_______________Milli Kitabxana___________________
121
qoydular ki, bu gecə səni qaçırsınlar. Hamısı bir
ağızdan dedi ki, Şakirin yolunda canımızdan da
keçərik. Sonra da getdilər dükana. Bir butulka araq
alıb çəmənlikdə elə yeməksiz içdilər.
AFƏT: - Bu gecə? Bəs nə edək Zəlihə? Mənə
kömək göstər. Bilirsən ki, bircə qoca nənəm var.
Onun da gücü heç kəsə çatmaz. Camaata da xəbər
verməyi özümə ar bilirəm.
ZƏLIHƏ: - (Fikirləşir) Tapdım! Gedək bizə!
Qardaşlarımın qorxusundan bizə ayaq basa bil-
məzlər.
AFƏT: - Bu mümkün düyil. Eşidən nə deyər?!
ZƏLIHƏ: - Eşidənin ağrım ürəyinə! Nə deyə-
cək? Bir də biz gizlincə gedərik. Nənənə də hər şeyi
açıb deyərik. Yaxşı?
AFƏT: - Nə deyim? Heç bilmirəm nə deyim.
(Dilbər daxil olur. Afətə xüsusi nəzər yetirir)
AFƏT: - Niyə elə baxırsan, Dilbər? Məni bi-
rinci dəfədir görürsən?
DILBƏR: - Niyə baxmıram? Baxmaq qada-
ğandır? O sənsən ki, yüz naz – qəmzə ilə oğlanları
öz tərəfinə çəkirsən. Heç Şakir sənə yaraşandı aaz?!
Bir həsirsiniz, bir məmmədnəsir yetim qızsan qıvrıl
yat, bala. Şakirlə işin yoxdur.
AFƏT: - Ayıb olsun, Dilbər! Adam kasıb da
olar, dövlətli də. Əsil dövlət müftə yeyib harınlan-
maq deyil.
DIBƏR: - Bəs dövlət nədir aaz?
_______________Milli Kitabxana___________________
122
AFƏT: - Dövlət adamın ürəyində, gözündə,
xəyalında, mənəvi dünyasındadır.
DILBƏR: - Xalq gəlib sənin ürəyinə baxacaq,
görüm bunun ürəyində nə var, nə yox. Bax budur
sənə deyirəm, Şakirin adını bir də çəkmə, biz
uşaqlıqdan deyikliyik.
ZƏLIHƏ: - (Kinayəli) Afət, Dilbər doğru de-
yir. Şakirə Dilbər yaraşır. Birinin dədəsi kolxoz
sədri, o birininki anbardar.
DILBƏR: - Ay sağ ol Zəlihə, bu gün lap xoşu-
ma gəlirsən. Toyumda səni sağdış eləyəcəyəm.
ZƏLIHƏ: - (Afətin qulağına) yaxşı yadıma
düşdü, gəl bir kələk işlədək.
AFƏT: - Nə edək?
(Zəlihə Afətin qulağına nəsə pıçıldayır)
AFƏT: - Yəni razı olar?
ZƏLIHƏ: - Razı olar da sözdür?
DILBƏR: - Orda nə pıçıldaşırsınız?
ZƏLIHƏ: - Dilbər, de görüm mənə inanırsan-
mı?
DILBƏR: - Əlbəttə!
ZƏLIHƏ: - Onda Afətə də inan. O, Şakiri
sevmir. Ondan lap zəhləsi gedir.
DILBƏR: - Doğrudan?
AFƏT: - Zəlihə düz deyir.
DILBƏR: - Ay qızlar, onda işi elə təşkil edin
ki, Şakir bir mənə də baxsın nə olar?!
ZƏLIHƏ: - Nə verirsən elə edim ki, Şakir bu
gecə səni qaçırsın?!
_______________Milli Kitabxana___________________
123
DILBƏR: - Məni? Bu gecə qaçırsın?
ZƏLIHƏ: - Hə!
DILBƏR: - Tez ol de görüm necə
eləyəcəksən?
ZƏLIHƏ: - Bax məsələ belədir: - Bu gecə
Şakir Afəti qaçırtmaq istəyir. Gedək Afətin yerində
sən yat səni qaçırtsın.
