Microsoft Word umidlerin izi ile son 10. 02. 2012
Yüklə 1,72 Mb. Pdf görüntüsü
|
58 həzz vermək üçün cinsi əlaqənin digər formalarına sövq etmək məqsədi güdürdü. Ölümü istədiyimə baxmayaraq, boğlumamaq üçün tez-tez ayaqlarımı qızmar dəmirin üstünə qoyurdum. Bilmirəm bunu ölməmək üçün edirdim, yoxsa boğazımın ağrısını azaltmaq üçün. Nəticədə ölümdən qaçmışdım. O ölümdən ki, mən onun həsrətini çox çəkmişdim. Bilmirəm intihar iradəsizlikdən idi, yoxsa iradəli olmaqdan. O işgəncələri görəndən sonra özünə qəsd eləməmək iradənin möhkəmliyindən olmalı idi. Çünki o işgəncələrə yenə qucaq açmaq hər özündən deyən, iradəli, güclü, əzmli insanın işi deyildi. Naləmiz, fəryadımız özümüzü belə qorxudurdu. O vəziyyətdə nə qədər qalmağımızı deyə bilmərəm. Amma maşından endiriləndə ahıl bir kişinin havasızlıqdanmı, həyəcandanmı, qürur hissinin onu boğduğundanmı ürəyi partlamasının bədbəxt şahidi oldum. Elşənin anası isə qapı açılan kimi ermənilərin üstünə atıldı. Bunu görən erməni əsgəri heç qımıldanmadan onu da güllələdi... Bu... Bu inanılmaz idi... Nə qədər acısı olan insan olursa-olsun, bunu edə bilməzdi. Bunu erməni etdi. Dünyamızda manyak insanların olduğunu eşitmişdim, amma bir xalqın hamısının qaniçən manyak olduğunu qəbul edə bilmirdim... Sən demə, var imiş... Bu xalqın adı erməni idi! Bizi keçmiş Əsgəran Polis Şöbəsinə gətirmişdilər. Hamımızı donuz kimi polis bölməsinin zirzəmisinə doldurdular. Ora qaranlıq, nəmişlik iyi verən alçaq bir yer idi. Çığırışmalardan içəridə bizdən də başqa girovların olduğunu hiss etdim. Bizim olduğumuz girov zirzəmisində iki gün müddətində əsirlərin və girovların sayı iki yüzü keçmişdi... 59 7. Şübhələr artır Günorta saat birə yaxınlaşırdı. Telefonuna gələn zəng Qüdrətovu yuxudan oyatdı. Deyəsən, özü də hiss etmədən iş otağındakı divanın üstündə yatıb yuxuya qalmışdı. Cəld ayağa qalxıb ətrafa nəzər saldı. Kompyuter açıq qalmış, printer isə elektron poçt ünvanına gələn məktubu çap edib dayanmışdı. Gecənin uzun sürən yorğunluğundan sonra qeyri-ixtiyari olaraq elə iş otağındaca yuxuya getmişdi. Hiss etdi ki, beş saata yaxın yatıb. Hələ də bitmək bilməyən telefon zəngi indilərdə sanki beyninin bütün hüceyrələrinə təsir edirmiş kimi tələsik iş masasının üstündəki əl telefonunu götürüb gələn zəngə cavab verdi. Zəng edən öz adamı idi. Salamlaşan kimi dərhal mövzuya keçdi: – Cənab mayor, Ramillə bağlı göndərdiyim məlumatları ala bildiniz? – Hə, almışam. İndi hardasan? – Maşındayam, işə tərəf gedirəm. – Ona nəzarət edən var? – Hə, əməkdaşlardan birinə tapşırmışam. İndi universitetdə mühazirədədir. Saat 3-də dərsi bitəcək. – Çox yaxınlaşmağa ehtiyac yoxdur. Sən özün diqqətli olsan, kifayət edər. Qaldı ki, Ramili nəzarətdə saxlayan əməkdaşlarına onları iki gündən bir dəyiş. Unutma ki, o, müəllim olmaqla yanaşı təcrübəli kəşfiyyatçıdır. Məni başa düşürsən də?! – Əlbəttə, arxayın olun. Biz onu şübhələndirmərik. – Bir də, yeni xəbər olan kimi mənə məlumat ver. Gecikmədən! 