Microsoft Word Vaqif Memmedov xatirelerde doc
Yüklə 21,11 Mb. Pdf görüntüsü
|
Vaqif Məmmədov xatirələrdə 76 bölgəsindəki mübariz davranışı bir tarixdir. Ziyalı o insandı ki, xalqının, dövlətinin çətin günlərində öndərlik edib vətən torpağı- nın müdafiəsinə bütün insanları səfərbər edə bilsin. Vaqif müəllim sanki vətəninə xalqına xidmət üçün doğulmuş şəxsiyyət idi. Lazım olanda əsgər, lazım olanda şair, lazım olanda müəl- lim, lazım olanda alim idi. Onu tanıyan insanlar yaxşı bilirlər ki, Vaqif müəllim yüksək mənəvi keyfiyyətlərə malik şəxsiyyət idi. O qədər sadə, səmimi, müdrik insan idi ki, onunla ünsiyyətdə olmaq insanı sanki kamilliyə səsləyirdi. Vaqif müəllim mənim tanıdığım insanlar içərisində mükəm- məl gündəlik yazan ziyalı idi. Xatirimdədir ki, 2001-ci ildə Naxçıvan televiziyasında qədim Naxçıvan torpağı olan Kərki haqqında veriliş hazırlayırdım. Təəssüf ki, o zaman Kərki və onun taleyi haqqında çox az informasiya tapa bildim. Hər zamanki kimi ilk məsləhət alacağım insanlardan biri olaraq Vaqif müəllimə müraciət etdim. İlk dəfə dəyərli müəllimimin tarixi gündəliyini məhz o gün gördüm. Kərkinin işğalı ərəfəsin- dəki hadisələri o qədər dəqiq işləmişdi ki, mən deyərdim ki, Sədərək hadisələri haqqında bəlkə də yeganə təfərrüatlı və dəqiq informasiya mənbəyidir bu gündəlik. Həmin gündəliyin 10 ili “Sədərəkdə yazılan gündəlik” adı ilə kitab şəklində çap olun- muşdur. Söhbət zamanı aydın oldu ki, gündəliyi 1966-cı ildə Naxçıvan Pedoqoji məktəbinə qəbul olduğu vaxtdan yazmağa başlayıb. Vaqif müəllim gündəliyi həyatı haqqında deyil, özü şahid olduğu, müşahidə etdiyi hadisələr, ictimai-siyasi proseslər, ədəbi-mədəni mühit haqqında məlumatı gələcək nəsillərə çatdır- maq məqsədilə yazmışdır. Vaqif Məmmədov respublikamızı dünyanın bir çox mötəbər konfrans və qurultaylarında, müsabiqələrində uğurla təmsil edir- di. Şeirləri Türkiyədə, İranda, İraqda, Rusiyada, Ukraynada, Belorusiyada, Özbəkistanda, Almaniyada, Bolqarıstanda, Yuna- nıstanda, ABŞ-da çap olunmuşdur. YUNESKO xətti ilə Bağdadda keçirilən “Füzuli günlərin- də”, Bayburtda keçirilən “7-ci Uluslararası Dədə-Qorqud Kül- tür-Sənət Şölənin”də, Ankarada keçirilən “Erməni iddiaları və Vaqif Məmmədov xatirələrdə 77 Azərbaycan gerçəyi” beynəlxalq simpoziumunda, Tehranda və Təbrizdə keçirilən “Şəhriyar günləri”ndə, Hollandiyada keçirilən “Xocalı soyqırımı”na aid beynəlxalq simpoziumda, Pakistanda keçirilən “Sufizm və sülh” beynəlxalq konfransında iştirak və çıxış etmiş, “Daşkənd təranəsi” beynəlxalq poeziya müsabiqəsi- nin və digər bir neçə beynəlxalq şeir müsabiqələrinin qalibi olmuşdur. İnanıram ki, Vaqif Məmmədovun yaratdığı mükəmməl təd- qiqqat əsərləri, böyük oxucu auditoriyası qazanmış poetik düşüncələri, ustad qələmindən çıxmış elmi-publisistik yazıları, miras qoyub getdiyi zəngin şəxsi arxiv materialları bundan sonra da elmimizə, cəmiyyətimizə faydalı olacaq, yüksək insanlıq və vətənpərvərlik nümunəsi kimi gələcək nəsillərin yoluna işıq salacaqdır. Vaqif Məmmədov xatirələrdə 78 İman Cəfərov Filologiya üzrə fəlsəfə doktoru, dosent KODALI QOŞAYARPAQ MİSRALARIN SİRRİ, YAXUD SABAHA ÜNVANLANAN SEVGİ Ümumiyyətlə, insanların, xüsusən də daima insanlığın tale- yini düşünən zəka sahibləri nə zamansa ömür yollarını başa vuraraq bizdən ayrılmaları fikri