116
O, Qədim dayını tanımasa da, Qədim dayı onu yaxşı
tanıyırdı. Onun bir çox kişidən qeyrətli olduğunu da deyirdi.
Qapıçı oğlanı qolundan tutaraq çıxarmaq istəsə də, 14 yaşlı
Əli getmək istəmirdi. İri qara gözlərində yeniyetməliyə xas
hərəkətlilik olan Əli yenicə qanad açmaq istəyən qartal
balasına bənzəyirdi. Zəif, cılız bədənə sahib olmasına
baxmayaraq, gözlərində təlatüm, böyük bir fırtınanı rahatca
sezmək olurdu.
Yenə Qədim dayı onun dadına çatdı. Dedi:- Oğul, qorxma
get, səni dəyişdirəcəklər. Mən erməni dilini yaxşı bilirəm axı,
nə danışdıqlarını da yaxşı eşitdim. Arvad öz oğlu ilə səni
dəyişdirmək istəyir. Dayın kimdisə səni qaytarmaq üçün çoxlu
pul verib. Qorxma, get.
Uşaq sanki bizdən ayrılmaq istəmirdi. O qədər dəhşət
görmüşdü ki, buna da inana bilmirdi.
– Düz deyirsən, Qədim dayı, məni öldürməzlər ki?
Yaş dolu gözlərlə Qədim dayını qucaqladı. Bu mərhəmətli
kişi uşağı dartmaq istəyən erməniyə tərs-tərs baxaraq,
dizlərini yerə qoydu və onu öpdü:
– Qorxma, bala, mənə inan. Burda da nə görmüsən, kimlər
yadındadır qaytarılanda hamısını danışarsan.
Uşaq başı ilə razılığını bildirib, son dəfə bizə baxdı və
getdi...
*** *** ***
Bu hadisədən təqribən iyirmi gün keçmişdi. Qədim dayıya
hörməti olan qapıçı Veneks fürsət düşən kimi, Əli haqqında
ona danışırdı. Deyirdi ki, uşağın vəziyyəti əladır. Jor ona
yaman baxır. Uşaq elə kökəlib ki, gəl görəsən. Hətta onu
işlətmir də. Bunun da səbəbi Jorun yeganə oğluna olan
sevgisidir. İndi evində gəlini ilə birgə yaşayır. Oğlu nə qədər
avara olsa da, anası onu çox istəyir. Uşaqdan oğlunun iyini
117
alır. Hətta hərdən uşağa deyirdi ki, əgər oğlum qaytarılmasa,
səni burda saxlayacağam. Gəlinimlə evləndirəcəyəm. Amma
onu da deyirdi ki, əgər oğlumun qolu olmasa, qolunu
kəsəcəyəm, gözü olmasa, gözünü çıxardacağam. Əli kefdədir,
narahat olma, Qədim kişi, bir sözlə, onun vəziyyəti cənnətdəki
kimidir. Jorun oğlunu gətirirlər Bakıdan. Bu gün axşam onu
dəyişəcəklər. Jor mənə bir qonaqlıq da söz verib. O,
vəzifəlilərlə əlaqəli qadındır. Həm də sözü keçən arvaddır.
Veneksin Qədim dayıya olan bu cür isti münasibətinin
səbəbi Qədim dayının ona etdiyi kiçik bir yaxşılıq olmuşdu.
Qədim dayı deyirdi ki, bir dəfə atasının qəbrini götürmək üçün
ona iki kisə sement verib. Əlində olan imkandan istifadə edən
bu nurani kişi ondan həmin sementin pulunu da almayıb. O,
hərdən Qədim dayıya evdən çörək də gətirirdi. Qədim dayı elə
bunlara görə də pessimist ola bilmirdi. Ermənilərin içində
yaxşıları olduğunu dəfələrlə görmüş, bunun üçün də “insan
övladının hamısının qəlbinə şeytan hakim deyil”,- deyə bizi
inandırmağa çalışırdı.
Amma Qədim dayı bizim nə çəkdiyimizi, nələr
gördüyümüzü görməmişdi. Sözün əsl mənasında biz ölüb-
dirilirdik. Əslində bu sözü Azərbaycanda bu vəziyyətlər üçün
istifadə etmirlər. Bu sözün çox böyük hikməti var. Mən onu
ölüb-dirildikcə başa düşürdüm...
"Öldüm-dirildim" ifadəsinə ikrah hissi ilə yanaşanları
qınayıram... İnsan ölüb-dirilə bilərmiş... Allah indiyə qədər
ölən heç kimə canını bəxşiş etmədi, amma ermənilər bunu bir
gündə bir-neçə dəfə bacardı... Hər gün ölmək həsrəti ilə
yaşamaq, yaşamaq arzusu ilə bizi nə vaxt dəyişdirəcəkləri
həsrəti ilə çırpınmaq... Bunu heç kimə arzu etməzdim...
