|
![](/i/favi32.png) Ministry of education of azerbaijan republic sumgayit state universityMagistrantların XXI Respublika Elmi konfransı, 17-18 may 2021-ci ilmagistr2021 3 2Magistrantların XXI Respublika Elmi konfransı, 17-18 may 2021-ci il
44
parçalanması üsulundan istifadə etmək əvəzinə, plazma impuls texnologiyası yüksək enerjili plazma dalğası
yaradır ki, bu da bir saniyə ərzində istilik və akustik dalğalar şəklində böyük enerji yaradır. Sonralar bu
impuls dalğaları perforasiya, kiçik məsamələr,qazma məhlulu zonasından və s. keçərək keçiriciliyin
artmasına səbəb olur. Bununla yanaşı, istismar olunan layın dərinliyinə bir sıra impuls dalğaları daxil
olduqca nano və mikro qırılmaların meydana gəlməsinə səbəb ola bilər. Beləliklə neftin hərəkət qabiliyyəti
artır ve quyulara doğru hərəkət etməyə başlayır. Son nəticə bütün il ərzində davam edə biləcək istehsalın
artımıdır. Metod insanlara və ya ətraf mühitə zərərli kimyəvi maddələrdən istifadə etmədən həyata keçirilir.
Qeyri-xətti, geniş zolaqlı, dövri və elastik dalğalar 1 Hz-dən 20 kHz-ə qədər tezliyə malikdir. Elastik
titrəmələr təqribən əlli ilə əlli beş saniyə arasında qısa bir təkana malikdir və aşağı sürətdə cərəyan mühiti
vasitəsilə yayılır.
Hər texnologiya tətbiqi və mövcud texnologiyalardan fərqli olan prinsiplər nəzəriyyəsi əsasında
hazırlanır. Dəstəkləyici nəzəriyyələr texnologiya sınanana və qənaətləndirici nəticələr alınana qədər
spekulyar hesab olunur. Plasma impuls texnologiyası (PPT) dünyanın hər yerində 200-dən çox quyuda
müvəffəqiyyətlə tətbiq edilmişdir və müvəffəqiyyət orta hesabla 500% təşkil edir və tətbiq edilmiş quyularda
təsir 5-6 ay təşkil edir. Çox az sayda quyularda problemlər yaranmışdır. Bu üsulun tətbiq olunma perspektivi
laya təsir olunması zamanı xərclərin azaldılması və ağır olmayan qurğulardan istifadədir.
QIRMIZI ŞƏRABLAR İSTEHSALI ÜÇÜN MÜASİR VİNİFİKATORLARIN TƏDQİQİ
Əlləzova S.İ., Məmmədova N.N.
Azərbaycan Dövlət Aqrar Universiteti
E-mail: nanoallazova@.mail.ru,
lale.memmedova.78@mail.ru
Qırmızı şərablar istehsalı üçün şaquli və üfüqi tipli fasiləli işləyən vinififaktorlar, həmçinin
termovinifikasiya əsasında işləyən (“Red Xanter” tipli) fasiləsiz qurğular tətbiq olunur (şəkil 1).
Burada iş prosesi belə gedir: Əzinti əzicidən sonra SO
2
dozatoru köməyilə axında sulfitləşdirilir və
vinifakatora verilir. Burada saxlanma, yaxud 2-8 gün müddətində əzintidə qıcqırtma aparılır. Həmin
müddətdə rəng və ətirli maddələrin ekstraksiyası baş verir.
Beləliklə vinifikatordan əzintidə saxlanılmaqla alınmış qırmızı şirə, yaxud bir qədər qıcqırmış şirə, və
ya tam qıcqırmış şərab materialı almaq olar. Şaquli vinifikatorlar özünü paslanmayan poladdan hazırlanmış
və temperaturu tənzimləmək üçün köynəklə təchiz olunmuş tutum kimi göstərir. Onların olduqca çox fərqli
konstruksiyaları mövcuddur. Bütün bunlar ekstraskiya prosesini yaxşılaşdırmaq üçün maye və bərk fazalar
arasındakı təması gücləndirməyə xidmət edir. Ən geniş yayılmış sxemdə tutumun aşağısında nasos olur və
onun vasitəsilə şirə aşağıdan götürülərək üstə vurulur. Tutumun yuxarısında yerləşən suvarıcı qurğudan
keçməklə şirə üzən “papağ”ı, əzintini sulayır.
Şəkil 1. “Red Xanter” termovinifikatorun sxematik görünüşü
Digər vinifikatorda isə güc ötürücü və xüsusi qol olur və o, fasiləli qaydada üzən “papağ”ı, əzintini
batırır.
|
|
|