_______________Milli Kitabxana___________________
116
qotur kəndində? Hə indi deyəcəksən! (Xüsusi
intonasiya ilə danışır) “Şəkil çəkmək asandır, həyat
yaratmaq çətin. Sizin şəkliniz də bayağıdır. Biz
ondan daha gözəlini burada, həyatda, bu qara
torpaq üzərində yaradacağıq”. Eləmi?
AFƏT: - Yox Şayəstə, indi nə mən Almazam,
nə də sən kənddən qaçan fərari Camal. O zamanlar
da çoxdan keçib. Ancaq mən doğrudan da kəndə
getməliyəm. (Pauza) Nənəm öləndə vəsiyyət
eləyib dedi: Bala, Afət, atanın oğlu da, qızı da
sənsən. Qoyma onun evində zülmət olsun. Yandır
onun çırağını. Bu sözləri heç cür unuda bilmirəm.
(Ağlayır)
ŞAYƏSTƏ: - Bağışla Afət. Bir halda ki, belədi
get kəndə.
(Bir qədər sükut)
Yaxşı, sevməyə başına oğlan qəhət idi, görək
bu əlli yaşlı müəlliminə vurulaydın?
AFƏT: - Yox, oğlan qəhət deyil. Özün bilirsən
ki, pərəstişkarlarım da var. Azca imkan versəm
pərvanə kimi başıma dolanarlar. Amma bu Vüqar
müəllimdə elə bir daxili güc var ki, onu görəndə
bütün ixtiyarım əlimdən gedir. Gözlərinin
dərinliyində boğuluram. Səsi qulağıma çatanda
ürəyim nanə yarpağı kimi titrəyir.
ŞAYƏSTƏ: - Özü bir şey bilirmi?
AFƏT: - Yox, yox. Mən bu sözü dilimə gətirə
bilmərəm. Onun da başı qarışıq olur. Bir də
tələbələrin hamısı ona mehribanlıq göstərdiyi üçün
_______________Milli Kitabxana___________________
117
mənim ona sevgi bəslədiyimi heç ağlına da gətir-
məz. Həm də bilməsə yaxşıdır.
ŞAYƏSTƏ: - Doğru deyirsən bilməsə
yaxşıdır. Axı, bu ona baha başa gələ bilər. Bir də.
AFƏT: - Nə bir də? Hə demək istəyirsən ki,
bəlkə o heç məni sevmədi, eləmi?
ŞAYƏSTƏ: - Yox... Mən...
AFƏT: - Elə məni qorxudan da budur. Əgər
mənim məhəbbətim sahibsiz qalsa, özümü öldü-
rərəm. Bu təhqirə dözə bilmərəm.
ŞAYƏSTƏ: - Afət, kənddə yolunu gözləyən
heç kəsin yoxdur?
AFƏT: - Var! Buynuzlarını şeşələyib gözləyir
məni.
ŞAYƏSTƏ: - Heç nə başa düşmürəm.
AFƏT: - Heç nə başa düşmürsən? Onda qulaq
as.
Pərdə
III ŞƏKIL
(Kənd. Ağac kölgəsində Afət kitab oxuyur.
Şakir ona yaxınlaşır)
ŞAKIR: - Afət, allah qoysa bu il məktəbi
qurtarırsan da ?! Dədəmə demişəm. Qurtaran kimi
toyumuzu vurdururuq.
AFƏT: - (Səksəkəli) Toy nədir? Sən nə danı-
şırsan?
_______________Milli Kitabxana___________________
118
ŞAKIR: - (Şit – şit gülür) Nə danışıram az?
Toy da.
Durul – durul dumba durul. Dappıdı bıdım,
dappıdı bıdım.
AFƏT: - Qız tapmısanmı?
ŞAKIR: - Qız tapmışammı? Bu nə danışır ə?!
Mən deyirəm həmdəm həmə. Bu deyir dəmdən
dəmə. Qız bə sən nəsən aaz?!
AFƏT: - Ayıb olsun! Get tayını tap.
ŞAKIR: - Ağamın başı üçün, dünya dağılsa da
səni alacam. Bu başı o sinənin üstünə qoymasan
haram olsun.
AFƏT: - Nə haram olsun?
ŞAKIR: - Baş!
AFƏT: - Hansı baş?
ŞAKIR: - Budey öz başım.
AFƏT: - Səninki baş deyil.
ŞAKIR: - Bə nədi?
