76
3. Vergi məqsədləri üçün bank məlumatlarına sərbəst daxilolmaya qadağa
müxtəlif gəlir mənbələrindən vergilərin eyni qaydada tutulmasına çətinliklər yarada
bilər.
Sadalananlarla yanaşı, nəzərə almaq lazımdır ki, texnoloji tərəqqi dünyada
maliyyə və əsasən bank sistemində çox böyük və ciddi dəyişikliklər edib və bu proses
indi də davam etməkdədir. Bununla əlaqədar aşağıdakı məsələlərə diqqət yetirmək
lazımdır. Texnoloji irəliləyişlər ayrı-ayrı insanlara internet vasitəsilə bütün dünya
miqyasında bank hesabları açmaq, bank və digər maliyyə əməliyyatlarını elektron
vasitəsilə aparmaq üzrə geniş imkanlar yaradır. Nəticədə yeni "Sərhədsiz bankçılıq"
dövrü yaranır və bu həm insanların həyatının keyfiyyətini artırır, həm də ölkələrin vergi
orqanlarının qarşısında yeni və çətin vəzifələr qoyur. Hazırda "Müasir
elektron bankçılıqdünyasında" qeyri-leqal maliyyə əməliyyatlarının aparılması və
vergilərdən yayınma halları vergi ödəyiciləri arasında artmaqdadır. Vergi ödəyicilərinin
gəlirləri və əmlakları müxtəlif şəxslər (şirkətlər, xarici banklar) və offşorlarvasitəsilə
gizlədilməkdədir.
Göründüyü kimi, vergi orqanlarının öz vəzifələrini lazımi səviyyədə yerinə yetirə
bilmələri üçün bank məlumatlarına sərbəst daxilolmaları zəruridir. Bunu bank
sirrinin konfidensiallığına xələl gətirən hal kimi qiymətləndirmək isə yanlış addım
olardı. Yəni, vergi orqanları tərəfindən əldə edilmiş bank məlumatları kommersiya
(vergi) sirri kimi qəbul edilir və yalnız dövlət maraqları baxımından istifadə edilə bilər.
Deməli, vergi nəzarətinin həyata keçirilməsi üçün vergi orqanının əldə etdiyi bank
məlumatlarının digər şəxslərə verilməsi qanunvericiliklə qadağan olunur. Bu da bank
məlumatlarının konfidensiallığının qorunmasının birbaşa qarantı kimi çıxış edir.
Azərbaycan Respublikası Vergi Məcəlləsinin 130-cu maddəsinə görə «vergi
ödəyicisi vergi tutulan gəlirin (mənfəətin) dəqiq əks etdirilməsi üçün … tətbiq edilən
uçot metodundan asılı olaraq gəlirlərini və xərclərini onların əldə edildiyi və ya çəkildiyi
müvafiq hesabat dövrlərinə aid etməyə borcludur». Məcəllənin 130.4-cü maddəsində isə
77
bildirilir ki, «vergi ödəyicisi … vergilərin uçotunu kassa metodu və ya hesablaşmalar
metodu ilə apara bilər».
131-ci maddədə göstərilir ki, kassa metodu ilə uçot zamanı gəlir sərəncama
verilən, xərclər çəkilən zaman nəzərə alınmalıdır. 132-133-cü maddələrdə məsələlər bir
qədər də dəqiqləşdirilir və göstərilir ki, pul vəsaitinin nağd alındığı və ya ödəyicinin
bank hesabına daxil olduğu vaxt gəlirin əldə edilməsi vaxtı sayılır. Xərclərin çəkilməsi
vaxtı isə xərcin faktik çəkildiyi vaxt hesab olunur.
Məcəllənin 134-cü maddəsinə görə hesablama metodunun tətbiqində gəlir əldə
edilməsinin və xərclər çəkilməsinin faktik vaxtından asılı olmayaraq, gəliri əldə etmək
hüququ və xərclərin çəkilməsi öhdəliyi yarandığı vaxt nəzərə alınmalıdır.
Beləliklə, Vergi Məcəlləsi bütün müəssisələrə o cümlədən, kredit təşkilatlarına
vergi məqsədləri üçün alternativ uçot variantlarından istifadə üçün imkan yaradır.
