Magistrantların XXI Respublika Elmi konfransı, 17-18 may 2021-ci il
411
Şəkil. Azərbaycanın Xəzəryanı çökəkliyinin Üst Yura çöküntüləri üzrə icmal xəritəsi
Lokal strukturlar: 1- Xoşmənzil, 2- Rukel, 3- Balhaz–Xunuq, 4- Ekendil–Hacinohur, 5- İmamqulukənd, 6-
Şirvanlı, 7- Yalama, 8- Xudat, 9- Qusar, 10- Xaçmaz, 11- Ağzıbirçala, 12- Təlabi, 13- Şabrançay, 14-
Qaynarçay, 15- Qızılburun, 16- Keşçay, 17- Bəyimdağ–Təkçay, 18- Hadisu, 19- Sitalçay, 20- Şuraabad, 21-
Yaşma, 22- Samur, 23- Yalama–Dəniz, 24- Xudat–Dəniz.
Cənub-Şərqi Qafqazın Üst Yura çöküntülərinin stratiqrafiyası N.B.Vassoyeviç, V.Y.Xain, V.V.Veber
və b. tərəfindən XX əsrin 30-40-cı illərində öyrənilmişdir. Nəticədə region üçün bir sıra vacib nəticələr əldə
edilmişdir. Daha sonra M.M.Əliyevin və Q.Ə.Əlizadənin rəhbərliyi altında böyük paleontoloqlar kollektivi
tərəfindən (A.Y.Xəlilov, Ak.A.Əlizadə, J.M.Xəlilov, G.Q.Qasımova, N.M.Qasımova, D.A.Ağalarova,
Ç.Ə.Tahirov, Z.V.Kuznesova və b.) Cənub-Şərqi Qafqazın mezozoy çöküntülərinin mikro və makro faunası
fundamental tədqiq olunmuş, regionun yura və təbaşir çöküntülərinin stratiqrafiyası xeyli dəqiqləşdirilmişdir.
Xəzəryanı çökəkliyin Üst Yura çöküntülərinin stratiqrafiyası, litologiyası və neft-qazlılıq
perspektivliyi ilə Q.M.Sultanov, Ç.M.Xəlifəzadə, S.S.Səmədov və V.B.Ağayev keçən əsrin 60-70-ci
illərində məşğul olmuşlar. Əldə olunmuş yeni məlumatlar Cənub-Şərqi Qafqazın Orta Yura kəsilisləri ilə
uzlaşdırılmışdır.Bununla belə, Şərqi və Cənub-Şərqi Qafqazın və Xəzəryanı çökəkliyinin Üst Yura
çöküntülərinin strаtiqrafiyası, litоlоgiyasına, palеоcoğrafiyasına aid olan yeni melumatlar Ç.M.Xəlifəzadə və
Ə.M.Maqomedovun monoqrafiyasında öz əksini tapmışdır.
RADİOAKTİV KAROTAJI ÜSULLARI KOMPLEKSİNƏ GÖRƏ QUYU
KƏSİLİŞLƏRİNİN TƏDQİQİ
Bayramova İ.İ.
Azərbaycan Dövlət Neft və Sənaye Universiteti
E-mail:
ilbayramova95@gmail.com
Son illərdə neftli-qazlı kollektor layların tədqiqatı onların perspektivliyinin öyrənilnəsi vacib
məsələlərdən biri hesab olunur. Bu kimi məsələlərin həllində quyularda aparılmış karotaj üsulları
məlumatları kompleksindən istifadə edilir. Tətbiq olunan karotaj üsulları içərisində radioaktiv karotaj üsulu
həll etdiyi məsələlərin müxtəlifliyi ilə digər üsullardan fərqlənir.
Radioaktiv elementlərin Yer qabığında yayılmasını öyrənmək radioaktiv karotajın əsas
məsələlərdəndir və radioaktiv karotaj üsulları kompleksinin quyularda tətbiqinin nəticələrindən bir sıra
məsələlərin həllində istifadə edilir.
Radioaktiv karotaj üsullarının bir neçə növü vardır ki, bu üsullarda öyrənilən məsələnin müxtəlifliyinə
görə quyularda tədbiq edilir. Belə ki, qamma karotajı məlumatlarından kollektorların gillilik və keçiricilk
əmsallarının öyrənilməsində istifadə edilir.
|