_______________Milli Kitabxana___________________
140
çətin deyil. Böyük Vətən müharibəsində Hitler
qoşunları məğlub olanda elə bilmişik ki, düşmənlər
yox oldu. Indi sərbəst yaşaya bilərik. Amma yox,
sən demə belə deyilmiş. Düşmən indi də var. Özü
də elə bizim qiyafədə, bizimlə çiyin – çiyinə çalışır,
yeri gələndə isə arxadan bıçağı saplayır ürəyimizə.
ŞAKIR: - Anam, bacım nə istəyirsən. Yox nə
istəyirsən. Düzdü o vaxt səni almaq istəmişəm.
Sonra görmüşəm ki, belə bir cürsən, dilin acıdı, bir
az da açıq – saçıqsan. Gedib özgəsiylə evlənmişəm.
Indi keçmiş günlərin acısı göynədir səni, eləmi?
AFƏT: - Tüpürüm sənin yeddi üzlü sifətinə.
Tfu. (Afət qəzəblə çıxır)
Natiqin atası Nəcəf daxil olur.
ŞAKIR: - Yaxşı gəlmisən. Əyləş. Indicə o
ifritə burada idi. Sənin oğlunun üstündə əməlli söz
– söhbətimiz oldu. Amma o da az aşın duzu deyil.
Götürər ora – bura yazar. Sonra gec olar. Gərək biz
onu qabaqlayaq. Tez maarif şöbəsinin adına bir əri-
zə yaz, birini də raykoma, ispalkoma, nəzarətə,
maarif nazirliyinə. Hara gəldi yaz. Yazmasan udu-
zarıq. Bir – ikisini də imzasız yaz. Xalqın adından.
Yaz ki, məişət pozğunudur. Ləx – ləxə salandı.
NƏCƏF: - Yaxşı, görsün onun başına nə oyun
açar bu lələşin. Mənim rayon boyda hörmətim var.
Bu ağzından süd iyi gələnə bax. Gör sənin başına
nə oyun açıram.
Pərdə
_______________Milli Kitabxana___________________
141
IV Pərdə
VII ŞƏKIL
Afət küçədə avtomat telefonla danışır.
AFƏT: - Maarif şöbəsinin müdiridir, hə... Çox
yaxşı. Afət müəllim sizi narahat edir. Bəli, Camal
müəllimlə əlaqədar məsələ üçün... Necə?... Şakir
müəllimlə. Nə olsun ki, bizim məktəb onun
zonasına baxır. Mən Şakir müəllimin hərəkətləri ilə
heç cürə razılaşa bilmirəm. Üç aydır həmin sinifdə
dərs deyirəm. Necə? Şakir müəllimlə razılaşım?
Axı Şakir müəllim... Onda mən şikayət edəcəyəm.
Yuxarılara. Icra hakimiyyətinə. Təhsil nazirliyinə.
Lazım gəlsə bir az da yuxarı. Neyləmişəm? Iş
başında onu təhqir etmişəm?.. Töhmət?... Mənə?
Axı, nəyə əsasən? Üzünə tüpürdüyüm üçün?
Üzündə izi qalıb? Hələ silməyib deyirsiniz?
Bağışlayın, siz deyəsən zarafat edirsiniz. Ciddi? Elə
mən özüm də ciddi adamam. Müəllimə yaraşmaz?
Bəs müəllimlərə rəhbərlik edənə necə? Saxtakarlıq,
əyrilik yaraşar? Nə ilə sübut eləyəcəyəm? Məndən
şikayət ediblər? Valideynlər? Valideyn kimdir, axı.
Nəcəf? Həsənov Nəcəf? Axı, mən o Nəcəfin heç
sifətini də görməmişəm. Məndən nə yaza bilər?
Düz qiymət vermirəm? Uşaqlar məndən narazıdır?
Daha sizə sözüm yoxdur, vətəndaş müdir. Nə üçün
cənab demirəm? Çünki siz buna layiq deyilsiniz.
(Telefonun dəstəyini asır)
_______________Milli Kitabxana___________________
142
Zəlihə həyəcanla ona yaxınlaşır.