ilə razılaşa bilmirəm. Və kəsin- liklə bu barışmazlığın səbəbi Nizami Gəncəvi, Məhəmməd Füzuli, Fransua Rable, Conatan Svift, Mirzə Fətəli Axundzadə, Viktor Hüqo, Cəlil Məmmədquluzadə kimi qüdrətli söz sahib- lərinin müdrik deyimlərinə əsaslı şəkildə bağlılığımdır. Əlbət də, ziya yoldaşım Vaqif Məmmədovun digər klassiklərdən biri kimi qiymətli deyimləri ilə mənə bir daha yaxın olacağına inanmaz- dım. Halbuki, Vaqif Məmmədovun arabir asta-asta mənim iş otağıma gəlişi, yaxud mənim “Qeyrət” nəşriyyatında şairlə atüstü görüşməyim məhz mənəvi tamlığın kamilliyinə xidmət edirdi. Şübhəsiz ki, Vaqif Məmmədov həmişə yeni bir şeirini, hətta hələ mürəkkəbi qurumamış bir lirik əsərini oxumaq üçün 4-cü mərtəbəyə qalxırdı. Heç düşünməzdim ki, günlərin bir günü Vaqif müəllimsiz şairin tam yeni şeirlərini mənə gətirəcək- lər. Və həmin misraların arasından Vaqif Məmmədovun işıqlı portreti canlanacaq, portretin alt yazısında isə şairin aşağıdakı misralarını oxuyacağam: İncidən, sədəfdən pak, təmiz insan, Nuru bir okean, bir dəniz insan... Əslində bu misraları şair Vaqif Məmmədovun sənət axtarış- larının məntiqi yekunu da adlandırmaq mümkündür. Vaqif Məmmədov sənəti-şairin müxtəlif mövzulu və müxtəlif janrlı əsərləri mənim üçün son dərərcə doğma olub. Azərbaycan adlı bir məmləkətin şanlı dünənini, işıqlı bu gününü və daha qüdrətli sabahını tərənnüm edən sənət əsərlərinin bədii qiraət müsabiqə- Vaqif Məmmədov xatirələrdə 79 lərində dönə-dönə tələbələrə Vaqif Məmmədovun şeirərini əzbərləməyi, o şeirlərdən müsbət enerji almağı məsləhət görmü- şəm. Şairin bir neçə kitabına “Ön söz” yazmışam. Amma qismətimdə şairin qoşayarpaq misralarla yaratdığı labrintdə sonucu axdarmaq da varmış. O sonuc ki, şairin sənət dünyası üçün xarakterik olan sonsuzluqdan boylanırdı. Mənim düşüncəmə görə, dünya, həyat və insan haqqında şair konsepsiyasının qoşayarpaq misralarla təqdimi əslində söz sahibindən xüsusi poetik cəsarət tələb edir. Bir ömürlük sənətdə zirvə yolu qət edərək özünü uca poetik məqamda görən Vaqif Məmmədovun bu yeni əsəri üç hissədən ibarətdir. Birinci hissədə hər qoşa yarpaq misranın əvvəlincisində “N” ikincisində isə “Ə” hərfi ilə başlayan söz gəlir. İkinci hissədə eyni düzümlərdə “Z” və “R” hərfləri ilə başlayan sözlərlə qarşı- laşırıq. Üçüncü hissənin əsas göstəricisi isə “İ” və “N” mənbəli sözlərdir. Bu kodları acmaqla şairin yeni kitabını “Nəzrinnamə” də adlandırmaq mümkündür. Əslində Vaqif Məmmədov sənəti üçün hər hansı bir ad şərtidir. Bu sənət hüdudları sonsuzluqla müəyyənləşən insanın mənəvi dünyasına ünvanlanmışdır. Elə bir dünya ki, orada insan bütün aydınlıqları, eləcə də bütün təzadları ilə öz monumentallığını təmin etməkdədir. Daha maraqlısı isə şairin təqdim etdiyi insanın mənəvi dünyasında günahla-günahsızlığın, sevinclə kədərin, qışla yazın sərhədləri ayrılmazıdır. Yaxud şairin mənəvi ucalığıdır ki, həmdəmlərinin günahını belə özünə doğmalaşdıra bilir və yazır: Nəsibim, pənahım-könül sirdaşım, Ən böyük günahım-könül sirdaşım Nazını-qəmzəni görəydim kaş ki... Əlimi əlinə verəydim kaş ki... Adətən sözlə oynamaq, sözü cilalamaq, sözü sözə hörmək şairlərin sənəti saylır. Vaqif Məmmədov sanki şairlik sənətində oxucuya güzəştə gedir, onu da yeni dünyanın təzadları fonunda Yüklə 21,11 Mb. Dostları ilə paylaş:
|