167
–
bələdiyyələrin və digər inzibati-ərazi vahidlərinin sərhədlərinin
layihələndirilməsi və yerdə (naturada) bərkidilməsi, şəhərlərin və digər
yaşayış məntəqələrinin sərhədlərinin (cizgilərinin) naturada müəyyənləş-
dirilməsi;
–
Azərbaycan Respublikasının dövlət hakimiyyəti orqanları, həmçi-
nin AR-in subyektləri, yerli özünüidarəetmə orqanları tərəfindən torpaq
ehtiyatlarının idarəedilməsinə dair qərarların qəbulu üçün müvafiq
yerquruluşu sənədlərinin hazırlanması;
–
təbii ehtiyatların mühafizəsi və yaxşılaşdırılması, torpaq münbitli-
yinin bərpası və artırılması, korlanmış torpaqların rekultivasiyası, torpaq-
ların eroziyadan, səhralaşmadan, sellərdən və digər mənfi təsirlərdən
qorunması üçün kompleks tədbirlər sisteminin hazırlanması;
–
yerquruluşu obyektlərinin (kənd təsərrüfatı təyinatlı torpaq-
danistifadələrin) səmərəli fəaliyyətini təmin edəcək ərazi şəraitlərinin
yaradılması məqsədilə təsərrüfatdaxili yerquruluşu işlərinin aparılması;
– yerquruluşu sənədlərinin işlənməsi üçün, habelə dövlət torpaq və
digər kadastrların, torpaq monitorinqinin, torpaqlardan istifadəyə və
onların mühafizəsinə dövlət nəzarətinin həyata keçirilməsi və torpaq
ehtiyatlarının dövlət idarəetməsinə dair digər funksiyaların reallaş-
dırılması üçün torpaqların kəmiyyət və keyfiyyətcə xarakteristikasına dair
məlumatların hazırlanması.
Yerquruluşu bir-biri ilə sıx əlaqədə olan bir sıra fənlər (Yerqu-
ruluşunun elmi əsasları, Torpaq bazarı və torpaq ehtiyatlarının idarə
edilməsi, Yerquruluşu layihələşdirməsi və s.) vasitəsi ilə öyrənilir.
“Yerquruluşunun elmi əsasları” fənni gələcək yerquruluşçularına
torpaq haqqında müasir təlimi açıqlayır, torpaq ehtiyatlarından səmərəli
istifadənin və onların mühafizəsinin elmi-metodiki əsaslarını öyrədir. Bu
fənn vasitəsi ilə Azərbaycanda torpaq münasibətlərinin formalaşması və
inkişaf qanunauyğunluqları tədqiq edilir, yerquruluşu elminin nəzəri
əsasları öyrədilir, müasir yerquruluşunun növü və formaları verilir. Fənn
Azərbaycanda torpaqlardan istifadəyə və onların mühafizəsinə nəzarət
edən dövlət orqanlarının quruluşunu, əsas vəzifələrini, funksiyalarını,
hüquqlarnı şərh edir, xarici ölkələrdəki yerquruluşu sisteminin məzmun
və mahiyyətini açıqlayır.
‘‘Torpaq bazarı və torpaq ehtiyatlarının idarə edilməsi’’ fənni vasitəsi
ilə sivil dünya iqtisadiyyatının qanunları ilə yaşayan Azərbaycanda
168
formalaşmış yeni bazar torpaq münasibətlərinin normativ-hüquqi əsasları
şərh edilir, torpaq bazarında mövcud olan əqdlərin həyata keçirilməsi
mexanizmləri tədqiq olunur. Bu fənn vasitəsi ilə habelə torpaq bazarı
şəraitində ölkəmizdə torpaq ehtiyatlarının idarə edilməsinin konseptual
əsasları verilir, torpaq-mülkiyyət münasibətlərinin dövlət tənzimlən-
məsinin üsulları öyrədilir.
‘‘Yerquruluşu layihələşdirməsi’’ (Təsərrüfatlararası yerquruluşu
layihələşdirməsi, Təsərrüfatdaxili yerquruluşu layihələşdirməsi) fənni
‘‘Yerquruluşu və torpaq kadastrı’’ istiqaməti üzrə mütəxəssis hazırlığında
daha böyük əhəmiyyət kəsb edir. Belə ki, yerquruluşu layihələşdirməsində
cəmiyyətin iqtisadi qanunlarını və torpağın əsas istehsal vasitəsi kimi
xüsusiyyətlərini, ərazinin ekoloji-landşaft şəraitlərini nəzərə almaqla
iqtisadiyyatın bütün sahələrində, ilk öncə kənd təsərrüfatında, ayrı-ayrı
kənd təsərrüfatı təyinatlı torpaqdanistifadələr sistemində torpaq
ehtiyatlarından tam, dolğun və səmərəli istifadənin nəzəriyyəsi və
metodiki əsasları hazırlanır.
