İnteraktiv təlim özündə hansı metod və texnikaları birləşdirir? Akif Nəzərov interaktiv təlimi mahiyyətinə görə “beyin həmləsi”, müzakirə, rollu oyunlar, prezentasiya, tədqiqatın aparılması və təşkilati olmaqla 6 qrupda təsnifatlandırır.
İnteraktiv təlim bura
1. “Beyin həmləsi” metodlarına hücum, BİBÖ, auksion, klaster, suallar, anlayışların çıxarılışı, söz assosiasiyaları, insert;
2. Müzakirə metodlarına müzakirə, diskussiya, debatlar, müzakirə xəritələri, Sokrat üsulu, akvarium;
3. Rollu oyunlar metodlarına rollu oyun, modelləşdirmə, səhnələşdirmə,
4. Prezentasiya metodlarına təqdimatlar, esse;
5. Tədqiqatın aparılması metodlarına problemin həlli, kublaşdırma, konkret hadisənin araşdırılması, Venn diaqramı, lahiyələrin hazırlanması, sorğu vərəqləri və müsahibələr, qərarlar ağacı, ideyalar xalısı, refleksiya;
6. Təşkilati metodlara isə ziqzaq, karusel kimi qaydaları daxil edir.
Yeni təlim texnologiyalarının şəxsiyyətin formalaşmasında xüsusi yeri var. Yeni təlim texnologiyalarının tətbiqi nəticəsində təhsilalanlar öz fikirlərini aydın, məntiqi ardıcıllıqla ifadə etmək kimi vacib keyfiyyətlərə yiyələnmiş olurlar. Yeni təlim metodları öyrənənlərin yaradıcılıq qabiliyyətinin inkişafını təmin edir, onlarda yüksək ünsiyyət mədəniyyəti formalaşdırır.
Ancaq yeni təlim texnologiyaların tətbiqi heç də ənənvi təlim texnologiyalarından tamamilə imtina etməyə əsas vermir. Bu, yolverilməzdir. Ənənəvi təlim texnologiyalarının müsbət tərəflərindən bəhrələnməklə yeni yanaşmalara, yeni təlim texnologiyalarının, innovasiyaların pedaqoji-psixoloji əsaslarını mənimsəmək və təlim-tərbiyə prosesinin elmi əsaslarının müasir tələblərə uyğun aparılmasına müvəffəq olmaq lazımdır. Bu gün Azərbaycan təhsilinin qarşısında duran aktual problem budur.
Təlimin məqsəd və məzmununun keyfiyyətlə icrası seçilmiş metodların praktik imkanlarından asılıdır. Bu imkanları məhz metodlar təmin edir və didaktik sistemin inkişaf sürətinə təkan verir. Təlim zamanı tətbiq edilən metodlar inkişafa nə qədər çox zəmanət yaradarsa, təlimin səmərəsi bir o qədər yüksək olаr. İnteraktiv təlim metodları bu mənada üstünlük təşkil edir.
Akif Nəzərov mütəxəssislərin bu fikrilə həmrəydir ki, interaktiv təlim metodları üç əsas funksiyanı yerinə yetirir: pedoqoji, psixoloji və sosial. Pedoqoji funksiyaya təhsilalanın inkişafına təsir göstərən mikromühit, kommunikasiyalar, şəxsi təcrübə və metod kimi amillər; psixoloji funksiyaya öyrnənənlərin səyi, marağı, xarakterik xüsusiyyətləri; sosial funksiyaya əxlaq, əmək, elm, incəsənət, din və s. ilə əlaqəli bilik və bacarıqlar daxildir.
Respublikamız müstəqilliyini və suverenliyini bərpa edəndən sonra inkişafın xarakterinə uyğun olaraq təlim metodları da forma və məzmunca yenilənib. İndi təhsil müəssisələrinin qarşısında müstəqil düşünən, kamil, rəqabətəqabil şəxsiyyət, yaradıcı insan yetişdirilməsi məsələsi problem kimi qoyulmuşdur. Bu prosesdə isə, təbii ki, milli-mənəvi dəyərlər müstəsna dərəcədə nəzərə alınmalıdır.
