62
köməkliyi ilə yarımçıq qalan bir neçə aylıq təhsilini davam
etdirib diplomunu alıb. Sonralar isə şəxsi səriştəsi ilə polis
sisteminə işə düzəlib. Araşdırmalarıma görə, onun bu sistemdə
işə düzəlməsində hər hansı tapşırıq olmayıb. Müharibədə
göstərdiyi fəaliyyət polis sisteminə işə düzəlməsinə çox kömək
edib. Fikrimcə, Ramilin məqsədli şəkildə polis sisteminə işə
düzəlməsi Aytəkinin axtarılması üçün nəzərdə tutulmuşdu.
Bunu Ramilin sonrakı fəaliyyəti də göstərir. O özünün bütün
imkanlarından istifadə edərək həmin qadının tapılması üçün
mübarizə aparmışdır. Müalicə aldığı dövrdə də – 1994-cü ilin
yayında əsir və girovların dəyişdirilməsi prosesində əsas
adamlardan biri olub. Azərbaycana qaytarılan bütün əsirlər
barəsində məlumatı var. Hazırda universitetdə müəllim işləsə
də, keçmiş işi ilə əlaqələri çox möhkəmdir. Dövlətdə onu
nüfuzlu adam olaraq tanıyan bir çox şəxslər var. Müharibədən
sonra Azərbaycanda olan, demək olar ki, bütün erməni əsirləri
ilə ayrı-ayrı vaxtlarda görüşüb. Onun Aytəkini tapmaq üçün
bütün bu etdiklərini, həqiqətən də, mübarizə adlandırmaq
olar. Öyrəndiyim məlumata görə, o hətta mayor Turabovun
şöbəsinə aid olan xüsusi təcridxanadakı əsirləri də dəfələrlə
danışdırıb. Maraqlısı budur ki, həmin təcridxanadakı əsirlər
beş nəfər olsa da, Ramil onların hərəsini bir neçə dəfə
danışdırıb. Həmin təcridxanada oldum. Onlar beş nəfər
imişlər – Aşot, Tivan, Markar və daha iki nəfər. Mən ora
getməmişdən bir neçə gün əvvəl hansısa məqsədlə onların
ikisini digər yerə keçirmişdilər...
63
8. Ana südü yerinə, ana qanı əmən körpə
Bizi orada neçə gün saxladıqlarını bilmədik. Amma elə
gəlirdi ki, aylardı, burdayıq. Aclıq, qorxu, həyəcan, uşaqların
vahiməli çığırtısı əsl cəhənnəmi xatırladırdı. Zirzəmidə iynənin
ucu qədər belə işıq yox idi. Qapı hərdən açılır, kortof torbası
kimi nəsə atılır, sonra isə yenə bağlanırdı. Sonradan bu
atılanların əsir olduğunu bilirdik. O qaranlıqda get-gedə
vahimə bizi bürüyürdü. Uşaqların səsini kəsməyə çalışan
analar isə bunu, sözsüz ki, bacarmırdı. Çünki südəmər
uşaqların heç nədən xəbərləri yox idi. Və heç nəyi də başa
düşmürdülər.
Gülcahan mənə sığınmış, barmaqlarımız bir-birinə keçdiyi
formada əl-ələ tutmuşduq. Bir neçə gün ərzində - “Bacı
qorxuram”,-cümləsindən başqa, heç nə deməmişdi. Üzümüzü
də görə bilmirdik. Amma əllərinin təmasından, bərk-bərk
sıxmasından “mənə güvəndiyini, məni qoru deməsini, məni
heç vaxt buraxma, sənsiz yaşaya bilmərəm” deməsini hiss
etmək o qədər də çətin deyildi. Əllərin danışmasını mən
Ramillə ələ-ələ tutanda hiss etmişdim. Heç nə deməsə idi belə,
əlinin hərarəti, həyəcandan tərləməsi, tez-tez barmaqlarımı
sıxması “səni çox, həm də çox sevirəm” ifadəsinin təcəssümü
idi. O zaman mən Gülcahan kimi Ramilə “məni qoru, məni
sev” demək üçün əllərimdən istifadə etmişdim. Sevgimin
möhtəşəmliyini, yenilməzliyini, sarsılmazlığını demək üçün
əllərinə sığınardım. İndi isə Gülcahan mənə sığınır, ona arxa
olmağımı istəyirdi. Mən onda başa düşmüşdüm ki, artıq
64
ailəmizin başçısı mənəm. Nə olursa olsun, onu qorumalıyam.
Nəyin bahasına başa gəlsə belə...
Qaranlıq, aclıq və susuzluq get-gedə bizi dəliyə çevirirdi.
