Həsənov Yusifəli Lətif oğlu
38
keçirilmişdi [9, v.14]. 11-13 mart 2005-ci ildə Bakıda taekvondo
üzrə gənclərin Avropa birinciliyində Çexiya idmançıları iştirak
etsələr də, medalçılar sırasına çıxa bilməmişlər. 2005-ci il mayın
13-dən 15-nə kimi Bakıda bədii gimnastika üzrə Azərbaycan
Gimnastika Federasiyasının Kuboku uğrunda yarış və 3-9 okt-
yabr 2005-ci ildə Bakıda bədii gimnastika üzrə dünya çempio-
natı keçirilmişdi. Bu mötəbər yarışlarda Çexiya idmançıları da
iştirak etmişdilər. Faktlara əsasən qeyd etmək lazımdır ki, ölkə-
lərimiz arasında hüquqi bazanın yaradılması idman əlaqələrimi-
zin genişlənməsinə güclü təsir edərdi.
Keçmiş sosialist düşərgəsinə daxil olan Yuqoslaviyadan ay-
rılmış Sloveniya və Xorvatiya ilə Azərbaycanın beynəlxalq id-
man əlaqələri də nəzərə çarpacaq dərəcədə güclənmişdi. Məsə-
lən, Sloveniya idmançıları ölkəmizdə təşkil olunmuş beynəlxalq
idman tədbirlərinə dəvətlər almış və bizim idmançılarımız da bu
ölkədə keçirilən tədbirlərdə iştirak etmişdilər [34, v.1-21]. Belə
ki, 2004-cü ilin mayında voleybol üzrə qadınlar arasında Avropa
çempionatının seçmə oyunlarının 1-ci dövrəsi Sloveniyada, 2-ci
dövrəsi isə Bakıda keçirilmiş və hər iki görüşdə komandamız
qalib gəlmişdi. 2004-cü ildə cüdoçularımız Lüblyanada Avropa
çempionatında, güləşçilərimiz Murska-Sobotada gənclər arasın-
da ”Hərbçilərin XXX dünya çempionatında” və taekvondo üzrə
Avropa birinciliyində Sloveniya idmançıları ilə birlikdə iştirak
etmişlər. Sloveniyaya giriş-çıxış vizalarının rəsmiləşdirilməsi
prosedurasının çətin olması və bu ölkəyə vizaların Ankaradan
alınması zərurəti ölkələrimiz arasında turistlərin, gənclər qrupla-
rının və idmançıların mübadiləsinə və səfərlərinə maneələr, ən-
gəllər yaradır. Bu səbəbdən, ölkəmizin vətəndaşları üçün viza
alınması prosedurasının sadələşdirilməsi və bəzi hallarda sərhəd-
də viza alınmaq imkanının verilməsi ölkələrimiz arasında yalnız
gənclər, idman və turizm sahələrində deyil, digər sahələrdə də
əlaqələrimizin inkişafına kömək edə bilər. 3-5 iyun 2005-ci ildə
Azərbaycan Respublikasının prezidenti İ.H.Əliyev Sloveniya və
Xorvatiyaya rəsmi səfər etmişdi. Bu səfər bütün sahələrdə ikitə-
Azərbaycan Respublikası beynəlxalq idman və turizm əlaqələri sistemində
(1991-2005-ci illər)
39
rəfli əlaqələrin inkişafına zəmin hazırlamışdı.
Finlandiya ilə Azərbaycan Respublikası arasında beynəlxalq
idman əlaqələri də ardıcıl şəkildə inkişaf etmişdi. Finlər və bi-
zim idmançılar qarşılıqlı olaraq hər iki ölkədə təşkil olunan id-
man tədbirlərində, müxtəlif yarışlarda iştirak edirlər [12, v.1-10].