ZƏLIHƏ: - Afət, Afət Şayəstə doğru deyirmiş.
Gəldi, məktubu gəldi!
AFƏT: - (Fikri dağınıq) Nə gəldi, kim gəldi
Zəlihə. Eybi yoxdu Murtuzov, görüşərik.
ZƏLIHƏ: - (Məktubu Afətə verir) Azərdəndir.
Haqqında sənə danışdığım oğlandan.
AFƏT: - Maarif şöbəsindən?
ZƏLIHƏ: - Maarif şöbəsi nədir? Məni istəyən
oğlandan ey. Qatarda gələndə haqqında sizə da-
nışırdım ha, ondan.
AFƏT: - (Məktubu oxuyur) “Əzizim Zəlihə!
Çox axtardım sonra sənin ünvanını tapdım.
Fikirləşdim ki, bəlkə mən azacıq da olsa yadında
qalmışam. Ayrıldığım bu iki ildə bir gün də sənsiz
olmamışam. Aramızdakı əhvalatı anama danı-
şmışam. Bu məktubu anamın təhriki ilə yazıram.
Icazə versən elçi göndərərdim. Nədənsə heç ümi-
dimi üzməmişəm. Şəklimi də göndərərəm. Bəlkə de
bu, sənə qəribə gələcək. Yenə deyəcəksən: “Kəsmə
qabağımı qaratikan kolu kimi! Mane olma səadə-
timə” nədənsə bax indi bu məktubu yazarkən mənə
elə gəlir ki, o vaxt sən həmin sözləri çox ürəksiz
deyirdin. Illər keçdikcə mən hiss edirəm ki, biz bir
– birimizə çox lazımıq. Cavab gözləyirəm. Səbir-
sizliklə Azər”.
AFƏT: - (Şəklə baxır) Bay sənin. Bu ki, bizim
Azərdir. Gəl səni öpüm, Zəlihə! Azər mənim tələbə
yoldaşım idi. Əla oğlandır. Gör sirrini necə gizlin
_______________Milli Kitabxana___________________
143
saxlayıb?! Bu dörd ildə bir dəfə kimsəyə bir söz
deməyib. Vay sənin Azər! Mən də deyirəm bu
oğlan hərdən hara yox olurdu. Səni xoşbəxt olasan
Zəlihə! Hələlik, məni bağışla. Maarif şöbəsinə tə-
ləsirəm.
ZƏLIHƏ: - Doğrudan Afət, bu Camal müəllim
söhbəti hardan çıxıb? Harada görünüb ki, bir rüb
dərs deyəndən sonra sinfini dəyişdirələr. Bir də
axı... Siçana dedilər: - A siçan bu deşikdən çıx, o
biri deşiyə gir, sənə nə qədər istəsən yemək verim.
Siçan dedi “Balam, mənzil yaxın, kirə çox, burada
nə kələk var?” Bu kələklər hamısı o Şakir mür-
dəşirin işidir.
AFƏT: - Eybi yoxdur. Şakirə bir dəfə
eləmişik, görünür ona dərs olmayıb. Bir də
eləyərik ağlı başına gələr.
ZƏLIHƏ:-Dünən müəllimlərlə məsləhətləş-
mişik. Pedaqoji şuranın qərarını çıxarıb göndərəcə-
yik Murtuzova. Görək sonra sözü nə olacaq.
AFƏT: - Nə qədər ki, Murtuzov Şakirin çal-
dığı ilə oynayır, heç bir qərar ona təsir etməz. Eybi
yoxdu biz də meydanda varıq.
ZƏLIHƏ: - Bizim müəllimlərin əksəriyyəti
səni müdafiə edəcək. Möhkəm dayan. Natiqə medal
vermək məktəbimiz üçün ən böyük təhqirdir.
Medalı Sənubərə verəcəyik, vəssalam.
AFƏT: - Doğru deyirsən. Sənubər yaxşı oxu-
yur. Mən ona beş verəndə özümü mənən rahat hiss
edirəm.
Dostları ilə paylaş: |