Magistrantların XXI Respublika Elmi konfransı, 17-18 may 2021-ci il
408
Uşağa doğma təbiətin gözəlliyini görməyi, onu qorumağı və sevməyi öyrətmək coğrafiya müəlliminin
vəzifələrindən biridir. Dərsdə hər şeydən əvvəl təbiət, iqlim xüsusiyyətləri və doğma diyar haqqında biliklərə
yönəldilən bilik istəyi yaranır.
Ölkənin və bütün dünyanın təbiətinin öyrənilməsi öz diyarının təbiəti ilə müqayisəyə əsaslanmalıdır
ki, bu da uşaqların şəxsi təcrübəsinə, müşahidələrinə və dünyagörüşünə arxalanmağa imkan verir.
Vətənə məhəbbət doğma yerlərinə - insanın doğulduğu, böyüdüyü, yaşadığı şəhərə, kəndə sevgi ilə
əlaqədardır. Son vaxtlarda Azərbaycanda doğma diyarın öyrənilməsi probleminə maraq kəskin şəkildə
artmışdır.
Diyarşünaslığa olan maraq cəmiyyətin obyektiv ehtiyacları, öz Vətəninin təbii və sosial-mədəni
dəyərlərinə qayğı ilə yanaşan vətəndaşın şəxsiyyətini formalaşdırmağın zərurətindən irəli gəlir. Eyni
zamanda şagirdin şəxsi xüsusiyyətlərinin formalaşması istiqamətində bir oriyentasiya gedir, bunlar arasında
birinci yerə aşağıdakılar qoyulur: "öz xalqını, torpağını, vətənini sevən". Verilən xarakteristikanın
formalaşmasında xüsusi rol diyarşünaslığa ayrılmışdır.
Diyarşünaslığın əsas məqsədi ümumbəşəri mədəniyyət dəyərlərinə bələd olmuş, humanizm, azadlıq,
demokratiya ideallarını mənimsəmiş və ölkəsinin taleyindən məsul olan bir şəxsiyyətin formalaşmasıdır.
Coğrafiyanın tədrisində diyarşünaslıq yanaşması böyük əhəmiyyət kəsb edir, o məktəblilərə görməyi, hiss
etməyi, müşahidə etməyi, yaratmağı öyrədir.
Şagird üçün diyarşünaslıq materiallarının aşılanması dünyanın təbiətinin və təsərrüfatının
öyrənilməsinə açılan bir “pəncərə”dir. Bu doğrudan da belədir. Coğrafiyanın öyrənilməsi əslində birbaşa
diyarşünaslıqdan başlayır.
Məktəb şagirdlərə sistemləşdirilmiş bilik verir və burada öz regionları barədə məlumat əldə edilir,
şagirdləri əhatə edən, təbiətə, tarixə, öz xalqının mədəniyyətinə qayğı ilə yanaşma münasibətləri aşılanır.
Coğrafiya təhsilində əsas problem nəzəri biliklərlə praktiki tətbiq arasındakı boşluqdur. Məktəblilər
böyük anlayış kütləsi öyrənirlər, amma praktikada öyrənilən materialın yalnız 20-30% -i ilə qarşılaşırlar.
Şagirdlər tədris materialını öyrənərkən təpələrin, çay terraslarının, yarğanların, bulaqların,
bataqlıqların, göllərin coğrafi modelləri və fotoşəkilləri ilə tanış olur, lakin həyatda bu təbii obyektlərlə son
dərəcə nadir hallarda qarşılaşırlar.
Buna görə də, məktəb coğrafiya diyarşünaslığı nəzəriyyə ilə təcrübə arasında "körpü" ataraq
bu boşluğu doldurma işini həyata keçirir.
Coğrafiya dərslərində diyarşünaslıq materiallarından istifadə
şagirdlərin daha dərin və daha güclü biliklərinin formalaşmasına, uşaqların ətrafdakı təbiətin gözəlliyini
bilməsinə kömək edir, yaradıcılıq güclərini oyadır və mənəvi cəhətdən inkişafa səbəb olur.
Məktəb təcrübəsi tələbələrin ciddi şəkildə diyarşünaslıq biliklərinə sahib olmalarını tələb edir.
Coğrafiya dərsləri üçün material toplanmasında öz diyarları ərazisində diyarşünaslıq ekskursiyalarının,
turistik səfərlərin və yay ekoloji ekspedisiyaların keçirilməsi əhəmiyyət kəsb edir. Bu, misilsiz diyarşünaslıq
materiallarının toplanmasına, dərsin məzmununun canlandırılmasına, daha maraqlı və təsirli olmasına kömək
edir.
Coğrafiyanın tədrisində diyarşünaslıq prinsipinin tətbiqi müəllimdən müxtəlif metod və priyomların
bacarıqlı əlaqəlndirilməsini tələb edir. Coğrafiya müəllimi coğrafiya elminin bütün tədqiqat metodlarından
xəbərdar olmalıdır(müqayisəli, kartoqrafik, statistik və s.). O, diyarşünas, ölkəşünas tədqiqatçı olmalıdır.
Yaşadığı yerin coğrafiyasını bilməli, ərazidə praktiki işlərin və ekskursiyaların aparılması zamanı daha çox
mənalı yerlərin seçilməsində kömək etməyi bacarmalıdır. Coğrafiyanın öyrənilməsində diyarşünaslıq
prinsipinin həyata keçirilməsi öyrənilən mövzunun məzmunun həyatla daima əlaqələndirilməsinə köməklik
edir.
Bəzi hallarda coğrafi anlayışların mənimsənilməsi regionun bilavasitə öyrənilməsi; digər hallarda -
doğma yerlər haqda mövzuya uyğun hər hansı bir rayon və ya hətta ölkələr barədə söhbət etmək yolu ilə baş
verir, dərslərdə şagirdlər diyarın coğrafiyasının məlum anlayışlarına əsaslanaraq doğma yurdun və bəzi xarici
ölkərin təbiətini və təsərrüfatının xüsusiyyətlərini başa düşürlər.
Nəhayət, dərslərdə yerli məlumatlar əsasında tərtib edilmiş təbii və illüstrativ əyani vəsaitlərin dərslərə
tətbiqinin də fənn proqramının mənimsənilməsinə kömək edəcəkdir.
Müasir kompüter texnologiyası, interaktiv lövhələr, rəqəmsal kamera, skaner və geniş İnternet
mənbələrindən istifadə edərək dərsi müşaiyət etmək üçün əla elektron təqdimatlar edilə bilər.
Dostları ilə paylaş: