155
Akademik Həsən Əliyev əsərlərində israrla və uzaqgörənliklə göstə-
rirdi ki, antropogen gərginlik şəraitində respublikanın torpaq ehtiyatları
ciddi təsirlərə məruz qalır. O, yazırdı: “Torpağın dərdi çoxdur. Onu
düşünmək, görmək və hiss etmək lazımdır. Torpaqların kənd təsər-
rüfatında, sənayedə, məişətdə düşüncəsiz istifadəsi nəticəsində torpaq
ehtiyatları azalır, münbitlik qabiliyyəti zəifləyir, məhsuldarlıq aşağı
düşür”.
Hələ keçən əsrin 70-80-ci illərində böyük alim özünün əsərlərində
dünyada və Azərbaycanda ekoloji mühitdə tarazlığın pozulmasından, ana
təbiətin, müqəddəs vətən torpaqlarının göz bəbəyi kimi qorunması
vacibliyindən ürək ağrısı, millət yanğısı ilə söz açır, həyəcan təbili çalırdı.
Alimin “Həyəcan təbili”, “Təbiətin keşiyində”, “Təbiətin yaşıl libası” və
onlarla digər əsərləri Azərbaycan təbiəti, Azərbaycan torpağı, Azərbaycan
ekologiyası, ətraf mühitin mühafizəsi barədə yazılmış şah əsərlərdir.
Alimin bu əsərləri ölkədə ekoloji mədəniyyətin yüksəlməsində, insanların
təbiətə münasibətinin düzgün istiqamətləndirilməsi və ətraf mühitin
şüurlu qorunması işinin təşkilində bu gün də böyük aktuallıq kəsb edir.
Hələ keçən əsrdə böyük uzaqgörənliklə söylənmiş müdrik alim
tövsiyələri ekoloq alimin torpağın, ətraf mühitin, bütövlükdə insanlığın
qorunması naminə bugünkü və gələcək nəsillərə, bütün bəşəriyyətə
ünvanlanmış çağırışları idi.
Akademik əsərlərində respublikamızda baş verən müxtəlif ziyanlı
təbii hadisələrin (sel, sürüşmə və s.) qarşısını almaq üçün dağ yamac-
larının yaşıllaşdırılmasını, çəmən və otlaqların mühafizəsini, təkmilləşmiş
və təbii şəraitə uyğun zonal əkinçilik sistemlərinin tətbiqini, azmünbitli
torpaqların meliorasiya yolu ilə əkin dövriyyəsinə qaytarılmasını və bu
səpgidən olan digər yerquruluşu, meliorasiya, əkinçilik, ekologiya
tədbirlərinin həyata keçirilməsini tövsiyə edir və eyni zamanda o, bütün
bunları insan üçün sağlam mühitin mühafizəsinə imkan verən tədbirlər
kompleksi kimi qiymətləndirirdi.
Akademik H.Ə. Əliyevin Azərbaycanda xüsusi mühafizə olunan
ərazilərin yaradılmasında, təşkilində də əvəzsiz rolu olmuşdur. Belə ki,
Qarayazı, Ağ göl, Bəsitçay, Türyançay, İsmayıllı, Pirqulu, Göy göl, Qara
göl, Şirvan dövlət təbiət qoruqları məhz akademik H.Ə.Əliyevin ya
bilavasitə təşəbbüsü ilə yaradılmış, ya da onun sayəsində bu ərazilərə
ikinci həyat verilmişdir.
Akademik H.Ə.Əliyev dünyanın hər yerində həmişə “Təbiət və
156
insan” problemlərinə həsr olunan beynəlxalq simpoziumlarda və kon-
franslarda təbiətin təəssübkeşi kimi çıxış edir, təbii sərvətlərin, o
cümlədən torpaq ehtiyatlarının mühafizəsini təmin edə biləcək elmi
konsepsiyalar irəli sürürdü.
Akademik H.Ə.Əliyevin elmi-tədqiqat işlərinin obyekti Adəm
peyğəmbərin yarandığı torpaq olub. Torpağı tədqiq etməklə, deməli bu
Nurlu İnsan həm Tanrımıza xidmət etmiş, ilahinin tapşırığını yerinə
yetirmiş, həm də xalqın qida və ərzaq mənbəyi olan müqəddəs
torpaqlarımızın yaxşılaşdırılmasına, sağlamlaşdırılmasına dair insanların
arzu və istəklərini həyata keçirmişdir.
Akademik Həsən Əliyevin təbiət-insan münasibətlərinə dair bəzi
aforizmləri bəşər adamına hələ çox yüzilliklər çıraq olacaqdır:
–
təbii sərvətlərin mühafizəsi və artırılmasını insanın mənafeyi tələb
edir;
–
təbii gözəlliyi görmək, hər şeydən əvvəl, ona qayğı göstərmək
deməkdir. Əgər biz gözəlliyin qayğısına qalmırıqsa, demək onu
görmürük;
–
sağlam və gözəl təbiət insana nəinki təkcə yeni fiziki qüvvə verir,
habelə onun ağlına, şüuruna, zehninə təsir edir, insanda özünə inam
hissini, yaradıcılıq şövqünü artırır;
–
torpaq vətən deməkdir. Hər şey torpağın üstündə bitir. Bu mənada
insan üçün torpaqdan kənar təbiət anlayışı yoxdur;
–
təbii sərvətlərin mühafizə edilməsində istər maddi və istərsə də
estetik baxımdan birinci növbədə insanı nəzərdə tutmaq lazımdır.
