Vaqif Məmmədov xatirələrdə
84
Məmməd Abbasov
Naxçıvan MR-nın sabiq
Kənd Təsərrüfatı naziri
“OT KÖKÜ ÜSTƏ BİTƏR”
Vaqif müəllimlə mənim ilk tanışlığım gənclik illərində
"Şərq qapısı" qəzetində onun şeirlərini oxumaqla olmuşdur.
Sentyabr 1988-ci ilin sentyabr ayından mən Şərur rayon partiya
komitəsinin birinci katibi vəzifəsində işləməyə başladıqdan
sonra isə biz əyani olaraq yaxından tanış olduq.
O zamanlar Dağlıq Qarabağda baş verən hadisələr öz təsirini
rayonun Ermənistanla sərhəddə olan bütün kəndlərində, xüsusilə
də, Sədərək kəndində özünü birüzə verirdi. Ermənilər bütün vasi-
tələrlə Kərki və Sədərək kəndlərini ələ keçirməyə cəhd göstərir-
dilər. Sədərəyin "Qarağac" adlanan ərazisinə hücum edərək, və-
ziyyəti gərginləşdirirdilər. Məqsəd təxribatla münaqişə yaratmaq
idi. Ona görə də mənim bir katib kimi əsas iş vaxtım demək olar
ki, Sədərək kəndində keçirdi. Kənd əhalisi ilə mütəmadi söhbətlər
aparıb, təxribata uymamağa, ayıq-sayıq olmağa çalışırdıq. Həm-
çinin mövcud problemlərin həlli ilə də məşqul olurduq.
Kənd əhalisi ilə görüşlərimiz kəndin mərkəzində, çayçılarda
və əsasən, məktəbdə, Vaqif müəllimin direktor işlədiyi məktəb-
də keçirilirdi. Vaqif müəllim yığıncaqların keçirilməsində təşki-
lati işlərlə bərabər, həm də yığıncaqlarda fəal iştirak edirdi.
Bizim də tanışlığımız o zaman baş verdi. Sonraki illərdə də
yaranmış isti münasibətlər, görüşlər mütəmadi xarakter aldı.
Vaqif müəllim ən gərgin anlarda insanlar qarşısında öz vətə-
nini, torpağını sevən bir ziyalı kimi çıxış edərdi. Həqiqət tərəf-
darı idi. Onun danışığında bayağılıq, yaltaqlıq yox idi. Kəndin
müdafiəsində, əhalinin səfərbər olunmasında nümunə göstərərdi.
Döyüşlər zamanı onun şəxsi yaşayış mənzili döyüşçülərin qərər-
gahı, sığınacağı olmuşdur. O dövrdə (1988-1991) ölkə daxilində
hakimiyyət uğrunda gedən çirkin oyunların qarşısının alınmasın-
da mübarizə aparardı.
Vaqif Məmmədov xatirələrdə
85
1990-cı ildə qanlı yanvar hadisələri ərəfəsində Şərur rayo-
nunda ermənilərin mütəmadi təxribatları nəticəsində gərginlik son
həddə çatmışdır. Xalq cəbhəsindən bir qrupu mitinq keçirərək,
rayon partiya komitəsinin birinci katibinin istefasını tələb etdilər.
Onu əsas gətirdilər ki, bunlar Türkiyə ilə olan sərhəddəki məftillə-
ri sökməyə cəhd edən zaman sərhədçilər onların cəhdinin qarşısı-
nı alıb və guya sərhədçilərə göstərişi I katib verib. Mən mitinqdə
çıxış edərək bildirdim ki, bu yalan və uydurma bir cəhddir.
Rus hərbiçilərinin rayonun katibinə heç bir tabeçiliyi yox-
dur. İstefaya gəldikdə isə, bu mitinqdə iştirak edən 50-60 nəfərin
yersiz tələbinə görə mən istefa vermərəm, rayon əhalisinin top-
lantısını çağırıram, orada məsləhət olarsa istefa verərəm. Rayon
əhalisinin ümumi toplantısında raykomun plenum üzvləri, rayon
sovetinin deputatları kəndlərin xalq cəbhəsi başçıları və idarə
heyətinin üzvləri iştirak edirdilər. Yığınacaq 6 saata yaxın da-
vam etdi. Cəbhəçilərin heç bir əsaslı dəlilləri yox idi. Xalq cəb-
həsi idarə heyətinin üzvü Hidayət həkim çıxışında bildirirdi ki,
biz 1-ci katiblə siyasi müharibədə həmişə çıxılmaz vəziyyətdə
qalırıq, onun ağlına, təfəkkürünə üstün gələ bilmirik. Ona görə
onun vəzifədən getməsini istəyirik.
