42
*** *** ***
Evimizdəki hadisələr çox sürətlə baş verdi. Həmişə
üsyankarlığımla, haqqımı tələb etməyimlə tanınmağıma
baxmayaraq, heç nə edə bilmədim bu dəfə. Sadəcə hər şeyə
mat-məəttəl qalmışdım. Sanki bir kabus görmüşdüm.
Gülcahanın qışqırtısı, yalvarışı belə mənə təsir etməmişdi.
Sanki bunlar olmalıymış, mənsə seyr etməliymişəm. Mən bir
də o vaxt özümə gəldim ki, bütün bu hadisəni törədən iki
erməni zabiti qapıdakı daha üç əsgəri çağıraraq evi axtarmağı
əmr etdi. İkisi evi axtarmaqla məşğul olduğu halda zabitlərdən
biri bizi – mənimlə bacımı göstərərək ona erməni dilində nəsə
tapşırıq verdi. Mimikasından hiss etdim ki, bizi harasa
aparmalarını tapşırdı. Məni göstərərək nəsə xüsusi bir tapşırıq
verdi. Mən sonralar bu leytenantı tez-tez görəcəyimi ağlıma
belə gətirməzdim. Hələ də kiminsə bizi xilas edəcəyinə ümid
edirdim. Bunun üçün də erməninin bizi aparmasına heç bir
etiraz edə bilmirdim. Taleyin hökmünə boyun əymiş,
razılaşmışdım. Gözlərimdən yaş belə axmırdı. Cansız
müqəvva kimi idim. Amma Gülcahan ağlayır, gah anam, gah
da al qan içində yatan Kənan tərəfə qaçırdı. Zabitlər isə hərbi
kəmərlərini bağlaya-bağlaya harınlamış adamlar kimi gülür,
gördükləri işdən sonra sanki rahatlamış, yüngülləşmişdilər.
Məni göstərən zabitdən yaşca böyük görünən ucaboy,
ermənilərə xas əyri buruna, yekə qarına sahib olan zabit
Gülcahanın hərəkətlərinə əsəbiləşirdi. Hətta bir dəfə onu
vurmaq üçün avtomatı hazır vəziyyətə gətirdi.
43
Amma digər zabit yenə ermənicə ona nəsə dedi, o da
ucadan gülərək avtomatı aşağı saldı. Əsgər bizi qabağına
qatıb evimizdən çıxardı. Gülcahan çıxmağa dirənsə də, erməni
əsgərləri onu silahın ucu ilə vuraraq qapıdan çölə atdılar.
Mən artıq bacıma dəstək olacağımı, mənə onun ehtiyacı
olduğunu indi dərk etdim. Pilləkənlərdən ağzı üstə düşən
Gülcahanı qaldırdım. Bağrıma basdım. Bizi beləcə təzə-təzə
doğmalaşdığımız, hər küncünə yenicə alışdığımız evimizdən,
həyətimizdən sürüyərək apardılar. Başı açıq, ayaqyalın... O
gecə sanki tanrı da üzünü bizdən çevirmişdi. Nəinki bizdən,
təbiətdən də üzünü çevirmişdi allah. Bizi aparan əsgər
Azərbaycan dilini bilirdi. Onun üçün də tez-tez “sizə bu da
azdı, hələ bir dayanın gorün Safaryan sizin başınıza nə
gətirəcək. Yaxşı ki gözəlliyiniz var, yoxsa sizi də burada
cəhənnəmə göndərərdik. Gərək, siz o müsəlman allahınıza
şükür edəsiniz”.
Bu sözləri eşidəndə birinci dəfə idi ki, gözəl olmağımın
mənə bu cür yardım edəcəyini gördüm. O gözəlliklə ki bir
zamanlar fəxr edirdim, həmin anda nifrət etdim bu gözəlliyə.
Həmin gözəlliyə ki, doğrudan da, zaman gəldikdə məni xilas
edəcəkdi...
