ХЫЫЫ – ХЫВ ясрляр ана дилли лирик шеиримизин инкишаф йолу
45
Adəm ol candır ki, günəş üzüdür.(92,585)
Müəllif İnsanı mahiyyətcə ilahi varlıqla
eyniləşdirərkən töv-
hidi təsəvvür və deyimlərdə yalnız Allaha aid edilən bir sıra
termin səciyyəli ad və anlayışlardan istifadə edir. Məsələn:
“Həqq”, “zat”, “vücudi-mütləq”, “fərdi-mütləq”, “vacib”, “fai-
li-mütləq”, “rəhman”, “rəhim” və s. Bu cür sinonim bolluğu
Tanrıya verilən ad və epitetlərin çoxluğu ilə bağlıdır:
Vəhdəhü laşərik ilə şübhəsiz iştə zatəm,
Yəni ki, ibtidasız zatəmü həm sifatəm.(92,397)
...Faili-mütləqəm mən, həqləyəmü Həqəm mən,
Də’vidə ismi-məf’ul mə’nidə failatəm.(92,397)
...Çərxi-məəlləq mənəm, faili-mütləq mənəm,
Həqq iləyəm Həq mənəm, ayət ilə bəyyinat.(92,494)
...Nəsiminin vücudi Fərdi-mütləq,
Bu tövhidin əhəddəndir əsasi.(94,86)
...Mən Vücudi-mütləqəm, mütləq dedim
Həq tanıqdır, Həq bilir ki, həq dedim.(94.301)
Birinci beytdə İnsanın ilahi varlıqla eyniliyi təkcə dərk-
olunmaz, lakin əzəli və əbədi xislətə malik
“zatəm” ifadəsi ilə
deyil, həm də müsəlmanların gündə beş vaxt namaz zamanı zikr
etdikləri
“vəhdəhü-laşərik” (“O təkdir, şəriki yoxdur”) təbiri ilə
də iqrar olunur.
Yuxarıdakı misralardan da göründüyü kimi Nəsimi çox
zaman I şəxsin
-“Mən”-in dilindən danışır. Zahirən elə gəlir ki,
Haqqın özü və ona aid sifətlərin daşıyıcısı kimi hürufi şair yalnız
özünü nəzərdə tutur. Lakin bu üsul Nəsimidə fikrin bəyanı üçün
yalnız üslubi bir bədii fənddir. Əslində isə həmin I şəxsin -
“Mən”-in arxasında dayanan subyekt qrammatik əlamətdən fərqli
fəlsəfi-poetik ünvana malikdir.
Daha doğrusu, şair az-az hallarda
“Mən”-dedikdə şəxs kimi bilavasitə özünü nəzərdə tutur. Onun I
şəxsi -
“Mən”i isə çox zaman İnsan və ya İnsani-kamilə bərabər-
Yaqub Babayev
46
dir. Həmin
“Mən” isə həm surət, həm məna etibarı ilə Haqq
olmaqla bərabər, həm də Haqqı əyan və onun varlığını isbata yeti-
rən dəlil kimi dərk edilir:
Mən surəti-mə’nidə Həqəm Həq
Mən Həqqi əyan, əyan mənəm mən (92,337).
Yuxarıda verdiyimiz misaldakı
“Həq iləyəm, Həq mənəm,
ayət ilə beyyinat” misrasında da eyni fikrin bədii ifadəsini görü-
rük.
Şair bu yönümdəki məramını Quranın
müvafiq ayəsi ilə də
təsbitə çalışır:
Ayəti”inni-ənallah”əm, bu narin nuriyəm,
Həm münacatü təcəlli, həm Kəlimin Turiyəm.(92,423)
Sənətkarın fikrincə Quranın
“Ən-nəml” (“Qarışqalar”) surə-
sinin 9-cu ayəsindən götürülmüş
“inni-ənallah”əm (“mən Al-
laham”)ifadəsinin həm də İnsana mənsub edilməsi məntiqcə
Allahla İnsanın vahid həqiqət olduqlarının təsdiqidir.Bu fikir:
Məndən mana mə’nidə müqərrəb,
Bu surət ilə yəqin Xudasan-(92,544)
beytində həm birbaşa
(“Xudasan”), həm də dolayısı ilə (
“Məndən
mana mə’nidə müqərrəb”) ifadə edilir. Ikinci fikir Quranın
“Qaf”
surəsinin 16-cı ayəsi ilə bağlıdır:”
Biz ona şah damarından da
yaxınıq” - anlayışını bəyan edən Allah kəlamında onun İnsana
yaxınlığının dərəcəsi Nəsimiyə uyğun mətləbi bir başqa səmtdən
də irəli sürməyə əsas vermişdir.
