137
idarəetmənin nəticəsi idi ki, hamı Moskvadan verilən göstəriş və tapşırıq-
ları gözləyirdi.
Danılmaz həqiqətdir ki, torpaq dövlət mülkiyyəti kimi lazımi
qaydada əkilib becərilir, kifayət qədər məhsuldarlıq əldə edilirdi.
Respublikanın kənd əməkçiləri XI beşillikdə ərzaq proqramının
vəzifələrini həyata keçirərək kənd təsərrüfatı məhsulunun bütün əsas
növlərinin dövlətə satışına dair planları və sosialist öhdəliklərini
vaxtından əvvəl yerinə yetirmişdilər. Sahənin ümumi məhsulunun orta
illik həcmi X beşilliyin səviyyəsinə nisbətən 32 faiz artmışdı. XI
beşillikdə sahənin ümumi məhsulunun orta illik həcmi 2,7 milyard manat
va ya X beşillikdəkindən 353 milyon manat çox olmuşdu. Ət-süd, yeyinti
məhsulları, konserv sənayesi sahəsində xalq üçün mallar buraxılışı
beşillik ərzində 46,6 faiz artmışdı. Kənd təsərrüfatı üçün yararlı
torpaqların hər yüz hektarı hesabı ilə ümumi məhsul çıxımı 31 faiz
çoxalmışdı. Quş əti satışı 1985-ci ildə 20,4 min ton olmuşdu ki, bu da
1980-ci ildəkindən 4 dəfə çox idi. Hər hektardan dənli bitkilərin orta illik
məhsuldarlığı 25 sentner olmuşdu.
Bütün bu illər ərzində kənd təsərrüfatının, bütün aqrar-sənaye
kompleksinin daha da inkişaf etdirilməsi prosesi fəal surətdə davam
etmişdi. Buraya milyardlarla manat əsaslı vəsait qoyuluşu yönəldilmiş,
100 min hektarlarla yeni suvarılan torpaqlar istifadəyə verilmiş, geniş
miqyasda su təsərrüfatı və meliorasiya qurğuları tikintisi aparılmışdı.
Kolxoz və sovxozlarda energetika qurğularının gücü, əməyin fond
təchizatı dəfələrlə artırılmışdı.
Başqa sözlə, Azərbaycanın müstəqilliyinin çox da uzaqda olmadığını
görən respublika rəhbəri H.Ə.Əliyev cənabları, o rejim çərçivəsində də
dövlətimizin iqtisadi infrastrukturlarının inkişafına dair nə etmək mümkün
idisə, hamısını edirdi. Əbəs yerə deyildir ki, keçən əsrin 80-ci illərinin
sonunda SSRİ dövləti dağılarkən müttəfiq respublikalar içərisində 2
ölkədən məhz biri Azərbaycan idi ki, onun iqtisadi potensialı
müstəqilliyini təmin edirdi. (Çox təəssüflər olsun ki, sonradan dağıdıcı
qüvvələr ölkənin bu potensialını qısa müddətdə heçə endirdilər).
SSRİ-nin Azərbaycan kimi bir guşəsində sosialist iqtisadi mü-
nasibətlərinin çərçivəsini aşaraq ölkə iqtisadiyyatının ayrı-ayrı sahələrində
müvəffəqiyyətlər qazanılırdısa da, digər respublikalarda yüksək
göstəricilər əldə edilmirdi.
Lakin bu nailiyyətlərin hamısı bütövlükdə iqtisadi qanunların
138
nəticələrindən çox, ayrı-ayrı partiya rəhbərlərinin təşəbbüslərinin, şəxsiy-
yətlərin fərdi qələbəsinin təcəssümü idi. İlk öncə bu müvəffəqiyyətlərin
mərkəzində əməyə, torpağa hörmətdən çox, “partiyaya məhəbbət”
dururdu. Çünki, torpaq dövlətinki, partiya isə özününkü idi. On illərlə
sovet adamının ideologiyası belə formalaşmışdı. Təbii ki, “partiya
gözü”ndən kənarlarda min hektarlarla torpaqlar zəhərlənir, sıradan çıxır,
yararsız hala düşürdü. “Nəyin bahasına olursa olsun partiya tapşırığının
yerinə yetirilməsi” müddəası torpaqlara normadan yüz dəfələrlə çox
zərərli maddələrin verilməsinə, onun nəticəsində isə ekologiyanın
tələblərindən çox-çox uzaq olan zəhərli məhsulların istehsalına gətirib
çıxarırdı. Bütün bunların nəticəsində ən müqəddəs vəzifəsi bəşəriyyəti
yaşatmaq olan torpaq zəhər mənbəyinə çevrilirdi. Belə torpaqlardan qida-
lanma, həmçinin zəhərlənmiş plantasiyalarda işləmə eybəcər uşaqların
doğulmasına, sonsuzluq və digər xəstəliklərin yaranmasına səbəb olurdu.
Deməli, sosialist torpaq münasibətləri şəraitində həm hüquqi baxımdan,
həm də mənəvi baxımdan torpaq doğmadan çox, ögey idi. Bu günah
xalqın, millətin yox, bütövlükdə sosializm quruluşunun günahı idi.
