|
MüASİr təLİm texnologiyalarinin təTBİQİNƏ Əsaslanan yeni MƏzmunlu təHSİl problemi
|
səhifə | 5/6 | tarix | 28.11.2023 | ölçüsü | 213,46 Kb. | | #133502 |
| 2 AYƏTXAN Məqalə PEDAQOJİ1. Demokratikləşdirmə təhsil prosesinin demokratikləşdirilməsində maraqlı olan bütün tərəfləri, dövlət strukturlarını və ictimaiyyət nümayəndələrini (müəllim, şagird və valideynləri) təhsil prosesində fəal iştirak etməyə cəlbetmə, tədris müəssisəsinin “şəffaflığı” prinsipinin həyata keçirilməsi deməkdir;
2. Təhsilin humanistləşdirilməsi öyrənənə münasibətin dəyişilməsini, yaradıcı inkişaf qabiliyyətli və humanist yönümlü şəxsiyyət formalaşdırılmasını; əqli və fiziki imkanlarından, öyrənmə qabiliyyətindən asılı olmayaraq öyrənənin şəxsiyyətinə hörmətlə yanaşılmasını; onun qabiliyyət və təmayüllərinin aşkar edilməsini, hərtərəfli inkişafı üçün şərait yaradılmasını nəzərdə tutur;
3. Təlimin diferensiallaşdırılması prinsipi öyrənənin imkanlarının nəzərə alınması ilə qurulur;
4. Fərdiləşdirmə prinsipi tətbiq olunarkən, öyrənənin fərdi maraq və tələbatları nəzərə alınmalıdır;
5. Təhsilin inteqrasiyası - fənlərin öyrənilməsi zamanı fənlərarası əlaqələrin aşkar edilməsi əsasında qlobal təfəkkürün formalaşdırılmasının vəcibliyini nəzərdə tutur;
6. Təhsilin humanitarlaşdırması şəxsiyyətin yaradıcı inkişaf prosesinin şərti kimi çıxış edir və təhsilin məzmununun formalaşmasına yeni yanaşmanı nəzərdə tutur. Və bu ümumbəşəri dəyərlərin yaradılması ilə bağlı fənlərin rolunun artmasını, öz xalqının mədəniyyətinə birləşmə və dünya mədəniyyətinin dəyərləri ilə tanışlığı ifadə edir.
B) Digər qrupa daxil olan prinsiplər, başqa sözlə praktikada interaktiv təlim üsullarının tətbiqi zamanı istiqamətverici ideyalar kimi tətbiq edilməsi tövsiyə olunan prinsiplər:
1. Şagirdə yönəlmiş təlim prinsipi zamanı şagird təlim prosesinin mərkəzi obyekti mövqeyində çıxış etməlidir; təlim uşağın imkan və qabiliyyətinə, onun biliyinə, maraq və tələbatına yönəlməlidir;
2. Fəal təlim prinsipi tətbiq olunarkən isə tədris prosesi elə təşkil olunmalıdır ki, idrak fəallığını, təbii öyrənmə fəaliyyətini doğursun, şagird özünü təzə nə isə kəşf etmiş birisi kimi hiss etsin, onda yeni biliklərə yiyələnmək marağı oyansın;
Dostları ilə paylaş: |
|
|