AFƏT: - Kəllə!
ŞAKIR: - Uzun danışma! Kənddə hamı bizi
barmaqnan göstərir.
AFƏT: - Dədən kolxoz sədridi,
ŞAKIR: - Bu azdı? Kolxoz sədri iki – üç
kəndin sahibidir.
AFƏT: - Elə ona görə məktəbi güc bəla ilə
qurtarmısan də. Hələ bilmirsən ki, xüsusi mülkiyyət
əlli ildir ki, ləğv olunub.
_______________Milli Kitabxana___________________
119
ŞAKIR: - Xüsusi mülkiyyət nədi aaz? Ağamın
başı üçün mənnən düz dolan. Əgər öz xoşuna
gəlməsən götürüb qaçıracam.
AFƏT: - Heç yel olub yanımdan da keçə bil-
məzsən.
ŞAKIR: - Ağamın başı üçün dünən jimdə 80
kilo qaldırmışam. Talçokda 100 - ə söz yoxdu.
AFƏT: - Kişinin səfehi arvad yanında öz gü-
cündən danışar.
ŞAKIR: - Səfeh niyə oluram? Boy – buxun
məndə, bazburut məndə.
AFƏT: - Bəs ağıl – savad necə?
ŞAKIR: - Savadım da var. Bir də neynirəm
savadı. Ağam deyir bir “jiquli” alajam sür! Qoy
düşmən partdasın. Görüm onda sözün nə olacaq.
AFƏT: - Şakir, məni başından çıxart. Mən
oxumaq istəyirəm.
ŞAKIR: - Oxu da... Toyumuzu edək yenə oxu.
AFƏT: - Mən səni sevmirəm. Səndən lap
zəhləm gedir, başa düşdün?
ŞAKIR: - Cəhənnəmə sev! Dedim səni alajam,
qurtardı. Di salamat qal. (Gedir).
AFƏT: - Qaçırdaram. Heç qulağının dibini də
görə bilməzsən. (Qarı daxil olur)
QARI: - Boyyy. Afət döyülsənmi a bala!!! Xoş
gördük! Nənən Tərlan necədi a bala? Maşallah
gözəllikdə rəhmətik anana çəkmisən. Nənən necədi,
ağrın ürəyimə?
AFƏT: - Belə də pis deyil.
_______________Milli Kitabxana___________________
120
QARI: - A bala o nənəni də görəndə danı-
şacam, bu Şakirin işini niyə yubadırsan? Ondan
yaxşısına getməyəcəksən ki! Deyirəm indiki ca-
vanların gözü yumuludur eyy! A bala var–dövlət
onlarda, xətir hörmət onlarda. Maşallah o dar-
vazaları gündə yüz dəfə açılıb örtülür. Rayondan
bir adam gəldimi, gərək Məmmədin evinə düşə.
Kənddə toydumu gərək Məmməd başda ola, oğlu
Şakir də yanında. Kənddə hamı onu kirvə tutur. Bə
belə bir evə gəlin getməzlərmi?! Dünya yeyənə
quyruqdu bala! Ye da! Allah səndən niyə alıb? Əl
ayağını yığışdır məktəb qurtaran kimi toyunuzu
eləsinlər.
AFƏT: - Qarı, belə sözləri bir də danışma! Iti
görüm, qurdu görüm Şakiri görməyim.
QARI: - Vallah sənin üstünə qurd yağı sürtüb-
lər. Yoxsa belə oğulu bəyənməzlərmi?! Gedim de-
yim səni pirə - zada aparsınlar. Başından cin – şə-
yətin dağılsın. (Qarı gedir)
AFƏT: - Axı mənim bu Şakirdən elə əvvəldən
zəhləm gedir. Müftə yeməkdən harınlamış bu ada-
mı görəndə elə bil düşmənimi görürəm. Eh, qoy-
mazlar dərsimizi oxuyaq. Sabah axırıncı imtahandı,
ondan da beş alsaydım çıxıb gedərdim Bakıya.
Ondan sonra Şakir tapsın məni görüm harda
tapacaq. Bir də Şakirin dərdindən ölən Dilbəri niyə
almır? Su çuxurunu tapar. (Zəlihə daxil olur)
ZƏLIHƏ: - Afət, indicə Şakir yoldaşları ilə
klubun yanında söhbət edirdi. Sözü bir yerə
Dostları ilə paylaş: |