Siyasətdə də, iqtisadiyyatda da,elmdə də, ədəbiyyatda da insan həyatı
birinci yerdə durmalıdır;
–
biz təbiətimizi nə qədər sevsək, onu nə qədər yaxşı mühafizə etsək,
o da bizə o qədər qida və şəfa verəcəkdir;
–
insan özü özünün keşikçisi olmalıdır. Ayrı bir canlı onun harayına
gəlməyəcək. Ona görə də, bu gün heç bir təşvişsiz –haraysız həyəcan
təbili çalmaq yerinə düşərdi. Bu “təbil”i heç yerdən asmaq lazım deyil. O,
bu günün insanının ürəyidir.
Torpaqla bağlı alimlər bəşər tarixində, elm tarixində xüsusi yer
tuturlar. Bütün varlığı ilə torpağa bağlı olan akademik Həsən Əliyev də
məhz elələrindəndir. Alimin elmi irsi bu gün də yerquruluşu,
torpaqşünaslıq, ekologiya sahələrində alim-mütəxəssislər tərəfindən
tədqiq edilir. Bu günün tələbələrinə, tədqiqatçılarına, gələcək torpaq
157
adamlarına aşılanır, öyrədilir.
Məlum olduğu kimi, keçən əsrin 70-ci illərindən başlayaraq ümum-
milli liderimiz H.Ə. Əliyevin təşəbbüsü və rəhbərliyi ilə respublikamızın
iqtisadiyyatının bəzi sahələrindəki mütəxəssis qıtlığını aradan qaldırmaq
məqsədilə ölkəmizdən kənara oxumaq üçün azərbaycanlı gənclər
göndərilirdi. O illərdə mütəxəssis qıtlığı ilə rastlaşan sahələrdən biri də
yerquruluşu sahəsi idi.
Azərbaycan Respublikası üçün yüksəkixtisaslı mühəndis yerq-
urluşçuları əsasən SSRİ-nin mərkəzi ali təhsil ocaqlarında-Voronej Kənd
Təsərrüfatı İnstitutunda, Moskva Yerquruluşu Mühəndisləri İnstitutunda
hazırlanırdı.
Azərbaycan ölkəsi üçün mühəndis yerqurluşçularının hazırlan-
masında VKTİ-nin yerquruluşu və torpaq kadastrı kafedrasına uzun
müddət rəhbərlik etmiş, RKTEA-nın həqiqi üzvü, Rusiya Federasiyasının
Əməkdar elm xadimi, iqtisad elmləri doktoru, professor Zapletin
Vladimir Yakovleviçin xüsusi əməyini qeyd etmək lazımdır.
İkinci Dünya Müharibəsinin qanlı-qadalı günlərində belə cəbhə
xəttində müsəlman əsgərlərinə, böyük Türk Dünyasının insanlarına xüsusi
rəğbət bəsləyən bu böyük vətəndaş-alim müharibədən keçən uzun
müddətdən sonra da o hislərə sadiq qalmışdı. Belə ki, Azərbaycana və
azərbaycanlılara böyük hörmətlə yanaşan V.Y.Zapletin dövlətimizin kadr
hazırlığı sahəsindəki bu siyasətinə qayğı göstərir, gənclərimizin gələcəkdə
bacarıqlı ixtisas sahibi, yüksəkintelektli ziyalı kimi formalaşması
istiqamətində böyük işlər görürdü. Professor V.Y. Zapletin yerquruluşu
ixtisası üzrə müdafiə etmiş ilk azərbaycanlı alimlərin (i.e.n.
R.M.Quliyevin, i.e.n. M.M.İsmayılovun) namizədlik dissertasiyalarının
elmi rəhbəri olmuşdur.
Professor V.Y.Zapletinin elmi-tədqiqat işlərinin əsas istiqamətləri
kənd təsərrüfatı təyinatlı torpaqdanistifadələrin ərazilərinin kompleks
təşkilinin nəzəri və metodiki əsaslarının işlənməsindən, torpaq
ehtiyatlarından səmərəli istifadəni və onların mühafizəsini təmin edən
yerquruluşu və torpaq kadastrı üsullarının İRÜ və kompüter
texnologiyasının tətbiqi ilə müəyyənləşdirilməsindən ibarət olmuşdur.
Professor V.Y.Zapletinin elmi-tədqiqat işləri aqrar iqtisadiyyat
elminə böyük yeniliklər gətirmişdir. O, əsərlərində kənd təsərrüfatı
müəssisələrində istehsalatın sosial-iqtisadi səmərəliliyinə yerquruluşu
tədbirlərinin kompleks təsirini müəyyənləşdirmiş, bu səmərəliliyin
Dostları ilə paylaş: |