330
- Özüm, özüm oxuyacağam, şair, sənin ilk oxucun özüm olacam. Bəri ver, ay
uşaq, qulaq asın. - Bu çağırışa ehtiyac yox idi, hamı onsuz da sükut içində qəzəlin
oxunmasını gözləyirdi. Mahmud ağa xüsusi bir bəlağətlə qəzəli oxudu və onun
möhrə olan mətlə bəndini bir daha cadan təkrar etdi:
Çağırın Qeys ilə Fərhadı yığılsın başıma,
Seyyidəm, ərseyi-eşq içrə sipah istəyirəm.
Məclisdən afərin səsi ucaldı, quşların səsinə qarışdı. Mahmud ağa zünü şairə
tutub dedi: - Seyyida, cəddinin təsəddüqü olum, gözəl sərkərdəsən. Yaxşı da aləmə
məşhur qoşunun var: Qeys, Fərhad... Yaxşı, bəs möhtərəm eşq sərkərdəsi, məni öz
qoşununda kimə şəbahət edirsən?
Seyid Əzim dostunun zarafatına eyni şuxluqla cavab verdi:
- Sən elə Mahmud ağasan, bundan özgə şöhrət nəyinə gərəkdi?
Mahmud ağa ucadan, ürəkdən bir qəhqəhə sovurdu:
- Əhməd ağanın ərvahına and olsun ki, doğru deyirsən, əhsənullah...
YENƏ DƏ SONA (davamı)
Qəziyyə çəkə bilənin, çəkənin dalınca gəzir... Sonadan xəbərim var! Çox il
keçib, Sonam qocalıb deməyə dilim varmır... Zəmanə onun, pərilər sultanının
simasında elə izlər buraxıb ki!.. Amma genə də gözəl-şairin ilham pərisi... Tərlanın
amanı-gümanı, əbədi evlənməyən, yalnız Sona deyib diyarbədiyar düşən
Tərlanın...
İsinin vəfatından heç bir il keçməmişdi ki, ovdan Əlyar bəyin cənani gətirdilər.
Atının əlvan çulu üstdən qara "gəncə" saldılar. Ağı-ağı dedi, Şahbikə bəyimin
dəfən-dəfən ürəyi keçdi... Arvad bu dərddən sağalmadı! Heç kişinin qırxı
verilməmiş, partdamaya "düşdü" dedilər, əli ürəyində, dilində Əlyar-Əlyar harayı
bu dünyaya göz yumdu. Bu qırx günün içində iri, dağ cəmdəyindən bir quru cənazə
qaldı. "...Özünü istəklinə tez çatdırdın, Şahbikə bəyim!.. Nə vəfalı arvadsanmış,
bəyim, nə vəfalı. Sən Əlyar bəyi necə də çox istəyirsənmiş, Şahbikə bəyim... necə
də çox istəyirsənmiş!...Dağ ürəyin dərd-qəm görməmişdi, birinci dərdə dözmədi,
partladı... Nə kövrəksənmiş, Şahbikə
331
Bəyim, heç kəs sənin o qat-qat ət basmış buxağına, topurca biləklərinə
baxanda, o təpə kimi qalxmış köksünün altında belə incə, belə sevən, vəfalı bir
qəlb olduğunu bilə bilməzdi. Səni mən də başqaları kimi, əhli-kef bilmişəm, səhv
etmişəm, Şahbikə bəyim! Ağa demişkən:
Qübari-məqdəmüvə dün ki, tutiya demişəm,
Gözüm çıxaydı ki, səhv etmişəm, xəta demişəm.
Mənim ki, könlümü qan eylədin vəfadəndir,
Qələtdir ol ki, səni yari-bivəfa demişəm.
Əsil aşiq sənsənmiş ki, canı canana tez yetirdin.
Bivəfa olub bivəfa dünyadə qalmadın,
Şahbikə bəyim! Mənim kimi...
Canı cananına bəzl etməyən aşiq, məsələn,
Bənzər ol zahidə kim, olmaya sahib-ixlas.
Sona özü də duymadan iş gördükcə Ağanın qəzəllərini bircə-bircə zümzümə
edir, elə bil ağı deyirdi.
...Günlər... ağır, məzəsiz günlər bir-birini təqib etdikcə Sonanın vəziyyəti bu
evde get-gedə çətinləşirdi. Əlyar bəyin varı-yoxu bircə oğlu var idi ki, onun da gah
Rusiyada, gah Tiflisdə, gah hardasa Firəngistanda təhsildə olduğunu deyirdilər.
Amma arabir Şahbikə bəyimin həsrətli ahlarından, bəzi nökər-nayıb arasındakı
söz-sovdan, xüsusilə Bəybala bəyin həmyaşı, uşaqlıq oyun yoldaşı İsinin
deməsindən Sona bilirdi ki, cavan bəy, Əlyar bəyin istədiyi kimi çıxmayıb.