Ə
lbəttə, belə həlli, bir tərəfdən, effektiv hesab etmək olar. Lakin kassa metodu –
gəlirlərin faktik alındığı, xərclərin faktik çəkildiyi vaxtda uçotun aparılmasını nəzərdə
tutan metod digər müəssisələr kimi kredit təşkilatının cari maliyyə vəziyyətini daha
düzgün əks etdirir. Ancaq cari maliyyə vəziyyətinin düzgün təsviri bütövlükdə maliyyə
vəziyyətinin düzgün təsvir olunmasını şərtləndirmir. Məsələn, hər hansı kredit təşkilatı il
ə
rzində 1 milyon manat depozit qəbul edib və 10% dərəcələrlə ilin sonunda depozitlər
üzrə faktik 100 min manat ödəyə bilər. Bu təşkilat eyni zamanda 1 milyon manat kredit
verə bilər və kredit müqaviləsinə görə əsas borc da, faizlər də vergi hesabatı ilindən daha
gec müddətdə qaytarıla bilər. Aydındır ki, kassa metodu prizmasından məsələyə
yanaşsaq, kredit təşkilatı tam zərərlə işləyir. Ancaq hesablama metoduna görə təşkilat
mənfəət əldə edə bilər.
Ş
übhəsiz ki, bu halda kredit təşkilatına kassa metodundan istifadə sərfəlidir. Faiz
gəlirləri faktik daxil olanda, depozit faizləri ödənilməyəndə isə hesablama metoduna
keçid sərfəli olur. Bu baxımdan qanunverici bazanı yetərincə effektiv hesab etmək olar,
ancaq vergitutma işinə yalnız korporativ maraqlar çevrəsində yanaşmaq olmaz.
78
Bankların və kredit təşkilatlarının mənfəət vergisi bazasının müəyyənləşməsinin
spesifik xüsusiyyətlərindən və ümumiyyətlə, bank əməliyyatlarının vergiyə cəlb
edilməsində əhəmiyyətli məqamlardan biri də faiz məbləğlərinin gəlirdən çıxılması ilə
bağlıdır. Qanunvericilik bu məqamda da əsasən düzgün hüquqi həllər tapır. Vergi
Məcəlləsinin 110-cu maddəsi, ümumiyyətlə, kreditlər üzrə faizləri mənfəət vergisi
bazasından çıxmağa hüquqi əsas yaradır.
3.2. Vergi ödəyicilərinin uçotuna nəzarətlə bağlı bankların rolunun
tə kmilləş dirimə si
Indi isə bankların vergi nəzarətini həyata keçirən agent kimi vergi
münasibətlərində oynadığı rola nəzər salaq. Belə ki, VM-in 35, 60, 75, və 76-cı
maddələri, əsasən, bankların vergi ödəyicilərinin uçotu ilə bağlı vəzifələrini,banklara və
bank əməliyyatlarının ayrı-ayrı növlərini həyata keçirən digər kredit təşkilatlarına tətbiq
olunan maliyyə sanksiyalarını, vergi ödəyiciləri ilə münasibətdə bank xidmətlərini
həyata keçirən qurumların vəzifələrini və onlar tərəfindən məlumatların vergi
orqanlarına verilməsi xüsusiyyətlərini özündə əks etdirir. Vergi ödəyicilərinin uçotuna
nəzarətlə bağlı bankların rolu ondan ibarətdir ki, banklar hüquqi şəxslərə, onların filial
və nümayəndəliklərinə, fərdi sahibkarlara yalnız onlar vergi orqanı tərəfindən verilən
şə
hadətnamə-dublikatı təqdim etdikdən sonra bank hesabları açırlar. Şəhadətnamə-
dublikatın bir hissəsi vergi ödəyicisinin hesab açdığı bankda qalır, bildiriş adlanan digər
hissəsini isə bank idarəsi müvafiq qeydləri apardıqdan sonra onu vermış vergi orqanına
göndərir. Şəhadətnamə-dublikatla yalnız onda göstərilmiş bankda (bankın filialında)
hesab açmaq olar.
Bu nəzarətin davamı olaraq, VM-in 60-cı maddəsində banklara tətbiq olunan
maliyyə sanksiyaları barədə danışılır. Belə ki, sahibkarlıq fəaliyyətini həyata keçirən
hüquqi və fiziki şəxslərlə şəhadətnamə-dublikat olmadan hesablaşma hesabı və ya digər
Dostları ilə paylaş: |