Hətta “nə baş verirsə, versin, amma tez bitsin bu qaranlıq
həyat” deyə düşünənlər də az deyildi. Zirzəmidə qaldığımız
son gün birdən-birə atışma səsləri azaldı. Hər yer sakitliyə
qərq oldu. Bu bir neçə saat davam etdiyi üçün girovların
ümidləri işarmağa başlamışdı. Camaat bir ümidin izi ilə
gedirdi bu zülmət qaranlıqda. O ümidin ki, bizimkilər
erməniləri geri oturdub, burda camaatın olduğunu bilmirlər.
Çünki ermənilərin də ara-sıra gələn danışıq səsləri kəsilmişdi.
Bu xülyaya mən də inanmışdım, necə ki insan boğulanda
saman çöpündən yapışar. Yavaş-yavaş camaat özünü
inandırmağa çalışırdı ki, biz qışqırsaq, səs salsaq, bizi kimsə
eşidər və azad edərlər. Camaatın çoxu qışqırmağa, qapını
döyməyə başladılar. Amma heç bir səs gəlmirdi. Bu isə
ümidlərimizin işığında bizi ruhlandırırdı... Bəlkə bizimkilər
gələcək...
Qapının açılması və ermənilərin ucadan qışqırması
halsızlıqdan, aclıqdan gözünə yuxu gedənləri diksindirdiyi
kimi, eyni səbəblərdən ağlayan, zarıldayan uşaqları və
böyükləri susdurdu. Çölə çıxmamızı əmr etdilər. Qaranlığa
alışdığımız üçün çölə çıxdığımız zaman gözlərimizi aça bilmir,
açsaq da görə bilmirdik. Bir də ki, hər yanın ağappaq qar
olması, səhər olduğu üçün günəş şüalarının qarı parıldatması
bunu daha da əngəlləyirdi.
Sadəcə, bir birimizə yapışaraq, qamaşan gözlərimizi yavaş-
yavaş buna alışdırmağa çalışırdıq. Yanımdan tutan botinka
məni qarın üstünə elə atdı ki, həmin anda Gülcahanı ömürlük
itirdiyimi hiss etdim. “Qalx” deyə bağıran erməninin səsimi,
“bacı” deyən Gülcahanın səsimi mənim yerdən quş kimi
qalxmağıma kömək etdi. Yerdən qalxan kimi gözlərimi qeyri-
65
iradi olaraq açdım, Gülcahanın əlindən yapışdım. Bu zaman
heç bir ağrı hiss etmədim. Bizi bölmənin qarşısına yığdılar.
Özümüzə gəlməyə belə imkan vermədən aramızda olan
omonları
1
və hərbi paltar geyən digər kişiləri bir-bir seçib
qabağa çıxartdılar. Safaryan adlı komandirlərinin tapşırığı ilə
harasa apardılar. Ağlıma gələn ilk o oldu ki, öldürməyə
aparırlar. Çünki Safaryan onları təpikləyə-təpikləyə döyəndə
“siz bizə güllə atmısınız? Mən sizə düşmənlə döyüşməyi
göstərərəm,”- deyə bağırırdı...
Qadınlar yalvarmağa başladı, kimi onun ayaqlarına düşür,
kimi söyür, kimi başqa bir erməni cəlladdan kömək istəyirdi.
Çünki bu aparılanlar ya birinin qardaşı, ya əri, ya oğlu, ya da
atası idi. Bu hissi ərini gözü qarşısında işgəncə ilə itirən arvad,
ana, bacı, qızlar bilər yalnız. Təsəvvür etmək üçünsə xəyal
gücünün mükəmməl olması lazımdır. Bu elə bir acı idi ki,
qadınların hansı halda olduğu batmış səslərindən,
nalələrindən duyulurdu. Heç nəyə baxmayaraq, iyirmiyə yaxın
hərbçini apardılar...
Safaryan isə qan dolu gözləri ilə düşünmədən işgəncələr
kəşf edirdi. Qucağında iki aylıq körpəsi olan bir ana uşağı
sakitləşdirməyə çalışsa da, bacarmırdı. Safaryan həmin qadını
yanına gətizdirdi və dedi: “Ay qancıq, bu uşaq niyə səs salır?!”
Qadın onun gözlərinə dik baxaraq: “Neçə gündür, yemək
yemir nə etməlidir?”- dedi. Bu söz elə bil Safaryanı qudurtdu:
– Deyirsən ki, acdır bu uşaq? - deməyi ilə qadına şillə vurmağı
eyni oldu. Mən indi onu doyduraram. Həm də sənin südünlə.
1
ОМОН – Отряд Милиции Особого Назначения (Xüsusi Təyinatlı Milis Dəstəsi)
Dostları ilə paylaş: |