Buna misal olaraq 2002-ci il iyulun 5-15-dək Lahtidə güllə atıcı-
lığı üzrə dünya çempionatında, yenə də həmin il oktyabrın 20-
25-dək Helsinkidə keçirilmiş pauerliftink üzrə dünya çempiona-
tında idmançımızın dünya çempionu adına layiq görülməsini
göstərmək olar. Finlandiya ilə gimnastika sahəsində də əlaqələ-
rimiz nəticə vermişdi. 23-25 aprel 2004-cü ildə Bakıda bədii
gimnastika üzrə dünya kubokunun mərhələ yarışlarında, 2005-ci
il mayın 13-dən 15-nə kimi Bakıda bədii gimnastika üzrə Azər-
baycan Gimnastika Federasiyasının kuboku uğrunda yarışlarda
və 3-9 oktyabr 2005-ci ildə yenə də Bakıda bədii gimnastika
üzrə dünya çempionatında Finlandiya idmançıları da iştirak et-
mişlər. Azərbaycan-Finlandiya əlaqələrində maraqlı istiqamət-
lərdən birini idman turizmi sahəsində əlaqələrin qurulması cəhd-
ləri təşkil edir. Bunun bariz nümunəsi kimi 2004-cü ilin dekab-
rında Gənclər, İdman və Turizm Nazirliyində fin iş adamları ilə
idman turizmi sahəsində əməkdaşlıq üzrə görüşün keçirilməsi və
görüşdə Azərbaycanda qolf klubunun yaradılması layihəsinin
müzakirəsini qeyd etmək olar. 2005-ci ildə idman əlaqələrimizin
davamı kimi 11-13 mart 2005-ci ildə Bakıda taekvondo üzrə
gənclərin Avropa birinciliyində Finlandiya idmançılarının iştira-
kını və 17-28 avqust 2005-ci ildə Espoda keçirilmiş atletika üzrə
açıq Avropa çempionatında paraolimpiyaçılarımızın 3 qızıl və 3
bürünc medal qazanmalarını göstərə bilərik. Məlumdur ki, döv-
lət başçılarının qarşılıqlı səfərləri ölkələrin bir-birinə yaxınlaş-
masında, əlaqələrin genişlənməsi və güclənməsində mühüm
amildir. Bu baxımdan 23 sentyabr 2005-ci ildə Finlandiya Res-
publikası prezidenti xanım Tarya Halonenin Azərbaycana səfəri-
ni mühüm hadisə hesab etmək olar.
Azərbaycan Respublikası ilə Yunanıstan arasında qurulan
Həsənov Yusifəli Lətif oğlu
40
beynəlxalq idman əlaqələri də bu iki ölkənin qarşılıqlı bey-
nəlxalq əlaqələrində mühüm yer tutur. İki ölkə arasında idman
sahəsində əlaqələrin hüquqi bazasını 1997-ci il aprelin 11-də Ba-
kıda Azərbaycan Respublikası ilə Yunanıstan hökumətləri ara-
sında təhsil, mədəniyyət və elm sahəsində əməkdaşlıq haqqında
imzalanmış saziş təşkil edir [42, v.3]. Həmin sazişin 8-ci mad-
dəsinə görə tərəflər idman və bədən tərbiyəsi təhsili sahələrində,
onların müvafiq idman təşkilatları arasında birbaşa əlaqələrin
genişləndirilməsini və əməkdaşlığın inkişafını təşviq etməli idi-
lər. Bu əməkdaşlığın məzmunu və təfərrüatı əvvəlcədən yuxarı-
da qeyd olunan təşkilatlar tərəfindən müəyyənləşdirilmişdi. Hü-
quqi bazanın olmasına baxmayaraq, idman əlaqələrimiz nəzərə
çarpacaq dərəcədə deyildir.
Azərbaycan Respublikası ilə Bolqarıstan arasında da bey-
nəlxalq idman əlaqələri formaca və məzmunca xeyli zəngin ol-
muşdu. Beynəlxalq tədbirlərdə və görüşlərdə, xüsusilə Avropa
Şurası xətti ilə keçirilən tədbirlərdə bizim nümayəndələrimiz
Bolqarıstan idmançıları və gəncləri ilə görüşmüş, qarşılıqlı ma-
raq doğuran məsələləri müzakirə etmiş, habelə Bolqarıstanda ke-
çirilən mühüm beynəlxalq tədbirlərin və idman yarışlarının işti-
rakçısı olmuşlar [7, v.1-27]. İdmançılarımız son illərdə Bolqarı-
standa keçirilən ağırlıqqaldırma və sambo üzrə Avropa çempio-
natlarında, yunan-Roma güləşi üzrə Avropa çempionatı, cüdo və
basketbol üzrə beynəlxalq turnirlərdə fəal iştirak etmiş və Azər-
baycanda idmanın inkişafını bariz şəkildə təsdiq edən layiqli qə-
ləbələr qazanmışlar. Bolqarıstan idmançıları da ölkəmizdə keçi-
rilən yarışlarda iştirak etmişlər. Faktlara müraciət edək. 2003-cü
ilin avqustunda və 2004-cü ilin aprelində Bakıda bədii gimnas-
tika üzrə dünya kubokunun mərhələ yarışları, 2005-ci ilin ma-
yında isə bədii gimnastika üzrə Azərbaycan Gimnastika Federa-
siyasının kuboku yarışları, ardınca 26-31 iyul 2005-ci ildə Quba
Olimpiya İdman Kompleksində qadınlar arasında voleybol üzrə
qran-pri yarışları, 3-9 oktyabr 2005-ci ildə isə Bakıda bədii gim-
nastika üzrə XXVII dünya çempionatı keçirilmişdi. Hələ bunlar-
Dostları ilə paylaş: |