma kim?! Ramildən
Dostları ilə paylaş: |