89
başçıları, dövlət vergilərini götürənlər, sərmayəçilər və tacirlər tərəfindən
camaat torpaqlarının zorla tutulması halları olurdu. Bunun nəticəsində
icma torpaqlarının, habelə ayrı-ayrı kəndlilərin mülkiyyətini təşkil edən
torpaqların sahəsi getdikcə azalırdı.
Azərbaycan xanlıqlarında vergi və mükəlləfiyyətlər, demək olar ki,
əvvəlki əsrlərdə olduğu kimi qalırdı. Məhsul rentası ilə yanaşı,
mükəlləfiyyətlə və pulla ödənilən vergi formaları da mövcud idi. Xanların
saray, məmur, qoşun və başqa ehtiyacları külli miqdarda xərc tələb edirdi
ki, bunların da əsas ağırlığı rəiyyətin üzərinə düşürdü.
Rəiyyət xanlara başqa vergilər verməli və məhsulla ödənilən
mükəlləfiyyət yerinə yetirməli idi: darğalıq, töycü, mancanaq pulu, toxucu
pulu, dəyirman pulu, dabbağ pulu, duz pulu, qapan pulu, xırdavat pulu,
şirəxana pulu, ilxıçı, vəzirlik, at arpası, cizyə, otaq xərci, bağbaşı, dırnaqlıq,
cütbaşı, peşkəş, zəkat, xüms, rüsum və s. alınırdı. Kəndlilər torpaq
sahiblərinin xeyrinə ildə üç gündən altı günə qədər biyar və iki gün əvrəz
adlı ödəmə mükəlləfiyyətlərini də icra edirdilər.
Dövlət və feodallardan torpaq icarə edən kəndlilərin vəziyyəti son
dərəcə ağır idi. Belə ki, məhsulun ikidə birindən beşdə üç hissəsinə
qədəri, bəzi hallarda isə üçdə iki hissəsinə qədəri torpaq sahibinə verilirdi.
İcarənin belə forması paydarlıq adlanırdı. İcarə haqqının həcmi müəyyən
edildikdə, feodalın icarədarı toxum, inventar və iş heyvanı ilə nə dərəcədə
təmin etməsi nəzərə alınırdı. Paydarlığın geniş yayılmış forması məhsulun
ikidə birini vermək şərti ilə olan icarə idi. Bu cür icarədarlara yarıkərlər
deyilirdi.
Həmin dövrdə hüququn inkişaf xüsusiyyəti kimi Şəki xanı
Məhəmməd Həsən xanın dövründə tərtib edilən “Dəstur-üləməl” adlı
qanunlar məcəlləsini, 1751-ci il dekabrın 20-də Zaqatala rayonunun
Ağdam kəndi məclisində qəbul edilmiş, CarBalakən mahalının hüquq
sisteminin öyrənilməsində xüsusi əhəmiyyət kəsb edən “Car-Tala
Qanunnaməsi”dir.
3.8. XIX əsrdə və XX əsrin (1900-1917-ci illərdə) əvvəllərində
Azərbaycanda torpaq münasibətləri
XVIII əsrin sonu, XIX əsrin əvvəllərində Rusiya imperiyasının
Cənubi Qafqazda daha fəal siyasət yeritməsi 180l-ci ildə Şərqi
Gürcüstanın Rusiyaya birləşməsi ilə nəticələndi. Rus çarının niyyəti
90
Azərbaycanı tutmaq idi. General Sisiyanovun bu işğal planında ilk hədəf
Car-Balakən oldu (1803-cü il). Sonra Gəncə xanlığı (1804-cü il), Qarabağ
xanlığı (1805-ci il), Bakı xanlığı (1806-cı il), Quba xanlığı (1806-cı il),
Talış xanlığı (1809-cu il) Rusiyaya qatıldı. 1804-cü ildə başlamış Rusiya-
İran müharibəsi 1813-cü ilin oktyabrın l2-də Qarabağın Gülüstan
kəndində sülh müqaviləsinin imzalanması ilə başa çatdı. Gülüstan
müqaviləsi Azərbaycanın Rusiya və İran arasında iki yerə bölünməsinin
başlanğıcı idi.
Şimali Azərbaycan Rusiya imperiyasının tərkibinə qatıldıqdan sonra
xanların, bu işğalla barışmayıb Türkiyə və İrana keçmiş feodalların
torpaqları dövlət xəzinəsinin ixtiyarına keçirilirdi. Bu torpaqlarda yaşayan
və onu becərən kəndlilər də dövlət xəzinəsinin ixtiyarına keçmişdilər.
Belə kəndliləri dövlət kəndliləri adlandırırdılar. Dövlət torpaqları ilə
yanaşı, mülk sahibi olan feodal və bəy torpaqları da var idi. Feodallardan
hüquqi cəhətdən asılı olan həmin torpaqları becərən kəndlilər isə sahibkar
kəndliləri hesab olunurdular. Çar Rusiyası torpaqları əsasən dövlətin
ixtiyarında cəmləşdirdiyinə görə sayca sahibkar kəndliləri dövlət
kəndlilərindən təxminən üç dəfə az idi. Sahibkar və dövlət kəndliləri
rəiyyətlərə və rəncbərlərə bölünürdülər. Xanlıqlar dövründə olduğu kimi,
rəiyyətlər xəzinə və bəy torpaqlarını öz əmək alətləri ilə becərir,
götürdükləri məhsulun bir hissəsini xəzinəyə, yaxud feodala verirdilər.
