146
prinsipləri əsasında torpaq üzərində yeni mülkiyyət münasibətlərinin
yaranması, bazar iqtisadiyyatının və sahibkarlıq təşəbbüskarlığının inki-
şafı, iqtisadi müstəqilliyə, o cümlədən ölkənin ərzaqla təmin olunmasına
nail olmaq və son nəticədə Azərbaycan xalqının maddi rifah halının
yüksəldilməsi torpaq islahatının əsas məqsədi kimi müəyyən edilmişdi.
Torpaq islahatının qarşısında duran vacib məsələ Azərbaycan respublikası
ərazisində dövlət torpaqlarının müəyyən edilməsi, torpağın bələdiyyələrə
və xüsusi mülkiyyətə verilməsi, mülkiyyətçilərin torpağa sahibolma,
istifadə və onun barəsində sərəncamvermə hüquqlarının təmin edil-
məsindən ibarət idi.
Azərbaycanda torpaq islahatı ərazinin ekoloji-iqtisadi və təbii-tarixi
şəraitini, yerli təsərrüfatçılıq formalarının özünəməxsusluğunu, torpağın
iqtisadi məhsuldarlığını nəzərə almaqla həyata keçirilmişdir. Torpaqların
təyinatına görə istifadə edilməsi, torpaq islahatının elmi cəhətdən
əsaslandırılmış yerquruluşu layihələri əsasında həyata keçirilməsi və ətraf
mühitin mühafizəsinin təmin edilməsi kimi müddəalar da torpaq
islahatının əsas tələblərinə daxil idi.
Torpaq islahatının obyekti Azərbaycan Respublikasının vahid torpaq
fondudur. İslahatın əvvəlində ölkənin yerquruluşu orqanları tərəfindən
dövlət, bələdiyyə və həmçinin xüsusi mülkiyyətə verilən torpaqların
sərhədləri müəyyənləşdirilmişdir.
“Torpaq islahatı haqqında” Azərbaycan Respublikasının Qanu-
nunun 6-cı maddəsinə görə dövlət mülkiyyətində aşağıdakı torpaqlar
saxlanılır:
–
dövlət hakimiyyət orqanlarının yerləşdiyi torpaqlar;
–
dövlət obyektlərinin – dağ-mədən sənayesinin, təsdiq edilmiş
faydalı qazıntı yataqlarının, vahid energetika sisteminin, faydalı qazıntı
yataqlarının, vahid energetika sisteminin, magistral boru kəmərlərinin,
nəqliyyat, rabitə və müdafiə obyektlərinin, dövlət sərhəd zolaqlarının,
mühüm meliorasiya və su təsərrüfatı obyektlərinin yerləşdiyi torpaqlar;
–
yay və qış otlaqlarının, mal-qara düşərgələrinin və köç yollarının
torpaqları;
–
meşə fondu torpaqları;
–
su fondu torpaqları və Xəzər dənizinin (gölünün). Azərbaycan
Respublikasına mənsub olan sektorunun altında yerləşən torpaqlar;
–
təbiəti mühafizə, təbii-qoruq, sağlamlaşdırma, istirahət, tarix-
mədəniyyət təyinatlı torpaqlar, habelə üzərində təsərrüfat fəaliyyəti
147
qadağan edilmiş qanunla qorunan ərazilərin torpaqları;
–
dövlət elmi-tədqiqat və tədris müəssisələrinin, onların təcrübə
bazalarının, maşın-sınaq stansiyalarının, dövlət sort-sınaq xidmətinin,
toxumçuluq və damazlıq təsərrüfatlarının torpaqları;
–
dövlət müəssisə, idarə və təşkilatlarının daimi istifadəsində olan və
ya dövlət obyektlərinin tikintisi layihələşdirilmiş torpaqlar və digər
torpaqlar.
Göstərilən torpaqlar dövlətin müstəsna mülkiyyətindədir, onlar qa-
nunvericiliklə müəyyən olunmuş qaydada istifadəyə və icarəyə verilə
bilər.
Həmin torpaqların bələdiyyə və xüsusi mülkiyyətə verilməsi qanunla
müəyyən edilir.
Dövlət torpaqlarının istifadəsi və mühafizəsi sahəsində dövlət
idarəetməsini öz səlahiyyətləri daxilində müvafiq icra hakimiyyəti
orqanları həyata keçirir.
Ölkədə dövlət kənd təsərrüfatı müəssisələrinin – kolxoz və
sovxozların islahatı prosesi praktiki olaraq başa çatmışdır. Dövlətin
mülkiyyətində yalnız tətbiqi elmi tədqiqatlarla məşğul olan müəssisələr,
damazlıq zavodları, toxumçuluq təsərrüfatları və özəlləşməsi nəzərdə
tutulmayan Azərbaycan Kənd Təsərrüfatı Akademiyası və digər tədris
müəssisələrinin tədris-təcrübə təsərrüfatları saxlanılmışdır.