Sənətkarın
“ənəlhəq” (“
mən həqqəm”) ideyasına
münasibəti
də radikallığı ilə diqqəti cəlb edir. Hürufilərin və Nəsiminin bir
məfkurə himni kimi Həllac Mənsurdan əxz etdikləri
“ənəlhəq”
şüarına və etiqad termininə şairin lirikasında özünü və ümumiy-
yətlə, İnsanı təqdim epiteti kimi tez-tez rast gəlirik. Bu şüar əslin-
də Nəsiminin şair, filosof və İnsan
“mən”inin başlıca qayəsidir:
ХЫЫЫ – ХЫВ ясрляр ана дилли лирик шеиримизин инкишаф йолу
47
Daim ənəlhəq söylərəm, həqdən çü Mənsur olmuşam,
Kimdir məni bərdar edən, bu şəhrə məşhur olmuşam.
(92,429)
Bulmuşam həqqi, ənəlhəq söylərəm,
Həq mənəm, həq məndədir həq söylərəm,
Gör bu əsrarı nə müğləq söylərəm,
Sadiqəm qövlümdə, səddəq söylərəm. (92,600)
Tam ciddiyyət və sədaqətlə söylənən bu “ənəlhəq” andı o
əqidə və inamla bağlıdır ki, İnsanın mənəvi və cismani varlığında
Həqdən kənar heç nə yoxdur:
Ey Nəsimi, sən degilsən, cümlə oldur, cümlə ol,
Ol kim aydır bu zəminü asimanın nuriyəm.(92,422)
Böyük iman şairi C.Rumi də
“Hər şey odur”, yəni elə Tanrı-
nın özüdür devizini qəbul edirdi. Çünki hər iki sənətkar
“leysə
fiddar”(“evdə ondan başqa ev sahibi yoxdur”) inamına malik idi
və vücud evində Haqdan qeyri heç nə görmürdülər:
Zikrim ənəlhəqdir mənim, doğru sözüm həqdir mənim,
Darın içində qeyrühü həm “leysə-fiddar”olmuşam.
(94,120)
Bəşəri həqiqətin mahiyyətcə ilahi həqiqət kimi dərki və qəbu-
lu hürufi Nəsimini son nəticədə ona gətirib çıxarır ki, elə İnsan
özü də Xaliq kimi səcdəyə layiq bir varlıqdır. Ona səcdə etməyən
isə münkir və şeytandır:
Sənsən, ey surəti-Allah ilə Rəhman, məscid
Qılmayan səcdə sana div ilə şeytan demişəm.
(94,128)
İnsanın səcdəyə layiq olması fikri Quran ayələri, o cümlədən
,
”Əl-Bəqərə” (“Inək”) surəsinin 34-cü ayəsindəki
“Biz mələk-
Yaqub Babayev
48
lərə:”
Adəmə səcdə edin!” dedikdə, Iblisdən başqa hamısı səcdə
etdi”hökmü və xəbəri ilə də möhkəmləndirilir. Madam ki, Allah
özü mələklərə və başqa məxluqlara
“Adəmə səcdə edin!” əmrini
verdi, İnsan həqiqətən də səcdəyə layiqdir. Səcdə olunmalı məbud
isə yalnız Xaliqdir. Deməli, Xaliq bəşər övladını özünəbənzər,
yəni səcdə olunmalı varlıq kimi xəlq etmişdir.
Buradan isə
“nüsxeyi-kəbir”(“böyük nüsxə”) və “nüsxeyi-
səğir”(“kiçik nüsxə”) ideyası doğur. Başqa sözlə, hürufilərdə və
Nəsimidə “nüsxeyi-kəbir” Haqqın özü,
“nüsxeyi-səğir” isə onun
özünəbənzər yaratdığı güman edilən İnsandır.
- Haqq İnsandadır:
I.Nəsiminin İnsan konsepsiyasında İnsan-Allah münasibətlə-
rinin ikinci fazasını müəyyənləşdirən əsas məsələ Haqqın İnsan
varlığında mövcudluğuna inam fəlsəfəsidir. Allah yaradılış düzə-
ninin xətmi gerçəkliyi olan adəmdə təcəlli tapmışdır. Haq-taalanın
varlığı bəşər övladındadır, İnsan vücudu onun evi timsalındadır.
Həq də, ənəlhəq də,
vücudi-mütləq də, nuri-mütləq də, zati-müt-
ləq də bir təcəlləgah kimi İnsan vücudunda mövcuddur:
Adəmdə təcəlli qıldı Allah,
Qıl Adəmə səcdə, olma gümrah.(94,288)
...Sirri- ənəlhəq söylərəm aləmdə, pünhan gəlmişəm,
Həm Həq derəm, Həq məndədir, həm xətmi-İnsan gəlmişəm.
(92,335)
...Kəndü vücudində çün buldu Nəsimi səni,
Bildi yəqin kəndidir məzhəri-ənvari-zat.(92,495)
Ey könül, Həq səndədir, Həq səndədir,
Söylə həqqi kim, ənəlhəq səndədir,
Nuri mütləq, zati mütləq səndədir.
Müshəfin hərfi mühəqqəq səndədir.(92,579)