Rəncbərlərin isə tamamilə asılı təbəqə kimi nə torpağı, nə də əmək aləti
var idi. Onlar hüquqi cəhətdən də rəiyyətlərdən fərqlənir, daha ağır
vəziyyətdə yaşayırdılar. Rəncbərlər öz ağalarına xidmət edir, təsər-
rüfatında çalışır, onların bir qisminə xəzinədən, yaxud bəylər tərəfindən
toxum, əmək aləti, qoşqu heyvanı verilir, əvəzində isə rəncbərlər be-
cərdikləri məhsulun yarısına sahib olurdular. Kəndin ümumi istifadəsində
müəyyən qədər torpaq olur və kəndlilər vergiləri icmalıqla ödəyirdilər.
İcma torpaqları hər 4-5 ildən bir icmaların 15 yaşına çatmış kişiləri
arasında bölünürdü, Kənd icması onun payına düşən vergiləri kənddə
yaşayan ailələr arasında, bu ailələrdə olan kişilərin sayına və ya istifadə
etdiyi torpağın miqdarına uyğun olaraq bərabərləşdirirdi. Vəqf mülkiyyəti
(əmlakı) və vəqf torpaqları dini idarələrin əsas gəlir mənbəyi idi.
XIX əsrin birinci rübündə Zaqafqaziyada rus qoşunlarının baş
komandanı İ.F .Paskeviç, bura yoxlama üçün göndərilən senatorlar
P.İ.Kutaysov və Y.İ.Meçnikov Azərbaycanda tiyul torpaqlarının ləğv
edilməsi haqqında hökumətə təqdim etdiyi layihənin əksinə olaraq, Çar I
91
Nikolay 13 iyul l830-cu il tarixli qanununu imzaladı (“Əlahəzrət
buyruğu”). Bundan əvvəl isə A.P.Yermolovun l818-ci ildə verdiyi
“Ağalar haqqında əsasnamə” üzrə yerli feodallar tiyul torpaqlarının sahibi
deyil, yalnız yerlərdə inzibati xidmətdə olan və bu torpaqlar üzərində
idarəetmə hüququ olan şəxslər sayılırdılar. Əlahəzrətin buyruğunda tiyul
torpağı ilə bağlı siyasi çəkişmələrə son qoyulmadı. Belə ki, 10 aprel 1840-
cı il qanunu ilə çar hökuməti Zaqafqaziyada xan və bəyləri dövlət
qulluğundan kənar etdi, 1841-ci ilin qanunu ilə onların tiyul torpaqlarını
ləğv etməyə çalışdı. Yalnız 6 dekabr 1846-cı il qanunu qəti olaraq tiyul
torpaqlarını feodalların mülki kimi tanıdı. Bu fərmana əlavə olaraq 1847-
ci il aprelin 20-də və həmin ilin dekabrın 28-də nəşr olunmuş “Kəndli
salnamələri”nə görə bəy və ağa torpaqlarında yaşayan müxtəlif
kateqoriyalı kəndlilər – rəncbərlər, rəiyyətlər vahid ad-mülkədar tabeliyi
adı alır, 15 yaşına çatmış kişilərin hər birinə 5 desyatin pay torpağı almaq
hüququ verilirdi.
Azərbaycan kəndlilərinin istifadəsində olan torpaqlar onun ailəsinin
ehtiyaclarını ödəmirdi. Digər tərəfdən isə çar hökuməti erməniləri və
Rusiyanın müxtəlif yerlərindən əhalini Azərbaycana köçürür, ən yaxşı
torpaqları onlara verirdi. Bəzən isə elə hallar olurdu ki, yerli kəndlilərin
istifadəsindəki torpaqların bir qismi onlardan alınıb gəlmələrə verilirdi.
Bu isə Azərbaycan kəndində aztorpaqlı və tamamilə torpaqsız kəndlilərin
sayının artmasına səbəb olurdu.
Torpaq sahibləri ilə kəndlilər arasında qarşılıqlı münasibətlər çar
hökumətinin 1847-ci ildə verdiyi “Kəndli əsasnamələri” ilə rəsmiləşdi.
Azərbaycanda kəndlilərin idarə olunması Rusiyanın mərkəzi
quberniyalarından xeyli fərqlənirdi. Müsəlman əyalətlərində kənd
əhalisini mütləqiyyət-polis sistemindən daha çox asılı etməyə çalışırdı.
Belə ki, Qafqaz canişinliyi tərəfindən 11 avqust 1865-ci il tarixli “Tiflis
və Kutaisi quberniyalarının kənd cəmiyyətləri əsasnaməsi” və 23 avqust
1866-cı il tarixli “Bakı quberniyasının kənd cəmiyyətləri əsasnaməsi”
1870-ci ilin aprel ayından Yelizavetpol (Gəncə) quberniyasına şamil
edildi. 1870-ci il 14 may tarixli “Əsasnamə”nin tətbiq edilməsi ilə
əlaqədar olaraq 1865-1866-cı illər “Kənd cəmiyyətləri haqqında”
əsasnamənin bəzi maddələrində dəyişikliklər edildi. 1865-1866-cı illərdə
qəbul edilmiş Zaqafqaziyada kənd cəmiyyətləri Əsasnamələri öz
tərkibində müxtəlif kəndli qruplarını birləşdirən əhaliyə şamil edilirdi. Bu
tərkibə dövlət, mülkədar, vəqf, xəzinə (xanədan), icma kəndliləri daxil
Dostları ilə paylaş: |