— 23 —
dən yaranan Azərbaycan aşıq sənətinin differensial keyfıyyətlər
qazanmasında, qollara üzvlənməsində əsas faktor kimi sosial-
mədəni mühitin rolu sənət və mühit münasibətlərini müstəqil
mövzu kimi araşdırmağı şərtləndirir.
Ümumiyyətlə, Şirvan aşıq mühitinin formalaşmasında elm,
mədəniyyət mərkəzi olan Şamaxı şəhəri ilə yanaşı, bu regionda
mövcud olan sufi-təkkə ocaqları və «...təkkə ocağından çıxan
dərviş aşıqların böyük rolu olmuşdur» (128, 3). S.Qəniyevin
apardığı araşdırmalar nəticəsində Şirvan regionunda 60-dan ar-
tıq «sufi-təkkə» ocağıının müəyyənləşdirilməsi (bax. S.Qəni-
yev, Övliyalar, ziyarətgahlar, müqəddəslər və din xadimləri.
B.:1994) faktı da Şirvan aşıq mühitinin formalaşmasında təsəv-
vüfün funksional təsiredici rolunu aydınlaşdırır. Əslində aşıq
sənəti tərəkəmə-elat mədəniyyəti hadisəsidir. Əsası çöldən baş-
lanan mədəniyyətin, konkret olaraq sözügedən sənətin şəhər
mühitinə düşməsi və ya sosial sifarişin şəhərdən və şəhər dinlə-
yicisi səviyyəsində verilməsi sənətin auditoriyaya, sosial mü-
hitə uyğunlaşmasını, adaptasiya olunmasını şərtiləndirmişdir.
Şirvan aşıq qolunun əsas differensial əlaməti onun xanən-
dəlik sənətinə yaxınlaşmasıdır. Bu əlamət də məhz şəhər mühi-
tinin təsiri ilə yaranmışdır. «Şamaxı paytaxt olduğu üçün saray-
da şair, rəqqasələrlə yanaşı xanəndələr, musiqiçilər də fəaliyyət
göstərirdi. Bunun nəticəsi idi ki, bəzən saray məclislərinə aşıq-
lar da dəvət olunurdu. Bu da aşıq sənəti ilə xanəndəlik sənətini
bir-birinə yaxınlaşdıran amillərdən ən başlıcasıdır. Deməli, Şir-
van aşıq mühitinin canına bir tərəfdən «Sufi dərvişlərin», «di-
ringili avazları», nəfəsləri hopmuş, ikinci bir tərəfdən xanəndə-
lik sənəti qoşulmuşdur. Beləliklə, eyni bir kökdən su içən Şir-
van aşıq mühitinin özünəməxsus ifa tərzi, ənənəsi, sənət üslubu
meydana gəlmişdir» (128, 4).
Şirvanın musiqi mədəniyyətinin özünə xas cəhəti onun həd-
siz dərəcədə rəngarəng olmasındadır: bu ərazidə həm xalq mah-
— 24 —
nıları, həm instrumental musiqi, həm də muğam sənəti geniş tə-
şəkkül tapmışdır... Folklor ekspedisiyalarının nəticələri göstər-
diyi kimi bu ərazidə xalq musiqisinin həmin növləri ilə yanaşı
qədim zamanlardan Molla Qasım, Baba Şirvani, Oruc, Sədrəd-
din, Daşdəmir, Fətəli Heybət oğlu, Mücülü Bəşir kimi sənətkar-
lar yetişdirmiş aşıq sənəti məktəbi də inkişaf etmişdir (8, l).
Son dövr filoloji araşdırmalarda Şirvanın bəzi aşıqları haq-
qında da təsvir xarakterli bilgilər verilsə də onların yaradıcılığı
hələ də kifayət qədər öyrənilməmişdir. «Şirvan aşıqları tərəfin-
dən söylənən dastanlar, onların musiqi repertuarı, toyun aparıl-
ma qanun-qaydaları və söz açdığımız aşıq məktəbinin inkişaf
tarixini səciyyələndirən başqa xüsusiyyətlər haqqında məlumat-
lar hələ də çox bəsitdir» (8, l).
