Microsoft Word zahid x?Lil 5

_______________Milli Kitabxana___________________ 

 

79 

 

Qızlar, mənə baxmayın, 

Baxışlar mənə neylər?! 

Ilk eşqim yada düşər 

Burnumun ucu göynər. 

 

Qızlar dərsdən çıxanda, 

Axar yataqxanaya. 

Oğlanlar həsrət-həsrət  

Baxar yataqxanaya. 

 

Deyən qıra bilməyib 

Oğlanın inadını. 

Bir pəncərə açıbdır 

Göyərçin qanadını. 

 

Qızlar qol-qola girər 

Oğlanlar gendə gedər 

Qızlar yataqxanaya 

Elçilər kəndə gedər. 

 

Qızlar yataqxanası- 

Qızılgüllər məskəni. 

Hansı oğlan sevməyib 

Söylə ürəkdən səni?! 

 

 

 

 

---

_______________Milli Kitabxana___________________ 

 

80 

 

QIZLAR MƏHƏBBƏTDƏN ŞEIR OXUYUR 

 

Qızlar məhəbbətdən  şeir oxuyur, 

Bu saat ulduzlar alışacaqdır.  

Nöqtələr, vergüllər çiçək qoxuyur, 

Çiçəklər dil açıb danışacaqdır.  

 

Çənəsi ovcunda fikrə dalaraq , 

Qızlar şeir oxuyur sevgi yaşında 

Indicə qızılgül pardaxlanacaq, 

Bülbül oxuyacaq budaq başında. 

 

Ən şirin sözləri dodaqlarında, 

Oğlanlar yatmayıb gözlər səhəri. 

Qızlar şeir oxuyur otaqlarında 

Qızların dünyadan yoxdur xəbəri. 

 

Analar gözləyir aşıb daşaraq, 

Gizli duaları hələ dodaqda. 

Həmin kök üstündə pıçıldaşaraq, 

Qızlar şeir oxuyur məhəbbət haqda.  

 

Gözləri yol çəkir, düşünür nələr, 

Sözlər ürəklərə ən yaxın sirdaş. 

Misranın sonunda duran nöqtələr, 

Hicranın sonunda dayanaydı kaş. 

 

 

---

_______________Milli Kitabxana___________________ 

 

81 

 

Qızlar məhəbbətdən şeir oxuyur, 

Bu saat ulduzlar alışacaqdır. 

Nöqtələr, vergüllər çiçək qoxuyur 

Çiçəklər dil açıb danışacaqdır.  

 

 

SƏHƏR NƏĞMƏSI 

 

Günəş şehdən muncuq düzür 

Çiçəklərin qulağına. 

Səhər – səhər nəğmə qonur 

Qız – gəlinin dodağına 

 

Qızlar zərif, qızlar qəşəng, 

Hərəsi bir canlı çələng. 

Ağ əlləri göyərçin tək 

Dəyir gülün budağına. 

 

O qıza bax-qarçiçəyi, 

Dırnaqları tər ləçəyi. 

Könül deyir dər ləçəyi, 

Toxun onun barmağına. 

 

Dedim güldür əlin axı 

Xeyli güldü mənə baxıb. 

Baxdım onun topladığı 

Qızılgülün qalağına. 

 

---

_______________Milli Kitabxana___________________ 

 

82 

Ürək, axı sən aşiqsən, 

Cürətli ol ay aşiq, sən! 

Bir söz dedim: - Yaraşıqsan 

Zaqatala torpağına. 

 

 

BIR AZ GÜL, AY GÜLÜM 

 

Bir az gül, ay gülüm, heç kəs sənin tək, 

Belə gülə bilməz, ağlaya bilməz. 

O dağı sinəmin lap başından çək, 

Heç kəs sənin kimi dağlaya bilməz. 

 

Yamanca dövlətli olmuşam axı, 

Başımda qızılı şimşəklər çaxır. 

Gözümdən zər axır, mirvari axır, 

Bulaqlar da belə çağlaya bilməz. 

 

Qəlbimdə nə qədər nəğmə var hələ 

Sənin eşqin ilə ötürəm elə. 

Məni bu dünyaya zəncirlər belə, 

Bircə telin qədər bağlaya bilməz.  

 

 

 

 

 

 

 

---

_______________Milli Kitabxana___________________ 

 

83 

 

GÖZƏLLIK 

 

Onu mənə rəva görmür dost, tanış, 

Deyirlər ki, çox çirkindir sevgilin. 

Başqasına könül bağla, 

Gül, danış, 

Gözəl deyil, 

Yox, çirkindir sevgilin. 

 

Bu sözlərdən sular kimi bulandım, 

Düzü, buna dözmək asan deyildir. 

Təkcə onun həsrətilə dolandım, 

Axı, bunlar daha 

Pünhan deyildir. 

 

Eşq oldumu, 

yalan olur sir – sifət, 

Hansı qəlbdə 

Bu xoş duyğu gülməyib. 

Neçə qıza camal verib təbiət, 

Fəqət hamı gözəl ola bilməyib. 

Nə qəm, 

Onun söhbəti var,  

Sözü var, 

Ürəyimdə yuva salıb sözləri. 

Könlü təmiz, 

Fikri safdır su kimi, 

 

---

_______________Milli Kitabxana___________________ 

 

84 

 

Istəyini oxuyuram gözündən. 

Gözəlliyi heyran edib qəlbimi, 

Dost – tanışı 

Necə başa salım mən?! 

 

 

DƏLI ŞEYTAN 

 

Dəli şeytan, dəli şeytan, 

Yaman saldın oda məni. 

Dedin ki, sev o dilbəri 

Sevdim, sevdi o da məni. 

 

Bir ox atdı oxlarından, 

Dəyib keçdi çoxlarından, 

Oda salıb ahlarından, 

Sonra gəzdi suda məni 

 

Deyirdilər güldürəcək, 

Zahid Xəlil gül dərəcək, 

Deyən özü öldürəcək 

Qıymayacaq yada məni 

 

 

 

 

 

 

---

_______________Milli Kitabxana___________________ 

 

85 

 

 

HARADASAN 

 

Pəncərəmin önündən 

Ürkək – ürkək keçərdin. 

Hamı qoşa gəzərdi, 

Sən isə tək keçərdin.  

 

Gedərdin gedişinə, 

Küçələr heyran idi. 

Gülərdin gülüşündən 

Güllər pərişan idi. 

 

Eh sən yalqız gedərdin, 

Mən yalqız dayanardım. 

Sən açıq yandırardın 

Mən gizlincə yanardım. 

 

Günlər ötdü sovuşdu, 

Günlər günə qovuşdu. 

 

Bir qərib quşcuğaz tək, 

Uçdum mən həmin evdən. 

Aylar ötüb o vaxtdan, 

Illər keçib o ildən. 

 

Gəlmişəm ürəyimdə, 

O uğursuz illərin 

---