Ministry of education of azerbaijan republic sumgayit state university

AZƏRBAYCAN RESPUBLİKASININ MİLLİ TƏHLÜKƏSİZLİYİNƏ TƏHDİDLƏR 
VƏ ONLARIN ARADAN QALDIRILMASI YOLLARI 
 
Məlikova S.A. 
Bakı Slavyan Universiteti 
E-mail:
 
[e-mail] 
 
Dünyada baş verən sürətli dəyişikliklər fonunda ayrı-ayrı dövlətlər və bütövlükdə bəşəriyyət 
terrorçuluq, etnik separatizm və münaqişələr, transmilli mütəşəkkil cinayətkarlığın artması, kütləvi qırğın 
silahlarının yayılması, təbii ehtiyatların tükənməsi, əhalinin sayının durmadan çoxalması və kütləvi 
miqrasiyası, ətraf mühitin çirklənməsi və sair təhlükələrlə üzləşir. 
Bu amillər hər bir dövlətin təhlükəsizliyə qarşı risklərin müəyyənləşdirilməsini, həmin risklərin 
qabaqlanması və aradan qaldırılması üzrə adekvat tədbirlərin həyata keçirilməsini zəruri edir. 
Azərbaycan Respublikasının da dövlətin müstəqilliyini, ərazi bütövlüyünü, konstitusiya quruluşunu, 
xalqın və ölkənin milli maraqlarının daxili və xarici təhdidlərdən qorumağa yönəlmiş siyasətin məqsəd, 
prinsip və yanaşmalarının müəyyən edilməsi məqsədilə milli təhlükəsizlik konsepsiyası qəbul edilmişdir.
Azərbaycan Respublikasının yerləşdiyi region özünün qeyri-sabitliyi ilə fərqlənir. Azərbaycan 
Respublikası əhəmiyyətli nəqliyyat, kommunikasiya yollarınınn üzərində yerləşməsinə, təbii resurslarla 
zəngin olmasına baxmayaraq bir sıra təhlükəsizlik problemləri ilə də üzləşmişdir. Bunun ən bariz nümunəsi 
Azərbaycan Respublikasının qonşu Ermənistan tərəfindən hərbi təcavüzə məruz qalması və bunun 
nəticəsində ölkə ərazisinin bir hissəsinin işğal olunması və təxminən bir milyon azərbaycanlının məcburi 
köçkün və qaçqına çevrilməsidir. Bununla kifayətlənməyən Ermənistan Respublikası vətəndaşlarımıza qarşı 
terror aktları və soyqırım törətmiş, mütəşəkkil cinayətkar, o cümlədən beynəlxalq terrorçu qruplar tərəfindən 
qeyri-qanuni fəaliyyət həyata keçirilmişdir. Azərbaycanın məruz qaldığı bu təcavüz dövlətin öz milli 
təhlükəsizlik siyasətinin istiqamətlərini müəyyən etmək üçün əsas amil olmuşdur.
Azərbaycan Respublikasının milli təhlükəsizliyinə təhdidlər sıransında Azərbaycan Respublikasının 

---