Şirvan aşıqlarının XV-XVIII əsrlər üzrə Aşıq Dostu Şir-
vani, Aşıq Saleh, Aşıq Rüstəm, Aşıq İbad, XIX və XX əsrin bi-
rinci yarısı üzrə Baba Rəxşan, Aşıq Mürsəl Babaş oğlu, Aşıq
Soltan, Aşıq Qənimət, Aşıq Cəlal, Aşıq Daşdəmir, Aşıq Zeyna-
labdin, Aşıq Bilal, Aşıq Şamil, Aşıq Abbas və başqalarının ad-
ları və sənət irsi ilə bağlı məlumatlar vardır. «Bu sənətkarların
əldə olunan şeirlərində yaşadıqları dövrün ab-havası, yurdumu-
zun füsünkar gözəllikləri öz poetik ifadəsini tapa bilmişdir. Bu
istedadlar həm də neçə-neçə dastan bağlamış, saz havaları bəs-
tələmişlər. İndiyə kimi çap olunmayan «Mustafa və Sənəm xa-
nım», «Barıddıy Soltan və Kövsər», «Küçə Rza», «Koroğlunun
Şirvan səfəri», «Aşıq Bilal və Naburlu Badam» və s. dastanlar
Şirvan sənətkarları haqqında çox söz deyir. Şirvan aşıqlarının
bəstələdikləri, yaratdıqları saz havalarıının sayı iyirmidən artıq-
dır. «Peşrev», «Şəşəngi», «Şirvan şikəstəsi», «Əlicadi», «Sarı-
torpaq şikəstə», «Qocaman şikəstə», «Qara qafiyə», «Güllü qa-
fiyə», «Qobustanı», «Cığdançıxmaz», «Ordubadi», «Gəraylı»
və s. aşıq mahnıları əsrlərlə Şirvan məclislərinin bəzəyi olmuş-
dur (128, 5).
— 25 —
Təkcə bu qeyd olunanlarla məhdudlaşmayan Şirvan aşıq
mühitinin sənət irsi, onun özünəməxsus xüsusiyyətləri, bölgədə
geniş yayılmış dastanlar və saz havaları, təəssüf ki, sistemli şə-
kildə tədqiq edilməmişdir. «Şirvanda muğamla aşıq sənətinin
qarşılıqlı təsirinin nə vaxtdan və necə başladığını dəqiq demək
çətindir. Lakin artıq XIX əsrin axırına yaxın və XX əsrin ilk
onillikləri dövründə Şirvanda həm xanəndələrin, həm də aşıqla-
rın iştirakı ilə keçən toylara daha tez-tez təsadüf olunurdu (Şir-
vanda keçirilən məclislərdə Keçəçi oğlu Məhəmməd, Cabbar
Qaryağdı, Kəblə Hüseyn, Səhəb və başqa musiqiçilər iştirak
edirdilər) (8, 4).
Şirvan aşıq mühitinin görkəmli nümayəndələrindən olan
Aşıq Şamil Şirvan toylarında sənətkarların iştirakını belə təsvir
edirdi: «Bizim əsrin (XX əsrin – Y.Ə.) əvvəllərindən Şirvan
toylarına daha çox tərkibində xanəndə olan aşıq dəstələri dəvət
etməyə başladılar. Amma söz yox ki, bu məclislərdə üstünlük
yenə də aşığa verilirdi. Elə buna görə də aşıq daha dərin, daha
zəngin biliyə malik olmalı idi: O, xanəndənin bildiklərini də
bilməliydi. Aşıqla xanəndənin birgə çıxışları belə keçərdi...
