149
sovxozlar mövcud olduğu dövrdən saxlanılmış doqquz növ vergi və
ödənclər verirdilər. Bu səbəbdən əksər hallarda kənd təsərrüfatı məh-
sulları istehsalı ziyanla başa gəlirdi. Nəticədə bir sıra kənd təsərrüfatı
məhsullarının istehsalının azalması müşahidə olunmuş, kənd əhalisi
arasında işsizlik yüksəlmişdi.
22 mart 1999-cu ildə Azərbaycan Respublikası Prezidentinin “Aqrar
bölmədə islahatın sürətləndirilməsinə dair bəzi tədbirlər” adlı fərmanı
verildi.
Bu fərman qəbul edildikdən sonra mövcud problemlərin elmi təhlili
aparılmış və islahatın ikinci mərhələsini təmin etmək üçün proqram
hazırlanmışdır. Bu proqram aqrar bölmə üçün planlaşdırılmış maliyyə və
kreditin müdafiəsinə, bank fəaliyyətinə, vergilərə və daxili bazar
qiymətlərinə dair tədbirlərdən ibarət olmuşdur.
Bu fərmandan sonra Azərbaycan Respublikasının Milli Məclisi kənd
təsərrüfatı məhsulları istehsalçılarını 5 il müddətinə, torpaq vergisi istisna
olmaqla, bütün vergilərdən azad etdi və bu vergilər üzrə keçmiş borclarını
ləğv etdi. Aqrar sektorun, xüsusilə fermer təsərrüfatlarının inkişafını
təmin etmək üçün buraya əlavə kredit resursları yönəldildi. Kənd
təsərrüfatı məhsulları istehsalçılarına neft məhsullarının güzəştli satışı
təşkil olundu. Aqrar islahatların gələcəkdə dərinləşməsinin əsas istiqamə-
tini müəyyən etmək, sahibkarlığın inkişafı və onların iqtisadi maraqlarının
müdafiəsi mexanizminin formalaşması məqsədilə “1999-2000 –ci illərdə
Azərbaycan Respublikasının kənd təsərrüfatında aqrar islahatların
dərinləşməsinə və sahibkarlığın inkişafına kömək göstərmək haqqında
Dövlət proqramı” qəbul edildi. Proqram ölkədə aqrar islahatların dərin-
ləşməsi üçün dövlət himayəçiliyinin aşağıdakı əsas istiqamətlərini nəzərdə
tuturdu: aqrar bölmədə əmlakın özəlləşdirilməsini başa çatdırmaq; torpaq
islahatını yekunlaşdırmaq; meliorasiya və su təsərrüfatı sahəsində islahatı
sürətləndirmək; aqrar bölmədə sahibkarlığın inkişafına dövlət yardımı;
aqrar sahədə idarəetmə sisteminin islahatı; kəndin sosial inkişafı; aqrar
bölmənin elmi, normativ-hüquqi təminatı və kadr hazırlığı; aqrar sahənin
məlumat təminatı.
Respublikada bütünlüklə torpaq münasibətlərini, həmçinin onunla
bağlı olan mülkiyyət münasibətlərini tənzimləyən yeni Torpaq Kodeksi
qəbul olundu. Azərbaycan Respublikasının yeni Torpaq Kodeksi torpaq
sahələri ilə mülki qanunçuluğun mümkün saydığı hər cür əqdlərin həyata
keçirilməsinə icazə verir. Buraya alqı-satqı, bağışlama, dəyişmə, girov,
150
icarə, irsi ötürmə daxildir. Bu hüquqi rejim kənd təsərrüfatı müəssisələ-
rinin yeni təşkilati formalara çevrilməsi zamanı əldə edilən torpaq
paylarına da şamil edilir. Azərbaycan Respublikasının Torpaq Kodeksi
konsepsiyası onu nəzərə alır ki, torpaq kənd təsərrüfatında əsas istehsal
vasitəsi olmaqla yanaşı, həmçinin mülkiyyət obyektidir. Eyni zamanda
Kodeksdə qeyd edilir ki, bu mülkiyyət dövriyyəyə daxil edilir və
daşınmaz əmlakın xüsusi növüdür. Daşınmaz əmlakın digər növlərindən
fərqli olaraq xüsusi mülkiyyətçilər tərəfindən torpaq sahələri alınan zaman
onun miqdarına (sahəsinə) məhdudiyyətlər qoyulur. Daşınmaz əmlakın
digər növləri üçün bu məhdudiyyət nəzərdə tutulmayıb.
Xaricilər, vətəndaşlığı olmayan şəxslər, xarici hüquqi şəxslər, beynəl-
xalq birliklər və təşkilatlar, həmçinin xarici dövlətlər Azərbaycan
Respublikası qanunçuluğunda nəzərdə tutulmuş qaydada dövlət
müəssisələrini özəlləşdirmək hüququna malikdirlər. Bu hüquqi və fiziki
şəxslər torpaq sahələrini yalnız icarə hüququ əsasında əldə edə bilərlər.
