Müasir təlim texnologiyalarının prinsipləri
və onların tətbiq imkanları
Təlim prinsipləri didaktikanın mühüm vəzifələrinin həyata keçirilməsinə xidmət edir. Prinsiplər qarşıya elə vəzifələr qoyur ki, müəllim bunlara əməl etməklə şagirdlərin yüksək tədris uğuruna nail olmaq imkanı qazanır.
Təlim zamanı müəllimin fəaliyyətinin ümumi istiqamətini müəyyən edən prinsiplər pedaqoji ədəbiyyatda müxtəlif tərzdə təsnif edilir.
Məsələn, V.A.Slasteninin həmmüəllifliyilə nəşr olunan “Pedaqogika” dərsliyində təlim prinsiplərinin təsnifatı aşağıdakı kimi verilmişdir: “elmilik; tərbiyəedici təlim; təlimin tətbiqi; təlimin ardıcıllığı və sistemliyi; təlimdə fərdi yanaşma; təlimdə yaşauyğunluq; təlimdə yaradıcı inkişafın təmin edilməsi; təlimin çətinlik dərəcəsinin nəzərə alınması; əyanilik; mövzunun mürəkkəblik dərəcəsindən asılı olaraq uyğunlaşdırılması [5. §15.2].
Y.K.Babanski isə təlim prinsiplərini aşağıdakı kimi təsnifatlandırır: elmilik; təlimin həyatla əlaqələndirilməsi; sistemalilik və ardıcıllıq; əyanilik; təlim prosesində müxtəlif metodlardan istifadəetmə və təlimin asan (anlaşılıqlı) mənimsədilməsi prinsipləri.
B.Əhmədova görə, təlim prinsipləri sırasına təlim zamanı təlim materialının onun məqsədi zəminində seçilməsi; təlim vasitələrinin məzmuna görə seçilməsi; təlimdə şagirdin imkanının nəzərə alınması; elmilik; şüurluluq; fəallıq və müstəqillik; sistemlilik və ardıcıllıq; fənnin daxili məntiqinin gözlənilməsi; biliyin möhkəm mənimsədilməsi; reproduktiv və produktiv təfəkkürün vəhdəti; biliklə fəaliyyətin birliyi (və s.) kimi prinsiplər daxildir.
Yeni təlim texnologiyalarının prinsiplərinin təsnifatlanması işinə müxtəlif mövqelərdən yanaşılmaların olması bizi istər ənənəvi, istərsə də müasir pedaqoji ədəbiyyatda olsun, fərq etməz, təlim prinsiplərinin hələ də konkret olaraq öz həllini tapmadığı qənaətinə gəlməyə sövq edir. Ancaq unudulmamalıdır ki, təlimdə müvəffəqiyyət qazanmaya gedən yol təlim prinsiplərindən keçir. Bu mütləqdir.
Yeni təlim texnologiyaları əsasında həyata keçirilən təlim prinsiplərini mütəxəssislər iki qrupda təsnifatlandırırlar: a) şagirdi rəqabətəqabil, sosial, hərtərəfli inkişafa hazırlayan təlim-tərbiyə prinsipləri və b) İnteraktiv təlim zamanı rəhbər ideyalar kimi qəbul edilməli prinsiplər.
A) öyrənəni rəqabətəqabil, sosial, hərtərəfli inkişafa hazırlayan təlim-tərbiyə prinsipləri “Azərbaycan Respublikasında Təhsil İslahatı Proqramı”nda əksini aşağıdakı kimi tapmışdır [1.]:
Dostları ilə paylaş: |