Bütün bunlar “Azərbaycan Respublikasında təhsil sahəsində İslahatı Proqramı”nda (15 iyun 1999-cu il) öz əksini tapmış, yeni təlim metodlarından, təlim texnologiyalarından istifadənin elmi, pedaqoji-psixoloji əsaslarının işlənməsini problem kimi qarşıya qoymuş, “İlkin müəllim hazırlığı, təhsilin məzmununun təkmilləşdirilməsi, idarəetmənin yeniləndirilməsi, maliyyələşmənin, qiymətləndirmənin yeni modelinin işlənməsi və s. durmuşdur” [2. s17].
Qənaətimiz bizi bu fikri qəbul etməyə sövq edir ki, yeni təlim metodları təfəkkür prosesinin inkişafında əhəmiyyətli rol oynayır, nəticədə təhsilalanlar tədris olunanı daha mükəmməl mənimsəmək və müstəqil cavablandırmaq bacarıqlarına yiyələnmiş olurlar.
Bunu da qeyd edək ki, yeni texnologiyalar tədris strategiyasinın yerinə yetirilməsi işinə istiqamətləndirildiyindən, nəzərdə tutulan məqsədə çatmaq işində müəllim əməyi təhsilalan üçün xüsusi əhəmiyyətə malikdir.
Professor Ə.Ə.Ağayev yeni təlim texnologiyalarının üstünlüklərindən bəhs edərkən yazır ki, bu zaman “...dərs tam fəallıq şəraitində keçir, təkcə müəllim deyil, şagirdlər də yaradıcılıq axtarışında olurlar, müstəqil düşüncə tərzi formalaşır, təşəbbüskarlıq, yeniliyə meyllilik güclənir”.
Bu isə nəticə etibarı ilə özlüyündə müəllimin öhdəsinə düşən vəzifəni ona bir daha diktə etmiş olur, başqa sözlə müəllimə xatırlatmış olur ki, öyrənəni təlimin fəal iştirakçısı olmaq üçün hazırlamaq onun vəzifə borcudur. Müəllim öyrənənə dünyanı başa düşməkdə və qazandığı bilikləri həyatda tətbiq etməkdə yardımçı olmalıdır.
Ancaq bu da unudulmamalıdır ki, öyrənənlərin tədqiqat sahəsinə cəlb olunması, müəllim tərəfindən problemli şəraitin yaradılması, biliklərin öyrənənlər tərəfindən müstəqil əldə edilməsi kimi bir sıra xüsusiyyətlər ənənəvi təlim metodlarında da olub. Fərq isə burasındadır ki, bu xüsusiyyətlər Ənənəvi Təlim Metodlarının heç də hamısında yoxdur.
Yeni təlim texnologiyaları təfəkkürün inkişafına səbəb olacaq konstruktivizm; şagirdlərin sosial inkişafına səbəb olacaq kooperativ təlim; biliklərin müstəqil əldə edilməsi üçün şəraitin yaradılması; bilik və bacarıqların müstəqil şəkildə əldə edilməsi; müəllimin təşkilatçı, koordinator, bəzi hallarda hətta arbitr simasında çıxış etməsi kimi prinsiplərə əsaslandıqda öyrənənlərin yaradıcılıq qabiliyyətini daha çox inkişaf etdirmək imkanları yaranır.
Mütəxəssislər bu qənaətdədirlər ki, Yeni Təlim Texnologiyalarının tətbiq edildiyi dərslər qrup və kooperativ əsaslı öyrənmə halında olmaqla iki formada təşkil olunur. Bu dərslərdə üstünlük qrup formasına verilir. Qrupu təşkil edən şagirdlər verilmiş tapşırığı qarşılıqlı ünsiyyət və mülahizə zəminində yerinə yetirirlər.
Kooperativ təlim zamanı isə şagirdlər öz məqsədlərinə yalnız birgə fəaliyyət göstərdikləri digər şagirdlərlə eyni vaxtda çata bilərlər. Kooperativ əsaslı öyrənmə təlim tapşırığının elə təşkilini tələb edir ki, şagirdlər dərsin məqsədinə özünün və kiçik qruplardakı yoldaşlarının səyləri nəticəsində nail olsunlar. Kooperativ təlimə aid öyrənmə modeli D.Conson və R.Conson tərəfindən yaradılmışdır.
Ənənvi didaktikada isə kooperativ (əməkdaşlıq əsaslı) təlimdən fərqli olaraq təlim tapşırıqları frontal, qrup və fərdi olmaqla üç formada verilir.
Dostları ilə paylaş: |