Sosialist torpaq münasibətləri çərçivəsində, yuxarıda qeyd edildiyi
kimi, torpaq dövlətin müstəsna mulkiyyəti olduğundan, dilini bilənlərə,
qəlbini oxşayanlara yalnız istifadəyə (müddətli və müddətsiz) verilirdi.
Belə hüquqi rejim kəndçinin sahibkarlıq, mülkiyyətçilik hüququnu onun
əlindən alırdı. Çox vaxt “hər şeyin biliciləri” olan yerli partiya
funksionerlərinin “səpini 3 günə qurtar”, “yığımı 5 günə başa çatdır”
göstərişlərinin yerinə yetirilməsi bu baxımdan labüd olurdu. Bu isə
“yetişməmiş” sahələrin səpilməsinə, “dəyməmiş” məhsulun toplanmasına
səbəb olurdu. Butün bunlar son nəticədə, ya ilk başlanğıçdan, ya da sonra
min bir zəhmət hesabına əldə ediləcək və ya edilmiş məhsulun itkisinə
gətirib cıxarırdı.
Bu rejim daxilində torpaqların tam gücündən əksər hallarda istifadə
edilmirdi. Buna səbəb elmi cəhətdən əsaslandırılmamış plan-tapşırıqların
müəyyənləşdirilməsi idi. Belə ki, azaldılmış plan əmək adamını arxayın
saldığından, torpağın potensial gücündən tam istifadə edilmirdi. İstehsal
qüvvələrinin inkişaf səviyyəsinə uyğun olmayan, yerinə yetirilməsi
reallıqdan uzaq olan plan-tapşırıqların raportu üçün ən müxtəlif üsullar
seçilirdi. Bütün bunların nəticəsində insan öz zəhməti muqabilində
xoşbəxtçilikdən çox, narahatçılıq tapırdı.
Su ilə təmin ediləcək sahələrin xüsusi mülkiyyətdə olmamağı
139
üzündən xeyirxah məqsədlər güdən meliorasiya işləri aparılarkən, melio-
rasiya kanalları çəkilərkən ərazinin landşaft xüsusiyyətləri hərtərəfli
nəzərə alınmır, onların çəkilişi zamanı texniki qüsurlara yol verilirdi, son
nəticədə bu tədbirlər sistemi torpaqların şoranlaşmasına gətirib çıxarırdı.
Ərazinin kompleks təşkilini təmin edən yerquruluşu layihələrinin
tərtibi zamanı layihəyə dair tapşırıq torpaqların real məhsuldarlıq vəziy-
yətini, onların keyfiyyətini nəzərə almadan tərtib edilirdi. Bu yönüm isə
torpaqları halsızlaşdırır, torpağı həddindən artıq kimyalaşdırır, onlardan
elmi cəhətdən uzaq olan üsullar tətbiq etməklə məhsul götürulməsinə
gətirib çıxarırdı.
Keçmiş SSRİ-də təbiətə hüçum o yerə çatmışdı ki, plan-kartoqrafik
materiallar üzərində təbiətdə ekoloji tarazlıq sanki gözlənilirdi (landşaft
infrastrukturlarının, elementlərinin nisbəti və s.), lakin reallıq bu
nisbətlərdən çox uzaq idi. “Əkin ən qiymətli kənd təsərrüfatı torpağıdır”
şüarı altında kəndyanı örüş sahələri əkin, çoxillik əkmələr altına böyük
sürətlə transformasiya edilirdi. Bu bir tərəfdən ekoloji cəhətdən sabit
ərazilərin saxlanması müddəasına zidd idi, digər tərəfdən heyvandarlıq
sahəsinin inkişafını, bütövlukdə isə torpaqlardan səmərəli istifadənin
qarşısını alırdı. Xüsusi mulkiyyətçilik şəraitində, problemin kiçik
miqyasda həlli kontekstində əlbəttə, belə problemlərin qaydaya salınması
çətin deyil.
Sosialist torpaq münasibətlərinin bərqərar olduğu bir mühitdə ən
acınacaqlı hallar kənd təsərrüfatı torpaqlarının qeyri-kənd təsərrüfatı
məqsədləri üçün ayrılması zamanı müşahidə olunurdu. Torpaqayırma ilə
bağlı layihələndirmə işləri bəzən başdansovdu yerinə yetirilir, elmi
cəhətdən hərtərəfli əsaslandırılmamış layihə variantları qəbul edilirdi.
Həmçinin torpaqayırmada qeyri-kənd təsərrüfatı obyektləri üçün sahələrin
normadan artıq ayrılması hallarına da təsadüf edilirdi. Bunlar isə ilbəil
əkinə yararlı torpaqların sahələrinin azalması ilə nəticələnirdi.
“Torpağa sonsuz məhəbbət” o həddə çatmışdı ki, 100 ildə çəmi 2 sm
münbit qat yaradan torpaqlardan düzgün istifadə edilmədikdə, təqsirkar
bir çox hallarda yalnız tənbeh olunur, məzəmmət edilirdi.
Paradoksa fikir verin. Yüz hektarlarla yararlı sahələr becərilmədiyi və
ya səpilən bir çox sahələrdən yüksək məhsuldarlıq əldə edilmədiyi bir
dövrdə onillərlə zəhmət çəkib topladığı vəsait hesabına tikdirdiyi evi
əkinçinin özünəcə “zəbt olunmuş torpaq üzərində tikili” adıyla
sökdürürdülər.
Dostları ilə paylaş: |