7
Ayla maşını ilə buradan keçər. Əslində bu hər gün baş
vermirdi, amma professor Sabir müəllim bu qızı həmişə
gözləyirdi. Birinci dəfə qız onu maşınına səsləyəndə Sabir
müəllim özünü itirmişdi də. Amma qızın xətrinə dəyməmək
üçün alimlər, müəllimlər, atalar, analar yetişdirən bu professor
qızara-qızara maşına minmiş, mindiyi kimi də evinin
qarşısında düşmüşdü. Çünki şən, şıltaq, parlaq gözlü bu qızın
mini yubkasından görünən düz ayaqlarını görməmək üçün
üzünü pəncərədən ayırmamışdı. Bir də ona görə mindiyi kimi
maşından düşmüşdü ki, axı o çox az hallarda belə xarici
maşınlara minirdi. Onun üçün də içəridə necə davranacağını
belə müəyyənləşdirə bilməmişdi. İstidənmi, xəcalətdənmi
tərləməsinə baxmayaraq, pəncərəni də açmamışdı. Axı necə
açardı, qapının üstündəki düymələrin nə olduğunu bilmirdi,
əvvəlki sovet maşınlarında olan, şüşəni endirdiyin zaman
cığhacığ salan pənəcəraçan bu maşında yox idi. Birinci gün
özünü necə aparacağını bilməyən Sabir müəllim yavaş-yavaş
buna alışmışdı. İndi artıq bu komfortlu maşında evə getmək
ona ləzzət edirdi. Buna necə sevinməyəydi Sabir müəllim?!
Deyirlər, müəllimin vicdanı təmiz olanda, cibi də təmiz olur.
Sabir müəllimdə də belə idi. Universitet auditoriyalarında dərs
deyərək qazandığı pul ailəsinə yetmədiyindən hər şeyi atıb
repetitorluqla məşğul olduğu zamanlardan cibi bir az
çirklənmişdi. Buna baxmayaraq, Sabir müəlimin vicdanı təmiz
idi. Bütün bu sevinci Sabir müəllimə 20 illiyini həvəslə
gözlədiyi müstəqillik gətirmişdi...
8
*** *** ***
“BMW”
markalı avtomobil universitetin əsas
darvazasının qarşısından
ötərək mətbuat prospekti
istiqamətindəki arxa darvazaya yaxınlaşdı. Sürücü hiss etdi ki,
sol tərəfdə səkinin kənarında dayanan üç tələbə qızdan birinin
baxışları ona tərəf yönəlib. Maşını irəli sürüb növbətçinin
onun üçün açdığı darvazdan içəri keçdi. Maşının salonundakı
güzgüsündən bir anlıq diqqət edəndə gənc qızın hələ də onun
arxasınca baxdığını gördü. Amma qız onu görmürdü. Bütün
fikirləri “MX” seriyalı bu maşında idi. Yanındakı rəfiqələrini
də unutmuşdu.
Sürücü maşını universitetin həyətinin arxa tərəfində
yerləşən açıq dayanacaqda saxlayıb avtomobildən düşdü.
Əlində üz qabığına qara rəngli cild yerləşdirilmiş kitab var idi.
Ani olaraq ətrafa diqqət yetirib inamla əsas həyətə tərəfə
addımladı. Bu, 30-32 yaşlarında, əynində qara rəngli qısa
palto olan ciddi görkəmli adam idi. Paltonun qabağı açıq
olduğu üçün altındakı səliqə ilə ütülənmiş ağ köynək və bu
rəng ahəngi ilə uyğunluq təşkil edən qara şalvar və parlaq
qara ayaqqabı onun ciddi görkəmini tamamlayırdı.
Universitetin ikinci tədris korpusunun qarşısında şəhidlər
üçün qoyulmuş abidə kompleksinin yanına çatanda bir az
ayaq saxlayıb yenidən yoluna davam etdi. Saatına nəzər saldı.
Tədbirin başlanmasına on beş dəqiqəyə qədər vaxt qalırdı.