Hardasa Allah bilir on beş-iyirmi ildir ki, vaxt ötürür, pul sovurur, özü də
deyirdilər ki, guya nə bilim "matışqa saxlayır", ya tatar qızı alıb, ya urus qızı, ya
erməni qızı... heç kəs səhih bir söz bilmirdi. Sona burda olduğu illərdə Bəybala bəy
cəmi ikicə dəfə doğma kəndlərinə gəlmişdi, bu da yaz macal yer-yurd göyərəndə
olmuşdu. Bəyzadə kənddə cəmi ikicə-üçcə gün qalıb çıxıb getmişdi. Gələn-gedən
əlindən o günlərdə nökər-qulluqçu əl-ayaqdan düşmüşdü. Şahbikə bəyimin gündə,
saatbasaat qonşu və ya öz kəndlərinin gözəl qızlarından göz oğurladıb göstərmələri
də kömək eləməmiş, Bəybala bəy çıxıb getmişdi. Şahbikə bəyimin cah-calallı toy
arzusu ürəyində qalmış, kamı gözündə qanmışdı. Şahbikə bəyim el adəti gəlin
gətirə, nəvə görə bilməmişdi. İndi atasının vəfatı münasibətilə telnən kəndə
çağırtdırılan Bəybala bəy, kişinin ancaq yeddisi veriləndən sonra gəlib çıxmış, bir
neçə gün sonra anasını da burada dəfh eləməli olmuşdu. Bəybala bəy bu gəlişində
ilişib kənddə qalmışdı...
332
...Bəybala bəy nökər-qulluqçuya o qədər də məhəl qoyan, onları , sayan adam
deyildi. İlk vaxtlarda bibisi Qiyaslı bəyin dul arvadı Mahcamal bəyim gəlib qardaşı
oğlunun yanında qaldı və bir növ təsərrüfata rəhbərlik elədi. Lakin qardaşı və
qardaşı arvadının ili veriləndən sonra öz evində ağalığa öyrənişmiş Mahcamal
bəyim, Bəybala bəyin sözlərinə, nəsihət və məsləhətlərinə qulaq vermədiyini görüb
çıxıb getmişdi. Mahcamal bəyim qardaşı oğlunu ya özünün, ya da o biri qar-
daşlarının qızlarından birinə evləndirmək istəyirdi. Bəybala bəy isə öz xaricdəki
arvadını və ondan olan oğlunu buraya gətirtmək fikrində idi. Bibi qardaş oğlu
sözləri çəp gəldi və Mahcamal bəyim küsüb getdi.
Yalnız bundan sonra Bəybala bəy, göz açıb ətrafına nəzər salmağa başladı. Bir
neçə dəfə Çəmənin ev-eşik yığdığını görüb "daha bu xarabada səndən başqa üzünə
tüpürüləsi hec kim yoxdu?" deyib qovmuşdu. Çəmən göz yaşları içərisində
mətbəxə gəlmiş və o gündən sonra bir daha ağalıq otağına, bəyliyə ayaq
basmamışdı.
...Bir neçə gün Sona heç fərqinə olmadı, o qədər iş-güc içində Qaratelin, bəy
otağına xörək-çörək apardığını, təkcə ona bəy otağını təmizləmək tapşırıldığını bir
neçə gündən sonra başa düşdü... Qara-tel!.. Bu adı ona Əlyar bəy vermişdi.
Deyirdilər ki, (o günlərdə Sona zahılığdan təzə durduğundan bəyin gözünə
görünmürdü, arada-bərədə çox dura bilmir, utanırdı) hə deyirdilər ki, nəvə həsrətli
Şahbikə bəyim Çəməndən çağanı alıb içəri otağa aparmış, ərinə göstərib demişmiş:
-Kişi, sən Allah bir bu çağaya bax...
-Nəyinə baxım?
-Yox ey, sən bir Allahm işinə bax! Dıtdağ, dırnaq boyda uşaqda telə bax, saç-
birçəyə bax...
Heyrət və bu qəribəlikdən doğan bir fərəhlə arvadın üzü elə gülürdü ki... Əlyar
bəy özünü saxlaya bilməyib baxmışdı:
-Kimindi Şahbəyim?
-Bıy, Sonanındı da... 0 şamaxılı qonağuvun göndərən kəniz,bizim Bəybalanın
nökərcəsi İsiyə alduğ ha... onlarındı dayna...
-Hə...
Bu "hə"də bir aləm var idi... Vaxtilə Sonanın gəncliyini Mahmud ağa
məclislərindən birindən xatırlayan Əlyar bəy, arvadına bir söz deməsə də, pərilər
soltanının rəqs etdikcə ətrafinda ilan kimi qıvrılan saçbağılı hörüklərini
xatırlamışdı...
-Şahbikə, çağaya hələ ad qoymamısan?
Dostları ilə paylaş: |