_______________Milli Kitabxana___________________
144
ZƏLIHƏ: - Elə bütün müəllimlər bu fikirdədir.
AFƏT: - Gedirəm Murtuzovun qəbuluna. Ax-
şam görüşüb Azərə birlikdə məktub yazarıq.
Hər ikisi gedir. Şəkil dəyişir. Təhsil şöbəsi
müdirinin otağı. Murtuzov Afətlə üz – üzə oturub.
MURTUZOV: - Heç yaxşı iş eləməmisən
müəllimə! Vəzifə başında məsul şəxsi təhqir etmək
yaraşan iş deyil, axı. O ki, qaldı 10
A
sinfinə, qızım,
daha nə fərqi var, həmin sinfin əvəzinə sənə başqa
bir sinif verərik də. Saatın azalmır, maaşına heç bir
təsiri yoxdur. Daha bundan ötrü bu qədər səs – küy
salmağına dəyərmi?
AFƏT: - Axı mənim öz sinfimi niyə alırsınız?
MURTUZOV: - Bilirsən, səs – küyü yatırmaq
üçün. Bax, o Natiqin də atası bir az demaqoqdu. Elə
rayonda da hörməti – filanı var. Götürüb ora – bura
səndən şikayət yazır. (Murtuzov bir qovluq kağızı
Afətin qarşısına qoyur). Budur bax, onun şikayət
məktublarıdır. Hamısını göndəriblər mənə
yoxlayım. Mən də elə Şakirlə birlikdə fikirləşdik ki,
bu qədər söz-söhbəti yatırmaq üçün ən yaxşı yol sə-
nin sinfini dəyişdirməkdir. Pis eləməmişik ki,
qızım.
AFƏT: - Pis eləmisiniz. Buna şahmat dilində
“atla gediş” deyirlər. Demək Natiqə medal ver-
məyin ən asan üsulu. Bilirsiniz ki, Natiqə beş ver-
mərəm. Camal isə onsuz da simasını itirmiş adam-
dır. Öz ailəsinin qədrini bilməyən adam şagirdlərin
_______________Milli Kitabxana___________________
145
qədrini heç bilməz. Beş bilənə iki verər, iki bilənə
beş.
MURTUZOV: - Bax, bu olmadı. Bu oldu bir
budaqda oturub min – bir budağı silkələmək.
AFƏT: - Sizinki də oldu Mirzə Səməndər
fəlsəfəsi. Dəymə mənə, dəyməyim sənə. Əl əli
yuyar, əl də üzü.
MURTUZOV: - Aşına – aşına axırda çıxdıq
ocaq başına? Mən maarif şöbəsinin müdiriyəm, ya
yox? Sizin haqqınızda göstərişim qətidir. Özünüzün
də töhmətiniz var. Belə getsə sizinlə işləyə bilmə-
yəcəyik, vəssalam.
AFƏT: - Mən də elə başa düşürəm. Deyəsən
işləyə bilməyəcəyik.
Pərdə
VIII ŞƏKIL
Nəcəfin evi. Camal müəllim, Şakir, Nəcəf
yemək – içməklə məşğuldurlar.
NƏCƏF: - Şakir müəllim, icazə versəydiniz bu
badələri də qaldırardıq şəxsən sizin sağlığınıza. Siz
bizim ən hörmətli yoldaşımızsınız. Rayonda sizdən
bir gül qədər inciyən olmayıb.
CAMAL: - (Onun sözünü kəsir) Əşşi siz, Şa-
kiri hələ iş başında görməmisiniz. Şakirin səsi kori-
dorun bu başından gələndə o başında arvadlar...
Eeh, quşlar qanad salar. Şakirin bir sözünü iki eli-
yənin Şakir gözünü çıxardar. Elə biz də onun
sayəsində bu fani dünyada ömür sürürük.
_______________Milli Kitabxana___________________
146
ŞAKIR: - Əşi bu təriflər nəyə lazımdır. Mən...
NƏCƏF: - Yox, canın üçün, lazımdı. Belə
məclislərdə lap ayrı – ayrı yerlərdə biz bir –
birimizi tərifləməyəcəyik, bəs kim tərifləyəcək?
Mən səni hər yerdə kişi görmüşəm, Şakir. Sən ki,
bu Camalı o Afətdi, mafətdi nədi onun o
məsələsində kişi kimi müdafiə elədin, kişi adamsan,
sən öl.
CAMAL: - Əşi bu kişi heylə Afətləri çox
görüb. Bir kötük üstündə çox şivlər doğranıb. Hələ
doğranacaq da, inşallah.
NƏCƏF: - Içək şəxsən Şakirin sağlığına. Gül
olsun, bülbül olsun, qəfəsdə olmasın.
CAMAL: - Şakir müəllim sizin əməlli şairliyi-
niz də var imiş. Dünənki rayon qəzetində şeiriniz
çıxıb.
ŞAKIR: - (Özünü təvazökar kimi göstərir)
Əşşi bir elə şey deyil. Amma yazıram.
NƏCƏF: - Yaxşı ay Şakir müəllim, siz şairlər
bu şeri necə quraşdırırsınız ey?
ŞAKIR: - Mən şəxsən belə yazıram. Evə çatan
kimi əvvəl yarım litr “Ekstranı” vururam bədənə.
Başqa içki olmaz. Düzdü, Ömər Xəyyam şərab
filan yazır. Yalan sözdü. Çaxır adamı gic eləyir.
Şeirinki araqdı. Elə ki, vurdum yarım litri bədənə,
dönüb oluram şirü – nər. Gözümə arvad – uşaq heç
nə görünmür, qələm dəftərdən savayı. Ondan sonra
yaz ki, yazasan. Təzə bir poema yazmışam. Adı da
“Kişi”dir. Elə bizim Murtuzov yoldaşa həsr elə-
_______________Milli Kitabxana___________________
147
mişəm. Axı biz realistlərik. Gərək qəhrəmanlarımız
da gördüyümüz adamlar olsun.
NƏCƏF (Sərxoş): - Şakir müəllim, bu mən
ölüm bir söz soruşum amma düzünü de.
ŞAKIR: - Soruş, soruş.
NƏCƏF: - Deyirlər cavanlıqda, yəni bir beş –
altı il əvvəl bu Afəti istəyirsənmiş, düzdü?
ŞAKIR: - stəyirmişsən deyəndə, Camal müəl-
lim də məni bağışlasın, bir az gəzdim, gördüm vinti
boşdu, buraxdım.
NƏCƏF: - Yaxşı ki, vaxtında başından eləmi-
sən. Yoxsa sizinki axıra kimi tutmazdı.
ŞAKIR: - Əşi mən işimə arif adamam.
NƏCƏF: - Doğrudan ay Şakir, o Afət necə
oldu?
CAMAL: - Getdi çala – çala.
NƏCƏF: - Hara getdi?
CAMAL: - Cəhənnəmə getdi, bezbilet. Şakir
müəllim ona bir əmr aformut elədi ki, kürreyi ərz
tökülə müəllimliyə bərpa oluna bilməz.
NƏCƏF: - Mən ölüm, düz deyirsən? Qadasın
alım Şakir müəllimin. Bir gəl səni öpüm. (Şakiri
öpür) Demək Natiq aldı qızıl medalı.
CAMAL: - Əşşi medalı da alacaq, instituta da
girəcək bizim köməkliyimizlə. (Mənalı şəkildə Şa-
kiri göstərib göz vurur. Yəni Şakirin yuxarılarda
adamı çoxdu. Nəcəf də mənalı şəkildə başını tər-
pədir)
Dostları ilə paylaş: |