İndi günəş də nisbətən mülayim səhər saatlarını geridə qoyub
buludların arxasından boylanır, sanki ölkəsinin ürəyi miskinli
sakinlərinə təskinlik verməyə çalışırdı. Həyətdəki tələbələr iki-
iki, üç-üç gəzişir, müxtəlif mövzularda qızğın mübahisələrini
davam etdirirdilər. Bir az kənardakı skamyalarda oturan
cavanlar isə sanki həyatdan təcrid olunaraq ətrafdakı bütün
hadisələrə laqeyd halda əllərindəki telefonu qurdalayır, arabir
9
sağ əllərinin iki barmağı ilə etinasız şəkildə tutduqları siqaretdən
sümürməyi də unutmurdular.
Bir az da irəli gedib universitetin əsas binası ilə üzbəüz iri
şam ağaclarının altındakı boş skamyalardan birində oturdu.
Gözlərinin dərinliyindəki ifadədən onun indi hansısa mühüm
bir məsələ haqqında düşündüyünü demək olardı. Bu,
doğrudan da, belə idi. O, öz millətinin keçmişini əzbər bilən,
gələcəyini düşünən və vətəndaşlıq borcunu tam məsuliyyəti ilə
dərk edən vətənpərvər idi. Ətrafındakılar onu Mikayıl
müəllim kimi tanısalar da, əslində o, milli təhlükəsizlik
sisteminin xüsusi şöbəsinin gizli agenti Tənha Canavar ləqəbli
mayor Mikayıl Qüdrətov idi. Bu şöbə birbaşa ölkə
rəhbərliyinə tabe idi və məxfi fəaliyyət göstərirdi. Qüdrətov
ölkəmiqyaslı sonuncu uğurlu əməliyyatdan sonra general-
mayor Kamil Əzimovun təqdimatı və rəhbərliyin əmri ilə bu
şöbəyə keçirilmişdi. Keçmiş şöbə əməkdaşlarına isə onun
dövlətin göstərişi ilə sevimli peşəsindən ayrıldığı deyilmişdi.
Əslində isə...
Qüdrətov əlindəki kitabı skamyanın üstünə qoyub siqaret
yandırdı. İndi bayaqkı fikirli gözlər yerini simasında daha çox
hiss olunan narahatlığa vermişdi. Universitetin həyətindəki
tələbə gənclər, ətrafdakı səliqə-sahman, gözəlliklər bu gün
diqqətini çox az çəkirdi. Bəlkə də, o, həmişə belə idi. Yaşına
görə çox çətinliklər görmüşdü. Həyat təcrübəsi də az deyildi...
Saatı bir daha dəqiqləşdirdi. Təxminən beş-altı dəqiqə sonra
universitetin əsas binasındakı böyük akt zalında Xocalı
faciəsinin 19 illiyi ilə bağlı tədbir keçiriləcəkdi...
10
1. Gözlənilməz təsadüf, yoxsa..?
Namusunu hifz etməyə,
Bayrağını yüksəltməyə,
Cümlə gənclər müştaqdır!
Şanlı Vətən, şanlı Vətən!
Azərbaycan, Azərbaycan!
Bayaqdan ayaqüstə dayanıb maqnitofonun yüksək sədaları
altında dövlət himnini oxuyan tədbir iştirakçıları, nəhayət ki,
dahi Ü.Hacıbəyovun və Ə.Cavadın yaratdıqları bu möhtəşəm
əsəri tamamlayıb yerlərinə oturdular. Rektorun giriş sözündən
sonra tədbir iştirakçıları növbə ilə çıxış etməyə başladılar. Çox
rahat şəkildə demək olar ki, Xocalı faciəsindən sonra ötən bu
19 il eyni ssenari ilə ölkənin əksəriyyət müəssisələrində qeyd
edilir və bir gündən sonra həyat yenə də adi qaydasında
davam edirdi. Kimlər üçün adi, kimlər üçün əsl faciə hesab
olunan bu gün illər keçdikcə sanki unudulurdu...
–Əziz həmvətənlərim! Mən çıxışımı Bakı Dövlət
Universitetinin tarix fakültəsinin baş müəllimi Ramil
İbrahimov kimi deyil, bir zamanlar bu universitetdə
oxuyarkən sevdiyi qızı itirən tələbə Ramil olaraq quracağam.
Tədbirdə iştirak edən tələbələrimdən üzr diləyirəm.
Çıxış üçün yenicə kürsüyə yaxınlaşan, yaşı 40-42 arasında
olan universitet müəlliminin bu ifadəsi demək olar ki, zalda
Dostları ilə paylaş: |