“Özəlləşdirilən dövlət müəssisə və obyektlərinin yerləşdiyi torpaq
sahələrinin satışı qaydaları haqqında” Əsasnamədə göstərilir ki,
vətəndaşlığı olmayan xarici fiziki və hüquqi şəxslər tərəfindən dövlət
müəssisə və obyektləri özəlləşdirilən zaman onların yerləşdiyi torpaq
sahələri dövlətin və yaxud müvafiq bələdiyyələrin mülkiyyətində qalır,
qanunda göstərilmiş qaydada həmin şəxslərə almaq hüququ olmadan
icarəyə verilir.
Kənd təsərrüfatında torpaqların gələcək mülkiyyətçilərindən peşəkar
hazırlıqların olması tələb olunur, hansı ki, digər daşınmaz əmlak üzrə
əqdlər zamanı bu tələb olunmur. Azərbaycan Respublikasının “Kəndli
(fermer) təsərrüfatı haqqında” Qanununun 4-cü maddəsində göstərilir ki,
kəndli təsərrüfatı yaratmaq üçün torpaq sahəsinin alınmasında üstünlük
hüququ ilk növbədə bu ərazidə daim yaşayan, kənd təsərrüfatı işlərində
peşəkarlığa və üç ildən artıq təcrübəyə malik olan vətəndaşlara verilir.
Digər mülki-hüquqi əqdlərdən fərqli olaraq burada kənd təsərrüfatı
torpaqlarının onların təyinatlarına uyğun istifadə olunmasının mütləq
tələbi mövcuddur.
Bazar torpaq münasibətlərinin tənzimlənməsində dövlətin rolu kifa-
yət qədər yüksək olaraq qalır. Ona görə ki, dövlət torpaqların səmərəli
istifadəsində maraqlıdır. Bu səbəbdən kənd təsərrüfatı torpaqlarının
istifadəsinin səmərəliliyi dövlət tərəfindən daima nəzarət altında
saxlanılmalıdır. Torpaqlardan səmərəli istifadə qaydalarının pozulması
151
mülkiyyətçinin, sahibkarın, istifadəçinin yaxud icarəçinin əlindən torpaq
sahəsinin alınması üçün əsas ola bilər.
Torpaq üzərində xüsusi mülkiyyət hüququnun yaranması və torpaq
mülkiyyətinin müxtəlif formalarının mövcudluğu, həmçinin torpaq
üzərində müxtəlif əqdlərin aparılmasının mümkünlüyü torpaq münasibət-
lərinin dəyişdirilməsinin başlanğıcını qoydu və respublikada torpaq
bazarının yaranmasına səbəb oldu.
7 may 1999-cu il tarixdə qəbul edilmiş Azərbaycan Respublikasının
“Torpaq bazarı haqqında” qanununda torpaq-bazar münasibətlərinin bütün
aspektləri-torpaq bazarı haqqında qanunçuluğun məqsəd və məzmunu,
torpaq bazarının təşkili və tənzimlənməsi, torpaq bazarında yaranan
hüquqi əqdlərin rəsmiləşdirilməsi, qanunçuluğun pozulmasına görə
məsuliyyət, münasibətlərin həlli və s. suallar öz əksini tapmışdır.
Hüquqi şəxslər və Azərbaycan Respublikasının vətəndaşları qanuna
görə torpaq bazarında mülkiyyətçilər, istifadəçilər, icarədarlar, girovqo-
yanlar, girovsaxlayanlar, həmçinin alqı-satqı və digər əqdlərin iştirakçıları
kimi çıxış edə bilərlər.
Yeni ictimai münasibətlər şəraitində təşkil olunmuş torpaq bazarı
torpaq ehtiyatlarının daha səmərəli istifadə edən subyektlərin əlinə
keçməsinə şərait yaradır. Torpaq bazarını təşkil etməklə ölkə iqtisadiyyatı
yalnız torpağın satışından, torpaq vergisindən və digər torpaqla bağlı
əməliyyatlardan vəsait əldə etmir, hər şeydən əvvəl o, torpağın əsl
sahibinin tapılmasına şərait yaradır.
Xaricilər, vətəndaşlığı olmayan şəxslər, xarici hüquqi şəxslər, bey-
nəlxalq birliklər, təşkilatlar və xarici dövlətlər öz səlahiyyətləri
çərçivəsində qanunla müəyyən edilmiş qaydada, torpaq bazarında tor-
pağın xüsusi mülkiyyətə alınması əqdləri istisna olmaqla digər əqdlərdə
iştirak edə bilərlər.
İcra hakimiyyəti və bələdiyyələrin müvafiq orqanları qanunçuluqla
onlara verilmiş hüquqlar çərçivəsində torpaq bazarında iştirak edirlər.
Ölkənin yeni torpaq siyasətinin ilkin nəticələri göstərir ki, Azərbaycanda
normal fəaliyyət göstərən torpaq bazarı təşkil etməklə ölkə
iqtisadiyyatının sabit və davamlı inkişafına nail olunmuş, həmçinin kənd
təsərrüfatı istehsalına investisiya qoyuluşu güclənmişdir.
Respublikada hər yerdə torpaq sahələrinin alqı-satqısı üzrə
əməliyyatlar həyata keçirilir. Bu proses şəhərlərdə və digər yaşayış
məntəqələrində daha intensiv, aqrar sahədə isə zəif həyata keçirilir.
Dostları ilə paylaş: |