Aşıq hər hansı bir mahnını oxuyub qurtaran kimi xanəndə hə-
min mahnıya ayaq verərdi və beləliklə aşıqla xanəndə arasında
bir növ deyişmə yaranardı. Və yaxud da dastanın müəyyən his-
sələrində aşıq sözünə ara verər, xanəndə də öz çıxışı ilə, məsə-
lən «Qarabağ şikəstəsi» ilə meydana girərdi» (8, 5).
Qeyd edək ki, Şirvan aşıq mühitinin səciyyəvi xüsusiyyət-
lərinin mövcudluğu faktını və bəzi xarakterik elementlərini
Q.Namazov, M.Qasımlı və b. da qeyd ediblər (117, s.6). «Belə
ki, bu mühitdə aşıq tərzi ilə xanəndə tərzinin qovuşuğu olan
«Pişrov» havaları (ona yaxın belə hava var), «Şikəstələr» (doq-
quz şikəstə havası mövcuddur), «Şəşəngi»lər (sayı üçdür) mü-
şahidə edilir ki, həmin havalar sırf bölgə səciyyəlidir... Bununla
belə, Şirvan aşıqlarının musiqi repertuarında yerli havalarla ya-
— 26 —
naşı bütövlükdə Azərbaycan aşıq sənətinə məxsus olan klassik
saz havaları («Müxəmməs», «Dübeyti», «Kərəmi», «Koroğlu»
havaları və s.) da mühüm yer tutur.
...Musiqi repertuarından fərqli olaraq, Şirvan aşıq mühitinin
söz repertuarı digər mühitlərdən özünəməxsus əlamətlərlə seçil-
mir. Ənənəvi klassik aşıq dastanları, eləcə də, saz-söz ustadları-
nın poetik irsi burada da söz yükünün əsasını təşkil edir. Bir
sıra hallarda bəzi dastanların («Abbas-Gülgəz», «Xəstə Qa-
sım», «Alıxan-Pərixanım», «Şah İsmayıl» və s.) süjet xəttində
variant dəyişiklikləri nəzərə çarpır ki, bu da aşıq mühitlərinin
əksəriyyəti üçün səciyyəvidir və folklor mətninin şifahi şəkildə
mövcudluğundan irəli gələn təbii bir haldır» (98, 202-203).
M. Qasımlı Şirvan aşıq mühitindən fraqmentar şəkildə bəhs
etdiyindən (mühit üçün bəzi xarakterik əlamətləri qeyd etsə də)
sözügedən bölgənin sənət və sənətkar spesifikası geniş aydın-
laşdırılmamışdır. Konkret olaraq, Şirvanın XX yüzildə, xüsu-
silə, onun ikinci yarısında geniş şöhrət qazanmış, məşhur ustad
aşığı Əhmədin adını belə xatırlatmamışdır. (128, 61).
Ustad aşığın şeləri bir neçə kitabçada nəşr olunmuşdur.
Aşıq Əhməd ustad aşıq kriteriyasının tələblərinə tam uyğun bir
sənətkar olmuşdur. O, həm ustad-şagird ənənəsi, həm də dastan
yaradıcılığı baxımından ustad sənətkar statusu qazanmışdı.
Azərbaycan aşıq ədəbiyyatı və Şirvan aşıq mühiti çevrəsin-
də Aşəq Əhmədin sənətkarlığını səciyyələndirən keyfiyyətləri
bütövlükdə müəyyənləşdirmək üçün məsələyə hissədə (fərddə
və mühitdə) və tamda (Azərbaycan aşıq sənəti səviyyəsində)
baxılmalı, coğrafi, sosial-siyasi və mədəni faktorların təsirləri
araşdırılmalıdır. Çünki Aşıq Əhmədin poeziyasında Kürdəmirin
o qədər də zəngin olmayan təbiəti ilə zəngin peyzaj, yaşadığı
sosial-siyasi şəraitin saxta kommunist ideologiyası ilə Allah,
din, haqq-ədalət, primitiv sosialist mədəniyyəti ilə zəngin mə-
dəni, mənəvi, ruhi dünya kontrast yaradır. Sənət dünyasında ka-