“Yerquruluşu layihələşdirməsi” fənni həmçinin torpaqların mün-
bitliyinin artırılması, əməyin düzgün təşkili, vahid sahədən maksimum
ekoloji təmiz məhsul istehsalı tələbləri çərçivəsində torpaqlardan tam,
dolğun və səmərəli istifadəni təmin edəcək ərazinin təşkilinin (landşaft
quruculuğunun) üsullarını öyrədir.
“Yerquruluşu layihələşdirməsi” çərçivəsində yerquruluşu sxem-
lərinin, təsərrüfatlararası və təsərrüfatdaxili yerquruluşu layihələrinin
tərtibinin əsaslandırılmasının və həyata keçirilməsinin metodiki əsasları
da işlənilir.
Yerquruluşu elmi müxtəlif elmlərlə sıx əlaqədə fəaliyyət göstərir.
Yerquruluşuna dair layihə həllərinin keyfiyyətinə təsir edən amillərdən
biri də torpaqları xarakterizə edən kadastr göstəricilərinin yerquruluşu
istehsalat prosesində nəzərə alınması şərtidir. Belə ki, məhz torpaq
kadastrı işləri nəticəsində hər bir torpaq sahəsini digərlərindən fərqlən-
dirən xüsusiyyətlər tədqiq olunurlar ki, bunlar da yerquruluşu layihə və
sxemlərində obyektin (torpaq massivinin) özünəməxsusluğunu, onunla
bağlı layihə həllərinin hazırlanması istiqamətlərini müəyyənləşdirir.
Torpaq kadastrı məlumatları yerquruluşunda torpaqayırmaları,
torpaqla bağlı müxtəlif əqdlərin həyata keçirilməsi proseslərində
bilavasitə informasiya bazisi rolunu oynayırlar.
169
Yerquruluşu və torpaq kadastrı istehsalat prosesləri ilə, daşınmaz
əmlaka (torpağa) hüququn dövlət qeydiyyatı hərəkətləri ilə torpaqis-
tifadəçiləri, sahibkarlar torpaq sahələrində istifadəyə, onlar üzərində
sərəncamverməyə hüquq verən sənədləri əldə etməyə nail olurlar.
Yerquruluşunun istehsalat prosesi həmçinin torpaq kadastrının tərkib
hissəsi olan torpaqların iqtisadi qiymətləndirilməsi işləri ilə də sıx
əlaqəlidir. Torpaq ehtiyatlarından səmərəli istifadənin təşkili və
palanlaşdırılması işləri torpaqların iqtisadi cəhətdən qiymətləndirilməsi
materiallarına istinad etmədən mümkün deyildir.
Yerquruluşu layihə və sxemlərində istehsalatın yerləşdirilməsi və
ərazicə təşkilinə dair qərarların qəbulu zamanı torpaqların iqtisadi
potensialını və torpaq münbitliyini xarakterizə edən göstəricilərin nəzərə
alınması əsaslandırılmış layihə həllərinin hazırlanmasına şərait yaradır.
Yerquruluşu həllərinin qəbulu zamanı iqtisadi qiymətləndirmənin
nəticələrindən istifadə layihə həllərinin iqtisadi cəhətdən əsaslandırılması,
mümkün variantlardan ən yaxşısının seçilməsinə imkan verir.
Yerquruluşunun istehsalat prosesini topoqrafiya, geodeziya,
kartoqrafiya, fotoplanaalma və digər planaalma işlərsiz təsəvvür etmək
olmaz. Bu işlər adətən yerquruluşu əməliyyatlarını qabaqlayır. Belə ki,
yerquruluşu işləri məhz geodeziya və sair planaalma proseslərində
hazırlanmış planlar üzərində aparılır.
Azərbaycan suvarma əkinçiliyi ölkəsidir. Genişhəcmli meliorasiya
respublikamızın torpaqlarının fiziki-kimyəvi, bioloji xüsusiyyətlərinin
yaxşılaşdırılmasına yönəlmiş tədbirlər kompleksidir. Yalnız yerquruluşu
və meliorativ tədbirlərin kompleks vəhdətində torpaq ehtiyatlarının
səmərəli istifadəsinin və mühafizəsinin təşkilinə nail olmaq olar.
Kənd təsərrüfatı müəssisələrində istehsalatın təşkilinə dair bütün
məsələlərin mərkəzində torpaqlardan istifadə durur. Ona görə də, kənd
təsərrüfatı müəssisələrində istehsalatın təşkili məsələlərini yerquruluşunu
inkar etməklə aparmaq heç cür mümkün deyildir.
Son zamanlar inkişaf etmiş ölkələrdə olduğu kimi bizim respub-
likamızda da təbiətdənistifadənin idarəedilməsi praktikasında coğrafi
informasiya sistemləri və torpaq-informasiya sistemləri geniş istifadə
olunur. Müstəqil respublikamızda hal-hazırda torpaq informatikasının
konseptual elmi əsasları işlənib hazırlanmışdır. Müasir elektron
avadanlıqlar və proqram vasitələrindən geniş istifadə etməklə
Dostları ilə paylaş: |