_______________Milli Kitabxana___________________
100
O ODLARA SALMA MƏNI, AMANDI!
Məni sevmək sənə asan gəlməsin
Zəlzələdən viran qalmış obayam.
Nə istim var, bir az səni isitsin,
Odu sönmüş, külü qalmış sobayam.
O odlara salma məni, amandı!
Kaman idim, quruca sim qalmışam
Tufan idim, bircə əsim qalmışam.
Bir şəklimdi, bir də səsim, qalmışam.
O odlara salma məni, amandı!
Neçə aşiq eşq oduna qalandı,
Könül evi viran oldu, talandı.
Eşq dediyin bir şirincə yalandı
O odlara salma məni, amandı!
Düz düzməyib, düzənləyib düzəldən
Üz görmədim, üz tutduğum gözəldən
Sevdalardan yarımadım əzəldən,
O odlara salma məni, amandı!
Mən deyirdim, o sevgimiz nəs imiş,
Eşq dediyin bir sehrli səs imiş.
Vüsal üçün bircə addım bəs imiş
O odlara salma məni, amandı!
_______________Milli Kitabxana___________________
101
_______________Milli Kitabxana___________________
102
_______________Milli Kitabxana___________________
103
IŞTIRAK EDIRLƏR:
Vüqar – ali məktəb müəllimi
GƏNC MÜƏLLIMLƏR:
Afət
Zəlihə
Camal
Davud
Azər
Zərri
Şayəstə
Vaqif
Şakir – Rayon maarif şöbəsinin inspektoru
Murtuzov – Rayon Maarif Şöbəsinin Müdiri
Pəri xala, Nəcəf, Qarı və şagirdlər.
_______________Milli Kitabxana___________________
104
I PƏRDƏ
I ŞƏKIL
Pəri xalanın evi. Kirayənişin Camal daxil olur.
O, çox həyəcanlıdır.
CAMAL: - Batdı. Hər şey batdı. Ali məktəb,
aspirantura, elmi dərəcə hamısı batdı.
PƏRI XALA: - Kimdi batan, a Camal? Yenə
dənizdə hadisə zad olub?
CAMAL: - Əşi dəniz nədi ey? Kişi məhv oldu!
PƏRI XALA: - Kişi məhv oldu? Dilim –
ağzım qurusun, yoxsa dədənin başında bir iş var, a
bala?
CAMAL: - Eh, dədəmə bir şey olsaydı, məni
bu qədər yandırmazdı. Savadsız, vəzifəsiz, kölgəsiz
bir adamdı. Dağ uçdu ey, dağ! Ağrı dağı gumbultu
ilə uçdu təpəmə. Başa düşdün?
PƏRI XALA: - Yox... Heç nə başa düşmədim.
A bala, bir əməlli danış görüm, kim öldü, nə uçdu!
CAMAL : - (Hövsələsiz) Belə bizim Lətifə var
ey, mənim nişanlım, onun dayısını vəzifədən
çıxartdılar. Zəhmindən yer – göy titrəyirdi.
PƏRI XALA: - (Dərindən köks ötürür) Eh,
mən də deyirəm nə olub. Dağ uçdu, toz oldu. Belə
de, da! Nə olsun çıxarıblar? Vəzifə kimin kəbininə
kəsilib ki?..
CAMAL: - Gərək bu kişini indi çıxaraydılar?
Mən universiteti qurtar ha qurtarda? (pauza) nə
_______________Milli Kitabxana___________________
105
qədər planlarım var idi. Fikirləşirdim ki, kömək
edər girərəm aspiranturaya. Onun kölgəsində
müdafiə edərəm, onun kölgəsində...
PƏRI XALA: - Kölgədə yaşayan kölgəsiz olar,
a bala. Aspiranturaya girmək istəyirsən, get gir də.
Qabağını kəsən var? Mən iyirmi ildən çoxdur ki,
evimi sənin kimi studentlərə kirayə verirəm. Odey
Xudu, yekə alim olub. Heç kəsi də yox idi. Bakıya
gələndə cındırından cin ürkürdü. Hər ay ev
kirayəsini gecikdirirdi. Utana – utana deyirdi: - Pəri
xala, təqaüdümüzü hələ verməyiblər. Alan kimi ev
kirayəsini çatdıracağam. Deyirdim a bala, sən də
mənim oğlum, eybi yoxdu, nə vaxt olar, onda
verərsən. Odu Əli, yekə şair olub. Hörməti hər
tərəfə yayılıb. O da mənim evimdə olub. Gündüz
işləyib, gecə oxuyurdu. Ikisi də öz tükünün üstündə
yaşayan uşaqlar idi. Maşallah! Maşallah!
CAMAL: - Əşi sənə söz dedim ki, başlayıb
mənə mühazirə oxuyasan? Onsuz da mühazirələr
təngə gətirib məni. Biri var qayanı dırnağınla
qoparasan, biri də var müasir texnika ilə. Eh, səni
başa salmağın bir faydası yoxdur. Kül oldu mənim
başıma. Lətifəyə nişan taxtırdım ki, onun hesabına
adam olum, bu da belə...
PƏRI XALA: - A bala, mən evimdə olanları
öz uşağım hesab eləmişəm. Elə səni də, a Camal.
Bu fikirləri çıxart başından.
Dostları ilə paylaş: |