Müvafiq inzibati ərazi hüdudlarında dövlət mülkiyyətində saxlanılan
və xüsusi mülkiyyətə verilən torpaqlar müstəsna olmaqla qalan torpaqlar
bələdiyyə mülkiyyətinə verilmişdir.
Xüsusi mülkiyyətə vətəndaşların qanuni istifadəsindəki fərdi yaşayış
evlərinin, həyətyanı sahələrin, fərdi, kollektiv və kooperativ bağların,
dövlət bağçılıq təsərrüfatının idarəçiliyindəki bağların altında olan
torpaqlar, habelə sovxoz və kolxozların özəlləşdirilən torpaqları aiddir.
Kolxoz və sovxozların daimi istifadə etdikləri torpaqlardan
bələdiyyələrin ehtiyat fonduna verilən torpaqlar çıxıldıqdan sonra qalan
torpaqlar özəlləşdirmə üçün müəyyənləşdirilmişdir.
İslahat aparılarkən bələdiyyələrin ehtiyat fonduna kolxoz və
sovxozların kənd təsərrüfatı üçün yararlı torpaqlarının 5%-dən çox
olmayan hissəsi, azyararlı və yararsız torpaqların isə hamısı verilmişdir.
Azərbaycan Respublikası Prezidentinin 10 yanvar 1997-ci il tarixli
fərmanı ilə aqrar islahatın həyata keçirilməsini təmin edən bəzi normativ-
hüquqi aktlar təsdiq edilmişdir.
148
Azərbaycan Respublikası Prezidentinin fərmanı ilə təsdiq edilmiş
“Sovxoz, kolxoz və digər kənd təsərrüfatı müəssisələrinin özəlləşdiriləcək
torpaqlarının keyfiyyəti nəzərə alınmaqla torpaq paylarının müəyyən
edilməsi haqqında əsasnamə” torpaq payının ölçülərinin müəyyən
edilməsi qaydalarını təsdiq edir. Orta torpaq payı fiziki sahə və torpaq
qayiməsi ilə müəyyən olunan torpaq dəyəri formasında hesablanır. Torpaq
payının fiziki sahəsi kolxoz və sovxozların özəlləşdirilən torpaqlarının
sahəsindən, onun keyfiyyətindən, həmçinin torpaq payı almaq hüququ
olan subyektlərin sayından asılı olaraq müəyyən edilir. Pay dövlət
yerquruluşu xidməti idarəsi tərəfindən hesablanır. Göstərilən payların
bölgüsünü əks etdirən yerquruluşu layihəsi rayon aqrar islahat komissiyası
tərəfindən yerli aqrar islahat komissiysı ilə razılaşdırmadan sonra təsdiq
olunur.
“Sovxoz, kolxoz və digər kənd təsərrüfatı müəssisələrinin torpaq-
larının özəlləşdirilməsi (xüsusi hallar nəzərə alınmaqla ) haqqında
əsasnamə” kolxoz və sovxoz torpaqlarının Azərbaycan Respublikasının
qanunçuluq aktlarına uyğun özəlləşdirilməsinin qayda və şərtlərini müəy-
yən edir. Kənd təsərrüfatı müəssisələrinin özəlləşdirilən torpaqları kolxoz
və sovxozların daimi istifadəsində yerləşən torpaqlardan bələdiyyələrin
ehtiyat fonduna ayrılan torpaqları çıxmaqla müəyyənləşdirilir. Kolxoz və
sovxozların özəlləşdirilən torpaqları əkin sahələrindən, çoxillik əkmələr
altında yerləşən torpaqlardan, dincə qoyulmuş torpaqlardan və biçənək
üçün istifadə olunan torpaqlardan ibarətdir.
Azərbaycan Respublikası Prezidentinin 19 dekabr 1997-ci il tarixli
fərmanı ilə təsdiq olunmuş “Özəlləşdirilən dövlət müəssisələri və obyekt-
ləri yerləşən torpaq sahələrinin satış qaydaları haqında əsasnamə” fiziki
və hüquqi şəxslərə üzərində özəlləşmə üçün nəzərdə tutulan dövlət
müəssisə və obyektləri yerləşən torpaq sahələrinin satış qaydalarını
müəyyənləşdirir.
Aqrar islahatların birinci mərhələsində islahatın həyata keçirilməsini
təmin etmək üçün müvafiq hüquqi baza yaradılmış, kənd əhalisinə
torpaqların, həmçinin sovxoz və kolxozların əmlakının paylanması başa
çatdırılmışdır. Lakin 1999-cu ilin başlanğıcından hökumətin hesabat-
larında göstərilirdi ki, islahatın dərinləşməsi üçün hələ kifayət qədər
tədbirlər həyata keçirilməmiş, aqrar bölmədə mövcud olan istehsal
münasibətləri bazar iqtisadiyyatının tələblərinə tam uyğunlaşdırılma-
mışdır. Kənd təsərrüfatı məhsullarının istehsalçıları hələ də kolxoz və
Dostları ilə paylaş: |