60 – Oldu, cənab mayor! Qüdrətov telefon danışığını bitirəndən sonra vanna otağına keçdi. Nədənsə Ramil haqqında ona göndərilən məktubu oxumaq üçün tələsmirdi. Əslində işçisinin bir gün əvvəl telefonla verdiyi məlumatlar və öz şəxsi mülahizələri orada nələrin yazıldığını təxmin etmək üçün təcrübəli əməliyyat işçisinə kifayət edirdi. Amma məktubu oxumağa tələsməməsinin əsl səbəbi qarışıq səhər yuxuları idi. Aytəkinin dəftərini oxuyandan sonra sanki yuxuda həmin yerlərə çıxır, yazılanların canlı şahidi olurdu. Ən pisi isə bu idi ki, yuxuda o düşmənlərin bu alçaqlıqlarına qarşı heç nə edə bilmirdi. Hər dəfə də hirs və həyəcan içində yuxudan ayılırdı. İndi başa düşdü ki, bir az əvvəl də yuxudan ayılmasına səbəb telefon zəngi deyil, elə gördüyü belə qarışıq yuxular idi. Rahat yatmış olsaydı, bəlkə də, zəng-filan eşitməyəcəkdi. Necə ki, adamının ilk zəngini eşitməmişdi. Güzgünün qarşısında dayanıb özünə baxdı. Bir neçə gündə xeyli arıqlamışdı. Çox yorğun görünürdü. Gecə də, səhər də ya əyani, yaxud da ki, xəyali olaraq həmin girov qadının dəftərini vərəqləyir, təkrar-təkrar oxuduqca Aytəkinin daxili dünyasına bələd olmağa çalışırdı. Qüdrətov çox yaxşı başa düşürdü ki, mərkəzin xəbəri olmadan belə bir əməliyyatı başlamaq doğru deyil. Xüsusilə, əgər bu əməliyyatın bəhrələndiyi mülahizələrdə yanlışlıqlar, boşluqlar varsa. Amma nədənsə o öz şübhələrinin doğruluğuna inanırdı... Mətbəxə keçib özünə çay süzərək iş otağına qayıtdı və printerin yanında gecədən çap olunaraq yığılmış bir neçə səhifəlik materialı oxumağa başladı. Ramil haqqında olan bu materialı onun tapşırığı ilə adamı göndərmişdi. *** *** *** 61 Cənab mayor, verdiyiniz tapşırığa uyğun olaraq Ramil haqqında daha çox məlumat əldə etməyə çalışdım. Amma adamın maraqlı və məncə, bir az da müəmmalı keçmişi məni çox narahat edir. Ümid edirəm ki, indi göndərdiyim bu məlumatlar işinizə yarayacaq. Və bir də, bu tapşırığım bitəndən sonra sizdən öyrənmək istədiyim vacib bir məsələ olacaq. İki gündür, həmin sual beynimi qıcıqlandırır. Peşəmizə zidd olduğu üçün tələsib həmin sualı sizdən soruşmasam da, bilin ki, sizinlə bağlı olan bu məsələnin həqiqi tərəfi mənim üçün çox maraqlıdır... Çox yəqin ki, nə soruşmaq istədiyimi anladınız... İbrahimov Ramil Mübariz oğlu, 10 yanvar 1970-ci ildə Bakıda anadan olub. Ata-anası ilə bir yerdə qalır. Atası qəzetdə müxbir işləyir. Anası Səmayə və həyat yoldaşı Nərminə isə evdar qadındırlar. On bir yaşlı qızları Aytəkin ilə ailədə beş nəfərdirlər. Ərdə olan Nuranə adlı bacısı var. Bağçada tərbiyəçi işləyir. Onun ərinin adı isə Azərdir, tikintidə işləyir. 1988-ci ildə əla qiymətlərlə universitetin tarix fakültəsinə daxil olub. Üçüncü kursda oxuyarkən Aytəkin adlı qızla tanış olub və sonradan bir-birlərini seviblər. Səfərova Aytəkin Soltan qızı əslən Xocalıdan olub, 26 iyul 1972-ci ildə anadan olub. Xocalı faciəsindən sonra onun ölümü-qalımı barəsində məlumat əldə edə bilməmişik. İbrahimov Ramil universitetin üçüncü kursunu bitirəndən sonra 1992-ci ildə təhsilini yarımçıq qoyub müharibəyə gedib. Şahidlərdən öyrəndiklərimə əsasən müharibədə ən yaxşı döyüşçülərdən olub. Dəfələrlə yaralansa da, yenidən döyüş bölgələrinə qayıdırmış. Amma sonuncu dəfə 1993-cü ildə Ağdam rayonu uğrunda gedən döyüşlərdə başından ağır yaralanaraq iki ilə qədər müalicə almışdır. Atəşkəsdən sonrakı illərdə itkin düşən sevgilisini axtarmağa başlayıb. Əvvəlcə universitet rəhbərliyinin onun üçün yaratdığı şəraitin Yüklə 1,72 Mb. Dostları ilə paylaş:
|