118
*** *** ***
Axşam bizə isti yemək adlandırdıqları noxud suyu verəndə
Qədim dayı Veneksdən uşağın taleyini soruşdu. Veneks
hirsləndi:
– Sizinkilər də düz adam deyil ha. Bilirsən nə oldu? Bilirsən ki,
illərdir həsrətini çəkdiyi oğul dağını yaşatdılar Jora. Bu
vəhşilikdir. ...
Əlini də Jor öldürdü. Bilirsən niyə, çünki oğlunun meyidini
gətirmişdilər. Jor canavara dönmüşdü. Oğlunu itirən ana necə
olmalıdır, o qədər həvəslə gözlədiyi oğlunun meyidinin
gətirildiyini biləndə? Elə sərhəddə onu öldürdü. Düz elədi də.
Sevə-sevə uşağa baxırdı. O demişdi axı, oğlumu necə versələr,
bunu da elə qaytaracağam.
Qədim kişi, bu, alçaqlıqdır. Siz də özünüzü yaxşı hesab
etməyin. Nə edirlər, azdır. İmkanım olsaydı, sizin hamınızı da
mən qırardım. Biz zalımıqsa, bəs siz nəsiniz? Siz bizdən də geri
qalmırsınız. O arvada bunu etmək olardı? Yazıq o cür ki
uşağa baxmışdı. O cür ki, ümidlə yaşayırdı. Ümidini
baltaladınız. Adını da qoydular avariya olub. Buna kim
inanar? İnanarsan, Qədim kişi? Axı səni yaxşı adam bilirəm,
sən inanarsan? Veneks qapını dili qurumuş Qədim kişinin
üzünə çırpıb “gəbərin” deyərək getdi.
Qədim dayı başını tutdu. Dizi üstə yerə çokdü. Bu çöküş
sanki bir dağ çöküşü idi. O, bunları bizə ağlaya-ağlaya
tərcümə etdi. O kişi ki, o qədər əzaba dözmüşdü, dost dediyi
insandan zərbə almışdı, qadınları-qızları ləkələnmişdi
ağlamamışdı, kiçilməmişdi.
Kimi günahlandıracağını bilmirdi. Əliyə nə qədər
acıyırdısa, Jorun da vəziyyətinə elə yanırdı. Bunu hər dəfə
yazıq Əli deyəndə, yazıq Jor da deməsi göstərirdi. Sanki uşağa
verdiyi sözü o tuta bilməmişdi. Yazıq Əli..... deyib bir küncə
çəkildi. Başını tutdu. Həmişə bizə dayaq olan, qeydimizə
119
qalan, cüssəli, hündür Qədim dayıdan əsər-əlamət qalmamışdı.
Dərdlinin dərdini dərdli bilər. Biz onu başa düşürdük. Hətta
biz Əli qədər Jorun da halına yanırdıq. Başımıza oyunlar açan
millətin nümayəndəsinin halına yanırdıq. Bu isə insanın
faciəsinə yanmaq demək idi, millətin yox. Alçağın, oğraşın,
şərəfsizin milləti olmadığı kimi, mərhəmətin, ürək ağrısının,
sevginin də milləti yoxdur. Sadəcə vəhşilik var. Bu isə bəzi
xalqlarda daha böyükdür....
Söz tapa bilmirdik deməyə. O qədər ölümün içərisində
Əlinin bu cür faciəli ölümü bizə daha pis təsir etmişdi.
Beş qadın, bir də Qədim dayı olan bu dörd divar arasında
bütün olanlar unudulmuş, bütün işgəncələr yaddan çıxmış,
sadəcə, Əliyə yas tutulmuşdu. Heç axşam bizi hansı kef
məclisinə, hansı seks oyunlarına aparılacağımız da
maraqlandırmırdı. Heç səhər nələrin baş verəcəyi də. Hansı
qisas proseslərinin başlanacağı da bizi qorxutmurdu. Bu
zaman heç nəyə ümid də etmirdik. “Görəsən, məktublarımız
ünvana çatdımı”- deyə fikirlər də irəli sürmür, təxəyüllümüzdə
yaratdığımız “almanların yaxşı adama oxşadıqları mifi” də
unudulmuşdu...
İnsan qəribə varlıqdır.... Bunları mənə kimsə danışsa idi,
ya da hansısa kitabdan oxusa idim, inanmazdım. Uydurmadı,
oxucunu həyəcanlandırmaq üçün yazılıb deyərdim. Ona görə
yox ki, bunlar ola bilməz, on görə ki bunları kimsə gözü ilə
görüb, yaşayıb. Bax bu fikrə inanmazdım. Axı az görməmiş,
eşitməmişik ki, oğlunun ölüm xəbərin eşidən ananın ürəyi
partladı, 20 Yanvar faciəsini kadrlardan izləyən neçə-neçə
insan infarkt keçirdi. Nədənsə mən və mənim kimilər yaşayırdı
və görürdü. Hətta hər keçən gün dünənkini unudurdu da.
Deyəsən, bizi yaşadan, bizə məlhəm olan, dərdi unutduran
yeni gördüklərimiz idi. Necə ilan vuranı ilan zəhəri ilə
sağaldırlar, bizi də yeni faciə ilə müalicə edirdilər. Daha
Dostları ilə paylaş: |