Toplantıda Sədərəkdən 5 nəfər, o cümlədən, Vaqif müəllim
də iştirak edirdi. O, söz alıb, geniş çıxış etdi. Bildirdi ki, belə bir
gərgin vaxtda düşmənlərimizin bizə qarşı hücuma hazırlaşdığı
vaxtda, sizin ağıllı bir rəhbərin istefa verməsi tələbiniz nə qədər
yersizdir.
Bu misalı çəkməklə onu bildirmək istəyirəm ki, o zaman hər
kəs cəsarət edib, cəbhəçilərə qarşı çıxa bilməzdi. O, Sədərəklilər
adından cəbhəçilərin tələbinin qəbul olunmaycağını bildirdi.
Vaqif müəllim öz əqidəsinə, mənliyinə hörmət edən bir ziyalı
mövqeyi göstərdi. Məsələ mənim vəzifədə qalmağımdan ibarət
deyildi, rayonun taleyindən söhbət gedirdi.
Mən iş yerimi dəyişəndən sonra Baş Nazirin müavini
işlədiyim dövrdə də biz onunla mütəmadi görüşüb, dərdləşərdik.
O, mənə "Arazdan keçə bildim", "Ata ömrü", "Bu dünyanın
sevinci nə, qəmi nə", "Zirvədən baxanda", "Sədərəkdə yazılan
Vaqif Məmmədov xatirələrdə
86
gündəlik", “Seçilmiş əsərləri"nin 2 cildliyini vermişdi. O
kitablar müəllifin avtoqrafı ilə təqdim olunmuşdur. Onlardan bir
neçəsini nəzərinizə çatdırıram. "Arazdan keçə bildim" kitabına
yazılan: "Zamanın küləklərinin əyə bilmədiyi, sabit xarakterli
böyük ürək sahibinə, şəxsiyyətinə hörmət bəslədiyim Məmməd
müəllimə müəllifdən xoş arzularla." (18.06.2008) "Zirvədən
baxanda" kitabına: "Həyatda ən sabit xarakterli insan, mənliyini
və şəxsiyyətini daim uca tutmağı bacaran ziyalı, lap gənclik
illərindən tanıyıb, hörmətlə yanaşdığım və hörmət gördüyüm
Məmməd Abbasova xoş arzularla."(21.11.2012) "Sədərəkdə
yazılan gündəlik" kitabında: "Bu kitabda təsvir olunan hadisələ-
rin bir çox ağırlıqlarını çiynində daşımaqla, Sədərək əhalisi
arasında çox böyük nüfuz qazanmış hörmətli Məmməd
Abbasova müəllifdən xatirə." (21.11.2012)
Ba avtoqrafları qeyd etməklə onu bildirmək istəyirəm ki,
bizim qarşılıqlı hörmətimiz var idi, digər tərəfdən mənəvi
cəhətdən saf, vicdanlı Vaqif müəllim kimi ziyalının mənə
ünvanladığı bu sözlərlə fəxr edirəm.
Mən 32 ildən artıq dövlət qulluğunda olub bir çox dövlət
məmurları ilə işləyib, çörək kəsib, yoldaşlıq etmişəm, hətta onla-
rın bəzilərinin şəxsi həyatında, kariyerasında rolum da oldu.
Təəssüflər olsun ki, onların əksəriyyəti çətin anlarda sınaqdan
çıxmadılar. Çünki, onların münasibəti süni və təmənnalı idi.
Vaqif müəllim təmənnasız, sədaqətli insan idi.
Vaqif müəllim vaxtı ilə rayon partiya komitəsinin üzvü
olmuş, rayon sovetinin və Naxçıvan Muxtar Respublikası Ali
Məclisinin deputatı seçilmiş, muxtar respublikanın ictimai-siyasi
həyatında fəal iştirak etmişdir.
El arasında belə bir deyim var: "Hər kəs öz kökü üstə
böyüyər". Vaqif müəllimin atası Cəfər dayı partiya, müharibə
və əmək veteranı olmuşdur. Bütün həyatı zəhmətlə yoğrulmuş
bir nüfuz sahibi olub. Övladlarını da vətənə, torpağa məhəbbət
ruhunda tərbiyə edib.
Şairin yaradıcılığına gəldikdə onu deyə bilərəm ki, şeirlə-
rinin, əsərlərinin məğzini insana, vətənə, torpağa olan məhəbbət
Dostları ilə paylaş: |