44
5. Gündəliyin tapıldığı gün...
Vaxtın necə ötdüyünü hiss etmədən əlindəki dəftəri
sonuna qədər oxuyub qurtardığını sanki indi hiss edən
Qüdrətov telefonun displeyini işıqlandırıb saata baxdı. Bir
azdan altı olacaqdı. Deməli, gecədən səhərə qədər olan şirin
yuxudan cəmi iki saat vaxtı qalırdı. Amma nə beynindəki
fikirlərdən ayrılıb yata bilirdi, nə də ki, fikirlərini bir-birinə
calayıb onu daxildən narahat edən şübhələrinin izinə düşə
bilirdi. Yorğun halda yalnız indi xatırlaya bildi ki, bu dəftəri
artıq ikinci dəfə oxuyur. İlk dəfə dəftər əlinə keçəndə və bir də
indi. Aytəkin adlı girov qızın yazdığı bu dəftərin ayrı-ayrı
səhifələrini isə təcrübəli əməliyyatçı ayrı-ayrı vaxtlarda bir-
neçə dəfə oxumuşdu. Xocalının on doqquz illiyi ilə bağlı
həmin tədbirdən sonra isə bu dəftərdə yazılanlar onu hansısa
müəmmalı bir hadisənin aşkara çıxarılmasına sürükləyirdi.
Özü də bunu hiss edirdi. Getdikcə daha çox şübhələnir və öz
hislərinə inanmağa çalışırdı. İndi yorğun vəziyyətində isə
nədənsə özünü qınamağa başladı. Kimlərsə ümidlərinin izi ilə
azad həyata can ataraq sevdiyinə qovuşmaq istədiyi halda,
Qüdrətov öz şübhələrinin izi ilə çarpışırdı. Məgər bu yaxşı
idimi?! Əlbəttə! O ən doğru olanı düşünürdü həmişəki kimi.
45
Dövlətinin mənafeyi və təhlükəsizliyi naminə ən adi
hadisələrdə ayıq-sayıq olmaq onun taleyinə yazılmışdı. Bu,
onun müqəddəs borcu idi. Bir az əvvəl oxuyub bitirərək stolun
üstünü qoyduğu xatirə dəftərini yenə də açdı. Sonuncu
səhifələrini açaraq yenicə oxuduğu sətirlərə bir daha nəzər
saldı. Bütün diqqəti ilə həmin müəmmalı sətirlərə hakim
kəsilmişdi. Aytəkinin öz dəftərçəsinin sonunda yazdığı həmin
səhifələr mayor Qüdrətovu həmin universitet müəllimi Ramil
haqqında daha dərindən düşünməyə vadar edirdi. Təcrübəli
əməliyyatçı əvvəlki şöbədə olanda rəisi general-mayor Kamil
Əzimovdan çox tapşırıqlar almışdı. Bu tapşırıqlar çətinliyinə
və kəskinliyinə görə bir-birinə çox bənzəyirdi. Məxfi şöbəyə
gələndən sonra isə sanki bu tapşırıqların sayı azalmışdı. İndi
Qüdrətovun əvvəlkindən daha çox vaxtı olurdu. İndi də belə
bir şübhələrə qalib gələrək məsələnin əsl tərəfini açıb
göstərmək üçün hər şeyə hazır idi. Əgər o yanılmırdısa,
deməli, Ermənistanın planı ilə göndərilmiş xain qüvvə Bakıda
hansısa mühüm tapşırığı yerinə yetirməli idi. Bu isə
miqyasından asılı olmayaraq dövlətimiz üçün təhlükəli ola
bilərdi. Oxuduqlarına inanmaq Qüdrətov üçün bir insan kimi
çox çətin idi. Dəftərdəkilərdən belə bir nəticə çıxartmaq olardı
ki, Aytəkin bunu edə bilməzdi, etməzdi də. Axı o,
azərbaycanlı idi, vətəndaş idi, doğma Azərbaycanının bir
parçasını –Ramili sevirdi... O, buna necə razı ola bilərdi?! Bu
kiçik dəftərdən onun ağıllı qız olduğunu da öyrənmişdi. Başqa
bir yol da tapa bilərdi, yaşamaq və yaşatmaq üçün.
Qüdrətov hiss etdi ki, artıq çox yorulub. Düşünməsi üçün
həmişə yardımçı olan çay da indi öz təsirini itirmişdi. Odur ki,
otağın işığını söndürüb siqaret yandıraraq həyətə düşdü. Bir
az açıq havada gəzişərək tez də qayıdıb yatmaq qərarındaydı.
Amma necə oldusa, Aytəkinin dəftərini ona verən Fransadakı
restoran gözətçisi həmin qoca Vasya yadına düşdü. Yuxusuz
Dostları ilə paylaş: |