DILBƏR: - Doğrudan? Razıyam. Sənə də bir
kremplin kostyum alaram anam canı. Afət, bayaqkı
sözlərim üçün məni bağışla. Gəl bir səni maç
eləyim. (Afəti zorla öpür)
AFƏT: - Ay Zəlihə, axı bu Dilbər bir az kök-
dü, mən arıq, bəs bunu başa düşməzlər?
ZƏLIHƏ: - Əşşi gecə qara, cücə qara. O vur-
havurda bu, heç Şakirin ağılına da gəlməz.
DILBƏR: - (Oxuya – oxuya oynayır)
Bu gələn haralıdır,
Dağların maralıdır.
Əyil üzündən öpüm
Ürəyim yaralıdır.
(Səhnə dəyişir. Dilbər çarpayıda yatıb. Şakir
iki nəfər yoldaşı ilə gəlir).
ŞAKIR: - Bir az yavaş. Nənəsi içəridə yatır.
Qız budu tut ağacının altında. Bir az ehtiyatlı olun.
Kim getmək istəyir?
I oğlan: - Mən!
II oğlan: - Mən gedərəm!
_______________Milli Kitabxana___________________
124
DILBƏR: (Yorğanın altında yavaşca) Özün
gəl, ay fərsiz oğlu fərsiz. Yatmış qızın yanına heç
başqa oğlan göndərərlər?
ŞAKIR: - Yox, özüm getmək istəyirəm. Siz
burada durun, mən bu saat. (Bir az irəli gedib
qayıdır) Zalım qızı gözümün odunu elə alıb ki,
bədənimə vicvicə düşür.
I OĞLAN: - Sən ki, qorxaq deyildin, Şakir,
cum qabağa.
II OĞLAN: - Cum, cum!
ŞAKIR: - Bu saat. Darıxmayın. Qoyun bir az
nəfəs alım.
DILBƏR: - (Kənara) ağciyər oğlu, ağciyər.
Qoy sabah açılsın. Gör sənin başına nə oyun
açacağam?!
ŞAKIR: - Getdim. (Dilbəri yorğana bükülü
götürür)
II PƏRDƏ
IV ŞƏKIL
(Pərdə açılmayıb. Pərdənin önündə Camal,
arxasında Lətifə səhnəyə daxil olurlar. Camalın
əlində yol çamadanı var. Lətifə onu yola salmağa
gəlib).
LƏTIFƏ: - Camal, çatan kimi məktub yaz. Ev
eşiyi sahmana sal. Evdə hər şeyi açıq danış. Sonra
gəlib məni də apararsan.
_______________Milli Kitabxana___________________
125
CAMAL: - (Sanki Lətifədən yaxasını qurtar-
maq istəyir) Yaxşı, yaxşı. Arxayın ol, gələcəm.
Vaxta az qalıb. Bağışla məni.
LƏTIFƏ: Hara tələsirsən, hələ qatarın get-
məyinə yarım saat var. Bir məktəb direktoru var idi,
ha, sənin qohumun, yadındadımı, onun vəzifəyə
çəkilməyində dayımın xüsusi rolu oldu. Mən
dayımdan xahiş etdim, o da bir telefon zənginə həll
elədi. Ona deyərsən ki, indi də bizim sənə işimiz
düşüb. Qoy mənə bir stavka dərs düzəltsin. Gələndə
boş qalmayım.
CAMAL: - Kənddə nə var əşşi, sən qal burda,
mən də bircə il işləyim, ara sakitləşən kimi qaça-
cağam Bakıya. Bəlkə ona kimi dayını da vəzifəyə
qoydular.
LƏTIFƏ: - (Qəmgin) Ağlım kəsmir. Dayımın
vəziyyəti ağırdır. Ürəyim elə sıxılır ki, elə bil biz
həmişəlik ayrılırıq.
CAMAL: - Yaxşı, yas saxlama görək. Di
salamat qal. Axı mən gərək yerimi tutam. Sonra bir
yerə iki bilet satarlar, di gəl düş işə.
LƏTIFƏ: - Afətgil də indicə getdilər. Gərək
bir vaqona alaydınız.
CAMAL: - Əşşi cəhənnəm olsun Afət, çox
gözüm uçur. Di salamat qal.
LƏTIFƏ: - Yaxşı, yol. Gedək səni vaqona
kimi ötürüm. Amma ürəyim elə döyünür ki...
(Gedirlər. Pərdə açılır)
Dostları ilə paylaş: |